تجمع خبرة الجمعية التعاونية ياللة حياكم معانا

[OM-OMOOR]

مرحبااا صبايااا
يعطيكم الف الف عافية على اللي سويتوة
بس انا عندي اهداف وصج مو عارفة سلون ارتب المنبة وسير الدرس ياليت تساعدوني
واهدفي هي
1-يتعرف على بعض الاطعمة الطازجو
2-يحرص على دفع ثمن مايشترية
3-يقلد عملية دفع النقود
عفية بنات همتكم

 

[حكاية لم تكتمل]

عهود الحب
ماذا يمكن ان نقول لك
كلمة شكر لاتكفي
على المجهود الطيب الذي تبذليه جعله الله في ميزان اعمالك
ويسر لك جميع امورك

 

[dr-MamLoOo7a]

السلام عليكم يعطيكم العافية كلكم ماقصرتو والله خذيت جم فكره من اهني اعجبوني :s142:ماشاء الله صج مبدعات يا ابلات انا ودي اشارك بشي ولو بسيط عشان ما تقولون انبي بس ابي اخذ و ما اعطي <<< منو قالج :friends:
افكر ان يكون في الروضة كلها ركن الجمعية ينجط باحد اللاصفات او بمكان ع زاوية بحيث ان كل ابلات اوله يتشاركون بقسم واحد باغراضه ركن صغير بس و انسوي دورية كل صف مره يروح رحلة للجمعية هذي يعني نطلع من الصف اهما قالو لنا سوولكم ركن داخل الصف بس حلاته يطله و يروح الجمعية و تكون الابله المشاركه مناك تنطر قبل لا يروح الصف بخمس دقايق علبونه المحصل او البياع مثل ما اتقولون عنه على اساس يدفعون النقود و كل طفل معاه بوك صغير و فيه فلوس صغار موجوده بالمكتبات او انتي صغريها على اساس ادش بالبوك
والله ما ادري شقول بعد مستحية منكم بس اشوف فكره ثانية و اقولكم والله مخي مقفل حتى باجر عندي قسم المعلبان والمنظفات ما ادري شنو المنبه حق باجر
اي على فكره انا خذيت منبه منكم على الثلاجه الخالية و شنو نسوي ممن وين انييب الاغراض و من وين نشتريها ترا المنبه ماعجب الناظره كانت حاضرتلي و قالتلي ماينفع عاد ما ادري ليش ما ينفع انتقدتني وايد و مسكت نفسي و على قولتهم بلعت العافية و انطميت لانه اصلن اهما حاطين علي الله يستر باجر مافكرة بمنبه حق المنظفات و المعلبات
انزين اشرايكم بملابس وصخه اشلون انظفها و بشنو ومن وين اشتري هالمنظف بس اخاف ميصير لانه مو على المعلبان ما ادري الله يعافيكم حدي متوهقه بس ابي ابلات قديمات ينصحوني انا اختكم بليز ويعطيكم العافية كلكم ماقصرتوا كلش ثانكس حبايبي :eh_s(15)::eh_s(15):

 

[عهود الحب]

العفو حبيباتي
اهم شي الاجر
وفي حديث بمعنى أن لاخير في كاتم العلم
انا مسخنة اليوم فسامحوني
وداشة اطبع الكلمات والاعداد واطلع بس مريت اطل وانحبطت
انحبطت لأنه اغلب الروابط الي احطهم مو شغالين عند بعض البنات

اهم برنامجين لازم تحملونهم عشان يفتحون معاكم
برنامج الفلاش وفي نسخة عربية منه احاول احملها لكم حيل مريحة احسن من الميكروميديا
وبرنامج الي يفتح الافلام الavi < هذا امتددااده بس اسمه ماعرف
او الـ ampg
مادري الي تعرف تساعدنا

 

[عهود الحب]

شوفوا انا موعارفة احمله لكم
بس انصحكم تكتبون بقوقل برنامج مشغل الفلاش العربي
أو FlashPlayer

 

[عهود الحب]

مرحبااا صبايااا
يعطيكم الف الف عافية على اللي سويتوة
بس انا عندي اهداف وصج مو عارفة سلون ارتب المنبة وسير الدرس ياليت تساعدوني
واهدفي هي
1-يتعرف على بعض الاطعمة الطازجو
2-يحرص على دفع ثمن مايشترية
3-يقلد عملية دفع النقود
عفية بنات همتكم

كلهم اوكي
بس يقلد عملية دفع النقود ؟؟؟؟؟
يعني يطلع الفلوس من مخباته ويعطيها المحاسب ؟
شنو الهدف منها ؟؟؟؟؟؟؟
ليش ماتقولين يقوم بترتيب اقسام الجمعية او يقلد ادوار بعض العاملين بالجمعية
او اي شي الا هالهدف الحركي موشي حده بيعرضج للنقد


