منو ولدت على ايد الدكتورة ايفا بمستشفى لندن تفيدني

[قطوه سوده]

اي والله بنات فيدونا اكثر عن المستشفى والدكتوره ايفا شنو جنسيتها؟؟

 

[الفرح1]

انا توني داقه عليهم و سالت عن اسعار الولادة بصراحه كنت ناوية اولد بالعدان بس من سنعت عن انتشار افلوانزاا لخنازير فيه هونت و مفكره اروح اولد بمستشفى لندن حتى لو اولد بالممر المهم ماينلعب بحسبتي بالعدان ، قالت لي موظفة استقبال ان الولادة الطبيعيه 185 دينار يوم واحد و الغرفةالعاديه و اذا في اي بي روم 205 و على كل يوم زياده 65 دينار السعر شامل الوكسجين و الولاده و الأبرة اللي عقب الولاده اللي تخفف الألم و اذا تبين ابرة ظهر 50 دينار زياده ، و اذا عمليه قيصريه 450 دينار 3ايام ، بصراحه اسعارهم وايد تشجع
و اللي تبي تستفسر اكثر هذا رقمهم 1883883

شلون الولادة عندهم وبالنسبة للخياط يسوون وهل اهو التجميلى او العادى

 

[ام رشوود]

اي والله ياليت تفيدونا بنات اذا كان زين والا لا

 

[ام رشوود]

والكمام مالهم شلونه؟؟

 

[ريح قهوه]

بسالكم هي ايفا اللى براشد او لا ردو ضروري لان حتى اللى براشد يمدحونها

 

[.،:"$الـعـوبــــة$":،.]

ايفا اللي بالراشد زينه
وايفا اللي ابلندن كلينيك اجنبيه
وشكلها حليوه امس رحت اشوف الغرف
وشفتها صدفه بالاصنصير معاي

تدرين عمري مافكرت بمستشفى لندن أو الراشد مع ان بنت خالتي 3 مرات تولد بالراشد ولا لها نية تغيره !!!
انا أشوفه من بعيد احس عيادة مومستشفى ؟؟؟
بنات تكفون نبي بعد تجارب ،،​

 

[ام بديير]

حبيبتي انا خالتي كانت بتولد عندها واكشتت فيها يوم كانت بتولد ,., بس ولادتها صادفت اول يوم العيد ..

 

[ام رشوود]

بنات فيدونا اللي جربت الولادة بمستشفى لندن ومنو دكاترهم الزينين

 

[أميرة السعادة]

أصلا الرسيبشن يكونون موجودين بالدور الأول مو الثاني و لا الرابع و لا الثامن

و وقت الخفارة ينزلون تحت عند الطوارئ يعني الدور الأول وقت الخفارة يصير فاضي

وما شاء الله لا قوة إلا بالله مادري عن تجربة بالها طويل و خياطها نظيف و مبتسمة الحمدلله و تهديج وشاطرة حتى المراجعات يحبونها و آخر شي في بعد دكتورة هندية جربتها بالتنظيفات هم ما شاء الله عليها مريحة و شكلها شاطرة لأن من سمعتها ذيج المرة شفت ناس من السعودية يايبين بنتهم علشان تولد من كثر ما الناس مادحينها و بالأخير الله ييسر الأمور على ايد أي طبيبة أو مستشفى و الله كريم

 

[ام غلا اخت سعود]

بنااااااااات انا ولدت عندهم

وان شاء الله ناويه اولد عندهم هالمرره

ولدت عن دسوفييت تهبببببببببببببببل شويه عليها
الحق ينقااال ايفا كانت فوق راسي بتدخلني عمليه تقول تعبت من الطلق .. بس وقفت لها سوفييت قالت لا ننطر عليها وفعلا شوي الا الجاهل نازل ........
حتى حماتي ولدت عندها ..نفس الشي تمدحها ..

وكمامهم وابرتهم مالتا لتخدير مااعليها كلام انا صراحه ارتحححت عليهم

واخذت غرفه عاديه لا ملكي ولا امبراطوووري ...... لاني مااسوي استقبال اللهم زوجي واهله


واي استفسار دزوولي على الخاااص ....

