ديوانية بيت العمر

[ام وهابي]

انا قاعده اثث صالتي الاستقبال واحترت بالالوان صبغت الطوفه وحده لون الاخضر وسط مو غامج حيل وحاطه طباعه باسنلستيل باللون الذهبي وطالع الطوفه بروحها ا تهبل حيل وطباعه ما شاء الله حيل مرتبه وشغل الصباغ حيل نظيف لدرجة اللكل عباله ورق جدران
من الصراف ما صدقوا الا لما لمسوا الطوفه وتاكدوا
الحين احترت بلون القنفات ودي بلون يمشي معاها للاسف اكثر لون ماشي معاها العنابي او الاحمر بس ماني حابه اللون مليته من كثر ما هو منتشر بين الناس بالستقبال ودي بلون ثاني
منو الذويقه اللي تساعدنا ؟:eh_s(3):

 

[سنعه ومنعه]

تروحين وتردين بالسلامة

أى خدمة بالشوووفة

تبين محلات مكاتب قولى بس انتى رايحة تأثيث أو بضااعة
؟

أشلوونج؟ سارا 3 شخباارج؟

أم وهابى غلطانة لو بالداية مستقرة على لون الغنفات تااالى الصبغ على الأقل تكون معاج قطعة من التنجيد وعليها صبغى

أنا استقريت على أثاث ومعى بسى دى وبعدين خذيت درجة الصبغ

اأم وهابى عطينى رقم صباغج فية جم شغلة بالديكور السقف بسويها راسلينى خاص حبوبة

 

[سنعه ومنعه]

سافانا هالفترة الصين عندهم معارض

شيكتى؟ عليهم

 

[سنعه ومنعه]

صباح الخير أم وهابى

مامج صبغتى طوفتج لووونها يمشى معاة غنفات لون .. بيج رملى :: يبرز الطوفة والخام الغالى يبرز الدرجة صح

أو.. لون كمونى .. بعد واايد خلو ويكون مخمل أو جاكاار أأحلا مع أهتمام بالكوشيات وحركاتها

 

[sara3]

هلا فيج حبيبتي شلونج :fun:وشنو اخر اخبارج سكنتي والا بعد

هلا حياتى,ما سكنت بعد:yaaaaaarb: ادعيلى اسكن واستقر وانا بصحة وعافية

 

[sara3]

انا قاعده اثث صالتي الاستقبال واحترت بالالوان صبغت الطوفه وحده لون الاخضر وسط مو غامج حيل وحاطه طباعه باسنلستيل باللون الذهبي وطالع الطوفه بروحها ا تهبل حيل وطباعه ما شاء الله حيل مرتبه وشغل الصباغ حيل نظيف لدرجة اللكل عباله ورق جدران
من الصراف ما صدقوا الا لما لمسوا الطوفه وتاكدوا
الحين احترت بلون القنفات ودي بلون يمشي معاها للاسف اكثر لون ماشي معاها العنابي او الاحمر بس ماني حابه اللون مليته من كثر ما هو منتشر بين الناس بالستقبال ودي بلون ثاني
منو الذويقه اللي تساعدنا ؟:eh_s(3):

مبروك حبيبتى انك توفقتى بصبغة الاستقبال ترى هذا بروحه انجاز لان الاستقبال كلمن بيدش

وبيعلق عليه واهم شى انك مقتنعه فيه وشكلة استقبالك كلاسيك اذا مانى غلطانه

بالنسبه للاثاث ما ادرى اذا بتاخذين جاهز ولا بتفصلين والالوان مثل ما قلتى اهى الالوان

الملكيه احمر اورنج اصفر بروجندى درجات الاخضر دارسينى كركمى عدى وخربطى

الوان الغابة الخضراء خخ خخ خخ ترى من صج روحى جوجل وكتبى forest وابتلقين

الالوان والدرجات اللى تسرك

ربى يعينك على حوسة الاثاث

 

[sara3]

اشدعوة ما عجبتكم فكرة غرفة الغسيل ماكو تعليق

 

[Heaven Light]

أم وهابي شوفي هالصورة الاوف وايت او السكري وااايد حلووو مع الاخضر

والاخضر الفاتح هم يمشي بس ما حبيته كلش ..







