الله يوفقها اللي كان فيها ضرس عقل وشالته .. تدخل (نوروني الله يوفقكم)

[كوكو واوه]

بنات صج اذا شلت ضروس العقل يضعف الويه وتخف الخدود؟

 

[DeeR_MusK]

بنات لما شلت ضروس العقل طلعت لي جروح على طرف الحلج
خذت اكثر من 5 ايام عشان تروح
انتوا نفسي؟

اطراف الحلج!!!
لا انا ما صار معاي جذي ...اللي حاشني شويه جفاف عالشفايف


الجروح صارت داخل عالحلج بسبب الحديده اللي كان فاتح فيها حلجي لان مكان الظرس كان حييييييييييييييييييييييل غايص ورى داخل

 

[DeeR_MusK]

بنات صج اذا شلت ضروس العقل يضعف الويه وتخف الخدود؟

مادري هذي المعلومه اول مره ادري فيها


انا ويهي اصلا صار ضعفان و خافه خدودي من قبل العمليه

 

[cup-cacke]

صباح الخير حياتو

انا طلع لي واحد..وبعد ما كان كامل كان توه شاق..ولعوزني شوي رحت المستوصف عطوني تحويل ع التخصصي

يوم رحت عادي كان الوضع وكنت هااديه بس يوم شفته لابس اخضر وغطاني بشرشف اخضر طقتني البوووهه@@

بس لزقت ف مكاني..عطاني اربع ابر...ثنتين فوق ونثتين تحت وما حسيت بولا شي وقتها..يمكن بس حسيت بايده غيره لاا

وبس عطاني شاش وقال غيري..عاد تم الوضع يمكن ثلاث ايام احس في شي غلط عرفتي يعني مو مآخذه راحتي

بس بعدين الوضع عال العال

 

[maryooma]

حبيييبتييي انا نفس حالتج وانا المشكلة كل ضروووسي كاناو طالعين عويان بالعرض و في ضرس من الطواحن الي قبل العقل هم كان محكوووور بالعرض!! ماتيين المعانات و قعدت سنتين ساكتة على عمري رحت بنيد القار و في بروفسوور ولد بوعبااااس قالي لازم بنج عمومي و فعدت ليلتين بالمستشفى بس واللله ماتخيليييين انه من طلعت من العملية ماحسييييت اب ولا نتفت الم ولا شي ماجنة مشققه و مخيطة والللـــــه ايييده خفييييفة انصحج تروحييينله و سويتها ابمستشفى مبارك

 

[مليحة الكويت]

امبيييييييييه بنات ..انا الحين اكتب و ابجي من عوار ضرشي ..يا ربي ابي اشليله بس خايفه .و الله خايفه .
و ابي اعرف احسن مسكن لام الضرس اقدر اشتريه من الصيدليه

 

[maryooma]

امبيييييييييه بنات ..انا الحين اكتب و ابجي من عوار ضرشي ..يا ربي ابي اشليله بس خايفه .و الله خايفه .
و ابي اعرف احسن مسكن لام الضرس اقدر اشتريه من الصيدليه

catflaam أحسن مسكن ألم كل دكتور أسنان ينصح فيييه و الله يعييينج

 

[دولفيين]

انا عندى الفك صغير ولازم اشيل ضروس العقل الاربعه وطنشت ليما قعد واحد منهم يعورنى حيل ويضغط على اللى قبله ورحت للصقر التخصصى بالعديليه ودكتورين ياالله قدروا يشيلونه وانا طالعه يقولى الدكتور الله يعينج على العوار وانا طالعه حاشتنى طوخه قويه وقعدت الدنيا تفتر فينى ويالله سقت سيارتى وماصدقت على الله اوصل البيت وبالبيت حاشنى الم مو طبيعى اقسم بالله ماحاشنى الم مثله فانصحج اختى لا تروحين بروحج احسن لج و والله يسهل امورج انشاء الله

 

[zalabia-n]

انا شلت ضرسي وكان مايل نصه تحت اللثه بنج موضعي عند الدكتور فراس عيادة المباركيه بالسالميه الصراحة ممتاز وخذا مني 130 دينار مع فتح الملف واشعه بنوراما