 

[حرم راشد الماجد]

اب اب

بنات نبي تجربة يديده وشلون ابرة الظهر عندهم ؟

 

[لميـس]

ومااااااااااازلنا نقرى التجارب

 

[RoOoz]

بنات انا ولدت عند الدكتورة ايفا وتبارك الرحمن نطرت علي ليما راس الياهل نزل تحت لانه كان راسها فوق
ولما رحت قريب الفجر وماكانت موجودة الدكتورة ايفا قلت لهم مابي غيرها دقوا عليها
قالولي انزين بس نشوف جم سم ؟؟؟؟؟ وندق عليها
قلت يلا ماعليه عند دكتورة الخفارة كانت فلبينية والله هم زينة
وراحوا جهزوا الغرفة ودقوا عالدكتورة ايفا ويتلي الصبح مبجر على ما جهزوني
شافتني قالتلي يلا مستعدة >>>>> مادري داخلين حرب الله يهداها بس عسل

كشفت علي قالتلي ما يبيلج شي ان شاءالله هالحجي الساعة 9 الصبح قالت بالكثير ساعتين وتولدين

وبعدها مادري شنو صار فيني الطلق صار حده بارد اصلا شبه منعدم

استغربت الدكتورة وتطالعني عطتني تحميله بس نفس الشي ما يبي يحمى الطلق نفس ما انا وقالتلي قومو امشي واقوم واتمشى
وصارت الساعة 2 الظهر وانا نفس الشي على حطتي ولا نايمة بسابع نومه بعد
اخر شي قالتلي ننزل غرفة العمليات وهناك نشوف شنو يصير
ونزلت والممرضات عسل وحده باقي شوي وتبجي علي كاسره خاطري وانا ابي انام اصلا مالي خلق
ووالله تروح وترد علي وما تبي قيصري طالما نبض الياهل اوكي مافيه شي هذا كان اهم شي مركبين علي جهاز التخطيط والممرضة يمي ما خلتني دقيقة وحده حتى وعليا كانت تبي تروح الحمام دقت عليهم عشان تيي ممرضة غيرها واهيا تروح وبعدين ترجع

طبعا طول الوقت وانا زوجي معاي بغرفة الولادة والدكتورة تدخل وتطلع تشيك علي وكاسره خاطرها اني طولت
وماشاءالله ظلت معاي من الساعة 7 الصبح لغاية ما ولدت الساعة 11 ونص بالليل ما خلتني ابد
طبعا دكتور الاطفال يدخل بنفس غرفة ولادتج عشان جدام عينج اذا كنتي صاحيه وقتها عاد ياخذ الياهل منها علطول ويشيك عليه جدامج بالجهاز مال البيبي بالغرفة نفسها وقبلها اصلا تستأذن منج بانه يدخل او لأ
انا اخذت ملفعي معاي غطيت شعري
واول ما حسيت بالطلق قام يحمى نبهت الممرضة انه الحين فيني ولادة انا الحمدلله اعرف نفسي متى الطلق الدفع مال الياهل بيطلع اعرف وقته عدل قمت اصارخ اقولها يلا انا الحين بوش
استغربو توه مافيني شي ومره وحده بوش
يت الدكتورة ركض والممرضات وزوجي كل هذا معاي ما خلاني عسى يومي قبل يومه
والدكتورة تدخل واهيا تضحك وتقول يلا وتشجعج كلامها عسل الله يبارك فيها
وماكو 5 دقايق بوش بوش الا الياهل طالع الحمدلله وعطته علطول لزوجي اول مره علطول من بطني على ايد زوجي وكانت بنوته حلوة واسمها فرح بس شفتها وعطوها للدكتور مال الاطفال شوي ودكتور البنج داخل عشان التخدير الكلي للخياط التجميلي طبعا حطه لي بالمغذي وشوي شوي مادري عن الدنيا الا بعد ساعتين عشان اروح غرفتي واسأل ريلي شنو صار ويقول قمتي تسولفين بروحج من البنج


طبعا الكمام عندهم روعه ماكان ودي يشيلونه من علي كنت احس اني في عالم ثاني

ابرة الظهر بصراحه ماجربتها نهائيا مادري ليش ما احبها من عقب ما شفتهم شلون يحطونها لاعت جبدي منها
لما كنت اولد بالعدان كان نظام كل سريرين بغرفة يفصل بينهم نص طوفه وتكرمون كنت قايمه اروح الحمام واشوفهم يحطون ابره الظهر للي معاي كرهتها من يومها اتحمل العوار ومعاه الكمام ولا اخذ هالابره

