نصيحة حق مكالمات المغتربات في امريكا

[loolat^mady]

بنات انا مجربه حق المكالمات الدوليه شي اسمه ماجيك جاك.. حده عجيب تطلبينه من الانترنت ويوصل لج اهوه مثل فلاش تدزينه حق اهلج بالكويت بس لازم يكون عندهم انترنت سريع..ويحطونه على الكمبيوتر ويركبون عليه تلفون حده واضح الصوت.. وتدفعون 20 دولار بالسنه احنا اول سنه كان عليه عرض اببلاش وكنت اكلم فيه ريلي .. جنه تلفون بيت ويعتبر خط امريكي ..
سووا سيرج عنه بالانترنت وانشالله يفيدكم

 

[PinkY Dreams]

اي والله حدددددددده عجيييب

انا عندي ياه وأكلم أمي 24 ساعه

اهو مثل فلاش ميموري يو أس بي تحطينه على كمبيوتر اهلج الي بالكويت قبل لاتسافرين وتسوين داونلود تنزلينه على كمبيوترهم وتحطين عنوانج فيه وأهلج يركبون تليفون البيت و يدقون عليج وانتي بأمريكا وتستقبلين مكالماتهم من موبايلج العادي ووين ماكنتي بسوق بالمطعم يدقون عليج اهلج منه

انا استخدمه الحين اشتراكه سنوي
والحمدالله صرت اكلم امي بأي وقت و بمده طوييييييله وابلاش

امي كل ماتكلمني منه تقول اخاف يحسب فلوس لووول مستغربه من هالتكنلوجيا :016:

انا بعد انصحكم فييه

 

[كشموووشه]

والله خوش فكره
عاد انا كل يوم وترك اشتري كرتين nyc
يسلموووووووووووووو

 

[*مرامي*]

الله يرجعكم البلد سالمين
ولا تحتاجون تلفونات ولا شي

 

[حنين وطن]

ايه اناا سمعت فيه والله انا اشتري كل اسبوع بطاقه 20 دولار والله حرام ومااتجلس بس اكلم اهلي فيهاا وزوجي يشتري الاسبوع الثاني حق اهله

 

[*مرامي*]

حبيبتي بسئلج
قصدج برنامج يتحمل على الابتوب؟؟

جنكم تقولون افلاش مومري!!!!

 

[*مرامي*]

حبيبتي بسئلج
قصدج برنامج يتحمل على الابتوب؟؟

جنكم تقولون افلاش مومري!!!!

 

[مغربية بقلبQ8Y]

هي فلاش مومري صارت عندي شي سنتين بنصحكم تستعملوها هي ممكن تستخدموها لأمريكا ولكندا كمان

 

[نـ(المطيري)ـازكـ]

الله يجزاج خير .. ماقصرتي ..

 

[PinkY Dreams]

اي برنامج مثل الفلاش ميموري تحطينه بكمبيوتر اهلج قبل لاتسافرين امريكا و تسوين داونلود وتحطين عنوانج الي بأمريكا ولازم اهلج يركبون عليه تلفون البيت
واذا وصلتي امريكا يقدرون يدقون عليج منه على موبايلج العادي

والله انصحكم فييه انا استعمله الحين واهو اشتراكه سنوي

واكلم امي 24 ساعه وابلااش حتى لما اكون بالجمعيه بالمستشفى امي تدق علي بأي وقت

بس لازم اهلج يكونون شابكين بالانترنت علشان يدقون عليج وانتي بعد تدقين على اهلج وين ماكنتي بس لازم اهلج يكونون شابكين بالانترنت


البرنامج اسمه ماجك جاك

وهذا اهو موقعهم

http://www.magicjack.com/4/index.asp


وهذي صورته بهالطريقه تحطينه على كمبيوتر اهلج قبل لاتسافرين او اشتريه ودزيه لهم بالدي اج ال وعلميهم طريقته




ولمن تحطينه على الكمبيوتر راح يطلعلج مربع لازم شوي تنطرين علشان تسوين داونلود يعني تحملين البرنامج تنزلينه على الجيهاز وبعدين راح يطلع عندج صفحه وتحطين عنوانج الي بأمريكا و رقم تليفونج

وهذي الشاشه



واهني تحطين واير هالفلاش الصغير ( الماجك جاك ) وتوصلينه بتلفون بيتكم وبس :wqedqw:




لما تشترينه تدفعين اشتراكه سنوي وكل ماتكلمين اهلج فيه مايحسب فلووس وابلااااااش كلمينهم يوم كامل وابلاش ونااااااااااسه​

 

[درقاء]

والله حلو .. خوش شي
جم سعره ووين يبيعونه عشان اقول حق ريلي يدزه لي اهني .. عشان يحطونه اهلي لما اروح حق ريلي

 

[بطه فيها نطه]

ينباع بمحلات الموبايل وفي اماكن ثانيه تبيعه بعد ... اعتقد سعره 39 دولار

وفي عرض على الاشتراك السنوي بدال 40 دولار صار بـ 20

 

[دلوعة البريسم]

بنات انا ابيعه بقسم المول

اللي تبيه حياها

 

[irresistible]

اي صاجة بطوطة انا من زمان شاريتة ب 40 دولار و اشتراك سنوي الحين شلتة

 

[السنافيه]

بنات عفيه
هذا عادي استخدمه وانا بالكويت واكلم فيه دول الخليج ولا مايصيررررر

 

[سموالاميره]

الله يعطيكم العاااااااااااافيه

 

[السنافيه]

بنات عفيه
هذا عادي استخدمه وانا بالكويت واكلم فيه دول الخليج ولا مايصيررررر

بنات مارديتواا علي سووووالي

 

[loolat^mady]

بنات مارديتواا علي سووووالي[/b]

لا حبيبتي مايصير هذا بس حق امريكا ويعتبر خط امريكي..
حق دول اخليج عندج سكاي بي ترىى وايد زين..

 

[سموالاميره]

هذا الجهاز بس لأمريكا؟؟؟؟؟؟؟؟؟؟؟؟؟

 

[loolat^mady]

هذا الجهاز بس لأمريكا؟؟؟؟؟؟؟؟؟؟؟؟؟

اهوه يعتبر خط امريكي بس تقدرين تاخذينه معاج اي دوله وتتصلين على امريكا بس.. انا كنت استخدمه وانا بالكويت اكلم ريلي منه واهوه بامريكا..