المثير تقدرين تسوينه من أي شي سوي مجسم للالة المحاسب
او حطي شكل يوحي للاطعمة الي انتي تقصدينها
لأني لحد الحين ماعرفت شنو هي الاطعمة الطازجة

 

[umhamad2009]

ما تشوفين شر يا عهود اليوم صج فقدناش في التجمع

 

[umhamad2009]

مادري انتي ليش حاطة هذا الدرس الاطعمة الطازجة قصدش غير المجمدة والمعلبة تقدرين الهدف الثاني يحرص على شراء الاطعمة الطازجة

 

[faro7a_el7elwa]

مشكورة عهود وايد وايد وان شاء الله كله في ميزان حسناتج

 

[dr-MamLoOo7a]

مساء الخير و الاحساس و الطيبه :nbvppw::nbvppw:
اشلونكم يعطيكم العافية ومشكوره عهود على هالتفاعل الحلو منج ماشاء الله روعه و فوق الروعه ربي يحفظج يارب و يحميج لشبابك يا شبه خخخخخخ:eh_s(9):
شخباركم بنات الله يعطيكم العافية هالخبره وايد حلوة و وايد متنوعه بس المصيبه ان مخنا مشغوله بهالعطله اللي مواراضيه اتيينا
طبعن خبرة الجمعية وايد فيها اغراض و منبهات وايده وانا اليوم سويت منبه مسرح عرايس ان في شخصيه تطلع و ملابسها وصخه على طول الاطفال لاحظو هالوصخ و حته في طفل سألني ليش ملابسج وصخه حسيت بسعاده مو طبيعيه الحمدلله بين التعب عليهم و اخيرن قامو يحسون فيني عيالي فديتهم <<< مو مصدقه وعليه
عاد قالت لهم الشخصيه شنو اسوي قالولها بدليهم قالت الشخصيه بس اذا الحين بدلتهم ابي البس هالبدله مرة ثانية انا احب بدلتي وايد و ابي البسها مره ثانية قالولي غسليهاوعلى طول دشيت بالاجتماعي قلت لهم ليش اغسلها و انظفها قالولي لانج تبين هالبدله و تحبينها و تبين تحافظين عليها و قلتلهم بشنو اغسلها قالوا صابون ملابس قلت لهم من وين احضر هالصابون قالولي عزكم الله من الحمام قلتلهم مافيه من وين اييبه قالولي الجمعية و قلت لهم اشلون اخذ الصابون و اطلع قالولي لا لازم تشترينه من الجمعية عاد الاطفال بدعوووو بالاجابات الحمدلله الحمدلله الحمدلله وايد استانست منهم قالولي كل شي و اكثر بعد الحين مزاجي حلو :nbptr:و مسابقاتي فريقين فريق يحطلي المعلبات و فريق يحطلي المنظفات كل واحد قسم بروحه من الجمعية شاريتلي رف من دسمان عليه صورة جمعية و التغذيه الراجعه كانت تركيب صور و سؤال الاطفال عنها اشرايكم ؟؟؟؟
ياليت اكون فدتكم بشي و بليز ابي اعرف خطوات تعزيز الكلمة لان عندي درس نموذجي ابي الخطوات ماعليكم امر بليز بنات :eh_s(15):

 

[umhamad2009]

بنات شلونكم انا درسي باكر مطبخ منو عندها درس حلو بالدعيلها من كل قلبي

 

[Ťђё Ĕηđ]

يعطيكم العاافيه

واللي يعاافيكم عندي درس عن منتجات الألبان

شنوو ممكن اتكلم عنه؟؟؟

المثير قلت بحط حليب بالبوربوينت بس اشلوون ادش على المنتجات ؟؟

واتحجى عن الألبان والحليب بس والا همن اللبنه والجبن واقدر اقول عن حليب كاكاو وفراوله ؟؟

واللي يعااافييكم محتاجه مساعدتكم حاسه الموجهه بتحضر لي

 

[OM-OMOOR]

مرحبا بنات
انا غيرت اهدافي وحطيت
1-يتعرف على الاطعمة الطازجة(منتجات الالبان
2-يعتاد على تناول الاطعمة الطازجة
3-يودي مسابقة عن منتجات الالبان
وهمتكم يامااااااااااااااااااال العافية

 

[OM-OMOOR]

يعطيكم العاافيه

واللي يعاافيكم عندي درس عن منتجات الألبان

شنوو ممكن اتكلم عنه؟؟؟

المثير قلت بحط حليب بالبوربوينت بس اشلوون ادش على المنتجات ؟؟

واتحجى عن الألبان والحليب بس والا همن اللبنه والجبن واقدر اقول عن حليب كاكاو وفراوله ؟؟

