استفسار عن مركز تقويم وتعليم الطفل(تم دمج جميع المواضيع عن مركز تقويم الطفل)

[ام نوونه]

رد: ولدي مادري وين أوديه منو يساعدني

انا بعد ولدي عنده تاخر بالكلام بس مادري وين اوديه
اشكثر قاعده ادور ومو لاقيه
انشالله البنات يفيدونا

 

[الصابرة المحتسبة]

رد: ولدي مادري وين أوديه منو يساعدني

هلا أختي

وديتيه الطب التطوري؟؟

 

[ام ناييف]

اخيرا رحت التدخل المبكر بس انصدمت

انا من زمان ابي اسجل بنتي بالتدخل المبكر بس المشكله
كله مصكر --- بعدنا ما بدينا----ماكو دكتور

المهم رحت امس واسالوني اسأله وجاوبت عليها
ورحت للدكتوره وشافت بنتي واسألتني اسئله وشرحت لي شنو راح تستفيد بنتي معاهم
وكل شي زين

المهم اخر شي جات الباحثة وعطتني اوراق اوقع عليها وهنية كانت الصدمة

اول شي اوقع اني التزم باحضارها للتدخل المبكر وما الا ذلك ووقعت

بعدين قريت انه راح يسجلون تسجيل سمعي ومرئي لبنتي اثناء التدريب للاستخدام للبحوث والتجارب
طبعا رفضت اوقع _ الباحثة مصدومه طبعا)
الشي الثاني بيصورون بنتي اثناء التمارين ويستخدمونها للدراسات
الشي الثالث راح يتبادلون معلومات عن بنتي لجهات اخرى للاستخدام البحثي

قلت لها اسفه ما اوقع ومن حقي ما اوقع وانتم كاتبين ان من حقي الرفض والقبول وماراح يأثر على تسجيل بنتي عندكم
قالت لا ما يصير الكل يوقع ليش ما توقعين
قلت ماني موقعه هذي حرية شخصية
قالت بروح اسأل الاخصائية قلت روحي حبيبتي انا ما راح اوقع
راحت واسألت جان تقول خلاص الاخصائية تقول كيفج لا توقعين


خواتي انتم قريتم التعهد والا وقعتوا عمياني
ترى عيالنا مو للتجارب
انا حبيت انبهكم لهذا الشي
ويظل الامر حرية شخصية في الموافقه او الرفض

 

[شانييل]

رد: اخيرا رحت التدخل المبكر بس انصدمت

حبيبتي إنا خبري بالمركز من جم سنة
إهمة عادة ما ان عندهم هالشرط وأساسا ما عندهم دراسات وبحوث !!!!!!!!!!!!
وما راح يتبادلون المعلومات مع أحد صدقيني مجرد أوراق فقط لا غير!!!!!!!!!!1
أساسا مجرد جلسة بالاسبوع وتفيد الياهل وتفيدج بعد
وإنهم يقطعون الجلسات عمرها ماصارت ولا تصيير!!!!!!
لا تحاتين ما كو شي
بس تابعي وياهم ساعات تنام أوراقهم سنة وفوق لااااااااااااااازم على طول تابعين وتدققين عليهم

 

[HearT ChocolaTe]

رد: اخيرا رحت التدخل المبكر بس انصدمت

حبيبتي ام نايف بسم الله عليج من الصدمه .. طبعا قريته فديت عيونج وهذي حريه شخصيه
انا عن نفسي ما امانع اذا في فايده في اكتشاف العلاج لولدي
اذا انا وانتي وغيري والمليون منهم رفضنا ما راح يتوصلون الى العلاج الامثل لهم وطالما مو قاعدين
يأذونه والا يضرونه بشي ليش أمانع عادي خ يصرونه اصلا احسن لي انا عشان اعرف الفرق
واذا فعلا في تحسن .. بالنسبه لي العلاج المرئي شي عادي

وانا وقعت عليه ,, ومرة دقوا علي العلاج الطبيعي كانوا يبون يصورون عزيز ويحطونه على اعلانات
هم ما رفضت بس ما رجعوا ودقوا علي ؟ ومرة اتصل دكتور وقال ان في دكتور زائر وحابين
نفحص عزيز رحت ونطرته بالجناح وبالأخير طلع ان الاخ يبي يقدم رسالته على حساب حالة عزيز

هنيه رفضت وقلت لاااااااااااااااااااااا تدرين ليش لأنه هنيه صار حاجه مو غايه والفرق كبير ..!!
فهمتي قصدي ام ناييف تحياتي لج حبوبه والراي لايفسد بالود قضيه

