الله يوفقها اللي كان فيها ضرس عقل وشالته .. تدخل (نوروني الله يوفقكم)

[DeeR_MusK]

الســــلام عليكم و رحمه الله و بركاته ​

خواتي انا فيني اربع ضروس عقل .....ثلاث طالعين عوي وصاير مكانهم تحت اللثه مو باين منهم الا جزء بسييييييييييط ...


والرابع طالع و خالص و مسبب لي الم بالطواحن اللي يمه ..


قالوا لي لازم اشيلهم لانهم مسببين لي الم بكل اسناااااااااني...:0bee2e8d89:


الله يجزاهاا خيير اللي شالتهم من قبل خل تعلمني شنووو سوو لها و بشنوووو حست وقت العمليه
لاني اسمع بعضهم عطوهم بنج كامل و البعض بنج موضعي ...

وبعد ما تشيلينهم تطلعين من العياده على طول ولا يخلونج عندهم تريحيين ......

وعااادي اروح بسيارتي ولا يمكن ادوخ لازم احد يكوون معااي؟؟



اهم شي ويييين شلتي ضرسج و اذا بخاص بجم شالوه لج





الله يوفقها ويجزاها الجنه اللي تفيدني



​

 

[lollipops]

الله يسلمج
انا شلته عند دكتور نائل الهزيم
موجود بعياده الميدان

هالدكتور عجيييييب ومممتاز
اهو اللي يدرب طلبه طب الاسنان

 

[بناتى هم حياتى]

انا نفسج بظبط صراحه ماتحملت كان يجمع اكل ويطلع منه ريحه وانا اوسوس من ناحيت الريحه طلع عوج
وشلته واحد احتاج اخياط وثانى عادى من غير اخياط وشلته عند اتخصصى بالحكومه

 

[حجيه هيونه]

انا شلت 3 مع بعض بعملية

شلتهم بالمستشفى العسكري بس بصراحه ولا اروع يعني روحي هناك وانتي مغمضه بدون اي تفكير

سولي عملية تخدير عام بعدها بيوم طلعوني من المستشفى طبعا اول يوم ماكو اكل بس ايس كريم وعلى ماذكر قعدت كم يوم عندي صعوبه بالاكل
بس بعدها الحمدالله جني البخت سيت الموضوع كله والاهم ارتحت منهم مره وحده

وللامانه ماتبهدلت ابد يعني امي شالت ضرس واحد مسكينه شرحوها عشان يطلعونه بس انا الحمدالله

توكلي على الله وارتاحي منهم لانه كله ولا عوار هالضرس ماحد يقدر يتحمله

 

[سمسمة كويتية]

أنا بعد انصحج بدكتور نائل عيادة الميدان حولي
واحسن تاخذين احد معاج
واذا تبين قوليله يعطيج مخدر ( Nitrous) غاز الضحك حده عجيب تحسين انج طايره :eh_s(6): و بعالم ثاني

 

[bent_7awa]

انا شلته عند د.شيرين بعيادة الميدان

ولا عورني ولاهم يحزنون وعلى طول طلعت مني سقت السيارة مني

ولما راح المخدر لا ورم وانتفخ ولا صار شي لك الحمد يارب العالمين

وحديييييييييييي كنت خايفة لاني ولا عمري رحت طبيب اسنان تخيلي موقفي بحياتي ماراجعت دكتور اسنان

واول مرة على طول يشيلون ضرس عقل ..يعني كنت شوي وابجي من الخووف

بس الحمدلله شلته وافتكيت منه وارتحت

وحطتلي مخدر موضعي وماااااااااحسيت ب ولا شي حتى حطت حق مكان قزت الابرة مخدر

 

[((MiSS CuTe))]

انا اليوم شلتة وسويت وشقو لثتي حق الضرس الثاني حدة ماكو الم بس انا الثاني ملتهب عشان جذي ماشلعهم مع بعض وكلش مايعور عند دكتور عادل شدياق بانترناشونال كلينكبس طبيعي لم يفج البنج شوي يعور بس يعطيج مسكنات والنزيف كان يبط الججججبد ولاتخافين موضوع هين حيل

 

[نسمه بارده]

انا بعد مثلج لازم اشيلهم والمفروض اشيلهم هليويمن بس خايفه وايد وبصراحه سبب لي عوار وورم اللله لايرويج شوفي موضوعي الي بالقسم حيل تعذبت
وباذن الله بشيلهم يعياده الثريا عند دكتور كلود بس لحد الحين خايفه رغم اني اعرف شطارته

 

[Dam3a1979]

انا شلتهم واحد واحد بمركز بنيد القار

وكنت اسوق بروحي عادي

البنج الكامل مو زين ما انصح فيه

الاسنان اللي تحت اهمه اللي شيلتهم اتعب لانهم كبر بالحجم بس اللي فوق امرهم هين

وما تشوفين شر عزيزتي

 

[فـرفـر]

انا شلتهم بمركز في بيندر القار

طبعاا كان واحد طالع برا والباقي داخل

سويتها بجراحه وكل موعد اشيل ضرسين
وسهالات لاتحاتيييييييييين


العوار عادي مسكن ويمشي الحال
بس الله يعينج راح ينتفخ خدج بشكل فضييع

 

[Athwaq]

امي شالته عند عيادة كويت لندن كلينك يم مجمع النقره ورا البانزين

د. محمد .. ماشالله عليه ايده خفيفه بنج عادي موضعي و شاله و امي ماحست اصلا انه شلعه مع انها كانت حدها خايفه و مرتبكه

كنت معاها و يسولف معاي يلهيها و فعلا شلعه واهي ماتدري تأشرله تقول يالله متى تخلص؟

والحمدلله افتكت منه كان مأذيها حيييل بعد عمري

و انا كنت اراجع للتقويم عنده

هذا رقمهم اذا حابه 22669252

 

[DeeR_MusK]

يعطيكم الف عافيه



انا حيل خوافه قاعده افكر اطلب البنج العام ... عشان يشتغلون و يخلصون و انا ماادري
لاني راعيه هبوط بالضغط ..

