للحلوين / الغريبه - بسبوسه - بيض القطا / باسهل الطرق من ايدي

[بطه فيها نطه]

مشرفة القسم Snow angel​

اليوم عندي لكم ثلاث انواع حلو ( بيض القطا - بسبوسه - الغريبه )

وطريقة الاعداد والتقديم سهله والطعم واااااااااااااو

نبدي مع البسبوسه


المقادير :



1 كوب سكر

1 كوب سميد

1 كوب جوز الهند

1 بيضه

1 قيمر ( انا استعمل بوك )

3 قفاش كبار روب

ربع او اقل دهن

1 م ص فانيلا

1م وسط بيكنغ باودر

1 م كبيره هيل ناعم

نص م صغيره صبغة الزعفران

+ زعفران منقع بماي ورد تقريبا اقل من ربع كوب

لزينه / فستق مطحون او مجروش + شيره



الطريقة : تخلط جميع المقادير الناشفه وبعدها السائله + البيضه

ممكن نضيف ماي في حال الخليط متماسك ...

ندهن الصينيه بفرشه فيها هرده من جميع الجهات ونصب الخليط وندخلها الفرن

بعد ماتستوي من تحت ... نفتح عليها من فوق مجرد ثواني

ماتحتاج وايد ... النقطه هذي مهمه ترى الويه يحترق معاك

نطلعها من الفرن ونسقيها بالشيره البارده ... وبعد ماتشرب

نرش عليها فستق مجروش او ناعم ... ممكن نطبق الفكره على قوالب

الكب كيك الورق ... مجرد انه يكون عندك قالب كب كيك وورق وتصبين

فيهم الخليط من غير ماتدهنين الورق او القوالب ... بس راح تستوي

اسرع من القالب ...

* اذا بتعرفين شلون البسبوسه استوت ... الريحه راح تطلع + حطي عود وراح يطلع معاك ناشف

+ اطرافها تحمرت ... وعليكم بالعافيه








طبقنا الثاني الغريبه


المقادير :


2 كوب طحين ابيض وانا حمصته شوي لما اخذ لون وبعدين نخلته

200 جرام زبده اي نوع وبالسمنه احلى بس مو متوفر عندي

1 كوب سكر ناعم

هيل ناعم تقريبا 1م وسط

1م ص فانيلا

الطريقه / نضرب السكر + الزبده لين تتكون عندنا كريمه بيضه ..بعدها نحط الطحين

والهيل ونخلطهم ... بعدها نكور باحجامم متساويه ... وبنفس الوقت نزين بالفستق

علشان ماتنشف العجينه وليه ييتي تحطين الفستق راح تتفتت منك

لانها عجينه ناعمه ... ندخلها الفرن اقل من ربع ساعه بس من تحت ونطفي

الفرن ... وماله داعي من فوق وعليكم بالعافيه





واخر حلو بيض القطا




المقادير :


كوب ونص طحين

3 قفاش كبار سكر

نص قالب زبده او 60 جرام

كلهم بخلاط الكيك ... بعدها بيكون عندك تقريبا نص كوب حليب سائل تدفينه شويه على النار مع

1 م صغيره هيل ناعم + 2 م ص سكر

وتصبين عليهم شوي مو كل الحليب ... بس لما تحسين العجينه تماسكت عندك

ممكن تتلزق رشي شوي طحين عليها مو وايد ... بعدها كوري وحشيها

بهالحشوه العجيبه ...




بدون تحديد كميه :

فستق وجوز مجروش خشن

هيل ناعم - زعفران - ماي ورد - دارسين - شيره

من كل شي شويه


من بعد ماكورنا وحشينا ... الحين نقلي الكور او البيض بدهن غزير وحار




بس اتحمر ... نتركها شوي تبرد تقريبا ربع نص ساعه ... وبعدها نرشها

نفس خلطة الهريس ( سكر ودارسين ) واللي مايحب بس سكر ناعم





نصيحه اذا رشيتي السكر عليها واهي حاره ... راح يذوب ويخرب الطعم

وتصير ملزقه ودبقه ...





اللي اعجيتها حلوياتي ... تجربها وتدعيلي الله يهون غربتي

ويحفظلي كل احبابي ...

