تجمع : )) عشان نفسي قررت أغير نفسي ((

[m7koma]

طبعا انا من يوم السبت مبلشه ريجيم بس بقولكم اليوم شنو كليت
اول ماقعدت من النوم الصبح شربت كوب حليب وللاسف بنات مابي الوع جبدكم رجعت من عقب ماشربت الحليب ما ادري شصار فيني مع ان كل يوم اشرب الحليب متعوده يعني
وعالغدا خذيت حبتين ايزيلاكس مع قلاصين ماي وكليت خيار بالروب مع حمسة دياي مع شوية دهن نتفه بس عشان مايلزق الدياي طبعا من غير خبز كليتها بشوكه
وقبل شوي كليت ككاو ارو صغيرون الميني واحد بس
وعالعشا ما ادري شنو راح اكل اذا تعشيت اقولكم انشالله
وحطو يومياتكم عشان كل وحده تستفيد من اكل الثانيه
طبعا انا ماشيه على ريجيم الدكتور يوسف الخضر لان كنت اراجع عنده من قبل بس الحين خليته

 

[عاشقهH]

انا وزني 86 طولي 157
حامل وببدا رجيمي من باجر

 

[أم حيدر]

عاشقة لا تسوين ريجيم حرام اولدي بالسلامة ولاحقة انشالله

 

[souka]

أنا وزني 89.5وطولي 155 أـبي أنضم معاكم ممكن

 

[مـ..ـ‘َِـيآوَِّ]

kuwaitya-frawla ،، ان شاء الله يا قلبي توصلين للوزن المناسب ومنوره التجمع

m7koma ،، شرفتينا حبيبتي وان شاء الله راح تضعفين بس اهم شي نشجع بعض ونكثر من شرب الماي وقولي لي وزنج علشان اعرف جم راح تنزلين هالاسبوع باذن الله

 

[مـ..ـ‘َِـيآوَِّ]

عاشقهh ،، حبيبتي انتي باي شهر اذا باشهرج الاوله حياج ويانا انما اذا طفتي اول ثلاث اشهر فما انصحج ابدا لانه خطر عليج وعلى البيبي

وهالكلام شفته بصباح الخير ياعرب اول ثلاث اشهر البيبي ما يتغذى منج بس بعدها راح يخذ كل شي منج فحرام اذا طفتي اشهرج الاولى تسوين رجيم

 

[مـ..ـ‘َِـيآوَِّ]

أم حيدر ،، حبيبتي اليوم ابداي برجيم محمد ربيع اوكي يا قلبي علشان حليبج يا قلبي

ولا تنسين تكثرين من شرب الماي اوكي يا الغلا

 

[مـ..ـ‘َِـيآوَِّ]

souka ،، حياج الله وان شاء الله تضعفين وبانتظار يومياتج حبيبتي

 

[مـ..ـ‘َِـيآوَِّ]

بنات انا اليوم ان شاء الله راح اغير نظام محمد ربيع لاني وقفت رضاعه لانه ولدي مو راضي يرضع مني من الشهر الثاني ما ادري ليش

والحين صار عمره اربع اشهر وانا بس قاعده اشفط له ومليت من الشفط بصراحه فـ صارلي 8 ايام مو شافطه حليب ومع هذا يا ام حيدر للحين في حليب بصدري

علشان تعرفين انه ريجيم ربيع ما يخف الحليب منه ان شاء الله يوقف الحليب من صدري لاني مضايقه منه حيل قاعد يعورني حيل

المهم اليوم ببدأ بريجيم التمر وراح اشرب ماي وايد وراح استمر عليه هالاسبوع باذن الله

بنات هالخميس لا دزون اوزانكم على الخاص الخميس اللي بعده يكون احسن علشان نخذ وقتنا ولا احد يقرب على الميزان الا يوم الخميس

بتاريخ 25-3 واكرر اللي عطوني اوزانهم ممنوع الاقتراب على الميزان الا بتاريخ 25

وبانتظار باقي المشتركات يعطوني اوزانهم

 

[مـ..ـ‘َِـيآوَِّ]

بالنسبه للتوقيع يا بنات ترى المصممه ga ga راح ضبط لنا التوقيع ان شاء الله

 

[أم حيدر]

صباح الخيررررررررررررررررر يا حلوين

مياو - حرام حاولي ويه وليدج خليرضع وقفي الممية عنه شوي وحاولي تعطينه صدرج.

انا اليوم تقريبا بديت الريجيم صمونتي الصبح وحليب نسكافيه.

المشكلة ويييييييييين : دوامي من 8-4 وعزج الله اذا الدورة قربت الوحده أسنانها تحكها عالكاكاو.