واللي يعااافييكم محتاجه مساعدتكم حاسه الموجهه بتحضر لي

انا بحط المنبة بالبور بوينت بقرة ومن خلال البقرة راح اتكلم عن منتجاتها لان منتجاتها كلها البان
وان توجد انواع ونكهات من الحليب مثل الفرولة والكاكاو و غيرة وان من الحليب نقدر نسوي لبنة والزبدة الروب
وراح اتكلم عن فوائد الحليب والالبان بشكل عام
والمسابقة راح تكون سلتين وكل سشلة فيها منتجات الالبان وعنصر مخالف ومع الموسيقى يستخرجون الالبان فقط


شرررررررررررررايج انشاللة حلو
اللي عندها ملاحظة تقولي

 

[umhamad2009]

بنات اشلونكم بنات ابي اعرف طريقة العروض الضوئية شلون

 

[Ťђё Ĕηđ]

يامال العاافيه منبهج حلوووو بسويه باجر ان شاء الله وانا مسويه ركن جمعية بالصف وكاتبة فوقه منتجات الألبان فراح اوديهم له واناقشهم عنه واقولهم مكتوب منتجات الالبان اشرايكم نتعرف عليها وحاطه فيه حليب ولبن وروب وجبن ولببنه وزبده وقيمر اذكرها لهم وفوائدها لنا وعقب العبهم مسابقات بحط سلتين ويطلعون منها منتجات الألبان ويلزقونها لي على لوحتين وبريه وبحط فوقها هالصورة

اشرايج فيها ؟؟؟

بعد قلبي والله من كلامج طلعت افكار يعطيج العاافيه ماقصرتي

 

[عهود الحب]

الالبان مايشمل انواع الحليب
الالبان
الروب واللبنة والاجبان والحليب واللبن بس
انا مثيري بوربوينت فيه بقرة < وللحين ماسويته للأسف
وبدش عقبها برحلة الى قسم الالبان بجمعية الفصل
وبدورلهم صور عن اهمية الحليب عشان اناقشهم فيها
وبعدها مسابقة ابحث عني < اقولهم انا بقولكم لغز
بقولكم اوصاف الشي وانتوا جيبوه لي
مثال انا شراب لوني ابيض يفضل شربي بوجبة الغداء ماهو ؟ اللبن
انا طعام لوني اصفر او ابيض احجامي واشكالي متنوعة ويفضل أكلي مع الخبز ؟ الجبن
وكل اجابة الطفل الي يجاوب يجيب لي الشي الصحيح [ مجسم عنه ]

بعدها لعبة ترتيب ركن الالبان وبينهم اشياء مختلفة نطلعها


طبعا الي عندها مصورات صغار حلوين تقدر تلعب لعبة النمط بهالركن
مثال

حليب لبن جبن ويكون في صور صغار
يلا منو يكمل يستخرج لي الشكل الصحيح
وتحطون بينهم صور خضار او معلبات

مسابقة الشكل وظله < للي عندها وقت وودها تسويها



التغذية الراجعة من خلال لعبة شعبية حجلة بنهايتها ملف يستخرج منه الطفل الصورة التي تعلمناها اليوم هي الالبان

وسلامتكم

 

[umhamad2009]

شلونك عهود ابي طريقة العروض الضوئية

 

[عهود الحب]

انا بخير الحمدلله


العروض كتبت طريقتها

ياقلبي


بس اعيد


اهم شي بالعروض الضوئية انها تكون بغرفة مظلمة ومعدة اساسا للعرض السينمائي او الفيديو او البروجكتر او عرض السلايدات

تعرضين لهم اي شي يفيد الخبرة


البعض يعرض فيها قصص فقط

ولكن ممكن تعرضين فيها اي شي يتعلق بالخيرة بس بنفس الطرق الي ذكرتها


مثال اقسام الجمعية

سلوكيات الواجب اتباعها بالجمعية

تسوينهم شفافيات وتعرضينهم



طبعا مثير استنتاجي

وتذكيرهم بسلوكيات الزيارة للغرفة [ النظام الهدوء المحافظة على نظافة المكان المحافظة على سلامة الاجهزة وعدم العبث بها ]

وطبعا تحثينهم على اطفاء الاجهزة قبل مغادرة الغرفة

اكيد بعد المثير والسلوكيات
تعرضين لهم الدرس الي تبينه

مناقشة
تعززين الجوانب الوطنية والدينية والسلوكية من خلال اي طريقة تبين

مسابقة

تذكير بالسلوكيات


عودة للفصل وبسسسسسسس


هذي طريقتنا قبل انا حاليا ما اطبق عرووض ضوئية نهائيا لعدم توفر اجهزة للعروض بس عندنا بروجكتر عادي


واذا روضتكم طريقتها غير

لازم تسألين المشرفة الفنية
وسلامتك

 

[umhamad2009]

حبيتي ماقصرتي يصير فيلم عن الجمعية بالبور بوبنت