الفزعة يا خبيرات استراليا

[Loora]

^^ ام ميمي ^^بالنسبه لموضوع الخطوط التايلانديه ,,,,, اهما موقفينها من الكويت وهالشي اكيييد لان لو بتتصلين على اي سفريات يقولوج التايلانديه موقفينها ومافي عليها حجوزات ,,,, واهما موقفينها اعتبارا من 1-4

وبالنسبه لميزانـيـتي ،،،، بحاول اتكون اقامتي بسدني بفندق ،،، وجولد كوست بشقق فندقيه علشان يكون ارخص ولأن اقامتي اكثر ابي شقه اريحلي

والله كريم انشالله

 

[fat]

الله يسل امورج ويرزقج بالسفرة الي بخاطرج ان شاء الله

 

[Loora]

آآآمين

 

[fat]

up up up

 

[Loora]

فات دام اني قاعده وما عندي شي ,,,,, بدق على السفريات واشوف اذا نزلت الاسعار ولا لا؟؟

 

[Loora]

توني دقيت على سفريات السيد

أول شي التايلانديه ,,,,, خلاص بوقفونها نهااائي من الكويت

والماليزيه ،،،، تفتح بس بالصيف لمدة 3 شهور ,,,,, وتكون رحلتها ( كويت - كوالالمبور - سدني - كوالالمبور - كويت )
وبس ليما الحين مانزلت اسعارها

والحين الخطوط الوحيده اللى حصلت عليها ,,,,, الاماراتيه ,,,, والصدمه الســعـــر 590

واتقول ان لو تنطرين القروبات ارخص ,,,,,, وبعد قالتلي شغله استانست منها ،،،، اتقول احنا عادتنا رحلاتنا لأستراليا لمدة 21 يوم بحدود (580) الصراحه سعر مغري ,,,,, بس ما اتوقع ان كلامها اكيد ؟؟

وترى اهما بعد نازلين بمعرض السياحه والسفر

وبعدبنات قولولي منو اللى عندهم قروبات علشان ادق واقولكم شنو آخر الاخبار

 

[^^ام ميمي^^]

Loora ماعرفتو شنو سبب التوقف ؟؟ انا اتوقع فترة يوقفونها ويردونها على موسم السفر لان الناس ضغط على الخطوط التايلنديه فالظاهر يوقفونها فترة لما يكتفون الخطوط الكويتيه وغيرها بالمسافرين ساعتها يبطلونهم <<<< تخميني


اي معروووف ان الرحلات لاستراليا مع قروب مو اقل من 21 يوم والسبب ان السفرة دربها طويل ومكلفة فعليهم خسارة اذا خلوها ايام اقل وكل الدول اللي يحجز اكثر من اسبوع يصير لهم خصم يعني يكون سعرهم مثل سعر حجز السكن بايام غير مواسم السفر وبجذيه السفريات اشطر ودايما يفكرون بالاوفر والارخص


وصح ترى اتوقع هالسعر لان اتذكر دايم قبل لما اشوف الرحلات على استراليا مع قروبات هذي اسعارهم

قروبات عندج سفريات الفضاء وسفريات المستقبل وسفريات الرابيه هذيل وايد متخصصين وعندهم خبره بالقروبات

 

[أمانيQ8]

فااااااااااااااااااااتوووووووو شخبارج وشخبار العيال
هاااااااااااااا لي الحين اتحوسين عن استراليا يبا حولي معانا امريكا لووووووووووووووووووووول اشقلتي ارخص من استراليا

 

[fat]

واللله عادي احول بس بخاطري استراليا خن اشبع منها لاني عندي خبرة شوي امريكا مطشرة وبصراحة جوها موبارد نفس استراليا بنت خالتي راحت امريكا وحابتها بس تقول الجو حار

 

[^^ام ميمي^^]

ابشركم بنات دقيت على السفريات وقالي الموظف ان احتمال يفتحون الخطوط التايلنديه على شهر 6 بس اعتقد وايد متاخر حق اللي تبي تحجز حق بداية 7 بتتوهق اذا ما فتحوها