​

 

[سنعه ومنعه]

هلا تعبيت لين قلت بس
خوش استقبال وأذا الوحدة قد الجرأة بالأختياار .. ليييش لأ؟

سااارا 3 خووووش صوور وغرفة الغسييل ولااأرووع بس وين خدمنا وين هالسوالف

بيوووم يدمروون الأجهزة


ما نستغنى سارا بصراااحة تثرين الديوانية صووور وحركااات

لايوقف لااايوقف

 

[ام وهابي]

أم وهابي شوفي هالصورة الاوف وايت او السكري وااايد حلووو مع الاخضر

والاخضر الفاتح هم يمشي بس ما حبيته كلش ..



[/url





مشكوره حبيبتي الاوف مفكره فيه بس للاسف متخوفه منه من ناحيه التنظيف والبقع الشاي والقهوه لاني مجربته عند اهلى وحيل تاعبهم بالتنظيف
بس الصوره اللي حاطتها روعه وانا تقريبا نفس درجة اللون
سنعه اللون الكموني دخل مزاججي يا ريت اذت عندة صوره تبين درجه اللون
انت قصدج اخلي القنفات ساده والكوشيات مشجره بلون الطوفه وضحي قصدج حبوبه وشيكي على الخاص​

 

[اخت فروحه]

ام وهابي دوري درجة فستقي وكوشيات مشجرة ومثل ماقلتي الالوان الكلاسيك العنابي والزيتي بس فعلا ملينا منهم وهم الكموني أو البطيخي

 

[سنعه ومنعه]

هلا أخت فرووحة

شخباركم مع تنظيفكم آخر مرة ؟

رديتوا شربت الأرضيات ؟؟؟؟

أنا لما سويت عزيمة البيت قبلها بيوم العمال يركبون مغاسلى وأنا مع خدامتى نشربت ونسكر فتحات السيراميك مخلية عندى باقى الشربت احتفظوا راح تحتاجونة

بصراحة مو شى تركيب العمال للأرضياتوكل أشوى أقول شلعوا وركبوا والسيراميك اللى يتصلح على حساب المقاول اللى ياب هالعمال

يعنى تخيلوا يحاسبنى على التركيب بالمتر وأهو ياايب عماالة سكة باليوميات وطيرلى الباكستانى اللى سوا الدور الأول شحليلة وشغلة حلو

بس الطمع وقف لة وقالالمقاول المصرى أن الباكستانى بيوهقج وراح يتأخر وانا هخلص بيومين وفعلا عيب الباكستاانى بطئ بس شغلة مرتب

المهم استلموا الدور الأول كووكش عمال تركيب أرضيات وطخ وطخ ويوقولون آدى الطريقة الفرعونية مالت عليهم وعلى طريقتهم شى طالع و\شى نازل وقعدت أخصم عليهم اللى يتصلح على حسابهم والشربت اللة بالخير لووعوا جدبدى وأنا أثاثى بيوصل والوقت مضايقنى
تشطيب

واااى لوووعة وخصوصن اذا طحتى بناس ماكو أماانة
هالمقاول مساحك ممتاز.. تنط على الأرضيات ليش ؟

بس زين سويت فية عطيتة درس كل شوى خصم أليما عدل التركيب للأرضيات

قرقت وااايد بس نبى الفايدة لكم ولا أتطيحوون باللى طحنا فية

بالتشطيب فية تقرير ونقاط بذكرها لكم

بتريق مع عايلتى وراجعة

 

[سنعه ومنعه]

أم وهابى اخذى عينة من درجة صبغج مثلا أصبغى على كرتونى وطاابقى على التنجيد وهناك اختيارات متعددة بس كل ماكان كلاسيك

