عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[ام _خلودي]

هلاا ررونه الله يسلمج الحمدالله عملية امس وعمليه ايوم عدت على خير

بس للحين حبيبتى بغيبووبه صارلها 3 اسابيع الله يقومها بالسلامه

جااان دقيت عادى كنت سهران وريلى مسافر وخلود حايشه عقنقز وقاعد بيت اهلى

لووول حالتى كسيفه

بغيت اسال عن موقع برايس لاين ماينفع احجز بفيزتى لازم فيزا امريكيه ؟؟

واذا بطلع فيزا امريكيه شلوون؟

 

[ام البنين2000]

الاسواق في لوس انجلوس
the groveويعتبر سوق حده راقي وفي قحاوي حلوه للقعده
ويمه سوق الفلاحين كله اكل الفلاحين طابخينها انا احب اكل عندهم فطاير وفلافل
beverly center
fashion island mall وايد احبه والقعده فيه هم حلوه
الاوت لت اللي اروحهم
desert hills هذا كله ماركات عالميه فرنسيه وايطاليه وحده رخيص مقارنه بأسعار الماركات
ontario هذا الاوت لت كبير وفيه واايد محلات حق اليهال وايد رخيص
وطبعا بلاهويا الشارع فيه محلات
وهم بالthird street

هذيل اللي اذكرهم حاليا
سمبوله اذا عندج اي اسواق غير اللي ذكرتهم عفيه ضيفيهم وخلي البنات يستفيدون

 

[ام البنين2000]

بفيغاس كل فندق داخله مول وانا ما تسوقت بفيغاس لقيتها غاليه مقارنه بلوس انجلوس

 

[عيد الفرح]

م البنين طافج الاوتلتز اللي في فيقس تصدقين ارخص بوايد من اوتلتز لوس انجلس للاسف اكتشفتها متاخر تصدقين جواتي اقنر على 10 دولار
لايطوفكم بنات اوتلتز تراهم اثنين واحد اول قبل لا ادشون فيقس والثاني داخل فيقس

 

[rawona]

هلاا ررونه الله يسلمج الحمدالله عملية امس وعمليه ايوم عدت على خير

بس للحين حبيبتى بغيبووبه صارلها 3 اسابيع الله يقومها بالسلامه

جااان دقيت عادى كنت سهران وريلى مسافر وخلود حايشه عقنقز وقاعد بيت اهلى

لووول حالتى كسيفه

بغيت اسال عن موقع برايس لاين ماينفع احجز بفيزتى لازم فيزا امريكيه ؟؟

واذا بطلع فيزا امريكيه شلوون؟

ما تشوف شر يارب والله يقومها بالسلامة ..

وخلود ما عليه شر ان شاءالله .. الحمدلله على كل حال

بالنسبة لسايت برايس لاين مادري والله اذا يقبل فيزا برا أمريكا والا لا .. سايت ترافلوسيتي اعتقد يقبل لأني حجزت منه بالأميركان اكسبريس مالت زوجي واهو مطلعها من الكويت وعنوان الكويت وانقبلت

وعلى فيزا امريكا لازم يكون عندج رقم مدني اهناك وعنوان دائم بأمريكا .. اشوي صعبة السالفة .. بس جربي تسألينهم اذا رحتي اهناك يمكن يطلعون لج

​

الاسواق في لوس انجلوس
the groveويعتبر سوق حده راقي وفي قحاوي حلوه للقعده
ويمه سوق الفلاحين كله اكل الفلاحين طابخينها انا احب اكل عندهم فطاير وفلافل
beverly center
fashion island mall وايد احبه والقعده فيه هم حلوه
الاوت لت اللي اروحهم
desert hills هذا كله ماركات عالميه فرنسيه وايطاليه وحده رخيص مقارنه بأسعار الماركات
ontario هذا الاوت لت كبير وفيه واايد محلات حق اليهال وايد رخيص
وطبعا بلاهويا الشارع فيه محلات
وهم بالthird street