ناااااااطره باااجي تجااربكم

 

[ام عيالها الغاليين]

انا شلت 3منهم
وكلهم عند الدكتور ابراهيم بهبهاني ((عيادة باب هاني))
بصراحة شغله حيل ممتاز
واحد منهم كان عملية كلفتني 150دينار لان طلع عوي وتحته خراج
والباجي على حسب 60 و70دينار

 

[مريوما الحلوه]

انا شلته بعيادة اسنان عند دكتور طلال ماحسيت بشي تخديرهم وايد زين

 

[DeeR_MusK]

يعطيكم العافيه


انا شلت اثنين و باقي اثنين


بمستشفى السلام
عند د . محمد عفيفي وايد شاطر اهو اقنعني اشيل بدون بنج عام و لما خلصنا الخلع
قالي : عارفه عمليتك دي كانت اصعب عمليه من عمليات خلع ضرس العقل ......انا خقييييييت لان شق اللثه و كسر الضرس اللي كان مغمورتحت اللثه 6 كسرات عشان يقدر يشيلهم و عقب خيط ب ثلاث غرز ..بس والله كان الموضوع صج متعب قمت ابجي والطبيب يشتغل بضروسي و الممرضه تمسح دموعي... كل خمس دقايق كان يعطيني بريك باله طويييييييييييل ..


اشكركم كل اللي فادوني بتجاربهم

 

[albarooona]

قوة حبيبتي
أنا شلت أثنين من ضروس العقل واحد فوق والثاني تحت
انا شلتهم بعيادة الحكمة عند الدكتور عمر القعود ما شالله عليه إيده بلسم ماتحسين بعوار أبد ويحطلج بنج موضوعي
والله حتى شغله حلو وإيده خفيف
وعادي حبيبتي تسوقين بروحج وتردين البيت تريحيين ويعطوج حبة كاتافلام بس يروح البنج تاخذينها وعقب إكلي آيس كريم وايد وعشان يسكر المكان الخلع
وترا العوار بس جم ساعة او يوم بالكثير ثاني يوم تصيرين أوكي
بس الاحسن أنج تشيلينهم عشان لا يأذونج ولا يخربون عليج باجي ضورسج
وماتشوفين شر حبيبتي

 

[غرشة عطر]

الســــلام عليكم و رحمه الله و بركاته ​

وعليكم السلام ياقلبي

خواتي انا فيني اربع ضروس عقل .....ثلاث طالعين عوي وصاير مكانهم تحت اللثه مو باين منهم الا جزء بسييييييييييط ...


والرابع طالع و خالص و مسبب لي الم بالطواحن اللي يمه ..


قالوا لي لازم اشيلهم لانهم مسببين لي الم بكل اسناااااااااني...:0bee2e8d89:

لازم تشيليهم والا بيزيد الوووجع عليج وبيصدع راسج
الله يجزاهاا خيير اللي شالتهم من قبل خل تعلمني شنووو سوو لها و بشنوووو حست وقت العمليه

لاني اسمع بعضهم عطوهم بنج كامل و البعض بنج موضعي ...

وبعد ما تشيلينهم تطلعين من العياده على طول ولا يخلونج عندهم تريحيين ......

وعااادي اروح بسيارتي ولا يمكن ادوخ لازم احد يكوون معااي؟؟



اهم شي ويييين شلتي ضرسج و اذا بخاص بجم شالوه لج





الله يوفقها ويجزاها الجنه اللي تفيدني



​

انا سويت ضرسين بالعدان تخدير موضعي موعام 3 ابر تقريبا بنج وشلعوا الضروس ماحسيت فيهم وخيطوا مكانها لازم يخيطون المكان طلعت دايخه حدددددي ولازم احد يسوق فيج ويكون وياج بس بعد نص ساعه راح مني البنج وشفت المووووت الم وصدااع بس عطاين مضادحيوي وبروفين مسكن للالم و كثرت من المره منقعتها في بطل ماي واشربها كل شوي واتغرغر فيها وصرت اوكي بس بعد يومين وانا تعبانه منهم ا ولاتشمين عطور ولابخور لمدة اسبوع وراجعتهم اذا موناسبه بعد 10 ايام وشال لي الخيوط والحمدلله ارتحت حيلللللللللللللللللللل

 

[Turquoiseya]

شلت اثنين وبقالي اثنين
اللي يعيني عليهم

 

[بنية ذربة]

انااا مثل حالتج يعوروني وخربو صفة اسناني

ولما رحت عيادة اسنان الدكتور هادي مانصحني اشيلهم قالي مكانهم عالعصب واحتمال يصير معاج خدر دائم

عطي الاسنان الل جدامة فجة ينشالون حتى يصير مكان ويطلع ظرس العقل وينشال بدون خطر

وكاني انطر

 

[Turquoiseya]

بنات لما شلت ضروس العقل طلعت لي جروح على طرف الحلج
خذت اكثر من 5 ايام عشان تروح
انتوا نفسي؟