رد: ماكو تجمع حق english playgroup ? شرايكم نسوي
المهم يا بنات .. احس بنتي استفادت من وايد اشياء .. تفهم الكلام الانجليزي وترد بس بلهجة اليهال المكسرة , بس باجي اليوم كله كلامها عربي , قلت ماني مستعيلة عليها , يتني هذاك اليوم قالت لي ماما عطوني قرآن وايد استانست وانا معاها في البيت اراجع لها
المدرسات وايد يهتمون يعني بنتي مرة صخنت شوي واستفرغت , على طول دقت علي مدرستها وقالتلي لا تحاتين احنا معاها ماراح نخليها وطمنتني .
السلبيات في هالمدرسة ( من وجهة نظري ) انا ما جربت مدارس ثانية يمكن باجي المدارس نفس الشي بس راح اقولهم :
1- احس الصف متروووووووووس يهال , شلون عيالنا بيستفيدون ؟ بس قاعدة احس انه بنتي مع هذا الحمدالله مستفيدة .
2- وايد فلبينيات طبعا اهما نانيز مو مدرسات وفي منهم مدرسات منهم حق الرياضة او تنظيم اليهال !! وكل ما بنتي تتعلق في أبلة اجنبية تسافر او تنتقل !!!!! وحتى المدرسات العربيات وايد,, نادر ما اشوف انجليزيات وخاصة بسلوى انا مادري عن الرميثية
3- من اول السنة بس ودوهم رحلة وحده بس , ودنا عيالنا يتعودون على الباص والرحلات الله يحفظهم
الايجابيات :
1- الرسوم مالتهم وايد سهالة , ومرة صارت تأخرنا بشهرين محد دق ولا سأل
2- متعوانين وحبوبين وبنتي وايد تحب مدرستها ماتبي تطلع بعض المرات اقولها شرايج نروح سكول ثانية ماترضى
3- حبيت المدرسة ونفسيا ارتحت لها , بس اخاف في مدارس ثانية يكون مستواها بالتدريس اقوى وهذا الي نبيه حق عيالنا مافي احد مايبي الزين , والي خوفني من المدرسة بصراحة المدرسات العربيات ( هذا مو طعنا فيهم ولا بمستواهم ) بس وين الانجليزيات الي بيعلمون عيالنا اللهجة الصحيحة انا هذا الي مو عاجبني