هذيل اللي اذكرهم حاليا
سمبوله اذا عندج اي اسواق غير اللي ذكرتهم عفيه ضيفيهم وخلي البنات يستفيدون

لك تئبري عدوينك مشكورة وما قصرتي يسلموووو

​

م البنين طافج الاوتلتز اللي في فيقس تصدقين ارخص بوايد من اوتلتز لوس انجلس للاسف اكتشفتها متاخر تصدقين جواتي اقنر على 10 دولار
لايطوفكم بنات اوتلتز تراهم اثنين واحد اول قبل لا ادشون فيقس والثاني داخل فيقس

عاد الاوت لت هذا اللي قبل لاس فيغاس قالت لي عنه ام البنين بس الظاهر نست تقوله

مشكورة على الاضافة :sfg:
​

 

[daloola99]

:nbvppw:
مبرووووووووووووووووك روونا التجمع اليديد
ما تدرين اشكثر استانست لما شفت العنوان
و مبروك عالسفرة إنشا الله تستانسين ياااارب
أبشرج و أخيرا حجزنا عالكويتية من 1-7 إلى 22-7-2010 بنروح أورلاندو ......... الطيران الداخلي للحين ما حجزناه بس شفت سعر الجت بلو مناسب ، و السيارة بعد للحين بس إنشا الله بنحجز جيب أو ميني فان لأنه احنا بنكون آنا و زوجي و بناتي ثلاثتهم 10،9,2 سنوات و يمكن الخدامة إذا عطوها فيزا ؟؟؟
بالنسبة للفندق محتارة بصراحة بين فندق ماريوت جراند فيستا و الرييونيون بس ماقررت للحين زوجي وده بالرييونيون لأنه فيه الووتر بارك ............ودي أغير شوي وأكسر روتين أورلاندو و عندنا خيارين يا نروح ميامي أو السموكي ماونتز بس المشكلة إنه آنا مو متحمسه وايد لميامي لأنه ما شفت أحد بالمنتدى يمدحها .......و السموكي ماونتنز بعد متردده لأني ما عندي أي معلومات عنها .......أتمنى أن البنات يفيدوني
:sfg:

سلام إحنا مسافرين أورلاندو من 1/7 إلى 22/ 7 وراح نحجز فيلا خاصة أحسن من المنتجع نبي الهدوء وبعيد عن الإزعاج وريلي راح يحجز سيارة من Dollar ارخص وأفضل لأنه كان قبل 10 أيام في أورلاندو، والطيران الداخلي دلتا أحسن وأرخص.

 

[zobah.m]

قوووه بناات

شخببببارركم ...؟

انا من متااابعيين تجمعكم من الصييف الي راااح
واستفدت واااايييد منكم بصرراحه
لان بالصييف كنت سيياحه في امرييكا
وانا الحيييين في امرريكا درااسه صار لي 3 شهووور

واممم وبسس وحبييت ابااارك لكم هالتجمع الجديييد

 

[ام الشيخه]

مبرووووووووووووووووووووووك افتتاح التجمع

روووونا شلونج

ويارب تكلين عيونج بكاليفورنيا وانا معاج خخخخخخخخخ

يتكون سفرتنا على اخر 7 لي 8_8 قبل رمضان

ودي بكاليفورنيا بس ريلي يقول بالصيف اوديج نيويورك وشلالات نياجرا وبالشتى كاليفورنيا ...بس اخاف يكسر فيني لووووول

واذا بحجز راح احجز على سايت برايس لاين يمدحونه ربعنا هني خصوصا حق الفنادق

وليلحين ماخططت عدل

 

[أم بنوته]

صباح الخير يا حلوين :hjy5jewf:
بنات اشرايكم ب blueman show اللي باليونيفيرسال ؟ يصلح لليهال و صج إنه عندهم عمر معين لدخول اليهال؟
و البوش جاردن اشرايكم فيها تسوى نروحلها؟​

 

[أم بنوته]

سلام إحنا مسافرين أورلاندو من 1/7 إلى 22/ 7 وراح نحجز فيلا خاصة أحسن من المنتجع نبي الهدوء وبعيد عن الإزعاج وريلي راح يحجز سيارة من dollar ارخص وأفضل لأنه كان قبل 10 أيام في أورلاندو، والطيران الداخلي دلتا أحسن وأرخص.