 

[wawiya]

تسلم ايدج رووووووووووووووعه

 

[ABEER FLOWER]

ما شاء الله عليج بطه سنعه
تسلم إيدج
ربي يحفظج و يهون عليج غربتج يااااااارب

 

[Snow angel]

ماشاء الله تبارك الرحمن ولا حول ولا قوة الا بالله

ترتيب وذوق وابداع

تسلم هاليدين والله يحفظك يا الغالية

 

[78MariMar78]

ماشاءالله تبارك الرحمن

شكل الحلو يشهي

تسلم ايدك بطة

وربي يهون غربتك ويرجعك لبلدك وأهلك بالسلامة....

 

[جارة القمر]

ماشاء الله


تبارك الرحمن




تسلم هالأيادي



حبيبتي

 

[مي الحلوة]

تسلمين ويعطيج العافية..
الموضوع جا بوقته..بس ياليت اذا عندج طريقة سهلة ومضبوطة لصب القفشة..
حدي مشتهيتهاااااا..اكون شاكرة..

 

[أحلى همبه كويتية]

للحلوين اكيد تقصديني انا
ههههههههههههههه

بعد عمري تسلم الأيادي
والصور عجيييييييييييييييبة
الله يهون عليكم الغربة ويردكم بالسلامة يارب

وبالعافففففففففففففففية

 

[نووووونا]

الله يهون عليج غربتج ويحفظ لج احبابج وتردين سالمه غانمه يا بطتنا الحلوه


الحلويات شكلها يمى عليكم بالف عافيه

 

[&& دعاء &&]

تسلم الأيادي
عاد الغريبه لي مده طويله وانا ادور وصفتها
مشكوووووره حبيبتي

 

[بطه فيها نطه]

تسلم ايدج رووووووووووووووعه

الله يسلمك مشكوره

 

[بطه فيها نطه]

ما شاء الله عليج بطه سنعه
تسلم إيدج
ربي يحفظج و يهون عليج غربتج يااااااارب

تسلمين عبوره ... ياحلو اسمك واطباقك ..

 

[بطه فيها نطه]

ماشاء الله تبارك الرحمن ولا حول ولا قوة الا بالله

ترتيب وذوق وابداع

تسلم هاليدين والله يحفظك يا الغالية

تسلمين مشرفتنا الغاليه .. الله يحفظك

 

[بطه فيها نطه]

ماشاءالله تبارك الرحمن

شكل الحلو يشهي

تسلم ايدك بطة

وربي يهون غربتك ويرجعك لبلدك وأهلك بالسلامة....

الله يسلمك مرورك الاحلى

 

[بطه فيها نطه]

ماشاء الله


تبارك الرحمن




تسلم هالأيادي



حبيبتي

تسلمين جارونه .. :sfg:

 

[بطه فيها نطه]

تسلمين ويعطيج العافية..
الموضوع جا بوقته..بس ياليت اذا عندج طريقة سهلة ومضبوطة لصب القفشة..
حدي مشتهيتهاااااا..اكون شاكرة..

مي تبين الصراحه ماجربت من قبل صب القفشه .. احاول ادورلك طريقه مضبوطه واحطها لك بالقسم

اذا مستعيله عليها ...

 

[بطه فيها نطه]

للحلوين اكيد تقصديني انا
ههههههههههههههه

بعد عمري تسلم الأيادي
والصور عجيييييييييييييييبة
الله يهون عليكم الغربة ويردكم بالسلامة يارب

وبالعافففففففففففففففية

واحنا كم حلو عندنا وحده وحدهاااااااااااااااا حلوه ... اسمها همبه ههههههههه

الله يسلمك هبوش

 

[بطه فيها نطه]

الله يهون عليج غربتج ويحفظ لج احبابج وتردين سالمه غانمه يا بطتنا الحلوه


الحلويات شكلها يمى عليكم بالف عافيه

نووونا تسلمين حبوبه ...

 

[بطه فيها نطه]

تسلم الأيادي
عاد الغريبه لي مده طويله وانا ادور وصفتها
مشكوووووره حبيبتي

عليك بالعافيه جربيها ... ان شاء الله تعجبك

 

[أحلى همبه كويتية]

فدييييييييييييتك بطوطة
تسلمين لي يارب


عندي طريقة صب القفشة تهبل ومضبوطة 100/100
نطري بس ادورلج المقادير وارجع