تجمع خبرة الجمعية التعاونية ياللة حياكم معانا

[Xal_mohrahX]

^^^

السلام عليكم
يعطيييييييييكم العافيه على منبهاتكم الحلوه
والله ودي افيدكم مثل مافدتوني وفدتوا غيري
بس انا توظيف جديد وما قدمت الا حلقه وحده <<< يعني ماعندي خبره

والاسبوع هذا بتدخل علي الموجهه بس ما ادري اي يوم

وابي منبهات حلوه حق هالحلقتين لان يمكن تدخل بوحده فيهم

الحلقه الاولى :
يتعرف على خياط السوق المركزي
يبتعد عن الادوات الخطره
يجمع ادوات الخياطه عن طريق مسابقه

الحلقه الثانيه:
يربط العدد(6) بمدلوله (فرع المكتبه)
يشارك زملائه في المسابقات
يقوم بحركه تنشيطيه للعدد (6)

والمنبه تقول المشرفه لازم مشكله تثيرينها للاطفال ليما اتعرفون على الشغله اللي بتحجين عنها
عفيه بنات اللي تعرف منبه حلوه ختفيدني

ويعطيييييييييييييييييكم العافيه

&&&
&&
&

 

[ابيار]

الله يخليك ابي سير درس كامل
يربط العدد6 بدلوله
يحرص على عدم اللعب بادوات الخياط
يشارك اصدقاءه اللعب

الثلاث الرح بدخلون علي ابي شئ يبيض الويييي
واذا عندكم هدف احلى ليربط غير الخياط مثل الصيدلية او قسم خارجي ثاني مو مشكلة المهم يكون حلو وكله حركة

بليييييييييييييز ضروري

 

[Attractive-girl]

السلام عليكم ورحمة الله وبركاته

\

يعطيكم الف الف عافيه بنات
والله ابداااع ابداااع وصج ماتقصرون

امم انا كلش موصوبكم لوول توني طالبه تخصصي انقلش
بس كنت ادور قصص حق بنت عمتي ولقيتهم عندكم

وقلت بفيدكم بخبرتي >> طبعا خبرتي بالنت مو بالروضه

اللي قالوا ان القصص ماتشتغل انا اعلمكم شلون اتشغلونها

تابعو الصور معاي

طبعا بعد ماتحملين الملف
وتفجين الضغط عنه جذي ..
هذي الايقونه بالـ winrar او الـ zip


بعدين ضغطي رايت كلك جذي



اختاري ثاني وحده extract files



بعدين اوك او موافق

راح ينفج الضغط بعدين تروحين حق الفيديو اياً كانت ايقونته
انا عندي الايقونه مالت الفيديو جذي



انتي اياً كانت ايقونته سوي نفس ماراح اسوي

ضغطي ع الايقونه رايت كلك



واختاري اخر شي خصائص او properties

بعدين



change او تغيير نفس ما انا مسويه

واخر شي اختاري البرنامج اللي بتشغلين الفيديو فيه
انا اخترت ميديا بلاير
انتي تقدرين تختارين كلاسيك بلاير او اي برنامج من اللي عندج طبعا يكون برنامج يبطل فيديوات
موتختارين ادوب فوتوشوب والا قلاري مال صور

وهمن اذا غيرتي لبرنامج غلط تقدرين تعيدين الخطوات وتغيرين البرنامج



وجذي تغيرت الايقونه والبرنامج



وبس

اتمنى يكون شرحي واضح

اللي مافهمت تطرش لي مسج لاني مادخل اهني وايد

واي مشكله تواجهونها كلموني انا بالخدمه

\

والله يعطيكم الف عافيه

وعساكم ع القوه
وموفقين ان شاء الله


\

 

[كويتيه وطبعي خجول]

أبي منبه مبتكر للنقود عندي يوم الاثنين

 

[كويتيه وطبعي خجول]

درسي الأحد

1- يتعرف على المرافق الخارجية للجمعية التعاونية
2- يحافظ على نظافة المرافق الخارجية للجمعية التعاونية

 

[شمووووع الليل]

شنو منبهة لي يتعرف على وظائف بعض العاملين

 

[umhamad2009]

ماقصرتوا يا مبدعات ابي درس عن الخباز وشنو احط مسابقات مبتكرة وشنو منبة

 

[عهود الحب]

http://q8yat.net/showthread.php?t=235461

هذا درس الخباز
عشان نحفظ الرابط لايضيع

 

[عهود الحب]