يحليلكم دلوله تاريخ سفرتكم نفسنا بالضبط ........... بس ما قلتي على أي طيران بتروحون من الكويت
إنشا الله تنسانسون بسفرتكم ​

 

[um_fahad]

حبيت أسألكم بخصوص ايجار السيارة....ضروري أسوي تأمين شامل؟؟....ويوم حسبته طلع نفس سعر ايجار السيارة...يعني دبل.......خصوصا ان احنا راح نتمشى فيها بكذا ولاية.

 

[rawona]

قوووه بناات

شخببببارركم ...؟

انا من متااابعيين تجمعكم من الصييف الي راااح
واستفدت واااايييد منكم بصرراحه
لان بالصييف كنت سيياحه في امرييكا
وانا الحيييين في امرريكا درااسه صار لي 3 شهووور

واممم وبسس وحبييت ابااارك لكم هالتجمع الجديييد

الله يسلمج ومشكوره على المشاركة وان شاءالله تشاركين معانا بالمعلومات اللي تعرفينها اهناك علشان تفيدين البنات بعد


وموفقة بدراستج يارب :eh_s(15):

​

مبرووووووووووووووووووووووك افتتاح التجمع

روووونا شلونج

ويارب تكلين عيونج بكاليفورنيا وانا معاج خخخخخخخخخ

يتكون سفرتنا على اخر 7 لي 8_8 قبل رمضان

ودي بكاليفورنيا بس ريلي يقول بالصيف اوديج نيويورك وشلالات نياجرا وبالشتى كاليفورنيا ...بس اخاف يكسر فيني لووووول

واذا بحجز راح احجز على سايت برايس لاين يمدحونه ربعنا هني خصوصا حق الفنادق

وليلحين ماخططت عدل

ام الشيخة انا عندي كاليفورنيا ولاس فيغاس بالشتا أحلى في منطقة بكاليفورنيا اسمها Lake Tahoe وبالذات سكني في فندق غرند ماريوت المكان عجيب حق السكي والتزحلق على الجليد :sfg:

وان شاءالله تستانسون بسفراتكم بامريكا يارب << اهم شي ما تردين من اهناك الا وانتي مشطبة على أغلب الولايات فيها :friends:

وعلى برايس لاين اهو سعره نفس اسعار اي سايت ثاني بأمريكا بس فيه ميزة تقدرين تحطين انتي السعر اللي تبينه للفندق او الطيران وادزينه لهم واذا اقبلوا السعر اللي عرضتيه علهم سيده بيقصون المبلغ وما يسترجع

يعني مثلا الطيران من نيويورك لين لوس انجلوس مثلاً ب 286$ ما اختاره واروح صوب put your own price واحط مثلاً السعر 100$ وياخذون بياناتي كاملة

اذا شركة الطيران افقت على السعر يدزون يقولون لي ترى حجزنا لج بهالسعر على الطيران الفلاني الساعة الفلانية ..

الشغلة فيها مميزات وعيوب

من عيوبها مالي حق باختيار شركة الطيران اللي اسافر عليها اهم يختارون لي الارخص او الشركة اللي توافق على عرض السعر ..

الشغلة الثانية الوقت .. << مالي حق باختيار موعد الطيارة اهم يختارونها لي يعني يا مبجر حيل يا متأخر حيل!!

