عندي استفسار عن >>لـــنــدن<< تفضلي لو سمحتي ..

[عاشقة الجنة82]

السلام عليكم ,, :eh_s(8):
شلونكم صبايا :68_asmilies-com:
عندي سؤال بخصوص لندن .. ناوية ان شاء الله اسافر لندن السنة بالصيف وهذي اول مرة اروح لها :O_SHH_: ... وسمعت شي ما يسر !!
ان بالمطار جهاز او غرفة تدخلينها و يشوفون كل شي (( كما خلقني ربي )) صج ؟؟!!!
اللي عندها اي معلومة متاكدة منها تفيدني ويزاكم الله الجنة ..:balo:​

 

[منيرة خالد]

اختي

توني راده من لندن بشهر فبراير >>>>>>>> لا تدشين غرفه ولا شي تفتيش عادي مثل كل المطارات

بس بالطلعه من لندن تقطين كرمج الله الجوتي وتحطينه بالسله مع الكوت وجهاز الاب توب والتلفون والجنطه وتمرين عادي

اي ديري بالج وانتي طالعه من لندن لا تحطين اي عطر او كريمات من اي نوع بالهاند باج كل شي حطيه بالجنطة الكبيرة اللي تدش الطيارة اما اللي بايدج خليها فاضيه من هالاشياء لأنهم يأخذونها .


وبس وتروحين وتردين بالسلامة

 

[addict to me]

اختي

توني راده من لندن بشهر فبراير >>>>>>>> لا تدشين غرفه ولا شي تفتيش عادي مثل كل المطارات

بس بالطلعه من لندن تقطين كرمج الله الجوتي وتحطينه بالسله مع الكوت وجهاز الاب توب والتلفون والجنطه وتمرين عادي

اي ديري بالج وانتي طالعه من لندن لا تحطين اي عطر او كريمات من اي نوع بالهاند باج كل شي حطيه بالجنطة الكبيرة اللي تدش الطيارة اما اللي بايدج خليها فاضيه من هالاشياء لأنهم يأخذونها .


وبس وتروحين وتردين بالسلامة

نفس الشي سووه معاي

الجوتي واللاب والموبايل والجنطه بجهاز الاشعه وانتي تمرين عادي

واذا معاج سوائل تقطينهم بالزباله قبل لا تصفين بالدور

 

[عاشقة الجنة82]

ما قصرتوا حبيباتي
يزاكم الله خييييييييييييييير

 

[*زهرة الخزامى*]

هلا حبيبتي انا اللي سمعته ان الجهاز صارلهم حاطينة من شهر وتطبق في بعض دول اوروبا مو كلها

 

[عاشقة الجنة82]

هلا فيج زهرة الخزامى ...
صج!!!!
انا هذا اللي خايفة منه ..
وابي وحدة متاكدة الله يعافيكم

 

[Miss-London-91]

انا بعد توني راده منها شهر 2 بالعطله ما كان في يمكن جهاز يديد

 

[LA TROO7]

يقولون تو حطوة ببعض مطارات امريكا

اما لندن للحين ماحطوة الله يستر منه

 

[mr000]

آنا ولدي توه راد يوم الأحد..كان رايح في 6/4 يقول لابعد ماحطوا هالجهاز بمطار هيثرو..الله يستر لايحطونه تالي ..

 

[هيلو كاتي]

انا الحين بلندن وصلت بتاريخ 27 -4 ماكو لا جهز ولا هم يحزنون ختمة الجواز وشلة اجنطي وعلا الباب سيده ماكو اللي العافيه

 

[إحساس..أجودية]

بنات انا حامل شلون امر بجهاز الاشعه عادي ؟ سفرتي الاثنين

 

[MeMe]

توني راده من لندن ماكو جهاز والعطورات والسوائل ماياخذونهم يعطونج لكياس تحطين فيهم السوائل من عطورات وماسكرا وايلاينر وتححطينهم بالجنطه

 

[بسمه الم]

حبيبتي ماااكو هالكلاام كله لاتحاتين سهالات انشاءالله ,,

 

[عاشقة الجنة82]

بعد عمري يزاكم الله خير والله من خوفنا فكرنا بديرة ثانية تحسبا للظروف واخاف يتسلطون ويطبقونه بالصيف .. وبستخير والله ييسر وشاكرة لكم هالردود الحلوة ومثل ما عهدتكم ياكويتيات راعيات فزعة وما تقصرون عسى ربي يحقق لكم امانيكم ويجمعنا بالفردوس الاعلى ..اللهم آآآآآآآآآمين
حافظكم ربي ..

 

[ملاك-77]

انا سمعت عنه ووصلني بالايميل وشفت صورة رجال ومره كأنهم مفاصيخ
ويبين كل شي واذا صج بهالصيف حطوه معناها محد بيسافر لها
لان الكل يبي الستر

 

[~ عز ~]

انا الحين بلندن وصلت تاريخ 3 - 5

ونفس ماقالت هيلوكاتي سهالات مافي اي شي ختمة جواز و تشيلين شناط و نتي طالعه

 

[تفااحة]

تو رفيجتي رادة من امريكا قبل جم يووم وحاطين هالجهاز ودشت فية .... بس زوجها مادش لانه كويتي يمكن في بع الجنسيات الخليجية متشددين عليها ............