شنو شريتي كتب ... ؟ حياكم

[أروسا]

اخر الكتب اللي شريتها كانت

الابعاد المجهوله

الابعاد المجهوله 2

امرأه و ظلان

الرمز المفقود

عذروني كل الصور من النت ... مادري اشفيه بلوتوث كمبيوتري!!!!

و على فكره كلهم موجودين بفيرجن خصوصا الرمز المفقود تشوفونه بالويهه اول ما ادشون فيرجن

 

[Eng.shosha]

شسالفة الرمز المفقود ؟؟
اهو روايه ؟ وعن شنو يتكلم

مشكوووره حبيبتي عالمرور .. اسعدني تواجدج

 

[lailosh]

أخيه الرمز المفقود كنت ناطرته على ناار واخيرا بس مانزلو الا وانا مفلسه شالحظ

ام عبد المحسن

الي مألف الرمز المفقود اهو نفسه مالف روايه دافنتشي كود جان تعرفينه حيل حلوه ومشهوره

 

[أروسا]

و المؤلف اهوا نفسه اللي ألف كتاب انجلز اند ديمنز (الملائكه والشياطين) ... بس ما قريت الكتاب رحتله السينما انا شفته انه واااايد قوي ولازم اتركزين بالفلم من البدايه ... بس الناس من نص الفلم اطلعوا و الكل يقول ما فهمنا شي منه ... مادري ليش ... يمكن معقد اكثر من اللازم

على العموم الرمز المفقود توني خلصت اول تشابتر ... توني مثل ما يقولون بالحمد ... نطرت خلصت قريت كل كتبي عشان اتفرغ له سي سيد لووووووول

 

[ام بنتها]

شريت اليوم كتاب سوبر ناني الكتاب الثاني من مركز سلطان على امل اني استفيد منه في نوم بنتي بدارها لأنها ليلحين تنام معانا
بس بسألكم وين احصل الجزء الأول لأني شريت الثاني أسأله و اجوبه بس.

و على اجزاء توايلايت انا قريت اول جزء و حيل حيل حيل حبيته او يمكن حبيت ادوارد ماادري خلصت الكتاب ب 3 أيام و كنت كُليه ودراسه بس من كثر ما شدتني القصه و نطرت الجزء الثاني على ناااار و لمن وصل و ماصدقت على الله شريته ومسكته بيدي بقرااه بس للأسف حسيته ممل ممل ممل لأبعد درجات الملل و كنت بس بخلصه عشان بقرا شي غيره لاني مااحب اعلق الكتب و قاعده احاتي شلون بقرا بعد الثالث والرابع و خلصته بمعاناة يمكن اكثر من أسبوعين معني اجازه بس كلما اشوفه اغلق ولي مسكته اكون منقثه
هل الكتااب الثاني ممل و لا بس انا حسيت بهالشي لأني وايد حبيت ادوارد و اهو ماكان موجود فيه وايد ؟؟ ولا لأني قريته بعد مده من ماقريت الأول فراحت زهوة الروايه ؟؟ معني ماشفت الفلم لأني قلت ماابي احرق الكتاب !

و شريت الثالث اسكيلب بس مو متجرأه ابدي فيه لأن طويل و مالي خلق خايفه احس باللي حسيت فيه وانا اقرا الثاني
منو صار فيها نفسي ؟؟ و شلون الثالث مقارنه بألأول و الثاني ؟؟


وشوقتوني عالرمز المفقود بس للاسف انا مو قاريه حق هالكاتب شي بس شايفه فلم ديفنشي و ماعجبني كلش بس الفلم مو مقارنه نوعه غموض وايد و لا على خفيف ؟؟
ووين احصل كتب طقة الخيميائي لأن حسييته وايد مفيد و بنفس الوقت خفييف و حلوو ؟؟

و طولت عليكم سووووري

 

[وهج الحب]

شسالفة الرمز المفقود ؟؟
اهو روايه ؟ وعن شنو يتكلم

مشكوووره حبيبتي عالمرور .. اسعدني تواجدج

ana alheen akraa alktab etkaalam an almasoneea wa rmoozha hoo mshawq

 

[وهج الحب]

السلام
الحمدلله صلحت لاب توبي اليوم بغيت اقولج يا ام عبد المحسن لان اظنك ما فهمتي شئ من اللي كتبته البارحة لاني حتى انا ما عرفت اقراه ان السر المفقود يتكلم عن الاسرار الماسونية التي وضعها الماسونين بوشنطن وفيه الدكتور بالاسرار القديمة اللي هو نفسة طلع يحلل بملائكة وشياطين وشفيرة دافنشي روبرت لانغدون بس هالمرة يدور عن سر ابواب سؤية وضعها الماسونين ويريد ان ينقذ صديقة اللي اختطفة واحد وطلب منها اذا اراد ان يرجع صديقة حي ان يوصله لسر يريد معرفته ..
القصة الى الان حلوة انا واصله النص بس فيها شروحات وايد لان تعرفين دان بروان يريد يطلعك من الرواية وانتي تحملين معلومات عن كل ئي يتكلم عنه يعني اسلوبه تعلم واستمتع ..هذا من عندي ..

