شركات التغذيه منو احسن فيهم وجم نزلتى

[A.A.Desiner]

قوه يا حلوات يا رشقيات ويابطات

الظاهر مافي غيري أنا وديزاينر

اليوم رحت اول زيارة لي بالدايت كير

صج صج غير وفرق

ووايد أحسن من دايت سنتر شغل عدل وإنشالله يبدي توصيل الوجبات بعد يومين

وخذيت برنامج الكامل بس بدون ريوق

وإنشالله قلت إذا لقيت نتايج حلوه وياهم بكمل معاهم ليما يوصلوني لسيف سايد

وصج صج ماني مفكره أجرب ولا شركة ثانيه

صج إهم التوب 1 بالكويت

وزحمة عليهم

وإخصائيتي فرح وايد حبوبه وكيوت وشجعتني وايد

اي والله شفتي ورده ماكو احد يالله اهم شي نشيل الموضوع

المهم انج رحتي واخيرا الدايت كير يما نصحنا ناس قلنالهم والله مضمونين وساعات ورده في ناس ماتلتزم بالبوكس او جسمها ماينزل بسرعه تشوفين شوهو السمعه والله عندي انا اقط فلوسي الله لا يقول حتي لوو مانزلت بسرعه عالاقل الاكل اللي اكله صحي ومفيد للواحد والرياضه مهمه للجسم وتنزل الوزن بسرعه

والقرار اليديد بصراحه انا تعودت عليهم واللحين تخيلي انا مسافره دقيت مكالمه عشان بس اوصل ثاني يوم انا عندهم بس خربطت وايد والجو بارد ما يشجع كلا تيوعين لوووول
ماصارت كل يوم مطيحه بمركز سلطان شاريه من ثلاجتهم لووووول

وصدقيني ورده انضبطي بس بالبوكس وسوي رياظه بسيطه والله انتي مو اقل من 5 تنزلين بالشهر​

 

[راعية الطويلة]

مراحب بنات اشلونكم ؟؟؟؟؟

كاني وياكم حبايبي بشيل الموضوع

انا خلصت اشتراكـــ الشهر بدايت سنتر

عند ندا بصراحة حلو و متنوع ووايد قالوا لي باين الضعف عليج

بس بصراحة مشواري طويل شوي مع اني مو وايد دبدوبة وزني الحين 78

بس جسمي زيادته كلها دهون وتعرفون الدهون مو بسرعة تنزل

وودي اكفي من نفسي خاصة ان شهيتي للأكل صارت مناسبة و خفيفة

اشرايكم ؟؟؟؟ ساعدوني واذا عندكم افكار حق اشياء تساعد على انقاص الوزن وتكون صحية

فيدوني حبايبي

مستنياكم:eh_s(21):​

 

[وردة النرجس]

هاى حبيبتي

حياج الله بالصفحة

اول شي ديزانر زين تسوين خلينا نساند بعض دام إحنا بنفس المشوار

والله يسمع منج وأشوف نتايج حلوه وتبشر بالخير مع دايت كير

بس سؤال إذا حسيت اني شبعت والكمية كثيره علي ؟؟ عادي ماأكمل الوجبة ؟؟ ولا لازم أخلص البوكس كله

وبالنسبه لج إختي راعية الطويله زين دامج عدلتي شهيتج والحين تبين تسوين بروحج عندج الأوراق حاولي تمشين نفس أكلهم يعني نفس الكمية

ومنيو مشابهه مثل ماإنتي تآكلين وحاولي يكون زيتج لايت وكلا مشواي والحلو تقدرين تآكلين أى نوع كاكاو بس ميني

وخليج يوم بالإسبوع طلبي منهم دايت سنتر خل ييبون لج الغدا والعشى والسناك

وحاولي أنج إذا إنعزمتي ماتخربطين وتكثرين سلطات وتآكلين الي بخاطرج بس صنف واحد ونص الكمية

وإنشالله كوني معانا إهني بهالصفحة وإحنا راح نساند بعض أول بأول

 

[A.A.Desiner]

هلا والله ورده

اي عمري انشالله بنساند بعض وراح نضعف قريب بالعزيمه والاراده

وعلي طاري الشبع اذا شبعتي اكتفي اوكي وبعدها خلي الاكل بالثلاجه ولي يعتي مره ثانيه سخنيه واكليانا ساله الاخصائيه اهي ماتجبرج كلا نفس الحزه ينوكل

يعني مثلا انا ساعه 7 بطلع بليل اخذ وجبتي الاساسيه واتعشا ولي رديت عال 9 اشرب شوربتي او السلطه فبالعكس جذي ماراح اتحسين باليوع بس خلي بينهم وقت عرفتي

وللرشاااااااااقه سر​

 

[رسَــيــل]

موفقيييين يا رب ..


plz بنات .. بغيت رقم الدايت كير .. وهل مواعيييدهم تطول ؟
وافضل دكتور او دكتوووورة .. ؟

 

[A.A.Desiner]

هلا حبيبتييييي

لا انشالله مواعيدهم ماتطول

احسن اخصائيه انا مجربتها فاطمه حسن كويتيه معنا اهناك الكل ممتاز

الرقم 1806050

 

[وردة النرجس]

قوه بنات

اليوم وصلي الأكل طبعا كمية الغدا والعشى نص

لووووووووول أقولج ديزاينر يمكن اشبع لا والله يوعانة أنطر الوجبة الثانيه متى آكلها

معني مشتركة بهالشركات صارلي شهرين بس تركت 3 أسابيع والحين رديت

إنطباعي عن اليوم الشوربة لذيذة الغدا زين والسلطة نايس والحلو حسيته الكوكيز وايد حالي