في معلومة ان الريجيم أثناء الدورة ممنووووع :/

حوووووسة

 

[مـ..ـ‘َِـيآوَِّ]

أم حيدر ،، والله من هو وعمره شهرين وانا احاول وياه وبس قاعده اشفط وتعبت وايد وياه هو من النوع العصبي يعني ما شاء الله عليه

من الشهر الاول يوقف على رجوله بس يمسك ايدي بروحه يوقف تبارك الرحمن وحده نفسيه يعني الحين عمره اربع اشهر مطلع عيني

لدرجه قلت خلاص ما ابي عيال بعده فديته عصبي وما شاء الله الحين توه بصير اربع اشهر اسنانه قاعده تطلع

فوين احاول وياه اللي يبيه يصير يعني يصير وانا تعبت من الشفط والله

المهم ام حيدر انا كنت نفاس وقاعده اسوي ريجيم محمد ربيع حاولي اول اسبوع تتبعين الريجيم من غير ما دخلين كاكاو وهالسوالف

ويوم الخميس اذا لقيت وزنج نازل راح اضبطج بس المهم اني اشوف نتيجه حلوه هالاسبوع

 

[simple.girly]

السلام عليكم هلا والله بالطش والرش شلونكم ؟ بشرونا عنكم ...
انا بلشت اليوم اكلت شوكلات كولرن فلكي فيه بس 0 سعرة حرارية وشربت حليب موز كي دي دي ان شاء الله ما اكل شي لي الغدا قولو امين

 

[أم حيدر]

لوووووووووووووووووووووووول ضحكتيني ذكرتي فبجري حيدور يمااااااااااااااااا أروحله فدوه رباني من يد ويديد طالعلي شخصية حتى لما اليهال يلعبون يطالعهم من بعيد لبعيد لوووووووووول ومو أي لعبه تعجبه

المووووهم حلوة أضبطج

ان شاء الله بادية بالرجيم وما راح أورن الا عقب 10 أيام واقولج

 

[مـ..ـ‘َِـيآوَِّ]

السلام عليكم هلا والله بالطش والرش شلونكم ؟ بشرونا عنكم ...
انا بلشت اليوم اكلت شوكلات كولرن فلكي فيه بس 0 سعرة حرارية وشربت حليب موز كي دي دي ان شاء الله ما اكل شي لي الغدا قولو امين

وعليكم السلام

هلا فيج اكثر يا قلبي

بس ترى لا تصدقين سالفة السعره الحراريه الوحده لانه دكتور محمد ربيع منع عني الدايت بيبسي ويوم عطاني وجبه فري

قلت له عادي اشرب واحد دايت مكانها قالي اوكي يعني بدل الوجبه دايت تخيلي وقالي سالفت اللايت والدايت

كلها فيها سعرات حراريه بس اقل بشوي من غيرها

على العموم بالتوفيق يا قلبي وهالاسبوع راح نشوف اذا نزلتي ان شاء الله كملي على اللي انتي عليه

انما اذا ما نزلتي بيلج ريجيم غير هذا اوكي يا عسل

 

[simple.girly]

لالالا اصلا الدايت بيبسي خطير البيبسي العااجي أهون ابوايد .... لا ان شاء الله انزل . قولي امين ؟

 

[مـ..ـ‘َِـيآوَِّ]

بنات انا من الصبح للحين بس قاعده اشرب ماي

المهم انا يمكن باجر ما اقدر ادش ومثل ما قلت لكم بمشي على ريجيم التمر ان شاء الله

بنات حاولو تستحملو الجوع اللي تجوع تشرب ماي صدقوني راح تحس بالشبع وكلها ثلاث اشهر وراح يختلف الوضع ويانا

نبي اراده بارك الله فيكم

 

[مـ..ـ‘َِـيآوَِّ]

لالالا اصلا الدايت بيبسي خطير البيبسي العااجي أهون ابوايد .... لا ان شاء الله انزل . قولي امين ؟

امين يا قلبي

 

[simple.girly]

ايييييييييه والله حده اتهقين اقدر انول 17 كيلو اشكثر فترة ؟
اقدر انزلها على نص 5 ؟

 

[مـ..ـ‘َِـيآوَِّ]

والله اذا عندج اراده تنزلينها باذن الله

اهم شي كل ما تحسين بالجوع شربي ماي اكلي بس فطور وغدا وعشى ريجيمي وباقي اليوم ماااااااااااي

وان شاء الله راح تنزلين ال17 كيلو بس بشهرين امشي على النظام وقولي مياو قالت لاني انا نزلت 15 كيلو بشهرين وانا مو قاعده اشرب ماي

فشلون اذا شربت ماي !!