 

[مرمر]

رد: اخيرا رحت التدخل المبكر بس انصدمت

حبيبتي الشرط موجود وانا عن نفسي ما استفدت بالمرة منهم تدرين ليش الاخصائية تغيرت 7 مرات
اطول وحدة كانت تسجل انها طلعت لي وتدق علي تعنذر لان عيالها فيهم سكر
تقييمهم مو صج
توقعي يعتبر تخلف عندهم اذا طفلة عمرها سنة ما تفصخ هدومها وتعلقهم رديت عليها قلت لها ليش اي طفل طبيعي يسويها اصلا خل توقف عدل بعدين تتحرك بحرية علشان تعلق
كل شغلي مع مرمر من الانترنت والدراسات وخبرتي كام

 

[ام ناييف]

رد: اخيرا رحت التدخل المبكر بس انصدمت

خواتي شكرا على تفاعلكم معاي
انا حبيت انبه اللي ما انتبه لاني شفت حريم وقعوا ومشوا

ولما احط بنتي تحت الدراسه اتوقع انها تستفيد مو الباحث يستفيد على حساب بنتي
لاني ما اتوقع احصل على المساعدة اللي ابيها
انا بنتي بمركز الفهد لها شهر معاهم حتى الان ما سوت لها شي جديد كل التمارين بنتي تعرفها
انا مسويتها لها بالبيت مثل ما قالت ام مرمر من الانترنت وما استفدت منهم
حتى التدخل المبكر ما اتوقع تستفيد منهم بنتي كثر ما راح تستفيد مني انا يا امها


ارجع واقول الابحاث اذا انا ما استفيد منها في تطور وعلاج بنتي ما لها داعي

مو ياخذون شهادات على حساب بنتي

وطبعا كل واحد له حريته في تقرير اي امر لانه اكيد علشان مصلحة عيالهم

ولكم كل تقديري

 

[مرمر]

رد: اخيرا رحت التدخل المبكر بس انصدمت

صح ياام ناييف اول وحدة مسكت بنتي تخيلي كان تخصصها كمبيوتر

وكملت دراسة مستفيدة من الحالات اللي عندها

اهم يستفسدون منا اكثر مما نستفيد منهم

انا ما اسكت كلمت مديرة المركز والله اهم ممتازين لتجمع شاي الضحي والحش

 

[HearT ChocolaTe]

رد: اخيرا رحت التدخل المبكر بس انصدمت

يسعد صباحكم .. بصراحه انا معاكم بهالنقطه لاني سجلت عزيز عمره 3 والموظفه
اللي كانت تستجوبني غياب على طول ولما خلصت استجوابها قالت المركز بسكر
عشان التعديلات ونستلمج شهر 9 قلت لها مشكورة وانا راح ادخله مدرسه الله يا فرحتها بقت تطلع
من التلفون .. الله يهديهم يقولون علينا ضغط والكويت كلها علينا وانا ولامرة شفت عندهم طفل
تحت العلاج .. والله على قولة مرمر فالحين بشاي الضحى

بس مو معاكم بالتمارين المكرره ما يستفاد منها بالعكس التكرار بالنسبه لعيالنا هو المهم فديتكم سواء بالبيت
او عند المعالج .. وأظن طريقة العلاج الطبيعي تختلف من حاله وحاله وكثر الإستمراريه فيه تجيب نتيجه

عسى الله يشفي عيالنا يا رب ويسخر لهم كل خلقه

 

[& الذاهبه &]

رد: اخيرا رحت التدخل المبكر بس انصدمت

وين مكانه التخل المبكر وهل يخدم حالات التوحد وشلوووون احجز موعد؟؟؟؟

 

[HearT ChocolaTe]

رد: اخيرا رحت التدخل المبكر بس انصدمت

مكانه في السره على الشارع بجانب صاله للافراح
وين رعايه المسنين تبقين باب صغير يمه مكتوب التدخل المبكر
وتقدرين تسالين بنفسج فديتج ما عندي خبر بصراحه

 

[& الذاهبه &]

رد: اخيرا رحت التدخل المبكر بس انصدمت

ماتقصرين ام عزوزي

ياحبي لج

 

[الصابرة المحتسبة]

رد: اخيرا رحت التدخل المبكر بس انصدمت

وين مكانه التخل المبكر وهل يخدم حالات التوحد وشلوووون احجز موعد؟؟؟؟

- مركز تقويم وتعليم الطفل : صعوبات التعلم - السره ق 4 ش 14 خلف مدرسة محمد عبدالمحسن البحر - ت - 2533681
ف - 25358914
http://ccetkuwait.org/

 

[شووكولاته]

رد: ولدي مادري وين أوديه منو يساعدني

جزاكم الله خير والله يحقق مرادكم

عنده موعد قريب بالتطوري والله ييسر ان شاء الله

 

[مشاعل الشمري]

رد: ولدي مادري وين أوديه منو يساعدني

الله كريم

 

[الصابرة المحتسبة]

رد: ولدي مادري وين أوديه منو يساعدني

بشريني يعمري شصار عليكم؟؟

 

[الصابرة المحتسبة]

رد: تجمع أمهات مركز تقويم وتعليم الطفل.

