ديوانية بيت العمر

[سنعه ومنعه]

مشكورين على نصايحج

أخييرن شفنا تفاعل


وينكم حبوبات؟؟

سهام فعلن هاذا اللى أنا سويتة بالضبط وكل ما خليناهم بالزوايا أفضل بالنسبة للأستفبال يعنى ينحط على طاولات الزوايا اباجورات أو أحد يشحن تلفونة يحطة علة الطاولة الجانبية وهلم جرا

 

[happy face:)]

سلام. بنات هذي أول مشاركة لي أبي أسألكم أبي ليتات بطوف بس ستايل مودرن مو نظام شموع وكرستالات قديمة أبي فيها كرستالات مدوره شي غريب حلو أنا مره شفت بمحل بشويخ ليتات فظيعة كرستال سلفر وريش أسود لا تقرون ريش تهونون فظيع بس قالي بألف وشي تخيلو على ليت بالطوف لأن ماركة cavali

 

[مشاعل]

مساء الخير

شلووونكم بنات وشلوون البنيان معاكم

انا خلص تقريبا الاسود باقى الدور الاخير وغرف الغسيل والخدم

الله يسهل ع الجميع

بس عندى سؤال الفجوات الجداريه شلووون تصير ؟

هل اركب طابوق ثانى غير الطوفه هذا طبعا كلام الموظف الى بالشايع

او احفر فى طابوق الطوفه ؟؟

الى عندها فكره او مسويه فى بيتها لتبخل على

 

[اخت فروحه]

السلام عليكم ورحمة الله وبركاته:


شخباركم بنات


انا لاعت جبدي من التشطيبات وأحس اني كرهت البيت
والله كل ما نخلص من سالفة تطلع لنا غيرها مع ان احنا كنا وااااااااااايد حريصين عالشغل وماخذين اغلى العمالة والمواد وريلي واقف على راسهم بالشغل بس قدر الله وماشاء فعل


من المشاكل اللي واجهتنا :

مثل منتو عارفين احنا شغلنا الكهرباء واجرنا على طول
ومن سكنوا المؤجرين صرنا نشم ريحة طبخ بالبيت قوية قوية عاد انا طفارتي وعقدتي ريحة الطباخ لان بشقتي الحين المطبخ قبال غرفة نومي وملوع جبدي بالريحة
المهم دقينا على مهندس شركة التكييف وشاف مخطط التكييف قال ان الريحة من شقة المؤجراللي على اليمين من دكت التكييف اللي صوب المطبخ فلازم نكسر الديكور ونشوف وفعلا لقى فتحة مو مسكرة وسكرها

بعد يومين ردت الريحة ودقينا عليه قال اكيد الشقة الثانية فيها فتحة بالدكت وشيكوا لقوا3 فتحات في الدكت قالوا هذي يبيلها شغل يوم كامل واحنا مشغولين اليوم راح نرجع بعد جم يوم

شغلة ثانية غرفة البنات تكييفها حار مع ان الغرف اللي نفس المكينه بادرة قال لان الوزن مو مضبوم وصعد السطح وعدل

بس تعبت بعد شوي اكمل المشاكل اللي واجهتنا بالتشطيبات

 

[اخت فروحه]

من المشاكل اللي صارت :

لما خلصنا كل شي ويبنا شركة تنظيف ومعروفة لكن الله يسامحهم موادهم قوية ذوبت الشربت كلها وعنا كل شربت البيت بلا استثناء وشوفوا المبلغ اللي قطيناه


والصباغ صبغه بالبداية زوين مع انه مو رخيص لكن تشطيباته تلووووووووع الجبد حيل حيل احتريت منه

 

[اخت فروحه]

مساء الخير

شلووونكم بنات وشلوون البنيان معاكم

انا خلص تقريبا الاسود باقى الدور الاخير وغرف الغسيل والخدم

الله يسهل ع الجميع

بس عندى سؤال الفجوات الجداريه شلووون تصير ؟

هل اركب طابوق ثانى غير الطوفه هذا طبعا كلام الموظف الى بالشايع

او احفر فى طابوق الطوفه ؟؟

الى عندها فكره او مسويه فى بيتها لتبخل على

اهلين مشاعل :

اهوا يعتمد على عرض الطابوق اللي حاطته وعلى الطوفة اذا فيها عمود صبه او لا وهم على عمق الفجوة اللي تبينها
تحطين طابوق جدامه أو اذا تبينها مو عميقة كسري بالطابوق

 

[ام وهابي]

السلام عليكم
شلونكم بنات وصبايا ان شاء الله تكونون بخير وصحه
وهذي بوسسسسسسسسسسسسسسسسه حق كل وحده مشاركه بالديوانيه مووووووووووووووووووووووووووحه
اشتقت لكم وايد واسفه على الغيبه الطويله بس تعرفون ان الواحد من يسكن بيته بعد هالتعب يبي يريح شوي من دوخة البنيان الله يسهله عليكم
قولوا اااميييين
حابه اعرف وين وصلتوا بالبنيان

 

[ام وهابي]

