بدت معاناتي بداية العام الماضي كنت احس بتعب وارهاق بسيط وكنت دايما ابي انام ورجليني دايما ثقيله واحس عضلاتي مشدوده قلت يمكن ارهاق الدراسه والتعب والشغل , مع اني اكل صحي بس حاولت اغير بنظامي الغذائي زدت كمية الفواكه والخضار والعصيرات الطازجه وصرت اخذ فيتامينات اضافيه بس المشكله ماراحت صارت تروح وتجي وفجأه بمنتصف السنه لقيت جسمي مو طبيعي دوار وضيق نفس و ضعف بالعضلات ورجفه وخفقان سريع بالقلب حسيت انه راح يغمى علي تعب شديد لدرجة ماتحمل اسمع اي صوت او اكلم احد ,وصل الأعياء حد اني ماصرت اقدر ارفع يدي واحط لقمه بفمي حتى مضغ اللقمه صعب , رحت الطوارىء اكثر من 10 مرات يمكن احد يجاوبني كل مره يعطوني دوا جديد ولافي فايده وكانت الأدويه تزيد من حالة الأعياء شكو بالغده الدرقيه لكن طلعت التحاليل سليمه,كانو الأطباء ياخذون الوالد على جنب ويقولون له بنتك فيها حاله نفسيه يبغالك تعرضها على طبيب نفسي او خذها مشوار تغير جو ,كنت ارجع البيت ميته قتلو نفسيتي بكلامهم حسبي الله عليهم كفايه التعب الي كان عندي,مرت الأيام و زادت الأعراض صار الدوار غير طبيعي الدنيا تلف حولي صرت اشوف الأشياء مقلوبه وعيوني تتحرك بسرعه ماقدر اشوف اي شي قدامي وغثيان شديد ويستمر الدوار حتى وانا نايمه ويمكن اسوء,صرت ماقدر انام تغفي عيني شوي واصحى من نبضات قلبي السريعه وضيق النفس كنت احاول امد يدي لكاس المويه الي جنبي وماقدر اوصل له من التعب, وصلت لدرجة اني ماقدر امسك فرشاة اسناني كنت اغسل اسناني عزكم الله وانا جالسه على كرسي ولااقدر امشط شعري لأني بس ارفع يدي لفوق احس بوهن وانزلها على طول كانت امي تساعدني بتغيير ملابسي وتساعدني بأكلي وشربي,كنت لما اصب المويه بالكاس تطلع بره لأن يدي مافيها قوه,عزكم الله كنت اتحمم وانا جالسه على كرسي لااوقع من الدوار الشديد ولما تنزل موية الدش على جلدي احس قطرات المويه ثقيله تألم ,كانت امي تنتظرني جوا الحمام خايفه لا اوقع وماحد معاي ,صرت وانا امشي اسحب رجليني سحب لأنهم مايساعدوني بالمشي كنت امشي وامسك جدران البيت واحيانا يجيني دوار شديد اثناء المشي يخليني اوقع واضرب الجدران,صلاتي قمت اصليها جالسه وحتى وانا جالسه احس اني بوقع على وجهي من شدة الأعياء ,الناس تنام تلقى الراحه وانا لمن اتسطح على فراشي يزيد الدوار وكأني متسطحه بقارب على موج بحر قوي يروح يمين وشمال زي البحر تمام وهنا يبدأ الغثيان الشديد كل هذا وماحد ملاقي لي حل من طبيب لطبيب كان الوالد شايلني على كرسي متحرك ومن طبيب لطبيب رحت القلب ,الباطنيه,مخ و اعصاب عملت تصوير مغناطيسي ومقطعي وكلها سليمه,انف واذن وحنجره لعل وعسى يكون الدوار من الأذن الداخليه بس كل شي كان سليم كانو يعطوني تمارين للأذن عملتهم بس بدون فايده, كانت لما تجيني الدوره الشهريه اموت اكثر لدرجه قمت ادعي ربي انها تنقطع عني من كثر التعب الي كنت اشوفه منها كانت مو طبيعيه ابد,صارت آلام جسمي لاتحتمل الام شديده في جميع عظامي وعضلاتي حتى اسناني كانت توجعني وعظام الجمجمه وخلف الأذن ,مافي عظمه بجسمي ماكانت توجعني كنت اروح الطوارئ كل شهر اخذ ابرة فولتارين لألم الجسم, كل المعاناة هذي وانا صابره وادعي ربي يشفيني وينور طريقي لعلاجي ,بالنهايه صرت خلاص مافارق فراشي صرت شبه ميته آمنت بالموضوع وقلت يمكن هذي نهايتي يمكن اموت وماظنتي اعيش اكثر خلاص هذا كله مقدر ومكتوب وهذا الي الله كاتبه علي وانا قابله فيه.ضليت عايشه كذا تقريباً 8 شهور ميته على فراشي..
ومره امي حاطتلي التلفزيون على قناة والله ماتذكرها المهم في موضوع عن الروماتيزيوم وعلاقته بألآم العظام وشي كذا صرت اسأل نفسي اذا التحاليل الي خذوها لي سليمه وضغطي وسكري سليم والأشعه الي على الراس سليمه يعني مافي الا شي صايب عضلات جسمي وعظامي يمكن اطباء الروماتيزيوم ينفعوني,قلت للوالد ليش ماتاخذني عند الروماتزيوم قالي لأ يابنتي هذا للكبار بالعمر انتي صغيره قلت له خلينا نجرب يمكن الاقي حل.
