:::تجمع امهات روضه وحضانه عالم الطفل:::

[ورد وردي]

بس خلج بمنطقة مبارك الكبير لا تروحين جنوب السرة تابعة محافظة حولي ترى

 

[om_maria05]

ورد انا مو بيدي حطوني ثانوي انا كنت ابي متوسط احس التعامل معاهم سهل يكونون لا صغار و لا كبار .. بس الموجهات لم قابلوني اهم اللي حددولي المرحله اللي راح ادرسها و المفروووض اشوفلي واسطه حزه المقابلة عشان يحطوني بالمرحلة اللي ابيها و اانا ما كنت ادري فالحين ما ينفع راح اظل على الثانوي و انشالله خيره ) و بالنسبة حق جنوب السره الموجهه اهي اللي قالتلي ان عندهم نقص بالثانوي اهناك و محتاجين مدرسات قلتلها اشلووون بطاقتي على القرين قالت شانسوي احنا محتاجين لم تروحين عقب الفحص اختاري حولي التعليميه ..
طبعا مالهاااااا امل ) انا ابي مكان قريب من بييتي مابي طلعة من الفير وزحمة و لوعه .. بس و الله سمعت ان الموجهه مالها شغل تحدد المدرسه المفروض على حسب بطاقتي و الله اعلم ) ..

 

[حبوبه]

صباح الخير ..
موفقه ام ماريا الله يعينج علي التدريس ..
الحنونه هذا الجدول مال ورشه العمل ؟؟ جنه وايد لما 11 ونص ..

 

[al7noona]

صباح الخير ..
موفقه ام ماريا الله يعينج علي التدريس ..
الحنونه هذا الجدول مال ورشه العمل ؟؟ جنه وايد لما 11 ونص ..

اي هذا الجدول الي وزعوه علينا كاتبين من 9 لي 11ونص

 

[al7noona]

بنتي اليوم ماداومت مسكينه عيونها فيها رمد عين صغيره مسكره والثانيه عاديه شكلها يكسر الخاطر عاد مو وقته باجر عندها ورشه

 

[ورد وردي]

اها ام ماريا يلله صح خيرة والثانوية لما المدرسة تصير حليوة وبنفس الوقت حازمة وعندها شخصية يحبونها مايمشي معاهم الزف انتي فرضي احترامج ..........صج احنا نشوفهم كبار بس هم مساكيين بعمر مراهقة ............وصح انا الي اعرفة ان يحطونج المنطقة التعليمية الي على بطاقتج .......الله يوفقج ويسهل عليج

بنات الحين الورشة كلهم نفس الموضوع؟؟؟؟؟ كل المراحل ؟؟؟؟؟؟؟

 

[al7noona]

اي اكيد كلهم نفس النشاط عن السمج

 

[al7noona]

بنات كلكم باجر عيالكم عندهم الورشه ولا كل صف يوم؟؟؟


متى نودي عيالنا الصبح مبجر ولا معانا الساعه 9؟؟؟ وشنو يلبسون؟

 

[om_maria05]

قواااا بنات حبوبه اجمعين انشالله و الله يعينا كلنا (
ورد انشالله بس اقدر اضبط الوضع و احليا قاعده اتدرب على النظره (( النظره اللي اذا وحده سوت شي ما عجبني لوووول )) الكل يقولي تدربي عليها لازم تضبطينها ..
الحنوننه حيااااااااتي ما تشوووف شرررر حوووور سويلها كمادات شاي و قطره عين و انشالله تصير احسن
دقت علي ابلة فاطمة تبيني اطرش حق بنتي ثوب صلاة لانها بتقرى قرآن و قالتلي خل تيي بلبس الرياضه و لازم اليهال يكونون موجودين من الصبببببح مبجر قبلنا عشان يمديهم يتريقون و ينظمونهم و احنا لازم نكون اهناك 8 و نص و 9 خلاص يبدون النشاط ....
و انا كنت حدييييي لاهيه اليوم و حتى بنتي مسكينه ما سويتلها شي توديه و الحين مطلعة صناديق الحوسه و الخرابيط و قاعده احاول اسويلها شي توديه معاها و انشاللله يمديني اخلص و انام اشوي (

 

[حبوبه]

هلا بنات ..
سلامتها حور عاد الحين الجو متغير وهابه الفيروسات والحساسيه ..
احنا ورشه العمل يوم الاثنين الياي ..

 

[ورد وردي]

الورشة كل صف يوم..........

