شركات التغذيه منو احسن فيهم وجم نزلتى

[Q8tya_GirL]

رحت اليوم موعدى والحمدالله نازله كيلو ونص
يعني ثلاث اسابيع نزلت 3 كيلو ونص
وحدي مستانسه صار وزني 55 والفال ما اوصل ال 52 واحافظ على وزنى ومااخورها بالاكل

 

[Q8tya_GirL]

هم انا اول مره اسمع انه وحده زادت بالدايت كير هذا اكيد مو ملتزمه عدل بالبوكس واتهرب بالاكل

انا حماتي مشتركه بالدايت كير ومو ملتزمه بالوجبات وتاكل كاكاو وتاكل وجبات يعني تلتزم ثلاث ايام بالاسبوع وباجي الاسبوع اتخوره وماتمشي كلش وانزلت كيلوين ونص

 

[م فطومه]

انا دقيت على هلث كير وقالولي 100 بالاسبوعين احس وايد في احد جربته وياب نتيجة؟؟

 

[ام عبادي 22]

بنات اشرايكم بدايت كير اول مره اشترك عطوني موعد 3-5 ؟؟
اشرايكم بالكل ؟؟ واحتمال جم كيلو انزل؟؟؟

 

[فنار الكويت]

بنات اشرايكم بدايت كير اول مره اشترك عطوني موعد 3-5 ؟؟
اشرايكم بالكل ؟؟ واحتمال جم كيلو انزل؟؟؟

اتوقع كلهم نفس الشي من 4 كيلو إلى 6 كيلو بالشهر على حسب نوعية الجسم وإذا التزمتي بالبوكس ولا تخربطين ، وبالنسبة لدايت كير مستواهم انا اشوفه نفس غيره هذا تقييمي وهذا ثاني شهر معاهم بس انشالله ناوية ارجع حق لو فات او دايت سنتر

 

[ام عبادي 22]

اتوقع كلهم نفس الشي من 4 كيلو إلى 6 كيلو بالشهر على حسب نوعية الجسم وإذا التزمتي بالبوكس ولا تخربطين ، وبالنسبة لدايت كير مستواهم انا اشوفه نفس غيره هذا تقييمي وهذا ثاني شهر معاهم بس انشالله ناوية ارجع حق لو فات او دايت سنتر

مشكوووره حبيبتي على الرد

 

[فنار الكويت]

بصراحة انا لما اشتركت بلو فات خربطت يوم واحد وضعفت 3 كيلو ونص ، واشوف لوفات افضل من دايت كير لأنهم يعطونج الصبح ريوق مع روب بالفواكه او حليب وفروت سلط + الغدا وسلطة وسناك والعشا + سلطة . بصراحة احسن من لوفات وارخص وهم مسويين عرض على كل كيلو تنزلينه واكلهم وايد حلو والحلويات والسلطات فرش .

 

[م فطومه]

حبيباتي لو فات توه مسكرين مادري اي فرع لهم حاطينه بالجريدة لانه وصخ عزكم الله وحاطين المطبخ مالهم بعد جنة جريدة الوطن انا متاكدة شايفة الخبر من 3 ايام تقريبا

 

[فنار الكويت]

حبيباتي لو فات توه مسكرين مادري اي فرع لهم حاطينه بالجريدة لانه وصخ عزكم الله وحاطين المطبخ مالهم بعد جنة جريدة الوطن انا متاكدة شايفة الخبر من 3 ايام تقريبا

انا سمعت نفسج بس قلت ابي اتأكد ودقيت عليهم اليوم الصبح قالولي الفرع اللي بالجابرية هذا مطعم لأنهم مو حاطين التصريح مال المحل وتصكر اقل من 24 ساعة وبعدين تبطل ، وشلون الأكل مو نظيف انا كنت مشتركة شهر والله ماشفت على اكلهم اي ملاحظة بصراحة ، مادري اللي عندها اخبار تفيدنا .

 

[bro0y]

السلام جربت كالوري الي بمشرف و نزلت بشهر 8 كيلو بس انصح الحين بالاكل المتوفر بمركز سلطان للدايت كير بدال لا تلتزمين الاكل يتكدس انتي نقي بروحج و الله يوفق الجميع

 

[نيرة الذهب]

السلاااااام عليكم
وصباح الخير على رشيقات المستقبل
نويرا، حياة زوجي
رحت امس موعدي وطلعت نازلة كيلوين ونص الحمدلله
هذا وانا موقفة الوجبات يوميين ومخربطه
كل مرة بخربط وبروح خخخخخ
جددت اشتراكي معاهم شهر بعد
والله يعين وانزل بعد وانا بصحه قولو امييييييين
يلا ما بقى شي بس 25 كيلو

 

[حياة زوجي]

مانزلت وزني ثبت معقولة عشان يومين خربطت مع اني امشى ساعة باليوم ، حياة زوجي بغيت استفسر دايت سنتر وين مكانهم وشنو الفرق بينه وبين دايت كير ، مفكرة اغير عشان لاامل مابي اجدد شهر ثالث ، بصراحة عقب مايخلص اشتراكي بجرب دايت سنتر وعقب لوفات برجع لهم ، وياريت تعلمينا على اسعارهم وأكلهم ووقت التوصيل وياريت تعطينا رقمهم ، انا كنت مشتركة بلوفات والله عجيب بصراحة بكل شي اكل وخدمة ونظامة ومسويين عرض على كل كيلو تنزلينه يعطونج 5 دنانير ، كنت مرتاحة معاهم حتى مواعيدهم ومكانهم وايد حلو