حبيبتي فروحه شلونك عساج بخير
هونيها وتهون والمشاكل ما تخلص مع هالعمال صارلي ساكنه تقريبا سنه و8شهور وكل ما المشاكل تطلع كل شوي
ما ابي احبطج بس شي افضل من شي قولي الحمد الله المشاكل هذي مقدور عليها وتتعدل ان شا الله صج تغث بس تنصلح بسهوله
احنا نفسكم بعد التنظيف راحت الشربت وعدنا وحطيناها وشربتنا البيت كله والتكيف بعض الغرف تبريدها قوي وبعضها ضعيف
مع انهم دايما يجون ويعداون بس المشكله ما زالت مثل ما هي نصيحه جددوا عقد الصيانه معاهم بعد سنه من انتهاء الكفاله علشان ما يخرب التكييف ترى والله حيل مهمه هالنقطه دايما جيرانا اللي ساكنين قبلنا مو مسوينها وتحسفوا كل مده اتخرب عندهم مكينه ويغيرونه
خلوا الصيانه شامله قطع الغيار افضل علشان اذا اخترب شي اهم يصلحونه بلاش

 

[ام وهابي]

حبيبتي فروحه شلونك عساج بخير
هونيها وتهون والمشاكل ما تخلص مع هالعمال صارلي ساكنه تقريبا سنه و8شهور وكل ما المشاكل تطلع كل شوي
ما ابي احبطج بس شي افضل من شي قولي الحمد الله المشاكل هذي مقدور عليها وتتعدل ان شا الله صج تغث بس تنصلح بسهوله
احنا نفسكم بعد التنظيف راحت الشربت وعدنا وحطيناها وشربتنا البيت كله والتكيف بعض الغرف تبريدها قوي وبعضها ضعيف
مع انهم دايما يجون ويعداون بس المشكله ما زالت مثل ما هي نصيحه جددوا عقد الصيانه معاهم بعد سنه من انتهاء الكفاله علشان ما يخرب التكييف ترى والله حيل مهمه هالنقطه دايما جيرانا اللي ساكنين قبلنا مو مسوينها وتحسفوا كل مده اتخرب عندهم مكينه ويغيرونه
خلوا الصيانه شامله قطع الغيار افضل علشان اذا اخترب شي اهم يصلحونه بلاش
العقد يشمل تنظيف الفلاتر كل 40 يوم
ويجيكون على المكاين وهم اذا صارت عندكم مشكله بالتكييف يجون على طول ما تنطرون لليوم الثاني بسرعه يجون ويصلحونه

 

[سنعه ومنعه]

السلااام أم وهابى

اانا نفسج خلصت من سنة وسكنت

بس ليلحين ديون ونقسط مثلا أمس مريت وعطيت النجار دفعة من المبلغ

أخت فروووووووووحة االلللة يكوون بعونج يعنى قلتى بترتاحين وماكو فايدة

 

[sara3]

صباح الورد بنات الديوانيه

هلا والله وغلا بام وهابى .هلا بالطش والرش

طولتى على الديوانيه حبيبتى ومن طول الغيبات ياب:jbdwjbd:

 

[sara3]

على كلام اخت فروحه وام وهابى البيت شكله بيتهردق قبل ما اسكنه:eh_s(16)::eh_s(16)::eh_s(16):

 

[sara3]

بنات شنو اخر شغلات شفتوها بالسوق.ديكورات ومن هالسوالف فينى :ch12: يارنا اللى فوق ما خلانا انام عدل البارح

 

[sara3]

 

[sara3]

افكار للسرداب

ممكن غرفة غسيل,غرفة مكتب,ممكن مكان للعب بلياردو او تنس, كاونتر للمشروبات والخفايف,

شوفو معاى وخل ناخذ افكار

عاد انتوا شوفوا اللى يناسبكم

يعنى عنى ضرورى اسوى فى السرداب مكان لممارسة الهوايات لان بناتى يموتون على الرسم

 

[sara3]

ياى ىىىىىىىىىىىىىىىىىىىىىىىىىىىىىى

غرفة غسيل ولا اروع

نصيحه اللى مطبخها كبيرتاخذ لها طوفه واتسويها بهذى الطريقة مو تقولون تصلح للاجانب حتى احنا تصلح لنا لو تنفذت صح


الغسالات مخفيه فى كلوست بروحها وباب مسكر يا سلام بس ناقصها مغسلة

 

[سافانا]

صباح الخير عالحلوين

اخباركم مشتاقه لكم مرا مرا ,,,,

كنت مشغوله هالايام حيل ومع الامتحانات بعد والله يعين ان شاء الله ,

بس حبيت اعطيكم خبر رايحه الصين يوم الاحد وابي دعواتكم الصادقه انو ربي يسهل لي هالسفره ,

وابيكم تحللوني ’ ومشكورين على كل شي ويعطيكم العافيه .

 

[سافانا]

لاتنسوا قراءة سورة الكهف

 

[sara3]

سافانا مشكورة على التذكير بقراءة سورة الكهف

وتروحين وتردين بالسلامه وربى يسهل عليك ويوفقك

 

[ام وهابي]

صباح الورد بنات الديوانيه

هلا والله وغلا بام وهابى .هلا بالطش والرش

طولتى على الديوانيه حبيبتى ومن طول الغيبات ياب:jbdwjbd:

هلا فيج حبيبتي شلونج :fun:وشنو اخر اخبارج سكنتي والا بعد



شلونج سافا نا تروحين وتردين بالسلامه وعطينا ان شاء الله الديتيلز سفرتج بعد ما تردين
والله يحفظج ويوفقج يا رب