 

[وهج الحب]

السلام :
رجعت من اجازتي من لندن والعود احمد وطبعا لازم اجيب معاي كتب وهذه مشترواتي من الكتب بالندن والسنه قليلة عشان معرض الكتاب توه مخلص والكتب اللي عندهم كلها شايفتها بالمعرض او شاريتها بس قلبي يعورني لو ما رجعت لو باكتابين وهذه الحصيلة ..
1- إنها لندن يا عزيزي ..لكاتبة اسمها حنان الشيخ ..انا كنت قارية عنها من فترة ولقيت بالمكتبة كم كتاب لها واخترت هذا الكتاب ولو اعجبتني باشتري لها الباقي ...



2- لورنس العرب "ملك الجواسيس "...هشام عارف ..
طبعا الجميع يغرف لورنس العرب ومسويين عنه فيلم ..بس المطب اللي طحت فيه اني اشتريت هذا الكتاب وكنت اظن انه مذكراته وان هشام محمد مترجم ..ولكن عندما وصلت الى الفندق وكنت اريد اخذ لمحة عن الكتاب تفاجأت ان هشام محمد هو المؤلف ..وليس مترجم ...وطبعا اللي ضايقني اني احيانا افقد مصداقية المؤلفين المصرين مع احترامي للجميع اذا اكتبوا في السير الذاتية وخاصة اذا الامر خاصهم من قريب او بعيد لانه لا يوجد حيادية بس معليش باقراه وممكن يخيب ظني ويطلع المؤلف استاذ تاريخ وليس شخص قرر الكتابه عن لورنس ..



3- سلطانة.."حكاية اميرة سعودية"..جين ساسون ..
لا اعرف عنه شئ ..ولم يجعلني اشترية الا الفضول ومعرفة ما ستقولة هذه الكتابة الاجنبية عن السعوديات ..وخاصة انه قيل انه كتاب حقيقي ...



4- زينة ..لنوال السعداوي ..
كنت بطفولتي احب نوال السعداوي كثيرا وكنت معجبة بقضيتها وبفكرها ..وهذا بعد ان قرأت لها كتاب عن سجنها بسبب فكرها السياسي ..وبع ان تغير فكرها واصبحت تطرح اطروحات تخص الدين اصبحت ابتعد عن كتبها ورغم اني لم اقرأ كتبها التي قيل انها تسب بها النبي ..بس ابتعدت عنها هكذا واثناء رحلتي للندن وجدت كتابها هذا رغم وجدودها بكثرة عندنا بس اخذني شوق الى ان اقرأ لها شئ بكبري فقررت ان اختار كتاب زينه لقرائته ..



5- رحلات فالين ..الى جزيرة العرب ...جورج اوغست فالين "عبد الولي "
وهي كما من العنوان تتحدث عن الرحالة الفلندي الى جزيرة العرب ..
ولا اعرف عنه شئ ولكن هناك حنين خفي لقراءة كتب عن الماضي شدني لهذا الكتاب لان كنت بصغري اهوى الكتب التاريخية ولكني حدت الى عنه الى الروايات ..
((ولانه مسكين كما قيل بفهرس الكتاب انه عاش لا يعرفة احد وضاع الكثير من نصوص رحلاته حتى العلاق جار عليه مع الزمن ولم يرضي تحميل صورة كتابه الا مركز تحميل العرب حل القضية ))



6-ان تقرأ لوليتا في طهران ..اذر نفيسي ..
هذا الكتاب هدية من اختي لي ..شاريته لي من دبي بعد ان مدحة صاحب المكتبة لها ..



7-انه لقدري ..رائف فضل الله ..
هذا الكتاب مش عارفة وضعته من قبل ام لا ولكن اعيد عنه انه كتاب كنت اشتريته من فترة لقريبة لي ولكنها عندما قرئته ارجعته لي ..حتى اقرئه او تظن اني اريدة لا اعرف ولكنها مدحته ..ونصحتني اقرئه ..



8- بنات من الرياض ..فايزة ابراهيم ..
كنت قد اشتريت هذا الكتاب لاختي ..ولانها كانت نايمة في المستشفى مع ابنتها لكنها ايضا ارجعته لي ولم تمدحة وقالت انه بايخ ..وهذا الكتاب لا اعرف ايضا هل كررته ام لا لاني اشتريته من فترة طويلة ..



وخلاص هذه مشترياتي الجديدة وقديمة لاخرين بس ارجعت لي وسلامتكم ..