كونى مجربه كل الشركات راح احطهم بالتدريج بالنسبه لى من ناحيه طعم الاكل والنزول
1-دايت كير لا يعلا عليه من ناحيه الاكل بس بكون صريحه وياج النزول الوزن بطيء
2- دايت سنتر ممتاز وحتى اذا مليتى من الحلو ممكن تطلبين آيس كريم ويوصل مع البوكس والنزول معاهم وايد حلو ورقمهم24918901 والاشتراك كامل بالشهر 200
3-لو فات انا عندى يكون المركز الثالث وبالعكس ترا اكلهم حلو والنزول معاهم هم حلو
ومن ناحيه الخربطه بالاكل حبيبتى يرتفع وزنج بسرعه لانج كثرتى من السعرات الحراريه وبالتالى جسمج يخزن الاكل وهذا شى طبيعى حتى لو سويتى رياضه انا صارت معاى وايد
ومن جذى الحين اذا خربطت اخربط يوم واحد او وجبه وحده بس :eh_s(17):​

 

[حياة زوجي]

رحت اليوم موعدى والحمدالله نازله كيلو ونص
يعني ثلاث اسابيع نزلت 3 كيلو ونص
وحدي مستانسه صار وزني 55 والفال ما اوصل ال 52 واحافظ على وزنى ومااخورها بالاكل

حياتى مبروك مبروك مبروك
وللرشاقه سر :stars:​

 

[حياة زوجي]

انا دقيت على هلث كير وقالولي 100 بالاسبوعين احس وايد في احد جربته وياب نتيجة؟؟

هلث كومبنى النزول معاهم وايد حلو بس اكلهم احس فيه بهارات شوى ثقيله
بس اكيد راح تنزلين معاهم اذا التزمتى بالكرتون
وعلى فكره عندهم اشتراكين العادى اللى اشتركتى فيه
وعندهم اشتراك في آى بى يكون فيه مكسرات الرفاعى وفواكه مجففه واشياء ثانيه بس هم ينزل وزنج
يحطون كميات بسعرات حراريه معينه
وبالعافيه حبيبتى
ونسيت اقولج حلوياتهم روعه وحتى سلطه الفواكه تينن​

 

[حياة زوجي]

السلاااااام عليكم
وصباح الخير على رشيقات المستقبل
نويرا، حياة زوجي
رحت امس موعدي وطلعت نازلة كيلوين ونص الحمدلله
هذا وانا موقفة الوجبات يوميين ومخربطه
كل مرة بخربط وبروح خخخخخ
جددت اشتراكي معاهم شهر بعد
والله يعين وانزل بعد وانا بصحه قولو امييييييين
يلا ما بقى شي بس 25 كيلو

والله يا بنات الرشاقه حلوه وتحسين خفيفه وتلبسين واللبس يصير حلو
وتحسين صغرتى عن اول
وهذا غير خز الحريم الله يكفينا شر عيونهم لووووووووووووول _shh_:
عسا الله يحفظج حبيبتى ومبروك الوزن الجديد​

 

[حياة زوجي]

هذى شركة يديدة

عمتي ذيك اليوم شركت عيالها فيهم

وللحين ماأدري شلون أكلهم هاليومين يبين

وقاعدين يسوون حملة إعلانية لشركتهم

يلا الي إشتركت تبشرنا

ممكن تسألينها وتعطينى رقم غروب دايت تصدقين حاولت ادق على البداله مو مشتركه وياهم
اذا خلصت دايت كير ودى اجربهم واشترك وياهم​

 

[فنار الكويت]

حياة زوجي مشكورة حبيبتي على الرد بشترك انشالله شهر 6 بدايت سنتر إنشالله لأن اشتراكي اخر 5 بيخلص من دايت كير وبسافر وميتة من الخوف لا ارجع اللي خسرته صج قهر عاد ودي اودع الستين قبل رمضان ، شنو نصايحج بالسفر من ناحية الأكل وعلى الأقل احافظ على وزني حاليا ، طبعا الأكل ماراح يكون دايت وانا ناوية امشي ساعة كل يوم عشان لا يزيد وزني ياريت تفيديني

 

[حياة زوجي]

فنار الكويت
بالنسبه للسفر ريوقج خليه ريوق ملوك
يعنى اكلى كل اللى خاطرج فيه بس بحدود اكلى خبز عسل مربى الاجبان اللى تحبينها ( بس عفيه لا تهوسين لووووووووووول )
مثال تاكلين ريوقج بس اذا حسيتى بالشبع بس وقفى
الغدا والعشا قد ما تقدرين مشاوى وستيكات وخرى عن الخبز والبطاط والعيش نصيحه
واذا اشتهيتى حلو عادى اكلى بس نصيحه بالليل خليها سلطات لانه الحلو اللى كلتيه المغرب او العصر يكون هذا عشاج وبالليل خليها سلطات
واذا فى يوم خربطتى بالاكل عادى لا تضايقين خربيها يوم واحد انتى مسافره لاتحرمين نفسج من شى ( بس يوم وااااااااااااااااااااااااحد خخخخخخخ )

 

[وردة النرجس]

إنشالله راح أسألها بأقرب فرصة وأرد لج خبر أكيد

وبصراحة إشتقت حق الدايت كير

وليما تتعدل الظروف راح أشترك بأقرب وقت

وراح آخذ إنشالله بدون عطلة نهاية الإسبوع

 

[السدرة2]

موفقين كلكم