تجمع مسافرات لندن في صيف 2010

[كويتيه ذربه]

خواتي
اشلونكم
انا حجزت التذاكر حق اخر الشهر بس الفندق للحين محتاره وين احجز

 

[حضاره]

لا عز هذيج ام العيال لوووووووووووووووول

كويتيه ذربه 00شوفي الكمبرلاند اذا حصلتي حجز فيه موقعه خطيييييييييير 00متى سفرتج بالضبط وعلى اي طيران؟

 

[~ عز ~]

حضاره صديقتي رايحه في يناير هذا اللي طاااف .. و ماتمدح الكمبرلاند .. تقول مافيه الا موقعه والا غرفه ضيقه ومايسوه ..

انتي سكنتي فيه من قبل ؟؟؟

 

[كويتيه ذربه]

ان شاءالله تاريخ 23 \4
على القطريه
اول مره بروح عليها لندن مجربتها كطيران روعه
بس كل مره اروح لندن على البرتش

 

[كويتيه ذربه]

انا كل مره اروح سيلفرج
بس الصراحه الفندق صار حده قديم بس موقعه حلو

اختي قبل جم شهر راحت كمبرلاند تقول حلو بس انا ابي باكسفورد اهدا

انا بروح مع ريلي بنحاااااااااااش من جو الامتحانات قلت اخلي اليهال ونروح انا وريلي بروحنا واعوضهم بالصيف

 

[حضاره]

اي عز انا سكنت فيه00مافيه الا العافيه 00بس مادري اش تقصد رفيجتج ب غرفه ضيجه00المفروض احنا مانكود روحنا بالغرف 00

يعني اذا عددنا كبير انتوزع على كذا غرفه00عامة الغرفه اللي فبها سريرين منفصلين تكون واسعه الى حد ما!

 

[mr000]

عز الله يشافي بنيتج ويسهل أموركم ..وعليه والله يكسرون خاطري اليهال ..الله يشافيها ويطمنكم عليها..عاد هناك تعاملهم يهبل مع اليهال مومثل هني ..أذكر قبل 9 سنين تقريبا ودينا ولدي مستشفى رويال مارسدن بس الفرع اللي في منطقة sutton كان اسم الله عليكم طالع له ورم canser وكان عمره 16 ومعاي ولدي الصغير عمره 3 سنين بالريسبشن علبالهم الصغير اسم الله عليه هو المريض..وياخذونه ويلعبونه علما ننطر موعدنا مع الطبيبه.. وأشوف عالطوفه بوستر فيه صور الستاف مالهم إلا هذي اللي مجابله ولدي وحاطتله ألعاب تلعبه دكتوره موممرضه دكتوره متخصصه حق الأطفال..عاد قلنا والله جانزين نخليه عندهم علما نروح السوق..كان موراضي يهد الألعاب..

 

[حضاره]

كويتيه00 زين تسوين والله يبيله الواحد ينحاش من جو الامتحانات00الله يحفظج ان شاءالله تروحين وتردين بالسلامه00

اذكرالبنات اهني يقولون عن اوتيل السلفرج مجددينه وصاير زين!! بس ترى هم الكمبرلاند صاير على راس الاكسفورد!

 

[mr000]

أختي كويتيه جربي فندق ثيستل ماربل آرج بأكسفورد وقبال بريمارك وغرفه واسعه.. وهو 4 نجوم

 

[mr000]

بنات محل coach موجود بمطار هيثرو تيرمينال 5 مو مطار هيثرو العادي ..يعني إذا انتوا مسافرين عالبريطانيه راح تشوفونه

 

[~ عز ~]

ان شاءالله تاريخ 23 \4
على القطريه
اول مره بروح عليها لندن مجربتها كطيران روعه
بس كل مره اروح لندن على البرتش

يمكن اكون وياج كويتيه .. يلا نتلاقى نشرب كوفي هناك

انا كل مره اروح سيلفرج
بس الصراحه الفندق صار حده قديم بس موقعه حلو

اختي قبل جم شهر راحت كمبرلاند تقول حلو بس انا ابي باكسفورد اهدا

انا بروح مع ريلي بنحاااااااااااش من جو الامتحانات قلت اخلي اليهال ونروح انا وريلي بروحنا واعوضهم بالصيف

انا بعد سكنت مر بسلفردج .. بس وقتها كان زين .. في سنة 2000

انا بعد بروح مع ريلي و بنتي 4 سنوات .. كنت اتمنى اروح هالوقت لان ولدي اجازه و كان ودي اوديه معاي ..