 

[روان الهدهود]

قوة بنات ابي مكتبه تبيع روايات يعني انا الرواية عندي حده يومين واخلصها يعني ابي مكتبه القى فيها روايات وكتب حلوة

 

[~ miss NERD ~]

واي شخباري هــ الموضوع
........

من زمان ما شريت كتب
بس آخر شي كانوا ملوت عبد الوهاب السيد و أكيد عشقي الأول و الأخير twilight

 

[مس اموله]

بنات

تعرفون وين اقدر احصل رواية <اغرار > للكاتب ناصر الظفيري ؟؟

تكفون بنات الي تعرف تقولي وياليت لو يكون باكثر من مكان تقولي

ويعطيكم العافيه

 

[أوركيد]

آخر كتب شريتها

بس آنا كسوووله شوي ..اكود الكتب عندي ليما الله يفرجها عليهم

مذكرات غيشا..

رواية حلوة ..وسووها فيلم ..

كيف ترضع من الذئبة..

مدحوا لي الرواية ..بس لي الحين ما قريتها..

رواية هندية ..

بيل كانتو ..حازت على افضل رواية نسائية بالعالم

رواية تركية

ان شاالله اذا قريتهم اقوول لكم رايي فيهم ..

 

[pretty_woman]

قوة بنات

انا اليوم رحت جرير وشريتلي جم كتاب انشالله تعجبكم المجموعة اللي راح اعرضها

1- المعجزة لدانيال ستيل

2- التحرر

3- خمسة ايام في باريس

4- مذكرات من نجا لدوريس ليسينج
والمؤلفة فايزة بجائزة نوبل للآداب 2007

5- ابنة الجنرال لنيلسون ديميل
اللي سوو منه فيلم

حده يشوق،،،،

6- هذا الكتاب شاريته من زمان وماقريته للحين
المنتظر لعبدالله المضف

والحين قاعدة اقرا (اعترافات غايشا) وباقيلي شوي وابلش باللي شريتهم

حتى هذي القصة سوو منها فيلم وهي قصة حقيقية و واااايد حلوة

THE END​

 

[emankuwaiti]

ماشاء الله عليكم بنات
هاذي عينة من الكتب اللي شريتهم مؤخرا و المفضلة عندي

أول شي كتب المؤلف العبقري م.عبدالوهاب السيد

رسائل الخوف الجزء الاول و الثاني


(زيارات ليلية و الجانب المظلم للكاتب م عبدالوهاب السيد)رووعة هالقصة


هاكتابين ماعجبوني و ايد قصة (لاس فيغاس و الذين عادوا للمهندس سند راشد)



رووعة قصة (أمواج للدكتور بشير الرشيدي) و قصة (زيارة قصيرة رووعة لمها الكندري) أول مرة أفرى لها و حلو اسلوبها


القصة هاذي قريت بدايتها بس مافهمت شي يبيلها تركيز قصة (و في البدأ كانت مشكلة للدكتور بشير الرشيدي)


(مع المصفى محمد صلى الله عليه و سلم لسلمان العودة)
قريته و ما كملته للحين
​

 

[غاده]

قبل امس مريت جرير وشريت هالثلاث كتب وناويه ان شاءالله اخلصهم خلا هالشهرين ,,طبعان لازم لازم سيده الغموض اجاثا كريستي احب اقرا قصصها بوليسيه الاخت
وصاجه يا ويخيتي ام عبد المحسن احلا كتب في جرير

 

[وهج الحب]

السلام:
يوم الثلاثاء بعد امطار الخير اللي انزلت قالي زوجي الفجر بعد الصلاة ايش رايك نتمشى صوب الاحسا نتمشى ونجيب تمر
(هو هوايته المفضلة التمشي والمطر يطق )اولا رحنا فندق وتريقنا ..وشلناها للاحسا بس مسكين انا ربحت وهو خسر لان من تعدينا الحدود مافيه مطر وبصراحة هذه ثاني مرة اروح الاحسا بس وايد استانست فيها بصراحة ناس حلوين والضحكة ماتفارقهم ..
المهم ارجع للموضوع طبعا ما اقدر الا اجيب لي بسفرتي بعض الكتب وهذه الكتب الليا شتريتها وهذه هي :
1- اكلوا الموتى ..مايكل كرايتون ..احد كتابي المفضلين
عاد هذا الكتاب من زمان ادورة وكل ما اقرا في احد المنتديات ان احد قرائة امووت قهر حتى ان مرة قلت مأساتي هذه في احد المنتديات فاعطاني احد الاعضاء وصلة ان انزل الكتاب ..وانا ما احب انزل كتب لاني سويتها مرة والى الان ما قريت الكتاب اللي نزلته ..
المهم هذا الكتاب هو نفس قصة " المقاتل 13" للمثل انطونيو بندارس ..