ولون راقى هادى أحلااا وخلية سادة والكوشيات ملونة وتفاصييل

لأن عندج السجادة ملونة بتحطين لوحات ملونة وبتحطين زرع بالزوايا
وبتحطين مفارش وأكسسورارات على طاولة الوسط وهللم جراا
تخيلى هالمنظومة أم وهابى وهم طالعى صور بالأنترنت بمجال طلبج أكيد راح تتوصلين لافكار

 

[sara3]

( تعبت لين قلت بس)



صورة الاستقبال نايس بس هذا مو لونى .عجبتنى الثرية فى الصورة والاضاءة فوق الجمنى غريبة الفكرة خروج عن المؤلوف

تسلم ايدك حبيبتى

 

[sara3]

استغلال جيد لجدار الشباك

 

[سنعه ومنعه]

حلوة الصورة

بحتفظ فيها لأنى بقسم غرفة النوم كبيييرة وفيها شباكين شتارة عادية لقسم السرير والتلفزيون

والقسم الثانى غرفة تغيير وملابس والشباك فيها بيكون بهطريقة نفس الصووورة


مشكوووووووووووورين سار3
ملح الديوانية

وين الباقى العسل العضوات

نايمين؟؟؟؟

 

[وصايف لو]

مساكم الله بالخير والانوار
يا عسولالالالالالالالالالالالالات
في احلا ديوانية
مساكم عسل صافي
هلا اختي سنعة لا والله مونايمين
بس الحين حدي مشغولة
تدرين من القسيمة للشويخ..الخ
لوية من قلب....
والله مادري ابني المغاسل حق الحريم والدوانية والماستر
والبسهم رخام...
ولا ادور جاهز متصدقون اسعار خيالية
مغسلة حق حمام الماستر اعجبتني حيل يقول 750 دينار الله يخلف علينا
والله تفكير باليل والصبح فرارة بالاسواق

ياحبيباتي اللي عندها فكرة تنورني

 

[dectora 7elwa]

هلا بالسنع كله وبكل البنات انا من زمانما دشيت بسبب الاحباط اختلفنا على الواجهه مع المقاول يقول الخريطه اللي عندي ما فيها مقاسات ووقفنا شغل بس اخوي نصحنا قال صبوا اخر دور بعدين مسكوا عليه اخر دفعه لما يعدل الغلط
والله يستر

 

[غرور الورد]

يعطيكم العافيه على الموضوع الحلووو والمفيد .. بصراحه انا شدنى الموضوع وابى مساعدتكم وواثقه انكم منتو مقصرين معاى
انا ببنى بيتى مساحته 500 م شارع وسكه النيه نبنيه 3 ادوار الدور الارضى سكن لنا وناجر 4 شقق فوق بس مانى عارفه اشلون
اسوى البيت وانتم تعرفون هذا بيت العمر انا عندى 5 اطفال وابى لكل واحد منهم غرفه نوم ولى طبعا غرفه كبيره بحمامها وغرفة تبديل
وصالة استقبال كبيره مع حمامها طبعا وتعرفون البقيه لازم مطبخ اساسى للطبخ وغرفة خدامه وحمامها وغرفة غسيل وغرفه لماجلة البيت
وديوانيه وحمامها واحس ان دور واحد ما يكفى واللى اقدر عليه اخذ دور ونص مو اكثر ومانى عارفه اشلون النظام ياريت اللى عندها فكره
حلوه تفيدنى لان شهر 6 ريلى بيبدا بالمخطط وقالى فكرى باللى تبينه والنظام

 

[مشاعل]

مساء الخير

غرور الورد

حبيبتى دور واحد ماراح يكفيج يالله مطبخ ومخزن وديوانيه وغرفه معيشه وصاله

انا بيتى 400 متر خذيت سرداب ودورالارضى والاول لا والغرف مو كبيره حييييل

والدرو الثالث سويت شقتين للايجار

وانا عندى 4 اعيال بسسس

الله يعينج ويسهل عليكم