بس ننتظر رد المستشفى .. هذا اللي عطلنا .. يمكن يقول ماتحتاج عمليه .. !!

 

[mr000]

COACH HEATHROW AIRPORT T5
TERMINAL 5 WELLINGTON ROAD HEATHROW AIRPORT HOUNSLOW
LONDON, TW6 2GA
(+44) 0208 283 6668 (THIS LOCATION SHIPS PRODUCT TO RESIDENTS IN THE UK. PLEASE CALL THE STORE FOR FURTHER DETAILS.)
Store Hours:
SAT-SUN 5:30AM - 10:00 PM

 

[~ عز ~]

اي عز انا سكنت فيه00مافيه الا العافيه 00بس مادري اش تقصد رفيجتج ب غرفه ضيجه00المفروض احنا مانكود روحنا بالغرف 00

يعني اذا عددنا كبير انتوزع على كذا غرفه00عامة الغرفه اللي فبها سريرين منفصلين تكون واسعه الى حد ما!

اي والله وانتي الصاجه يمكن هي تكودت مع لعيال لوووووووووووول

 

[~ عز ~]

عز الله يشافي بنيتج ويسهل أموركم ..وعليه والله يكسرون خاطري اليهال ..الله يشافيها ويطمنكم عليها..عاد هناك تعاملهم يهبل مع اليهال مومثل هني ..أذكر قبل 9 سنين تقريبا ودينا ولدي مستشفى رويال مارسدن بس الفرع اللي في منطقة sutton كان اسم الله عليكم طالع له ورم canser وكان عمره 16 ومعاي ولدي الصغير عمره 3 سنين بالريسبشن علبالهم الصغير اسم الله عليه هو المريض..وياخذونه ويلعبونه علما ننطر موعدنا مع الطبيبه.. وأشوف عالطوفه بوستر فيه صور الستاف مالهم إلا هذي اللي مجابله ولدي وحاطتله ألعاب تلعبه دكتوره موممرضه دكتوره متخصصه حق الأطفال..عاد قلنا والله جانزين نخليه عندهم علما نروح السوق..كان موراضي يهد الألعاب..

تسلمين مرر .. وشلون ولدج الحين ؟؟؟

 

[كويتيه ذربه]

حضارة
تسلمين والله يسلمج ياااارب
بشوف بسال بعد اذا مجددينه بعد احسن
انا لان الصبح متعوده اقعد قبله اروح اتمشى واختمها بستار بوكس علما يقعد< شفتي المزاج

مروو
فكرت في ثيستل ماربل آرج وحاليا محتاره بينه وبين الكمبرلاند

عز
صج يالله ان شاءالله نكون مع بعض
واكيد بتعرف عليج اذا صادفتج
وماتشوف شر بنتج وان شاءالله ماتحتاج عمليه ياااااااااااارب
انا بعد كنت مفكره اروح هالاسبوع عشان اجازه بنتي بس ماحصلت حجز

 

[كويتيه ذربه]

مروو اشلون ولدج الحين

 

[~ عز ~]

الشر ماييج كويتيه حبيبتي

 

[mr000]

الحمدلله الحمدلله رب العالمين الله يشافي كل مرضى المسلمين.. الحمدلله ولدي بخير هذا كان من زمان هوسوى عمليه وتعالج والحمدلله الله شافاه..والله الواحد مايبي شي من هالدنيا غير إنه يشوف عياله بصحه وعافيه..والله لافلوس ولا شهادات ولابيوت.. كلشي يتعوض إلا الصحه..بس بني آدم أحيانا ينسى نفسه وتغره الدنيا ويهتم حق هالامور!! الحمدلله والله يشافي كل مريض ويطمن اهله عليه..

 

[mr000]

تصبحون على خير:bye22:

 

[MeMe]

مر000 نوم العواااااااااافي ان شاء الله وتسلمييييييييييين على الموقع