عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[راجعة بقوة]

على فكرة فنادق لاس فيغاس عجيبة غريبة جنج قاعدة ببورصة يوم الفندق ليلتة 300 دولار يوم 100 دولار يننونى

 

[ام سعدتي]

مبرووووك التجمع الجديد........
احنا حجزنا على البرتش من 29\6 الى 19\7 كويت لندن كاليفورنيا
احنا انا وزوجي وولدي سعر تذاكرنا 1330 بنمر فيغاس 4 ايام وبنسكن بمنطقة اناهيم ان شاء الله بس ليلحين ما حجزنا سكن انا ودي بشقه اشرايكم بنات اتأيدوني بالشقة ولا فندق احسن.

 

[Simply_The_Best]

ســـلام يـا بنيـات

قاعـدة أشـوف حجيكــم عن التسـوق .... شـوقتونــي

مسكيـن ريلي كـل شوي مطرشه له إيميل و فيه صـور الشغلات الني نبيهـا .... أقـولــه مـال أنـا أروحححح مكـانـــك لوووول

أنــزل لكم الصـور بعـديـن إن شـاء الله ....

اذا على المــولات عنـدكـم

Irvine spectrum center وايــــــــــــــــــد حلـو و بالليـل كـل عـرب أكثرهم من السعـوديـة عجيــب

South coast Plaza و هـذا كــــــــــل شي فيـه .... مـاركـات و شغـلات عـاديـه لازم تـروحـون لـه

 

[ام البنين2000]

روونه 1000 حقج بروحج زينه واايد

راجعه بقوه تري اوت لت ديزيرت هيل تلاقين فيه دبور وغوتشي برادا بربري ايف سان لوران ارماني غير الماركات الامريكيه كيلفت كلايت دي كي ان واي وغيرهم
وروحي مره بالاسبوع علشان كل اسبوع اتييهم بضاعه يديده من المحل الاساسي

 

[ام البنين2000]

سمبوله شلونج
انا في سوق رحته ما اذكر اسمه بس كان كله سعوديين بليل والتمشي فيه روعه وكان مفتوح وديكوراته شرقبه وفيه دولاب هوا حق اليهال كبير
والسوق كله ماركات وداخله في ميسيز مادري عرفتيه ؟؟
اذا عرفتيه عفيه قولي اسمه حق البنات تري خوش سوق

 

[راجعة بقوة]

ام البنين على السعر الى حاطتة صج فرق وناسة...انزين غير الجناط فى عندهم ملابس كشخة انا جم مرة اسمع ملابسهم حقالكبار مو كشخة

 

[مشاعر أمرأه]

وااااااااااو بنات شيشتوني على كاليفورنيا

لأني العام رحت اورلاندو

انا وريلي ناويين بس اهو للحين ماعطاني الاوكي

وابي نصيحتكم المسافرين انا وريلي وعيالي

5ونص
4ونص
2
شرايكم اخذ الخدامه معاي ولا لأ

لان اول مره اخذ بنتي الصغيره معاي
وخدامتي للحين ماسويتلها الفيزا

فشتنصحوني فيه وشنو احسن خطوط من ناحية الراحه والسعر

وانا ناويه كاليفورنيا بس مو مخططه لأماكن معينه فياريت تساعدوني

 

[أم أحلى جود]

محتاره بين طيران البرتش والامارتيه يقولون احسن للي عندهم يهال الامارتيه فيها برامج لليهال اما البرتش لا مادري والله

 

[أم أحلى جود]

هلا والله بسمبلي شخبارج تذكريني ؟؟؟؟؟؟

 

[أم بنوته]

صباح الخير عالحلوين
روونا و البنات ما قلتولي شرايكم بال blue man show و البوش جاردن ،حلوين ؟و يسوون الواحد يروحلهم و لا لأ؟
:bye22:​

 

[semaasem]

السلاااااامووو عليكووووم


شلونكم بنات تجمع الجبابرة شخباركم؟؟


أول شي ولو انها متأخرة أحب ابارك حق روونه مبرووووووك وأخيرا ياكم الفرج صبرتي ونلتي والله يتمم عليكم على خير


والله كاتب انج تروحين كاليفورنيا علشان تعطيني تفاصيل التفاصيل حق السنة الياية (مضبطة عمرها) قولي خلينا بهالسنة الحين ليش مستعيلة..

وماماتي حبيبتي مشتاقة لك كتير كتييييير شلونج وشلون اخواني حبايبي شخبارهم؟


وباجي البنات كلكم شلونكم على (أهبة) الاستعداد للسفرة ان شاء الله

 

[ام البنين2000]

صباح الخير

راجعه بقوه عندهم هدوم كشخه يعني عندج هدوم كيلفن كلاين انا ما خذه منهم النفانيف القصيره اللي نلبس تحتها بنطلون علي 75 دولار بالكويت بمجمع 360 والله ذاك اليوم شفت نفسهم علي 165 دينار شوفي الفرق وهم عندج دي كي ان واي تحصلين عندهم شغلات حلوه ومايكل كوريس وبالاوت لت انا ماخذه من غوتشي بدلت العيد خذيت النفنوف 350 دولار يعني هالسعر مستحيل تحصلينه بالكويت من غوتشي وعندج بربري لسكارف الشتوي 199 دولار الجاكيت 399 دولار طبعا هالاسعار من غير التاكس
وبحلات الماركات لا تشوفين السعر اللي علي الهدوم سأليهم يسوون هم خصم علي السعر اللي موجود علي الليبل