يعني اللي بتسو هالطريقة خل تتأكد انه ما عندها رحلة ثانية بنفس اليوم علشان ما تطوفها

مرة حجزت لأخوي منهم داخلي وكان عنده طيارة حق الكويت تطير الساعة 9 بليل فحطيت سعر 100$ ووافقت شركة الطيران وقصوا من الكردت كارد وكل شي اوكي بس كانت المشكلة ان الطيران لداخلي اللي حجزولي عليه يوصل بعد ما تطير رحلة الكويت!! وكانت مشكلة حاولت اغير الموعد ما رضوا فاضطرينا نحجز له تذكرة ثانية وراحت فلوس التذكرة الأولى!!

​

صباح الخير يا حلوين :hjy5jewf:
بنات اشرايكم ب blueman show اللي باليونيفيرسال ؟ يصلح لليهال و صج إنه عندهم عمر معين لدخول اليهال؟
و البوش جاردن اشرايكم فيها تسوى نروحلها؟​

ام بنوته مادري انا عن نفسي ما احب هالنوعية من العروض اهم البلومين يغنون ويرقصون على المسرح ولوية ومناقز دار مدارج هههه يمكن يسمحون لليهال من عمر 5 سنوات وفوق يحضرون له ..

بس سيرك لانوبا حلو ولكل الأعمار وموجود بديزني داون تاون .. روحوله يونس وتغيير

البوش غاردنز كاهي عندج ام الشيخة اهي موجودة وعايشة بتامبا ورايحتلها أكثر من مره واعتقد حطت مرة صورها اهي تقدر تفيدج أكثر عها ..



​

 

[rawona]

حبيت أسألكم بخصوص ايجار السيارة....ضروري أسوي تأمين شامل؟؟....ويوم حسبته طلع نفس سعر ايجار السيارة...يعني دبل.......خصوصا ان احنا راح نتمشى فيها بكذا ولاية.

شوفي التأمين الشامل أريح ويفكج من وايد شغلات ويخليج متطمنة من ناحية السيارة وين مارحتي ما تحاتين بس غالي ..

انا قبل كنت اسوي تأمين شامل بس آخر السنين أسوي تأمين ضد الغير بس والله الحافظ!




​

 

[ام البنين2000]

قوه بنات شلونكم

روونه شلونج وشلون البنوتات
ريلي يحن ذابحني يبي يسافر بالسياره لي سان انتونيو حاب يجرب سفر السيارهمن ويلايه لي ولايه وانا مابي احاتي عموري
شرايج اقترح عليه سان فرانسيسكو بما انه احنا ما زرناها وسفرتها اقل من سان انتونيو اعتقد 6 ساعات بالسياره اخف من سان انتونيو

 

[rawona]

كـــــــــــــــــــــــاليفورنـــــيـــــــــــا




كاليفورنيا

كل المعلومات المتعلقه بولاية كاليفورنيا

LA

DISNEY LAND
DISNEY DOWNT TOWN
CALIFORNIA ADVANTURE
KNOTTS BERRY FARM (حلوه حق يهااال )
SOUTH COAST MALL
FASHION ISLAND MALL
ONTARIO MILLS OUTLET ( يبعد عن اناهايم بلوس انجلس اربعين دقيقه)
UNIVERSAL STUDIO (تقريبا ساعه من لوس انجلس )
WESTFIELD MALL
GARDEN WALK MALL (هذا يم الدزني حلو ويمه مطاعم مثل جيز كيك فاكتوري )
CAMARILLO PREMIUM OUTLET (شوي بعيد يمكن الطريج ساعه ونص )
RED LOBSTER RESTURANT




Hollywood

WALK OF FAME
HIGH LAND MALL
WAX MUSUEM

BEVERLY HILLS

RODEO DRIVE STREET
THE STINCKING ROSE RESTURANT (اكلهم كله بالثوم )

Farmer market and the grove near to each other




Santa monica

santa monica beach & santa monica pier
3rc street ( ذكرني بشارع البرادايز اللي بقولد كوست باستراليا)

Magic mountain six flags ( الطريج ساعه وشي من اناهايم بلوس انجلس )