رفع

 

[خشوشه المشوشه]

رد: ولدي مادري وين أوديه منو يساعدني

السلام عليكم اختي حالة ولدك نفس حالة ولدي اولا شخص بصعوبة بالنطق عند الدكتورة عبير وعمره 3 سنوات ونصف ولكن تصرفاته طفل عمر سنتين وكلامه قليل انا وديته مدرسة خاصة وهي المنارات لان ولدي افضل ان احطه بصف فيه اربع طلاب علشان التركيز يكون اكثر عليه وثانيا اعطيه جلسات تخاطب ولكن اذا وديته مدرسة الاحتياجات الخاصة مثل منارات او دسمان يوجد لديهم جلسات تخاطب ثانيا اعطيه فيتامينات تساعده علي التركيز والكلام وصفته لي الدكتورة عبير -------------- الله يشفيهم ويفك عقدة لسانهم

 

[هبونه]

رد: تجمع أمهات مركز تقويم وتعليم الطفل.

حبيت اسال المركز ياخذ بس صعوبات التعلم ولا مثل التاخر العقلي او اي من الاعاقات ؟؟وشكرا

 

[الصابرة المحتسبة]

رد: تجمع أمهات مركز تقويم وتعليم الطفل.

مركز تقويم وتعليم الطفل

سنة التأسيس : 1984م

رئيس مجلس الإدارة : عبدا لله عبد المحسن الشرهان



مركز تقويم وتعليم الطفل - جمعية نفع عام تتبع وزارة الشئون كما تتلقى دعماً من الأمانة العامة للأوقاف وتساهم وزارة التربية ببعض موظفي البرنامج التربوي الصباحي الذي أقامه المركز لخدمة هؤلاء الأطفال في الفترة الصباحية .



** الإعاقة التي تخدمها المؤسسة :



عجز عن التعلم ( صعوبات التعلم ) .



** عددهـا :

( 60 ) طالب وطالبة من تلاميذ وزارة التربية في البرنامج التربوي الصباحي وعدد غير محدد من مختلف مدارس الكويت في البرنامج المسائي .



** شروط القبول :



- يجب أن تتوافر في الطالب خصائص التلميذ الذي يعاني من عجز عن التعلم بعد أن يفحصه إخصائيو المركز بما لديهم من اختبارات نفسية وتربوية تجعلهم يقفون على المشاكل التي يعاني منها وأسبابها وأفضل الطرق لعلاجها .



** التكلفة إن وجدت :



- الدراسة مجانية في البرنامج التربوي الصباحي وبرسوم لا تتعدى ( 50 ديناراً ) للخدمات الشخصية و
( 10 دنانير ) للساعة العلاجية المسائية .



** الخدمات والأنشطة التي تقدمها المؤسسة للفئات الخاصة :



- يقدم المركز خدمات متخصصة في مجال تشخيص حالات العجز عن التعلم ( صعوبات التعلم Learning Disabilities ) وعلاجها باللغتين العربية والانجليزية كما يتيح المركز الفرصة للطفل الذي يعاني من عجز عن التعلم للحصول على التدريس المتخصص لمعالجة نواحي الضعف المحددة لديه .



- يؤمن البرنامج التربوي الصباحي بيئة تربوية متكاملة تمكن الطلاب من الوصول إلى طاقاتهم الأكاديمية والتربوية والاجتماعية .



** الفئات العمرية التي تخدمها المؤسسة :



- من سن ( 8 - 14 سنة ) لكن غالباً ما تساعد فئات عمرية أخرى .



** عدد الطلبة + المعلمين في الفصل :



- ما بين ( 4 - 7 طلاب ) في البرنامج التربوي الصباحي إلى جانب الحصص الفردية العلاجية الصباحية أو المسائية .





ص . ب : 5453 الصفاة - الرمز البريدي 13055 الكويت

هواتف المركز : 1832000 - فاكس : 25358914

www.ccetkuwait.org

E-mail: [email protected]