~q8ia~
New member
- إنضم
- 17 أبريل 2008
- المشاركات
- 2,664
- مستوى التفاعل
- 0
- النقاط
- 0
الانصات
الانصات فن حلو و جميل
لازم الكل يطبقه عشان نحل مشاكلنا
لان اغلب المشاكل تيي من سوء انصاتنا
لانه في شي اسمه استماع و في شي اسمع انصات
الاستماع اللي اهوا تسمع الشي باذنك بس و يطلع من الاذن الثانية
يعني ما يدخل عقلك
اما الانصات فتسمع من اذنك و عقلك
و احنا اذا بس نسمع شي غلط
لازم ننصت للطرف الثاني و نخليه يخلص كلامه للآخر
بعدين نحكم عليه حتى لو اهوا غلط و حتى و حتى...
خل نفهم وجهة نظره و اعتقاده بعدين نحكم
و بعدين لكل شخص اعتقاده و فكره
فلازم نكون متفهمين
و نراعي الظروف
لان لكل شخص ظروف الله اعلم فيها
و في حديث انه التمس لاخيك 70 عذر
فلازم نحسن انصاتنا
عشان تنحل مشاكلنا
و نسمع للاخر و ما نقاطع الكلام لانه هذا موضوع ثاني بعد..و شي بايخ الا اذا نقطع الكلام بخير او باستئذان و ادب..
لانا احنا بالاخير نبي احد يسمعنا
فاسمع الناس عشان الناس يسمعونك
و حاول انه ما تسرع بحكمك عالناس
و دايما الناس تميل للناس اللي تنصت لها
و من صفات الصديق انه ينصت لصديقه..
و بعد في كتاب اسمه قوة السحر فيه نقطة انه فن الانصات من الاشياء اللي تجذب الناس لك..
فانت من خلال انصاتك للناس تحسسهم باهميتهم..و انه انت مهتم لهم..
و الله سبحانه خلق لنا اذنين و لسان فحاجتنا للانصات ضعف حاجتنا للكلام..هذي حكمة سبحان الله..
و الانصات من الامور الايجابية اللي بيعدنا عن الانانية و انه بس نتكلم عن نفسنا و نتمركز حول ذاتنا بالعكس تساعدنا على الايثار و انه نحل مشاكل الغير قبلنا..
و سلامتكم.,~
ملاحظة:من كيبوردي..~
التعديل الأخير:
