منو ولدت على ايد الدكتورة ايفا بمستشفى لندن تفيدني

[آهات الليل]

انا والده هناك قبل تقريبا 9شهور وحاليا انا حامل وبولد عندهم كلمت روعه شوي عليهم بصراحه لو يتكلم ماراح اخلص طلع علي313لان طلبت ابرة ظهر وطلبت سرير زياده ولا جان طلع اقل والله اني ادعي للدكتوره والسسترات كل يوم لان قبل الولاده8 قالتلي ترى راح يصير فيج نزيف بعد الولاده لان فيج فقر دم وانتي ضعيفه ولازم واحد من اهلج يتبرعلج وفعلا خذوا دم من اخوي ولما ولدت وبعدها بفتره صارلي نزيف والله شعره واموت بس صج قاموا فيني ربولي جياس دم والدكتوره تدلك رحمي ودخلت ايدها عشان توقف النزيف كان حاد اوقف الحمدالله ماودوني حكومه نفس باقي المستشفيات صج وقفوا معاي يهبلون والله واسعارهم حلوه واايد والله المفروض اكثر يستاهلون كمامهم احسن من كمام السلام لان بولادتي الولى والده فيه كمامهم خرطي والله

 

[RoOoz]

يعطيج العافيه اهات الليل على مشاركتج الطيبة

ويارب تولدين بالسلامة يارب وتقومين انتي والمولود بكل الخير والعافية ويغدي شرج يارب

وفعلا المستشفيات الثانية اذا شافوا الولادة خطرة او فيها شي سيده حولوج للحكومة

وبانتظار تجارب ثانية

 

[لك الحمد يا ربي]

فيدونا اكثر عن الدكتوره ايفا بليز

 

[لك الحمد يا ربي]

بنات شلون كمااامهم اشرحولنا اكثر

 

[$حبيبة عبودي$]

اب بنات منو والد فيها تو يعني ماصارلها شهر شهرين ..فيدونا الله يجزاكم خير ..

 

[حرم راشد الماجد]

انا شوفي الرابط اللي بتوقيعي

 

[لك الحمد يا ربي]

وربي يتني خرعه كل الي ولدو قيصري ببجي
واذا ما ابي احد معاي بالغرفه شلون

 

[kunooz]

انا ولدت هناك قبل سنتين ونص تقريبا
و مافكر اولد هناك الصراحه
اول شئ في دكتوره هنديه ياربي نسيت اسمها كانت تبي تولدنى غصب قبل موعدي باربع اياام !!!!!!!!!!!!!!
واقولها انا مافينى شئ ما احس بعوار ولا شئ و تو الناس على الموعد و اهي مصره عاد قلت لها اوكي بروح البيت و اول ما احس بشئ بييج على طول استغفرالله شكلها كانت زهقانه و تبي تجرب فينى

ورى 4 ايام يالله يانى الطلق عاد رحت لهم و كنت مفتوحه .. و كنت بموووت من العوار و ريلي يقولهم يالله وين الدكتوره بسرعه نادوها
عاد حضرتها ماخذه راحتها ما ياتنى الا عقب 10 دقايق او 15 دقيقه
و قومونى السسترات يبون يشوفون وزنى؟؟؟؟؟؟؟؟؟؟؟؟؟
الحين انا وين و انتو وين قاعده اموووت من العوار و انتو تبون تشوفون وزنى؟؟؟؟

لما شرفت المدام الدكتوره و ربي شايفه حالتى تعباانه ميته جان يدق التلفون و تطنشنى و ترد عالتلفون؟!؟!؟!؟
بعدها افحصتنى جان تقولى ولاده بسرررررعه شكلها حدها اخترعت طبعا لما ولدونى ريلي يقولى لا تشوفين شكلهم شلون مخترعين

و اخرتها الخياط انفتح و رحت شفت الدكتوره ايفا تدرون شتقولى؟
تقولى في فتحه هنى بس مادري شنو؟؟ عاد بعدها طلعت و سيده على دار الشفا و الا الخيااط مفتوح حسبي الله عليهم
وحتى ما قالولى

سووووري بنات قرقت وايد و عورت روسكم بس هذا اللي صار معاي كرهت المستشفى و دكاترتهم بس للامانه السستراات كانو قمه بالاخلاق والله يهبلون عكس الدكاتره
و هذه تجربتى التعيسه للاسف

 

[لك الحمد يا ربي]

ياوةيلي ويلاااااااااااه ههههههههههههههههههههههههههههههههههههههههههههههههههههههه شكلي راح اهون عن هالمستشفى واولد بالراشد ابرك

 

[Ghaima]

التساهيل من ( الله )

ادعوا يا بنات تكفون ادعوا وربي راح يسهل ولاداتكم ان شا الله

كل مستشفى ولها عيوبها

حتى الهادي سمعه ودكاتره ممتازين والحكومة دكاترة ممتازين وسمعه وغيره وغيره من المستشفيات

انتي ونصيبج وكل شي ( قضاء وقدر )

البشر يخطون ويصيبون مو كاملين ليش تحوسون وتدورون وتعورون راسكم ادعوا مسبب الأسباب ورازق العباد

وميسر كل شيء ربنا كريم ليش ما ندعي ترا الدعاء عجيب احسن من كل شيء والصبر بعد

والحمدلله يالله تسهل علينا ولادتنا يا رب وتطمنونا عنكم =)

 

[؛؛حلاوه؛؛]

بنات منو جربت إبرة الظهر وعند منو عفيه ضروري