 

[fat]

up up up up up up up

 

[Loora]

ام ميمي ,,,,,,,,,,,,,,, والله انا هذا الخبر سمعته من السفريات
واللى دقيت عليهم ,,,, سفريات السيد والمستقبل والغانم

والله انا بشوف من الحييين لي 19-5 واشوف العروض بمعرض السياحه والسفر

لان ضروري احجز على نهايه 5 ,,,,,, احب أأكد حجوزاتي من مبجر وارتااح

 

[^^ام ميمي^^]

رواااااااابط تفيدكم يا بنات اللي رايحين استراليا حق الاماكن السياحيه بعد الترتيب والتشطيب حصلت لكم على البروشورات وزين اللي مخليتهم عندي


القارب اللي قلتلهم عنه اسمه gondolas وهذا رابط موقعهم عشان تشوفين الرحله واذا عجبتج حجزيها من موقع لاوند

www.gcgondolas.com


وهذا رابط رحلة الاوت باك

www.outbackspectacular.com.au


وهذااا رابط مكتب لاوند

www.lawandtourism.com


ودي اصور لكم البروشورات واحطها لكم بس وصلة البلوتوث خربانه

 

[MiSS LoOola]

السلام عليكم ورجمة الله وبركاته
أنا رحت استراليا من قبل ثلاث أو أربع سنين وكانت روووووووووعة ووايد استانسنا وودي أعيدها ان شاء الله
أول شي لازم تطبين ترانزيت يا سنغافورة أو بانكوك أنا أنصحج بانكوك مع انها أبعد يعني تقعدين مدة أطول بالطيارة بس الصراحة أحلى وايد من سنغافورة والله ما فيها شي لا مطاعم سنعة والجو رطوبة حر مع ان حتى بانكوك رطوبة بس بانكوك فيها مجمعات وسوق عجيييييييييييييييييب . بالنسبة لاستراليا جولد كوست واااااايد حلوة وسياحية للصغار والكبار وجوها حلو اذا بتروحين بالصيف بكون براد بعني بس تلبسين جاكيت خفيف ، روحي sea world حلوة لليعال وال movie world مدينة ألعاب حلوة حتى للكبار وفي رحلة يودونج تصيدين سمج وقباقب وتاكلين قباقب بالسفينة أذكر ان كان حلو وأماكن وايد الصراحة ما أذكرها بس الصراحة جولد كوست وايد أحلى من سيدني لأن سيدني ما فيها أماكن سياحية لأنها تعتبر منطقة تجارية نوعا ما وملبورن وايد برد وما فيعا شي ، في مكتب في جولد كوست اسما لاوند كله عرب ويحجزلج حق الرحلات.
اتمنى اني قدرت أفيدج ، الله يسهل سفرتج ويوفقج ان شاء الله:wqedqw:

 

[Loora]

MiSS LoOola

بسألج على اي خطوط رحتو ؟؟؟

وجم مدة رحلتج ؟؟؟

ووين سكنتو ؟؟

 

[Loora]

up

pu

up

pu

up

 

[MiSS LoOola]

miss looola

بسألج على اي خطوط رحتو ؟؟؟

وجم مدة رحلتج ؟؟؟

ووين سكنتو ؟؟

رحت على الخطوط الامارتية ، الرحلة كانت من الكويت الى دبي ترانزيت ساعة ومن دبي الى سنغافورة 8 أو 9 ساعات
خليني أتأكدلج وين سكنا وأرد عليج ان شاء الله

 

[Loora]

هلا والله miss looola

وبعد بعرف جم مدتكم بالسفره ,,,,, لأني انا ودي اروح اسبوعين بس

وبعضهم يقولون يبيلج 3 اسابيع ,,,, ومحتااره

وبعد الفنادق اللى سكنتيها شلون كانت ؟؟؟

 

[أمانيQ8]

فااااااات اشلونج وشخبارج اشصار عليكم

 

[fat]

الحمدلله بخير ليلحين ناطرة السفريات ينزلون العروض عشان نحجز