SAN DIEGO

MISSION BAY PARK
OLD TOWN
SEAPORT VILLAGE
SEA WORLD
SAN DIEGO ZOO
LA JOLLA BEACH
WILD ANIMAL ZOO

SAN FRANSISCO

GOLDEN GATE
PIER 39 ( تروحون بكروز حق سجن الكتراز)
FISHERMAN WHARF
JOES CRAB RESTURANT
CHARADILI SQUARE
OCEAN BEACH
GOLDEN GATE PARK
SASALITO( منطقه صغيره بسن فرانسسكو تطل على البحر فيها سوق ومطاعم حلوه )
SAN FRANSISCO ZOO ( تصير يم ال OCEAN BEACH )



Buena Park عباره عن شارع كبير ترفيهي فيه



Knotts Berry Farm سنوبي


Knott's Soak City مدينه مائيه مقابل لسنوبي


حفله عشاء علي عرض الخيول

Medieval Times Dinner Theatre


وهذا نفس الشئ حفله عشاء علي القراصنه

Pirates Dinner Adventure


Ripley's Believe It or Not


الصراحه الشارع وايد حلو وكله ترفيه وتسوق ومطاعم

وشوفو هذا الرابط فيه الخريطه تكون اوضح

http://www.visitbuenapark.com/pages/BPmap.html

في لوس انجلوس مول اسمه THE GROVE
http://www.thegrovela.com/

ومقابله مركز تجاري اسمه فارمرز ماركت وهو سوق للفلاحين
http://www.farmersmarketla.com/

سنتشري مول فيه ماركات فخمه

وملاهي السكس فلاقز
http://www.sixflags.com/national/index.aspx

الدوان تاون فيه سوق صيني وفيه محل ميسز كبييير جدا وفي مطعم مشهور اسمه بابا جمب وهو مطعم سي فود


في هوليود ووك اوف فيم

ومول هوليوود ان هايلاند
http://www.hollywoodandhighland.com/

.Sunset Blvd اهم و ارقى شارع في ال اي وكله ماركات

RODEO DRIVE اهم شارع في بفرلي هلز

http://www.rodeodrive-bh.com/map.html



سانتا مونيكا فيها شارعTHIRD STREET PROMENADE
ممشى فقط بدون سيارات وكله محلات وكوفيهات


بالنسبه ليونيفرسال استديو في الستي ووك محل اسمهZEN ONE
هو محل للمساج والاسترخاء...واقتبست لكم هالفقره عنه

هذه الاجهزة لاستنشاق الهواء بالروائح .. وكل رائحة لها مفعول لتخفيف الالم ..

منها للراحة ومنها للنشاط ومنها مفعول مزدوج حين فتح رائحتين مع بعض
بعدها حجزنا للمساج ..

الاجهزة تعمل مساج بالماء لاكن من دون اي تبديل ملابس ولا شي

فقط من فوقك لانها مغلفة باقمشة تمنع وصول الماء فقط قوة البخ هي التي تعمل ..
بعدها جلسنا عندهم على الدسك واستخدمنا الروائح للاستنشاق وبالفعل رائعة
ضيفونا ببعض المياه ذات النكهات


اولا: لوس انجلووس

لوس انجلوس كبيره فاحسن شي تقسمونها شمال وجنوب ,, اسكنوا بالشمال وتمشوا فيه بعدين اسكنوا الجنوب وتمشوا فيها لانه حرام يروح يومكم بالطريق لان لوس انجلس كبييييييرة وزححححمة..

الاماكن السياحية اللي بالشمال هي :
:universal studios


تنقسم الى قسمين يونيفرسال ستوديو والسيتي ووك .


:Hollywood

وفيها

ممشى النجوم

مول اسمه هوليود هاي لاند على نفس ممشى النجوم

متحف الشموع

علامة هوليود اللي بالجبل وتقدرين تشوفينها من الموول وفيه لها طريق تروحين له بالسياره(او تقدرين تركبين باص سياحي ويوديك لها من هوليود

السينما الصينيه اكبر سينما بالعالم.



