السلام عليكم بنات
شلونكم ؟
بصراحة مادري وين اكتب
زوجي مصر يبي يروح لندن وانا المشكلة موحابة يعني اليهال بعد عمري ماتونسهم لندن وديت بنتي السنة اللي طافت فرنسا طارت من الفرحة بديزني وبالسوق كلة مبوزة وتبجي
والحين الوضع تغير انا عندي بيبي صغير توه 5شهور ومشكلتي ان وايد اعارض زوجي بمواضيع السفر واهو يطنقر عباله مابي اسمع كلامة من جذي قلت له اشوف وعباله انا وافقت!
المشكلة اللي انا فيها كلم خالتي تعطيه شقتها بهالفترة وظبط كل شي حتى يمكن خالتي اتيي اخر اسبوعين
نو واي يكنسل يقول اطلع صغير جدام امي!
بنات باختصااااار
شنو الجدول الحلو حق الرحلة !؟
شهر ونص ووين نروح ووين انيي لاتقولون روحي برة لندن عندي ياهل بو 5 شهور حزتها بيكون 6 شهور تقريبا
انا اهم شي عندي عيالي يستانسون مو مهم اي شي ثاني وادري لندن ماراح تونسهم وايد لان اغلبها سوق
واي تعبت وافكر شسوي بالياهل اللي معاي ..
هلا والله سمايل فيس حرام عليج لندن مو ونيسة لندن كلشي فيها يونس
ومثل ما قالت لج بسمة اخذوا سيارة خاصة وافتروا بكل مكان
عندج الليجو لاند عجيبة وترا مو بعيدة ماكو نص ساعة بالقطار والمكان يهبل راح يكيفون اليهال
عندج لندن اي والكروز اللي يمها
عندج السفاري
عندج المتاحف
عندج الرحلات اللي يسوونها المكاتب واااااايد
وكافي عندج الهايد بارك انا كل يوم العصاري عقب التسوق اخذ عيالي معاهم العاب جان كرة جان تنس اللي يبون ونقعد بالهايد بارك
وسعي صدرج وتوكلي على الله وهونيها وراح تهون السالفة ولاتبينين حق عيالج ان ماراح يستانسون لانهم بيحطون هالشي في بالهم
وبعدين عندج السكن ابلاش تبارك الله الله يهنيكم يعني راح ترتاحون ان شاء الله
