منو بيروح ماليزيا شهر 6

[ريمه الكويت]

يابنات انسات وسيدات منو حجز ولا ناوي يروح ماليزيا هالشهر
والي بيروح بس باسالكم عن جنتنج احنا حاجزين حق نص شهر سته على اساس من ظمن خطه السفره نروح جنتنج بس امس دق مكتب السفريات وقال ماكو جنتنج شهر 6 لان كل الفنادق الى بجنتنج محجوزه حق الصينين طول شهر6 لان عندهم احتفالات وطنيه وحاجزين كل الفنادق هناك صج قهر مادري شنو المنطقه البديله لانا بنروح كولالمبور وصن واي لاقون وكنا ناوين على جنتنج بس انلغت حسافه شنو تقترحون

 

[^^ ريان^^]

حبيبتي جنتنق ماتحتاج تسكنون فيها تروحون لها من الصبح لليل ترجعون
يعني زيارة

وتراها قريبة من كوالا لمبور
اهي باردة وفيها مدينة العاب وتلفريك

 

[mooomooo]

حبيبتي جنتنق ماتحتاج تسكنون فيها تروحون لها من الصبح لليل ترجعون
يعني زيارة

وتراها قريبة من كوالا لمبور
اهي باردة وفيها مدينة العاب وتلفريك

:eh_s(15): :eh_s(15):

صاجه ريووف

احنا يوم كنا بكالامبور شفنا عايلة مصرية راحت جنتق من الصبح بنفس اليوم ردت الفندق

واحنا رحنا ليلتين

اهيا عموما العاب بره بره والعاب داخل الالعاب اللي بره تفتح من الساعه 10 لي الست ويبلش اللي داخل وبس

واحلى مافيها برادها

تروحون وترجعون بالسلامه :eh_s(8): :eh_s(8):

 

[شهدQ]

شوفي اذا انتو كبار لاتطوفين رحله للجزر لنكاوي وبينانج

مميزات كل جزيره على حدى

بينانج صخب ووناسه وطبيعه بس مو بدرجة طبيعة لنكاوي الرائعه بس مشكلة لنكاوي 3 ايام تخب عليها وبعد المغرب خلاص تنتهى كل الانشطه ماعندج غير الشاطيء بس بصراحه رغم عيوبها ماتتطوف خصوصا رحلة المانغروف من اروع مايكون

وصن واي لاقون مدينة العاب وهم في سوق مائي اسمه الماينز وندر لاند رائع بصراحه

 

[؛؛ أم الغلا؛؛]

مثل ماقالوا البنات ،،
جنتتنغ ماتسوي تنامين فيها فندقها ريحته تلوع الجبد،،
روحوا مع تاكسى الضحى على العشر واتفقوا معاه يجيكم على المغرب
راح تكلفكم تقريبا 80 ريجت رايح ومثلها للرده ،،
صن واي لوغن ،، مدينة مائية ومجمع ومدينة العاب وصالة تزلج وفيها ممر معلق بالهواء طوييييييل لا يطوفج روعه ها بس لاتخافين ،،

 

[ريمه الكويت]

هلا فيج ريوف وشكرا عالنصيحه

 

[ريمه الكويت]

مشكوره مومو الله يسلمج حبيبتي

 

[ريمه الكويت]

شكرا شهد حبيبتي

واحنا حجزنا حق صن وي لاقون بس ودي بمنطقه فيها بروده تدرين فينا فقره جو حلو وطبيعه

 

[ريمه الكويت]

ماكو الا جذي ياام الغلا نروح لها زياره بس ونرد بالليل بجرب نصيتكم وماتقصرون

 

[شهدQ]

عندج الكاميرون بارده وخضره

 

[ريمه الكويت]

اي والله شهد احنا حولنا من جنتنج الي الكاميرون بس بنقعد فيها يومين

 

[شهدQ]

موفقين

 

[ريمه الكويت]

الله يسلمج حبيبتي

 

[أذكري الله]

ليش ما تروحين أفاموزا تقعدين فيها ليلتين بدال جنتنق أنا حجزت فيها الفيلا اللي معاها المسبح الخاص و فيها عروض حلوة من تخلص العروض ان شا الله نطير آنا و ريلي و بنتي حق المسبح و نسبح . :eh_s(9):
أما جنتنق ما حجزنا فيها بنروح لهل ان شا الله من الصبح و نرجع بالليل وايد ناس قالوا ما يسوى نبات فيها .

 

[ريمه الكويت]

اذكري الله انزين افاموزا شكثر تبعد عن العاصمه لاني ولا مره زرتها

 

[أذكري الله]

و الله يا ريما على ما أعتقد ساعة اذا ما خاب ظني و اذا آنا غلطانة يا ليت يصححون لي ... عالعموم اذا تأكدت لي رجعة ان شا الله

 

[ريمه الكويت]

مشكوره حبيبتي ومشكورين كلكم عالعموم الليله انشالله بسافر وخلاص حجزنا بكوالالمبور والكاميرون وسن واي لاقون بس شنو غالي الليله بسبعين دينار
وكل الفنادق غلت عن السنه الي فاتت حتى الميرديان الي بالعاصمه زاد سعره وحتى الكاميرون الي كان رخيص على ماقريت الفندق سنشري باينز ليلته 40 او 45 دينار الي راحو السنه الي فاتت ماكان سعره يتعدى العشيرنات
بس يالله المهم نغير جو وانشالله نستانس
واتمنى لكم عطله سعيده

 

[الوردة^البيضاء]

انشالله انا بسافر اخر سته
ونفس حالتج قالولنا ان مافي حجز حق جنتنغ
بس السفريات قالنا في فندق ثاني يم الفندق الاصلي بس شوي اقل مستوى من الاصلي ليلتة ب37 دينار وهذاك ب50 على ما اعتقد واثنيناتهم لوبي واحد.. اسمة ..على ما اعتقد... فيرست وورلد.. بس اتاكدلج اخذنا ليلة وحدة نستانس بالبراد شوي..:eh_s(6):
وهم اذا تسبحنا ولعبنا نروح نغير ملابسنا ونريح وننزل مرة ثانية

 

[ريمه الكويت]

انشالله تستانسون وتغيرون جو اختي الورده البيضا والله رحنا الكاميرون 3 ايام تهبل طبيعتها تريح النفسيه