البواسير ذبحتني

[أركان الشرق]

:eh_s(2):

بنات مين جربت البواسير
ذبحتني بالالم وخايفة من العملية
انا الله يكرمكم تنزل مني نقاط دم احمر قان من فترة لفترة يعني تستمر معاي يومين ثلاث بعدين تنقطع عني وبعد فترة ترجع لي
ومامعاي امسك
وصرت اشيل هم لما اروح الحمام الله يكرمكم
لاشفت الدم شوي واصيح

منو صار لها مثلي وكيف تعالجت منه بدون عملية
وش الاعراض اللي تحس فيها ؟
ياليت كل وحدة تمر وتقول لنا وشلون تعالجت منها
واللي ماعندها خبرة نبي منها دعوة

وشاكرة لكم وناطرتكم على احر من الجمر

 

[البرنسيسه سعاد]

اختي الحمدالله انا مافيني شي بس الى اعرفه

شوفي لو حمامكم مو عربي

قعدي رفعي ريولج وخلي ظهرج سيده خلي وزنج بظهرج ومشكووره

 

[الباحثات عن الجمال]

أختي ألف سلامه عليكي ولابد لكي من أخذ العلاج الموصوف من الطبيب ومع العلاج ممكن تتبعي الأتي:
1- زيت بذر الكتان لعلاج البواسير حيث تدهني البوسير إذا كانت خارجة أو تغمس قطع من القطن في الزيت وتدخل في فتحة الشرج.
2- دهن البوسير بزيت الخروع.
3- ويجب عليكي علاج الامساك لأنه أساس المشكلة ويجب الإقلال من تناول السمك ولحم البقر والحوامض والتوابل الحارة.
4- وأيضاً الجلوس في ماء قد طبخ فيه ورق الخطمي وبذر كتان وبابونج وجميعاً يسكن أوجاعهم.

 

[بنت بابا جابر]

الله يكون بعونج حبيبتي ...

 

[كوكب الدرر]

الله يشافيج منها

اختي كان فيها بواسير وما ارتاحت منها إلا بعد العملية

انتي طبقي اللي قالوا لج البنات وإن شاء الله ينفع

أما إذا ما نفع فتوكلي على الله وسوي العملية

يمكن تتأذين بالبداية بس بعدين راح ترتاحين

الله يساعدج

 

[Melona]

آنا كان فيني
تعبت وكابرت كان أول دم خفيف مثلج
بعدين صار نزيف
وتعبت

اضطريت آخر شي اني أسوي العملية
وارتحت الحمدلله

العملية ترا مو متعبه بس اول الايام وبعدين ترتاحين

بس عشان تخففين الالم اكلي خضرا وفواكه وايد عشان تلين الخروج وما تتعبين

وسلامتج وماتشوفين شر حبيبتي

 

[أركان الشرق]

البرنسيسة
مشكورة ياقلبي

اباحثات عن الجمال
مشكورة حبيبتي على النصائح وان شاء اطبقهن

بنت بابا جابر
مشكورة حبيبتي

كوكب الدرر
اوووه مشكلة العملية اول شي احرااااااج
الله يكون بالعون

Melona
الله يتمم عليج
والله يستر ويعين
مشكورة على الافادة

 

[barbie girl]

آنا كان فيني
تعبت وكابرت كان أول دم خفيف مثلج
بعدين صار نزيف
وتعبت

اضطريت آخر شي اني أسوي العملية
وارتحت الحمدلله

العملية ترا مو متعبه بس اول الايام وبعدين ترتاحين

بس عشان تخففين الالم اكلي خضرا وفواكه وايد عشان تلين الخروج وما تتعبين

وسلامتج وماتشوفين شر حبيبتي

انا هم كابرت جم سنه لين اكلتها والحين خلااااص بسوي العمليه تعبت

بس ممكن اعرف منو الدكتور اللي سواها لج

 

[barbie girl]

:eh_s(2):

بنات مين جربت البواسير
ذبحتني بالالم وخايفة من العملية
انا الله يكرمكم تنزل مني نقاط دم احمر قان من فترة لفترة يعني تستمر معاي يومين ثلاث بعدين تنقطع عني وبعد فترة ترجع لي
ومامعاي امسك
وصرت اشيل هم لما اروح الحمام الله يكرمكم
لاشفت الدم شوي واصيح

منو صار لها مثلي وكيف تعالجت منه بدون عملية
وش الاعراض اللي تحس فيها ؟
ياليت كل وحدة تمر وتقول لنا وشلون تعالجت منها
واللي ماعندها خبرة نبي منها دعوة

وشاكرة لكم وناطرتكم على احر من الجمر

حبيبتي تلاحقي على عمرج ولاتسوين نفس غلطتي انا كنت اعاني من البواسير واستحي اكشف عند ريال لين ما التهبوا وصار معاي نزيف حاد وصاروا اشكبرهم ومعاي امساك الله لا يوريج وصلت لمرحله من الالم ودي ابجي خلاص ولا اطلع بس منسدحه وما اقدر امشي وعوااااااااااار ودم وهم قمت اكابر واحط المره والفاززلين وهالخرابيط لاني كنت اقرا تجارب الناس بالنت وهم ما فادتني لازم دكتووووووووووووووور صدقيني الحيا ما راح يفيدج دورت دكاترة نساء ماكو وانا خلاص وصلت لمرحله ما عاد ينفعني الحيا وكشف علي الطبيب وانا مغطية ويهي من الحيا بس شسوي اهو دكتور تمر عليه مليون حاله مو بس انا ومو من حلات المنظر عاد لووووول


المهم عطاني هالادويه بصراحه مفعولهم سحري لاني جربت كذا كريم وكذا تحميله ما فادوني بس هذا الدوا خطير والله ادعي للدكتور وطبعا قالي لازم جراحه لاني واصله مرحلة متقدمه بس اول شي لازم علاج ومهديء للبواسير لانهم ملتهبين وايييد



صج اني قرقه بس حاسه بمعاناتج


هذا الكريم خطيرررررر مره كل 12 ساعه وترى حتى دكتورة النسا توصفه لي من كثر ما اهو رهيب وآمن حتى عالحامل

وهذي التحاميل تهبلللل بس ما لقيت صورتهم بعطيج الاسم ترى الكرتون ابيض ابنفسجي حطي تحميله كل 12 ساعه


xyloproct
lidocaine hydrocortisone




و الدكتورة عطتني زيادة على علاج الدكتور حبوب وكنت قارية عنهم بالنت يقولون روووعه مهدئه للبواسير وصج احس جنه مافيني بواسير الحين ما احس فيهم وماودي عالجراحه بس هم اقول افتك ابرك

 

[أركان الشرق]

barbie girl
الله يجزاك خير حبيبتي
انا الحمد لله مااعاني من امساك
وادويتك بستشير الدكتورة فيهم
والله يشافيك يارب

ومشكورة على مساعدتج

 

[توته سعوديه]

اول شي عالجي الامساك لان البواسير تبدا بالامساك
تبين شي زين للامسااااااك العنب اكلي كل يوم عنب انا حامل واعاني من الامساك ماينفعني الا العنب
وبعده البرتقال والملفوف بس العنب سريع مفعوله
والبواسير كل مااهملتيها تزيد وتكبر والله الحين احسن لج
والله يشافيج

 

[عروس نجد]

كثري اكل برتقال وراجعي دكتورة