:Beverly hills

منطقه راقيه وفيها بيوت الممثلين وفيها شارع مشهور جدا اسمه رودايو درايف كله ماركاااات غاااليه وفيه مول اسمه بفرلي سنتر حلوو واسعاره معقوله.

هذا العنوان:

The Beverly Center
8500 Beverly Blvd
Los Angeles, CA

: santa monica سانتا مونيكا
شواطئها مرره حلووه وراقيه



3rd street

واشهر شي فيها شارع مشاة ماتدخل فيه السياره وعلى الجانبين محلات ومطاعم وسينما ويسوون فيه عروض ورقص


west wood
منطقه مشهوره وهاديه وتكثر فيها المطاعم والمقاهي الايرانيه والعربيه وحلوللسكن لانها امنه وقريبه من اغلب الاشياء


Sunset Boulevard


شا رع مشهورجدا,,

:china town

اسواق وبيوت على الطراز الصيني


وهذا العنوان

977
NORTH
Broadway Los Angeles, CA


The Grove

رووعه السوق هذا ومن اشهر مولات لوس انجلوس لازم تروحون له وبالصيف مليان خليجيين وفيه جنبه فارمرز ماركت يبيعون فيها الفلاحين فواكه وخضار وفيها مطاعم مرة حلو لا تفوتونه

وهذا عنوانه:

189
The Grove Dr
Los Angeles, CA




downtown

داون تاون لوس انجلوس لازم تروحون لها بالنهار لانها بالليل خطره وماتندخل



ومقسمه لمناطق



Financial District, Bunker Hill, Historic Downtown, Fashion District, Artist District , South Park




:venicebeach



فيها بيتش وفينيس ستي عباره عن محلات مرره حلووه ومشهوره مرره.


الاماكن السياحية اللي بالجنوب..

Anaheim


منطقه مليانه عرب ومطاعم وبقالات ومقاهي عربيه وفيها سوبر ماركت عربي كبير مرره


اشهر شي فيها:

Disney land

وفيها مطعم باكستاني صغير والديكور عاااااااادي جدا ويمكن اقل بس عليه بريااااااااااني تاكلين اصابعك وراه ,, اسمه نوراني noorani وهذا عنوانه وان شاء الله يعجبكم..

14178
Brookhurst St, Garden Grove, CA 92843


Irvin

منطقه حلووه واشهر شي فيها

Irvine Spectrum Center

مرره حلووه ومفتوح وطرازه غريب (اسباني)..


وهذا عنوانه:

Irvine Spectrum Center
71
Fortune Dr
Irvine, CA




Newport Beach

منطقه حلووه والبيتش فيها روعه ومشهور فيها



Fashion Island Mall



laguna beach وحولها



Long beach
مدنيه حلوه وعلى البحر و فيها

2nd Street

اشهر شارع وفيه مطعم عربي مشهور اسمه

Open sesame


Pine Avenue

pier

رصيف على البحر كافي ومحلات.

Rainbow Harbor
منطقه خيال على البحر وقريب لها

Shoreline village

marry queen :

سفينه قديمه راسيه على البحروفيها فندق ومطعم ومتحف تدخلون تفرجون عليها برسوم << بس يقولون ان السفينة كئيبة..



the aquarium

اكواريم وحياة البحار موجود جنب سفينة ماري كوين

Catalina Island

جزيره تروحون لها من لونق بيتش وفيها فنادق تقدرون تنامون فيها


Huntington Beach

بيتش مشهوور ورووعه



sauth coast plaza

سوق كبير مرررره فيه وكله ماركات مثل جورج ارماني وقوتشي وزارا ودكني وديور ووغيرها من الماركات ...



big bear lake
بحيره وحولها جبال ثلوج بالشتاء بس حلوه وفيها اكواخ تقدرين تستأجرينها وميزتها قريبه وسط المدن.


