:::تجمع امهات روضه وحضانه عالم الطفل:::

[om_maria05]

حبوبة و الحنونة و ورد مشكورين حبايبي و يستاهون اليهال فديتهم عشان يستانسون
و الله من الفضاوة اقعد و افنتك لووووول بس صدقوني لي توظفت انشالله ماعتقد بيكون لي خلق لوووول فخل اونس ابلتها اشوي
بنات ما تدرون متى يبدون ورش العمل ؟؟؟ محد عنده خبر ؟

 

[ورد وردي]

ورش عمل شنو؟؟؟ اول مرة اسمع بهالشي

 

[al7noona]

تسلم ايدج ام ماريا



قبل شوي اوري بنتي اقولها شفتي ماريا شنو عطت اليهال انتي كل يوم روحي علشان يعطونج لا تغيبين هههههههه


فكري لي شنو اوزع على اليهال بحفله العيد الوطني

 

[om yoyo2]

ام ماريا بنتج اب اي مستوى وبجنوب السره ولاالقرين

 

[om_maria05]

ورش عمل شنو؟؟؟ اول مرة اسمع بهالشي

ورشه العمل اللي يسويها كل صف و يحضرونها الامهات عشان نشوف عيالنا

 

[om_maria05]

تسلم ايدج ام ماريا



قبل شوي اوري بنتي اقولها شفتي ماريا شنو عطت اليهال انتي كل يوم روحي علشان يعطونج لا تغيبين هههههههه


فكري لي شنو اوزع على اليهال بحفله العيد الوطني

لوووووول زين عشان تتشجع و تداوم
بحفله العيد الوطني العام سويتلهم كيك على علم الكويت شكلي هالسنه بعد بس بستايل يديد
وزعي عليهم العاب او ككاو على علم الكويت العيد الوطني اسوي اي شي اهم شي ورشه العمل حلاته تفنتقين فيها .. العام كان موضوع الورشه عن الاسماك سويت حق اليهال كيك بس ما مداني اسوي موضوع الثيم على سمج
و في امهات يخلون عيالهم يوزعون ككاو او حلاو او العاب بنهاية الورشه و كل ياهل يكتب اسمه .. و في امهات يودون صحون حلو من الخبازز او سابليه ةو هالسوالف عشان الفراشات يوزعون عالامهات مع قهوة و اهم يطالعون عيالهم
و الله هالسنه قلت بسوي كيك حق الامهات عشان يستانسون و بخلي بنتي توزع عاليهال شي بس شنو للحين مادري ما فكرت بس لازم اعرف موضوع الورشه عشان نسوي شي يتعلق بالموضوع

 

[om_maria05]

ام ماريا بنتج اب اي مستوى وبجنوب السره ولاالقرين

بنتي كي جي 2 بالقرين

 

[لبا^زولي]

الله يوفقهم

 

[حبوبه]

صباح الخير ..
اليوم مزينين المدرسه بالاعلام وصور وشرايط وايد حلو المنظر بنتي استانست تقول ماما العيد الوطني بدا :q8:
ام ماريا بنتج تخرج هذي السنه ..

 

[ورد وردي]

اي والله جان زين نحضر ونشوف اعتقد على شهر 3 لان الحين لويه العيد الوطني والاجازات .....

 

[om_maria05]

لا سوري بناااات بنتي كي جي 1 بالغلط كي جي 2

 

[al7noona]

ام ماريا ماتحطين مواضيع طريقه الكيكات الي تسوينها ماشالله فناتك تسلم ايدج وانا حدي حدي عليميه بالطبخ مااعرف ولا شي بس احب اسوي كيك وهالسوالف بس مااعرف هههههههههههه



والورشه اعتقد قالوا شهر 3 انشالله وبسوي لها توزيعات بدال العيدالوطني احسن





حبوبه اي حتى روضه بنتي حاطين اعلام بنتي تقولي ماما وناسه حاطين علم اقولها اي علشان بعدين تلبسين نفنوفج الي على علم وتروحين الروضه

 

[om_maria05]

هلا الحنونه حياتي انا ما احط شغلي بالنت لاني اسوي و ابيع كيك و كوكيز و حلويات امريكية عرفتي لووووول
و حتى ما ابيع بالنت بس بره النت
بس ادعولي انشالله اشتغل و افتحلي كافيه و اعزمكم فيه
و احسن سوي توزيعات حق الورشه اونس عشان الامهات و اليهال يستانسون
و ما يندرى هالسنه بيسوون مسيره حق اليهال بالعيد الوطني والا لأ؟

 

[om yoyo2]

حسافه ام ماريا موعندنا ابجنوب السره انا بنتي بالحضانه واليوم قالولهم في مسيره وبغيت اسالج شلون طريقتهم بالمسيره وليش الاحمدي شسون اهناك :q8:

 

[om_maria05]

ليش ام يويو مسيرتهم بيسوونها بالاحمدي ؟
العام و الله جنه ودوهم عند الابراج و الله مو ذاكره بس هالسنه الله يعلم ما عطوهم اوراق للحين
بالمسيره جنه يخلون اليهال يغنون و و يرقصون و كل ياهل يشيل معاه بوستر او ورقه موضوعها عن الكويت و يمسكونها بيدهم حق المسيره عشتو و العام جنه ودوهم عقب المسيره برجر كنج والله مادري اشفيني فقدت الذاكره

 

[al7noona]

هلا الحنونه حياتي انا ما احط شغلي بالنت لاني اسوي و ابيع كيك و كوكيز و حلويات امريكية عرفتي لووووول
و حتى ما ابيع بالنت بس بره النت
بس ادعولي انشالله اشتغل و افتحلي كافيه و اعزمكم فيه
و احسن سوي توزيعات حق الورشه اونس عشان الامهات و اليهال يستانسون
و ما يندرى هالسنه بيسوون مسيره حق اليهال بالعيد الوطني والا لأ؟

اييي ماشالله مبين شغلج حلو حتى اقول ماشالله شغلج جنه من محل ماشالله تسلم ايدج دزيلي بالخاص شنو عندج والاسعار:balo:
والله يوفقج يارب
جم صارلج متخرجه انا قعدت 6 شهور وبالواسطه اشتغلت هههه الدنيا ماتمشي الا بالواسطه

 

[al7noona]

وناسه يودونهم مسيره جانزين بس هالسنه يودونهم خل يستانسون

 

[om_maria05]

كلج ذوق حياتي و بدزلج ايميلي عالخاص ضيفيني و اذا عندي شي يديد ادزلج
انا صارلي بالضبط سنه متخرجه من الجامعه بس ما حسيييت فيها بسرعه مرت
تحصلي اماكن بس انا مابي اتشرط لوووووول مابي اي مكان و حاطين واسطات لان ماكو شي يمشي بدون واسطه طبعا و الله يكتب اللي فيه الخير
انا مو مستعيله مستانسه على قعده البيت لوووول

 

[al7noona]

اي والله ماكو احلى من قعدت البيت انا ماكان ودي اداوم بس الحمدالله حصلت وظيفه بس ضاق خلقي لما وظفوني قلت لالا مابي ماشبعت من قعدت البيت لووووووووووووووووول



باجر الروضه ماعندهم نشاط؟؟؟؟

 

[om_maria05]

اليوم بنتي غايبه ما داومت مادري ابلتها ما دقت ومو معطينها ورقه عطوهم الواجب اليوم و االا لأ؟