بنات بعد بقولكم شغله لا تروحون الحدائق بأيام الويك اند تكون حدها زحمه يعني الويك اند خلوه لسوق وايام الاسبوع حدائق وهم فنادق فيغاس اسعارها تزيد بالويك اند

 

[ام البنين2000]

هلا والله بسمسومه شلونج حبيبتي واخوانج بخير عندهم اجازة الربيع الحين
انتي شلون عيالج
نبيج تساعدين البنات ويانا تري واايد قاعدين يسألون عن نيويورك وانت احسن وحده فينا تشرح بالتفصيل

 

[ام البنين2000]

مشاعر امرأه انا ما انصح بالخدامه معاج وسمله عليهم عيالج كبار بس هالصغيره تعاوني انتي وريلج عليها انا العام كان ولدي كبر بنتج ورحت بدون خدامه والحمدالله تعاونا انا وريلي
اهم شي بالسفر انه الياهل ياكل من اكلكم ويمشي يعني ما يلعوز مو نفس اللي يكونون بالاشهر

 

[Simply_The_Best]

سمبوله شلونج
انا في سوق رحته ما اذكر اسمه بس كان كله سعوديين بليل والتمشي فيه روعه وكان مفتوح وديكوراته شرقبه وفيه دولاب هوا حق اليهال كبير
والسوق كله ماركات وداخله في ميسيز مادري عرفتيه ؟؟
اذا عرفتيه عفيه قولي اسمه حق البنات تري خوش سوق

هـذا هـو Irvine Spectrum center قعـدتـه اشحلوهـا بالليل و نـاس رايحـة و يـايـه و المحـلات الي فيه بعد حلــوة

و عنـدكم بسـان ديغـو Horton Plaza وايـــــــــــد حـلـو فيـه ميـسز و نـورد ستروم و Coach و هيلو كيتي حـق البنيات الصغـار كنتـه أدوره قبل حـق بنتـي يـوم صغيرة ....و لحـد الحيـن تبي كيتي !

و فيـه أوتلـت قريب من حديقـة ( الليجـو لانـد ) بعـد كبيـر اسمه Carlsbad كـل شي فيه

و عنـدكم أوتلت على حـدود سـانديغـو و المكسيسك وايـــد حـلو ( يمدحـونـه ) اسمه Las Americas

 

[Simply_The_Best]

هلا والله بسمبلي شخبارج تذكريني ؟؟؟؟؟؟

هـــلا والله !!! أكيــــــــدة أذكـــرج ... شخبـارج ؟ عسـاكم بخيـر

إن شاء الله نــاويـن هالسنـة على أمريكـا ؟

 

[Simply_The_Best]

بعد بالمولات العاب؟؟ مالي خلق يحنون عي ويضيعون وقتي لووول << حامية على السوق!!

امس رحت 360 فاتحين disgual ماركة اسبانية على ما اعتقد كنت كلش قاعدة اخمط وباحاسب، في آخر لحظة تراجعت!!

قلت اخاف اصرف فلوسي اهني واهناك افرفر من الحرة ههههه

​

شفتيهم رونـه ؟ ألوانهم عجيـبـــة .. شـريت منهم حـج بنتـــي مع جنطـاهم يشبهون Oilily و هي من صغر تلبس منها بس لما كبرت ما لاقينـا قيـاسها .. عاد ما صدقت على الله شفت ماركـة تشبهـا ....

 

[كويتية أصيله]

السلام عليكم

بنات أبي إذا تعرفون طيران دايركت ل لوس أنجيلوس يطلع من الكويت أو دبي أي أي دوله قريبه؟

 

[rawona]

على فكرة فنادق لاس فيغاس عجيبة غريبة جنج قاعدة ببورصة يوم الفندق ليلتة 300 دولار يوم 100 دولار يننونى

هههههه اي يعقدون شوي

بس ترا بالويك اند اسعار الفنادق تزيد عن الايام العادية ..

يعني الفندق بو 300$ ممكن يصير ب 166$ بالليلة في الايام العادية

جيكي مرة ثانية وبأكثر من موقع

​

 

[rawona]

على فكرة فنادق لاس فيغاس عجيبة غريبة جنج قاعدة ببورصة يوم الفندق ليلتة 300 دولار يوم 100 دولار يننونى

مبرووووك التجمع الجديد........
احنا حجزنا على البرتش من 29\6 الى 19\7 كويت لندن كاليفورنيا
احنا انا وزوجي وولدي سعر تذاكرنا 1330 بنمر فيغاس 4 ايام وبنسكن بمنطقة اناهيم ان شاء الله بس ليلحين ما حجزنا سكن انا ودي بشقه اشرايكم بنات اتأيدوني بالشقة ولا فندق احسن.

شقق فندقية نادر ما تحصلين بكاليفورنيا بأسعار مناسبة بس عندج فنادق الماريوت عندهم نظام الشقق الفندقية بسعر زين في اناهايم انا شايفة جم شقة مناسبة دشي موقعهم وجيكي


موفقة
​