ام ماريا النظرة تلقائيا بتضبطينها اذا انبطت جبدج

 

[al7noona]

اليوم كانت ورشتنا وماشالله وايد استانست من الانشطه الي سووها والحمدالله بنتي صارت احسن عيونها ومستانسه اتطالعني وتشارك ماقصروا الابلات

بدوا الساعه 9 كان الطابور ماريا قرت سوره الفيل وبنتي شاركت بالدعاء واشياء وايد سووها بالطابور عقب راحوا يشوفون التلفزيون يورونهم الاسماك وعقب مسرح العرايس هذا حده يضحك هههههه

عقب صعدنا فوق صف الانجليزي عقبه العربي واخر شي ردينا نزلنا السرداب كل ام مع ولدها وبنتها يسوون تاج على سمج

 

[حبوبه]

هلا بنات ..
بنتي امس تقولي يو كل الامهات وانتي ماييتي :eh_s(16): قعدت مده افهمها ان كل يوم صف ..
وزعتوا شي الحنونه ؟؟ اي صج انتي وام ماريا بنفس الصف عرفتوا بعض :friends:

 

[al7noona]

هلا بنات ..
بنتي امس تقولي يو كل الامهات وانتي ماييتي :eh_s(16): قعدت مده افهمها ان كل يوم صف ..
وزعتوا شي الحنونه ؟؟ اي صج انتي وام ماريا بنفس الصف عرفتوا بعض :friends:

ويي مسكينه خل تنطر الاسبوع الياي انشاالله وتروحين لها


اي انا وزعت اللوحات وام ماريا وزعت وايد كان شكله حلو ماشالله عباره عن صوره سمجه وحلاو خدود بنات
وابله فاطمه بعد وزعت حلاو مغلفته حلو

وشفت ام ماريا سلمت عليها وقعدنا مع بعض

 

[om_maria05]

قواااااااااااااا بناااااااااااااااااااااات
و اخيييييييييييييرا رجعتلكم بنشاااااااااااااااط و شبعانه نوم و اخيرا و الحمدلله لووووووووول
الاسبوع اللي طاف بطووولة كنت مشغوله و ما انااااام عدل و تعبانه نفسيا و جسدياااا ((
و قبل الورشه بيووووم هم كنت مشغوله حديييي و كنت ناسيه اييب حق بنتي الاغراض اللي طلبوهم بورقة الورشه وما تذكرتهم الا الساعه 1 لم فضيت لوووول و ضميري أنبني بس الحمدلله اطعلوا كلهم عندي بالبيت وديتهم معاي .. و اثارييييين ناسيه اهم شي لووووووول التوزيع حق الورضه نااااسيه اسويييييه جان ضميري يأنبني زيااااده لان بنتي تحن علي من الاسببوع اللي طافف ماما انا بوزع على رعي و بعطي صفي .. حتى كنت ناويه اوزع عاليهاااال مثل الغرااااش الشفافين الصغار و احط فيهم صخر و ماي و سمجه صجيه .. بس المشكله ما لقيت غرشه اقد اقظ غطاها عشان السمجه ما تموت فقلت خلاص بسوي شي ثاني و بروح اشتري قواقع و اشياء تتعلق بالبحر و اسوي فيهم حركه و انوزعهم عاليهال بس طبعا هم نسسسيييييت ..
الساعه 2 بليل طلعت كل الكراتين اللي فيهم خرابيط عندي و قعدت افكر المشكله ماعندي شي له علاقه بموضوع الورشه (
و انا انبش و الا اكتشف ان عندي برده على سمج و نجم البحر يديده بقراطيسها كنت شاريتها من العام من تروفاليووو و ما لقيت مكان اعلقها ... عاد اهني هلت الافكار لووووول بس اخر شي رسيت على اسرع فكره عشان يمديني اانام قبل ما اروح الورشه ... وما خلصت الا الساعه 6 و رحت الورشه سهرانه (((((((((((((( و حسافه ما صورت الشغل بس اشوه طلع ريلي مصوره و انا مادري لووول
و اهناك يتني الحنونه يا حلووووها ماشالله و عرفتني على نفسها فديتها ))) و قعدنا مع بعض بس ما قدرنا نقرق حسافه لان كنا نصوووور و انا كنت حدي دااايخه و فاصله لوووول انشالله خيرها بغيرها ...
و بعد اشوي بكتب رد ثاني عن رايي بالورشه ككل و النشاطات اللي سوووها ) و الفرق بين هالسنة و العام

 

[al7noona]

حبيبتي ام ماريا ماتقصرين ويعطيج الف عاااافيه

 

[ورد وردي]

شلونكم بنات

الحمدلله استانستوا بالورشة

 

[al7noona]

هلا ورد
انتوا متى ورشتكم

ويوم الاربعا لما رحنا يهال الحضانه ماكانوا مداومين بس الكي جي؟؟؟!!

 

[حبوبه]

هلا بنات ..
تسلطوا المدارس بالانشطه يوم الخميس حفلة بنتي بالابتدائي وباجر الورشه واحاتي الاستئذان ..

 

[الحنان الدافئ]

حبيباتي وين عنوان الروضة بالفصور ..... ضروري الله يجزاكم خير