انجحت عملية القلب لبنتي ....ربي لك الحمد....

[نور بوبيان]

السلام عليكم ورحمة الله وبركاته :

بنتي سوت عملية ثقبين بالقلب بتاريخ 27/2

بواسطة الدكتور أحمد صلاح الدين ماليزي بمستشفى الصدري وبعد العمليه بدأت تنتفخ لدخول الهوا بجسمها وبعد ذلك أصيبت

بالبكتيريا واطلعت نتيجتها ولله الحمد سلبيه وبعدين بدأت تتحسن ببطء ولمدة 22يوم بالعنايه المركزه أشوفها لمدة 10دقائق

وألتقي بالأطباء والممرضات فجزاهم الله خيرا على لطفهم وسعة صدرهم.....

مره طليت على الممرضه وهي ماتدري وإلا قاعده تسولف معها ...

فقلت لها لاتصير بنتي هنديه .....

بصراحه أطلع وآنا مطمئنه على بنتي ومرتاحه نفسيتي ......

ويوم الخميس الماضي طلعوها للجناح ورخصونا يوم الأحد ....قامت ترضع عدل بدون شرقه........

تنام ولله الحمد بدون شخير......

والدكتور محرص أرضعها طبيعي ولكن صدري قل جدا جدا وماتشبع .....

وحليبها نوفلاك إيه سي.....ذبحتها الغازات ....

ودي أغيره وماني عارفه أي حليب أحسن لها ...

 

[نشـــامي]

الحمدلله ع سلامتها

والله يفرح قلبج فيها

 

[ام اميره]

الحمدلله على السلامه انا بنتي طاح عليها حليب بيبيلاك وعطيها ماي غريب واايد يريحها وعطيها دوى اسمه غاز زين للغازاات

 

[Grass]

يابعد روحي عورتي قلبي
الله يحفظها لج
وحمدلله على سلامتها وسلامة قلبج وقلبها

 

[سمسومه الحبوبه]

الحمد لله والشكر لله
الحمدلله على سلامتها والله يخليها لك ويارب تشوفينها عروس
بالنسبه للحليب استشيري طبيب اطفال احسن لك

 

[الصابرة المحتسبة]

الحمدلله والشكر لله سبحانه لطيف بعباده يجيب دعوة الداعي إذا دعى

ألف الحمدلله على سلامتها ويارب يبلغج فيها اللهم آمين

 

[نور بوبيان]

يزاكم الله خير خواتي .... وياحلو الأخوه معاكم .... ناس ماشفناهم وقلوبهم معانا .....

عسى ربي يشافي مرضاكم .....

الدكتور عطاني حليب (( إس 26)) .....

 

[لولو-الصغيره]

يزاكم الله خير خواتي .... وياحلو الأخوه معاكم .... ناس ماشفناهم وقلوبهم معانا .....

عسى ربي يشافي مرضاكم .....

الدكتور عطاني حليب (( إس 26)) .....

هلا والله بنور بوبيااان الحمدلله علي السلامه وعسي ربي يخليج لها

بالنسبه للحليب انا انصحج بنان 1 والله والله وااايد زين
حتي يوم كنت بلندن والله خذو عينه من الحليب وقالو ممتاز ولا يسبب غازات
واصلا علي حسب معرفتي انه اس 26 اهو يسبب الغزااات
وانا يوم بلندن خذيت معاااي حليب نان 1
والحمدلله علي سلامة عواشه 0000
اختج ام عبد الهادي ​

 

[لولو-الصغيره]

يزاكم الله خير خواتي .... وياحلو الأخوه معاكم .... ناس ماشفناهم وقلوبهم معانا .....

عسى ربي يشافي مرضاكم .....

الدكتور عطاني حليب (( إس 26)) .....

حبيبت قلبي ام عايشه توني والله سالتلج وحده عندها داون تقول بنتها من اول ما يابتها تعطيها نان 1
وبعدين اخاف هالدكتور مو متتخصص حق الاطفال من ناحية الحليب 000 وعلشان ترتاحين سألي دكتور المستوصف اللي تابع لكم وقوليله عن نان1 واحد شوفي شنو راح يرد عليج اننا هادي ولدي الحين قمت اعطيه نان 3 والحمدلله عمره ما شكا من الغزات وعلي فكره انا عطيته نان1 وبعدين نان2 وكمل السنه عطيته نان3 ​

 

[مشاعل الشمري]

الله يبلغج شفاها يارب
والحمدلله على نعمة نجاح العمليه
ويكمل عليكم بفرحتكم فيها
اللهم اعنا على شكرك وذكرك وحسن عبادتك

 

[نور بوبيان]

يزاج الله خير ياأم هادي يالغاليه.....

ماشالله عليج دايما تفيديني .... ربي يحفظ لج هادي ويشفيه وباقي عيالج .....

شورج وربي يجعله صحه وهنا على معدة بنتي .....

بسئلج: تعرفين شي يدر حليب الصدر لأن بادي ينشف وضايق خلقي .....مابقي شاي الحلبه والينسون والكراويه وحبة الحلوه....وأكل الرهش والبقل..

وليلحين يدر اشويه ولا زاد .... أرضعها من صدري مره ومن الصناعي مره وليلحين اشويه مو مثل قبل العمليه....

والدكتور مصمم إني أرضعها طبيعي مع إنه قليل .....

 

[نور بوبيان]

يزاج الله خير أختي مشاعل الشمري .....

 

[@شمس الضحى@]

الف الحمدلله على سلامتهاا
الله يتمم لهاا وديري بالج عليهاا
وبالنسبه للحليب عندج برجرز ممتاااز ماافيه غازات ويغذي الطفل ويزيد وزنه
اسالي الطبيب عنه,,

 

[بـ البدور ـدر]

حمدالله على سلامتها
وانشالله تشوفينها عروس الدار

 

[قلبين وسهم]

حمدلله على سلامتها وربي يخليها لج

بالتوفيـــــج


​

 

[نور بوبيان]

الف الحمدلله على سلامتهاا
الله يتمم لهاا وديري بالج عليهاا
وبالنسبه للحليب عندج برجرز ممتاااز ماافيه غازات ويغذي الطفل ويزيد وزنه
اسالي الطبيب عنه,,

الله يسلمج....

يزاج الله خير على المعلومه ....

 

[G!RLooNa]

الحمدالله على سلامت بنوتج الله يحفظها من كل شر انشالله

 

[نور بوبيان]

حمدالله على سلامتها
وانشالله تشوفينها عروس الدار

الله يسلمج....

يزاج الله خير ....

 

[نور بوبيان]

حمدلله على سلامتها وربي يخليها لج

بالتوفيـــــج


​

الله يسلمج ويوفقج.....

 

[نور بوبيان]

الحمدالله على سلامت بنوتج الله يحفظها من كل شر انشالله

الله يسلمج ويحفظج ....