رحت لدكتور اردني ماخذ البورد الأمريكي مرتين وشرحت له الموضوع كله قالي باخذ لك تحاليل ولما عطاني الورقه اول مره بحياتي اشوف التحاليل هذي لجهاز المناعه واشياء كثيره غريبه عجيبه المهم اكثر من 20 تحليل اذكر خذو مني 6 انابيب دم لدرجة اني بعدها دخت لمدة اسبوعين ماتحملت.قالو لي راح يرسلوها فرنسا وبعد اسبوعين ارجع استلم النتيجه.
رجعت وانا كلي امل اني بلاقي الحل وتفاجأت بلي سمعته قالي النتائج كلها سليمه ماعدا شي واحد هو فيتامين د3 ناقص ومعدله كان 11 نانوجرام/مليجرام. الصراحه تفاجأت وماصدقته قلت له دكتور تأكد مو معقوله بس هذا الي ناقص في شي اكثر من فيتامين لأن ماظنيت فيتامين يعمل بجسمي كل هذا ,قالي يعمل اكثر يجيب سرطانات وضغط وسكر ومرض التصلب المتعدد والزهايمر وامراض كثيره قالي الحمدلله انها جت على كذا ولقينا السبب ,حمدت ربي رجعت البيت كلي امل ان العلاج هذا راح يغير حياتي.
كنت آخذ امبوله وحده سائله 50.000 وحده دوليه كل اسبوع لمدة 3 اشهر, اول 3 جرعات حسيت بتغيير زاد الأمل عندي ,استمريت مع نهايه العلاج الألم اختفى ماصدقت ان نقص فيتامين د ممكن يعمل كذا, انا الآن بعد 4 ونص شهور من العلاج نسبة الفيتامين وصلت 85 نانوجرام/مليجرام. وحالتي في تحسن الضعف العضلي لسى موجود مشيتي شوي مترنحه مامشي طبيعي بس اقدر امشي الحمدلله مو مثل اول ملازمه فراشي والتعب لسى موجود احيانا مااقدر اقوم من فراشي من التعب بس هذا التعب يختلف عن الموت الي كنت عايشته الحمدلله . سمعت من دكتور مايكل هوليك بامريكا ان العلاج ياخذ من 9 الى 12 شهر لحد مايرجع المريض لحياته السابقه الي يعرفها ويختفي التعب والضعف العضلي.
اي احد عنده تجربه مع نقص فيتامين د حابه اسمع تجربته احس انا الوحيده حابه احد يدعمني .
ادعولي
ومره امي حاطتلي التلفزيون على قناة والله ماتذكرها المهم في موضوع عن الروماتيزيوم وعلاقته بألآم العظام وشي كذا صرت اسأل نفسي اذا التحاليل الي خذوها لي سليمه وضغطي وسكري سليم والأشعه الي على الراس سليمه يعني مافي الا شي صايب عضلات جسمي وعظامي يمكن اطباء الروماتيزيوم ينفعوني,قلت للوالد ليش ماتاخذني عند الروماتزيوم قالي لأ يابنتي هذا للكبار بالعمر انتي صغيره قلت له خلينا نجرب يمكن الاقي حل.
رحت لدكتور اردني ماخذ البورد الأمريكي مرتين وشرحت له الموضوع كله قالي باخذ لك تحاليل ولما عطاني الورقه اول مره بحياتي اشوف التحاليل هذي لجهاز المناعه واشياء كثيره غريبه عجيبه المهم اكثر من 20 تحليل اذكر خذو مني 6 انابيب دم لدرجة اني بعدها دخت لمدة اسبوعين ماتحملت.قالو لي راح يرسلوها فرنسا وبعد اسبوعين ارجع استلم النتيجه.
رجعت وانا كلي امل اني بلاقي الحل وتفاجأت بلي سمعته قالي النتائج كلها سليمه ماعدا شي واحد هو فيتامين د3 ناقص ومعدله كان 11 نانوجرام/مليجرام. الصراحه تفاجأت وماصدقته قلت له دكتور تأكد مو معقوله بس هذا الي ناقص في شي اكثر من فيتامين لأن ماظنيت فيتامين يعمل بجسمي كل هذا ,قالي يعمل اكثر يجيب سرطانات وضغط وسكر ومرض التصلب المتعدد والزهايمر وامراض كثيره قالي الحمدلله انها جت على كذا ولقينا السبب ,حمدت ربي رجعت البيت كلي امل ان العلاج هذا راح يغير حياتي.
كنت آخذ امبوله وحده سائله 50.000 وحده دوليه كل اسبوع لمدة 3 اشهر, اول 3 جرعات حسيت بتغيير زاد الأمل عندي ,استمريت مع نهايه العلاج الألم اختفى ماصدقت ان نقص فيتامين د ممكن يعمل كذا, انا الآن بعد 4 ونص شهور من العلاج نسبة الفيتامين وصلت 85 نانوجرام/مليجرام. وحالتي في تحسن الضعف العضلي لسى موجود مشيتي شوي مترنحه مامشي طبيعي بس اقدر امشي الحمدلله مو مثل اول ملازمه فراشي والتعب لسى موجود احيانا مااقدر اقوم من فراشي من التعب بس هذا التعب يختلف عن الموت الي كنت عايشته الحمدلله . سمعت من دكتور مايكل هوليك بامريكا ان العلاج ياخذ من 9 الى 12 شهر لحد مايرجع المريض لحياته السابقه الي يعرفها ويختفي التعب والضعف العضلي.
اي احد عنده تجربه مع نقص فيتامين د حابه اسمع تجربته احس انا الوحيده حابه احد يدعمني .
ادعولي
تعبت منها وااااايد