وظلت معاي الدكتورة لغاية ما طلعت غرفتي ولثاني يوم الصبح يعني تقريبا 24 ساعة واهيا معاي
وخياطها يهبل ونظيف
الخياط التجميلي ب 105 دك
والولادة ب 200 دك لانها غرفة عادية

والحين مرت اخوي بعد حامل وراحت لها من مدحي لها الدكتورة والحمدلله مرتاحه معاها

اهيا فعلا المستشفى هادية جدا ومافيها احد بس مو معناه انها مو زينه لا بس انه الناس تعودت على اللي لهم سمعه نفس الهادي ورويال والسلام وباجر ان شاءالله لندن تصير نفسهم ولها سمعتها من تجارب الناس >>>> يعني باجي المستشفيات من طلعوا لهم سمعتهم لا طبعاً

انا اعرف وحده تصير لي وبجر قالت انها بتولد بمستشفى لندن وعقب ماراحت وراجعت ووقت الولادة خافت وتهون وتروح الهادي جان يقولون لها قيصري كسرت خاطري ما نطروا عليها ولا فيها اي شي بس النصيب واللي الله كاتبه سواء بلندن او الهادي او ببيتج

وهذي تجربتي واسفة عالاطاله >>>> كل هذا واخرتها اسفة

 

[لميـس]

تسلمين ياقلبي على التفاصيل
والحمدالله على سلامتج
يعني طلع عليج المستشفى كله ب305 صح
انزين طعمو البيبي ثاني يوم ولا لأ
وصج لمن ياخذون منج البيبي ويهتمون فيه ياخذون 10 زياده ؟؟؟

 

[RoOoz]

الله يسلمج من كل شر يارب

ايه ياقلبي كله طلع علي ب 305 شامل التحاليل وكل شي بس دفعت 305 دك

الياهل طعموه ثاني يوم وعطوني اوراق تطعيمه ومراجعه لي وله انا خلال 10 ايام اراجع
والياهل بعد 3 ايام تقريبا

واصلا اهم ياخذون البيبي من غير ما تقولين لهم ويهتمون فيه ولا 10 دك ولا غيره
الفاتورة بالتفصيل
الولادة 185 دك
التحاليل 15 دك
الخياط التجميلي 105 دك

بس
البيبي لما خذوه من نفسهم والله ما طلبت شي منهم بالعكس انا اللي سألت عنها ابيها عشان ارضعها طبيعي عبالهم ما ارضع
ويابوها لي شاربه حليبتها وكاشخه ورضعتها بعدين لما قعدت وطلبت منهم يغيرون لها ملابسها وعطيتهم اغراضها وخذوه وماردوها ورجعت انا طلبتها مره ثانية عشان مابي حليب خارجي بس طبيعي

والحمدلله
والله يسهل عليج وتولدين بالسلامة يارب

 

[لميـس]

بعد عمري مشكوورة على الرد والتفصيل الكامل الي عطيتينا اياه وتتربى بعزج بنيتج انشاء الله
واسعاره وايد حلووووة صراحه
وتسلمين ياعمري

 

[bd-27]

حبيبتي روز اشلون الخياط
حسيتي انج اوكي وضيقه ؟

 

[RoOoz]

ايه حبيبتي الحمدلله الخياط اوكي

 

[Om-7soOoN]

روز حبيبتي بسألج لازم اذا خياط تجميلي لازم بنج عام ؟؟؟

انزين و فيه دكتورات يعني انا مابي دكاتره كلللللش في حق البنج و هالسوالف دكتوره ؟
و دكتوره حق الاطفال و لا بس دكتور ؟

انا اراجع اهناك عند د سوفييت الهندية و ناوية اولد عندها ان شاء الله

يعطيج العافية

 

[RoOoz]

هلا ام حسون
والله مادري اذا فيه دكتورة للبنج او دكتورة للاطفال

انا تفاجءت وقتها لما قالتلي واستأذنت مني
بعدين انتي راح تكونين متغطية ولا ايون صوبج كلج والخياط التجميلي اعتقد لازم بنج عام لانه يطول والخياط من بره ومن داخل يعني يعور وفيه قص ولصق خخخخخخخ اكيد بنج عام وهم انتي سألي الدكتورة سوفييت