بس كلا حلو

 

[رسَــيــل]

مشكووورة حبيبتي ما قصرتي

 

[A.A.Desiner]

العفو ولو تستاهلون والله

 

[انصار]

بنات منو جربت لوفات ؟
جم ينزلون بالشهر ؟ واكلهم حلو وله لا ؟

انا مجربه دايت كير .. ما عجبني لانه ماينزل وايد
ومجربه دينا ولينا 6 اسابيع نزلت 10
وشهر نزلت 7

بس انه واااااااايد مشتركه معاهم فابي اغير الاكل
وفكرت بلوفات

منو مجربه ؟

 

[moltencake]

السلام بنات

الحين اللي اشتركوا في دايت كير جم كالوري عطوكم؟؟ في وحده فيكم خذت أكثر من 1200 كالوري؟؟
لأنه ابي اعرف ليش الاخصائيه مصممه على 1350 كالوري موراضيه تنزل شي من الكالوري. و حتى لما اقولها اني ما تعشيت او ما كليت السناك الضحى تقولي لا لازم تاكلين كل شي بوقته و لا تخففين من الاكل و استمري على الرياضه. ما ابيج تقللين من الكالوري.
لأني انا ابي استمر بالوجبات بس يوم شفت الاخصائيه ملزمه على رايها هديتهم و للحين مو عارفه اقرر؟ هل الغلط منها و لا لا؟

 

[وردة النرجس]

ماأدري حبيبتي انا جذي تقريبا

ب1200 وشي ماأدري ماأذكر بالضبط

وتوني أول يومين بادية وياهم

بس عجيبة انصار أنج مانزلتي عندهم وايد

وعند دينا ولينا نزلتي أكثر معنه الغالبية العظمى تذم فيهم وفي أكلهم

يمكن إختياراتج هذى تكون تطلع موحلوه على حظج

على العموم شوفي فلكس غورميه هم حلو أكلهم وتنزلين معاهم وايد

 

[انصار]

والله مادري انا من اول ما فتحوا وانا كنت مسجله عندهم لما اخر مره كانت بصيف 2008 يمكن
ما شفت منهم شي مو زين بالعكس

بس الحين ابي اغير ودي لو فات .. بس جنه محد مجربه

 

[A.A.Desiner]

السلام بنات

الحين اللي اشتركوا في دايت كير جم كالوري عطوكم؟؟ في وحده فيكم خذت أكثر من 1200 كالوري؟؟
لأنه ابي اعرف ليش الاخصائيه مصممه على 1350 كالوري موراضيه تنزل شي من الكالوري. و حتى لما اقولها اني ما تعشيت او ما كليت السناك الضحى تقولي لا لازم تاكلين كل شي بوقته و لا تخففين من الاكل و استمري على الرياضه. ما ابيج تقللين من الكالوري.
لأني انا ابي استمر بالوجبات بس يوم شفت الاخصائيه ملزمه على رايها هديتهم و للحين مو عارفه اقرر؟ هل الغلط منها و لا لا؟

هاااااااااي حبيبتي

انا صارلي 4 شهور معاهم والاخصائيه تعطيج اهي علي حسب اللي تحتاجينه انا اخذ لي اليوم 1300 كالوري والاخصائيات افهم منا واهما يعرفون شيسون وهم دارسين بره وعلي مستوي وفاهمين شكثر يبيله جسمج

وبعدين كلامها صح لازم تاخذين اكلج كامل وعلي اوقات محدده الغدا بروح والريوق بروح وماتنقصين لانه يا عمري اذا نقصتي ماراح ينزل وزنج والكل فاهم العكس وبصراحه هذي عن تجربه

فا اقولج روحي استمري معاهم انتي ليش خايفه وانشالله بتنزلين انا بدون رياضه انزل صافي 5 كيلو بالشهر ومع رياضه 6

وسلاااااااااااااااااااااااامتش يا قمر​

 

[مَمْلۉحـّۃ]

بنات ابي اشترك شنو تنصحوني اي شركه ..

 

[راعية الطويلة]

مملوحة
انصحج بدايت سنتر


اكل لذيذ وحلو عجيب ونتايج حللللوة (والله من ثاني اسبوع الكل قالي خفيتي)

ولولا الالتزامات اللي عندي كنت مددت (ان شاء الله قريب أمدد)


واختي مشتركة معاهم خلصت شهر ومددت ولو تشوفين اشكثر ضعفت ما شاء الله

وتقول اول مرة اتبع ريجيم وانا مرتاحة ومستمتعة

ولج الاختيار والله يوفقج يا الغلا​

 

[مَمْلۉحـّۃ]

جم رقمه وشلون طريقتهم ؟
مشكوره ياقلبو

 

[وردة النرجس]

السلام عليكم

صارلي إسبوع تقريبا مع الدايت كير

وبصراحة لي اليوم الأكل كلا لذيذ

وأحلى شي الحلو امبيه أنطره نطر

وإنشالله الإسبوع الياي تشوفني الإخصائية وأبشركم طبعا

 

[راعية الطويلة]

جم رقمه وشلون طريقتهم ؟
مشكوره ياقلبو

الرقم يااا طويلة العمر


24918901

24918902

حجزي بالتلفون و أنصحج بندا بصراحة حيل طيوبة و مريحة في التعامل

و العفووو حبوووو​

 

[مَمْلۉحـّۃ]

حبيبتي انتي مشكوره
بس بغيت نصيحتج
اشترك معاهم ولا اروح دكتور احسن ؟
شرايج