كويتية وخجولة
مايصير جذي الهدف
هدفج عام
وانتي مستوى اول صعب عليهم حيل


لازم تختارين فرع واحد بس


عشان يصير درسج محدد مو عام



اما اذا مصممة عليه


ممكن تحطين مبنى انتي قاصته وتقدرين تطلعين من النت صور جمعيات تعاونية
الواجهة أقصد
وتحطين كأنه يمها فروع وتسألينهم
لما نزور الجمعية ونخلص نطلع نشوف فروع يم الجمعية مثل شنو
راح يقولون المخبز
الصيدلية
البريد
النوفوتيه
محل الالعاب
المكتبة
الخ


تعززين الوطني والسلوكي من خلال قصة او مصورات
وفي قصص عن الجمعية التعاونية فيها مناظر جذي
تقدرين تستغلينها


من خلال اللعب
تستخرجين صورة فرع من افرع الجمعية
مثال الصيدلية
ماذا نشتري من الصيدلية


ميزان / دواء / لزقة جروح <<< يحضرونها لج من ركن العلمية

المكتبة < يحضرون لج اغراض قرطاسية من ركن الفنية او قصص وكتب من المكتبة


فرع الالعاب < العاب من ركن الالعاب او دمى من ركن البيت


فرع الخياط < ملابس من ركن البيت

بجذي نقاش عام

بس انا انصحج تركزين على فرعين او فرع بالتحديد


نشيدة

مسابقة دومينو الافرع
شلون
يحطون كل صورتين مقابل بعض مثل لعبة الدومنة المشهورة

تغذية راجعة وكان الله غفورا رحيما

 

[عهود الحب]

اتراكتيف قيرل يا مال العافية جزاج الله خير

بميزان حسناتج

 

[umhamad2009]

شلونش عهود بغيت منبة مبتكر ومسابقات عن الخباز

 

[عهود الحب]

هلا فيج
والله مو طاري ببالي أي شي
بس تقدرين تبلشين عن الخباز من خلال صورة الفرن او التنور

اذا تعرفين تشتغلين بيدج تسوين شكل فرن صغير من الكرتون
اذا مو عارفة بالصلصال


وتحطين بالوسط الشمعة الصغيرونه الي تكون مسطحة

من شكله راح يعرفون انه تنور او فرن
[ شكل مجوف بني لونه و بداخله شمعة صغيرة كأنه نار وطلعي من خبز التموين الصغيرون اذا تعرفينه ]



مسابقات والله مو ببالي شي بس اطلعي على موضوعي مال الالعاب وطلعي من الافكار فكرة مطورة ومبتكرة

 

[دانتيــــلا]

يعطيج العافيه عهوود ماقصرتي صج مبدعة

 

[umhamad2009]

مشكورة يامبدعة التجمع عهود ماتقصرين

 

[ابي اصعف]

بنااااااااااااااااات انا توظفت جديدد توني

وحلقتي عن العاملين بالجمعية


ابي منبه ؟؟ ياريت اللي عندها صور ياحياتي تحطهم اهني تفيدني وتفيد غيري

لان دورت بكذا مكتبه صور مالقيت

 

[كيفي ادلع]

يا حلو التجمع

يا حلوات راح
أسوي لا صفي مبتكر بس مدري شنو أسوي

منتجات الكويتية (بس الالبان - الخبز
بس في وحدة قدمتة لا ابي شي ثاني


بليز ساعدوني ضروروي وعلموني شنو الكلام ( مواضيع اللي نتطرق لها )


لاتخلوني نداء

 

[شمووووع الليل]

مشكووووورين على الافاااادة فعلا ماتقصرون ربي يووفقكم

 

[ابيار]

انا ما رديتو علييييي
والله الحين ابجييييييييييي
ابي عن الخياط ويكون ربط العدد 6 ابي سير درس كامل
او من خلال الصيدلية
عندي دخول الله يخليكم ابي افكار حلوة

 

[ابي اصعف]

الخياط خلي منبهج صوره بالبوربنت لماكينه الخياطه

عشان توصلين للرقم سته اساليه الاله شنو تبي خيط وابره

وحطي 5 خيوط و6 ابر


انا ابي عند العاملين بالجمعيه للحين مالقيت ومحد راضي يعطيني وجه

 

[كويتيه وطبعي خجول]

هدفي السلوكي

يحافظ على نظافة المرافق الخارجية للجمعية التعاونية

اشلون أحققه أبي مصورات اللي عندها تفيدني