LEGOLAND

مدينة العاب تبع شركة التراكيب المشهوره ليجو مكانها بين لوس انجلوس وسان دييقو بس اقرب لسان دييقو تقريبا عنها 45 دقيقه..


ثانيا \ سان دييقو

sea world

طبعا غنيه عن التعريف ويبغالها يوم كامل لانها كبيره <<سمعت انها اكبر من اورلاندو بس مو متأكدة..

san diego zoo

حديقة حيوان كبيره مرره ويبيلها يوم كامل بصراحة ما افكر اروح لها بس تصلح للي معه اطفال..


:san diego animal park

هذي زي حديقة الحيوان بس يكفي تروحين لوحده منهم

الداون تاون
حلو محلات ومطاعم وفيه موول بس نسيت اسمه


Gaslamp Quarter واشهر مكان بالداون تاون





:del mar

برا سان دييقو شوي بس تستاهل فيها مكان رووعه ويصلح للفطور الصباح راقيه جدا<< ماجربته..

المكان حلو وفيه مطعمين على البحر بس واحد احلى من الثاني ومشهور بالفطور لان جلسته الخارجيه مفتوحه بدون قزاز طبعا على البحر حلاته فطور الصباح على الساعه عشرر الجو خياااال

هذا اسم المطعم وعنوانه:

poseidon

1670
coast blvd

del mar,ca.92014





old town

المدينه القديمه هذي حلووه مرره وفيها محلاتهم اول ومطاعم والحريم اللي هناك يبيعون لابسين اللبس الشعبي القديم حقهم

حلووه لاتفوتكم وهي وسط سان دييقو..


la jolla

تكتب J بس ينطقونها h ( لاهويا) لان الكلمة اسبانية..

المنطقه هذي جنان احلى واشهر مكان بسان دييقولاتفوتكم مرره حلووه بحر واماكن مرتفعه تطل على البحر

و فيها شارع مليان محلات حلوة ..



little italy

هذا حي قريب من الداون تاون مافيه شي يسوى الا مطعم ايطالي غريب مررة

اسمه فيليبس بتعرفونه لانه من برا بقاله ايطاليه وشكله قديم مرره وتلقون الناس صافين طابور عنده حنا رحنا له عشاء
تدخلون جوا البقاله وتلقوون مطعم مرره متواضع بس مشهور من زماااااااان من ايام الخمسينات وعليه زحمه موب طبيعيه وعندهم بيتزا جنان
لازم تعشون فيه صراحه تغيير عن المطاعم العاديه هذا طريقته غريبه واكلهم لذيذ<< ماجربته..


sea port villge

هذا مكان على البحر فيه مطاعم بحريه ومحلات تذكارات حلوو.



Coronado Island

هذي جزيره صغيره متصله بسان دييقو بجسر
فيها مكان على البحر يطل على داون تاون سان دييقو رووعه المنظر تشبه منظر منهاتن على البحر وتقدرون تركبون قارب منها.

الاسواق:


Fashion Valley

7007
Friars Rd
San Diego, CA


Utc-Westfield Shoppingtown

4545
La Jolla Village Dr, San Diego, CA
San Diego, CA

ثالثا\ سان فرانسيسكو:
يسمونها المدينة المجنونة لان جوها اذا كان بالشتاء حر وبالصيف برد << وانا رحت لها مرة بشهر 7 وكانت برررد وهواء,, واحلى مافيها شوارعها كأنها جبال خطييييييييرة..


1-الداون تاون مرره حلوو.


2-رunion square :

(مكان التسووق) روعه ويوسع الصدر واغلب الماركات فيه..


3-The Golden Gate Bridge:

حلو وتدخلون تمشون فيه ب5 دولار للسيارة..


4-alcatraz island :

(من اشهر السجون بامريكا قديما بس اللحين تاركينه مزار للسياح) تروحون بقارب للجزيره اللي فيها السجن وياخذونكم بجوله هناك على السجن حلو تشوفين العنابر وغرف الطعام وغرف الحراسة<< شفت فلم يحكي عن ثلاتة اشخاص هربوا من السجن وما لقوهم..