2- اصدقائي احبائي ..مارك ليفي ..ما اعرفة بس حبيت اقرأ له ..



3- أطفال الحرية ..مارك ليفي ..

 

[وهج الحب]

السلام:
يوم الثلاثاء بعد امطار الخير اللي انزلت قالي زوجي الفجر بعد الصلاة ايش رايك نتمشى صوب الاحسا نتمشى ونجيب تمر
(هو هوايته المفضلة التمشي والمطر يطق )اولا رحنا فندق وتريقنا ..وشلناها للاحسا بس مسكين انا ربحت وهو خسر لان من تعدينا الحدود مافيه مطر وبصراحة هذه ثاني مرة اروح الاحسا بس وايد استانست فيها بصراحة ناس حلوين والضحكة ماتفارقهم ..
المهم ارجع للموضوع طبعا ما اقدر الا اجيب لي بسفرتي بعض الكتب وهذه الكتب الليا شتريتها وهذه هي :
1- اكلوا الموتى ..مايكل كرايتون ..احد كتابي المفضلين
عاد هذا الكتاب من زمان ادورة وكل ما اقرا في احد المنتديات ان احد قرائة امووت قهر حتى ان مرة قلت مأساتي هذه في احد المنتديات فاعطاني احد الاعضاء وصلة ان انزل الكتاب ..وانا ما احب انزل كتب لاني سويتها مرة والى الان ما قريت الكتاب اللي نزلته ..
المهم هذا الكتاب هو نفس قصة " المقاتل 13" للمثل انطونيو بندارس ..



2- اصدقائي احبائي ..مارك ليفي ..ما اعرفة بس حبيت اقرأ له ..



3- أطفال الحرية ..مارك ليفي ..

 

[!الجادل الصعب!]

بعد مقاطعه للقراءه عدت وبقوة .. >>> متحمسه !

شريت كتاب (السر)

بس للحين ماقريته شجعوني بنات يسوى ابدا فيه .. لان طبعي اذا قريت الشي ماحب اهده لين يخلص ..


وشريت كتب د.فوزيه الدريع .. القبله - اللمس - الرجل الحيوان ..


وشريت كتاب ( الساعات الاخيره في حياتهم )

كتب عن الشخصيات التاريخيه ومشاهير الادب والفن الحروب .. صراحه حلو وفيه معلومات عن الشخصيات ماتوقعتها ..

للي تحب التاريخ نفسي بيعجبها الكتاب..

وكل الكتب اخذتها من المعرض المصري الي كان بصالة 4 قبل اسبوع من ركن مكتبه جرير ..

 

[هدوء0]

هذا كتاب قريته بس بعدني ماخلصته للـ د.سليمان فهد العوده

الكتاب ..صغير الحجم ..
" مثل حجم الروايات الأجنبية

فهرس المحتويات :
إهداء
بناتي
ولد المرة ..
فتاة مراهقة
فتاة مهمة
ادخل عقلي
فتاة مكتئبة..
أمي تكرهني..
لا أحب المدرسة ..
معجبات..
فتاة الكترونية ..
فتاة فضائية ..
أريد عملا..
الناجحات ..
إلى ابنتي نجلاء..
إلى من مشت قدمااها في طريق الوحل..
الزينة أنثى ..
هل الموضة حرام ..؟
انتماء
شهوة الجسد..
الزواج والحب..
الحب الزوجي..
الحبمن طرف واحد..
الوصايا العشر للحب الدائم ..
الوصال الجسدي..
زوجة ولكن ..
فتّش أوراق زوجتك..
مرأة بين نارين


طبعاً الكتااب بـ15 ريال عندنا بس عندكم ماادري .. انتوا ارخص .. ياحظكم :eh_s(11):

 

[هدوء0]

هذا كتاب قريته بس بعدني ماخلصته للـ د.سليمان فهد العوده

الكتاب ..صغير الحجم ..
مثل حجم الروايات الأجنبية

فهرس المحتويات :
إهداء
بناتي
ولد المرة ..
فتاة مراهقة
فتاة مهمة
ادخل عقلي
فتاة مكتئبة..
أمي تكرهني..
لا أحب المدرسة ..
معجبات..
فتاة الكترونية ..
فتاة فضائية ..
أريد عملا..
الناجحات ..
إلى ابنتي نجلاء..
إلى من مشت قدمااها في طريق الوحل..
الزينة أنثى ..
هل الموضة حرام ..؟
انتماء
شهوة الجسد..
الزواج والحب..
الحب الزوجي..
الحبمن طرف واحد..
الوصايا العشر للحب الدائم ..
الوصال الجسدي..
زوجة ولكن ..
فتّش أوراق زوجتك..
مرأة بين نارين


طبعاً الكتااب بـ15 ريال عندنا بس عندكم ماادري .. انتوا ارخص .. ياحظكم :eh_s(11):