5-PIER 39

هذا رووعه مررره خيال ومن اكثر الاماكن شهره بسان فرانسيسكو محلات ومطاعم وفيه مكان تشوفين فيه الفقماات..


6- Fisherman's Wharf:

هذا جنب PIER 39 حلو وفيه متاحف ومطاعم ومحلات.


7-Twin Peaks :

هذي زي الهضبه ترقين لها وتشوفين سان فرانسيسكو كلها من فووق مرره حلو المنظر بس حاولو تروحون لها بيوم مشمس عشان تشوفون المدينه بشكل واضح.


8- Lombard st:
هذا شارع متعرج زي الثعبان مرره غريب وحلو..

وفيها ملاهي سكس فلاقس وفيها زوو..

وفيه مدينة على البحر اسمها مونتري مدينة صغيرة وحلوة انا مرة حبيتها بين سان فرانسيسكو ولوس انجلس بس ما ادري كم المسافة بينهم ويكفيها يوم يس مرة رااايقة..

اتمنى اني قدمت لكم معلومات جديدة ومفيدة ودعواتكم اني اصير بلبل بالانقلش..





مشكلة كاليفورنيا مو نفس اورلاندو كل شي يم بعض.. لااااااااااااا اهناك كل شي بصوب ..


يعني عندج ديزني+ نيوبورت بيتش+ الشارع اللي قالت عنه دي كي توه + KNOTT'S FARM هذيل نوعا ما قراب من بعض مو ذيج المسافه وهم سان دييغو قريبه من المنطقه هذي ساعه ونص تقريبا ..


عندج هوليوود+ اليونيفيرسال+سانتا مونيكا+ مارينا ديل راي اقرب شوي لبعض ..

بس على العموم هم المسافات مو حيل بعيده ابعد مشوار داخل كاليفورنيا ما يتعدى الساعه ..




​

 

[rawona]

قوه بنات شلونكم

روونه شلونج وشلون البنوتات
ريلي يحن ذابحني يبي يسافر بالسياره لي سان انتونيو حاب يجرب سفر السيارهمن ويلايه لي ولايه وانا مابي احاتي عموري
شرايج اقترح عليه سان فرانسيسكو بما انه احنا ما زرناها وسفرتها اقل من سان انتونيو اعتقد 6 ساعات بالسياره اخف من سان انتونيو

هلا ام بنينو ..


اعتقد ان سان فرانسيسكو اقرب لسان انتونيو مو؟
انا قالولي مافي مسافة كبيرة بين سان فرانسيسكو وسان انتونيو مادري عاد اذا صج والا لا؟


اذا هذا روحوا سان فرانسيسكو ريحوا فيها يوين او ثلاث و تالي منها روحوا لسان انتونيو في تكساس؟ اذا مو قراب قوليله عن سان فرانسيسكو انا عندي 6-7 ساعات اهون من 17 ساعة على كلامج!!


وشوفي شيقول :sfg:

​

 

[ام البنين2000]

مادي قراب او لأ بتأكد كم ساعه من سان فرانسيسكو لسان انتوني

 

[rawona]

مادي قراب او لأ بتأكد كم ساعه من سان فرانسيسكو لسان انتوني

اي تأكدي افضل وتالي شوفي


ام بنينو في منطقة وايد عجبتني اسمها lake tahoe في كاليفورنيا بس بعيدة!!



وشفتي الفندق مال نيكلودين اليديد هم في منطقة اسمها indian wells تبعد 3 ساعات عن اناهايم
​

 

[rawona]

رابط معلومات عن امريكا


http://q8yat.net/showthread.php?t=329132

​

 

[ام البنين2000]

انا علي بالي انديانا بسان دييغو !!!!!
بس 3 ساعات وااااايد
بتأكد اول اذا الفندق يسوي يعني مدينة العاب كامله بروح اذا بس فندق لا والله ماني رايحه 3 ساعات