رحلة شهر العسل لباريس + روما 2008

[3rosa]

عليج بالف عافيه خووش سفرة انا كان حلم حياتي اروح ولدزيني

الله يعافيج حبيبتي ... ان شاء الله اروحها مره ثانية واروح والديزني واخذج معاي

الحمدلله على سلامتكم
وعليكم بالعافيه

الله يسلمج حبيبتي .... الله يعافيج ...

 

[نـ(المطيري)ـازكـ]

ما شاء الله الحمدلله ع السلامة والله يتمم عليكم .. ويقومج بالسلامة

 

[سيدة الذوق]

ماشالله الله يهنيكم ..~

 

[queen pink]

الحمد لله على السلامه

سفره تونس واهم شي باريس واااي فديتها

 

[صفاءء]

الف الحمدالله عسلامه حبيبتي

سفره حلوه واحلى شي تقريج يا قلبي

 

[3rosa]

ما شاء الله الحمدلله ع السلامة والله يتمم عليكم .. ويقومج بالسلامة

الله يسلمج ... يا قلبي ...

ماشالله الله يهنيكم ..~

الله يسلمج حبيبتي

الحمد لله على السلامه

سفره تونس واهم شي باريس واااي فديتها

الله يسلمج ياقلبي اي والله .. يبيلها روحه ثانية يسلمووو على المرور

الف الحمدالله عسلامه حبيبتي

سفره حلوه واحلى شي تقريج يا قلبي

حياتي .. الله يسلمج .. عيونج الحلوة يا حلوة

 

[SHOOQ8]

شلون نظامكم كل واحد حاجز لعمره ؟ ليش انتي عالفيرست وزوجك اكونمي ليش مو مع بعض من الاول ادري بتقولين ملقوفه بس صج استغربت والله يهنيج رحله موفقه

 

[3rosa]

حياتي .. لا عادي بالعكس يعني متابعه الموضوع عدل ..

انا و اعوذ بالله من كلمه انا ابوي يشتغل بالكويتية وعندي تذاكر فري وهالخصم وتذاكرنا على الفريست او البسنس وريلي حجز على اكونمي لانه سعر التذكرة غالية فقلت اذا ما في احج ندفع الفرقيه ونقعد الدرجه اولى ..

وسلامتج ..

 

[addict to me]

بليز شسم الفندق مال باريس وشنو تقييمج له
وابي رقم الشركه الي ودتكم المطار

 

[kweetya]

..............الحمدلله عالسلامه

 

[3rosa]

بليز شسم الفندق مال باريس وشنو تقييمج له
وابي رقم الشركه الي ودتكم المطار

الله يسلمج اسم الفندق في الشقة بس اوصل اكتب لج ياه تقيمه من 2.5 من 5 لانه كان وايد اصغير اصنصير كان يشيل نفرين بس وما في مكان علشان انصلي يادوب دزيت السرير وصار مكان اصغير

انا ما يهمني فخامه الفندق همني نظافة واخر شيء بنام فيه وباقي اليوم فراره

..............الحمدلله عالسلامه

الله يسلمج حبيبتي

 

[اسوومه85]

ان شا ء الله ياارب
ايامكم كلها عسل

واااااي ذكرتيني بباريس

 

[روحي بلقااك]

مشاء لله عليكم بالعافيه ان شاء لله

 

[♀JόόJόό♀]

woooooooooooooooow eltrip shklha 3ajiiiiiiiiiiiibaaaaaaaaaah
mashallah mbyn wayid istansto xD
allah yhniiiiich o tslmin 3alla el t8rir el7ilwa wayiiiiiiiid

 

[3rosa]

ان شا ء الله ياارب
ايامكم كلها عسل

واااااي ذكرتيني بباريس

تسلمين يا غالية .. اي ادري انا من فترة لي فترة افتح البوم واتذكر يا حلوها من ايام

مشاء لله عليكم بالعافيه ان شاء لله

الله يعافيج حبيبتي ..

woooooooooooooooow eltrip shklha 3ajiiiiiiiiiiiibaaaaaaaaaah
mashallah mbyn wayid istansto xd
allah yhniiiiich o tslmin 3alla el t8rir el7ilwa wayiiiiiiiid

حياتي عيونج الحلوة ... اي وايد اتسانست بس النساة تعبتني اشوي ..

يسلمووو يا قلبي

 

[3rosa]

يسلمووو على التبيث .. حبيباتي اخجلتم تواضيعي ..

 

[3rosa]

حسافه ما صورت لكم الغرفة ألا بالفيديو ,, حدها صغيرة انا بوصفها وانتو تخيلو

اول ما تبطلون الباب ورا الباب خزانة ملابس على يسار الباب طاولة طويلة عليها تلفزيون على جنب خطوتبن يصير السرير مقابل التيفي و خطوتين يسار السرير باب الحمام وانتو بكرامة اشوي دنينا السرير علشان نقدر انصلي طبعا ما في فيو ولا هم يحزنون كان تطلع على مطبخ شقه من شقيق الفرنسية

المهم حطيناالجناط و بدلت الخريطه الي شريتها من الكويت و خذيت من استقبال جم بوستر اول شيء قلت انروح الجمعيه علشان نشتري اغراض مثل العصاير و الخبز لاني ماخذه معاي اجبان و بطاطس و الذي منو

سالت اسقبال و شرحت لي اشلون وين نوقف واي محطه ننزل وكل شيء ما قصرت رحنا المحطه يمنا بس مشي بو 5 دقايق و

هذي الخريطة القطار ومحطات

خذينا تذاكر خذينا تذكرة بو اتجاه واحد

وهذي الفاتورة سوري على عدم وضوح لاني امصورتها من البوم الصور

المهم ردنا للفندق خبز زجبن وبطاط و عصير وايد صحي نمنا لانه ورانا يوم حافل وكنا مخططين انروح متحف اللوفر ..

قعدنا و ترقنا على 7 و نص لانه ما يالنا نوم من تغير المكان و سالت استقبال عن الوجهه ودلتنا

خذينا نفس التذاكر

و بالقطار اسوي زحمه دوامات على 8 احنا نزعت وننزل على ما وصلنا المحطه المطلوبة ..

وصلنا المتحف

اهني عند البرج الزجاجي واقفين بطابور علشان ندش طبعا الطابور مو علشان تذاكر لا علشان تفتيش

عقب ما فتشونا و نزلنا تحت قصينا تذاكر لانه في اقاسم وايد المتحف خذينا كل اقسام علشان نتعرف عدل على المتحف <<جنه صج

وهذي الخريطه خذيتها من مركز استعلام موجود يم التذاكر

طبعا قبل كل شيء التصوير كان اسلامي لانه اغلبيه المعروض مفاصيح و كل شيء امبين :tongue22:

رحنا اول شيء القسم النحوت و التحف الفنية جنه جذي يسمونهم

هذي بعض اللوحات المعروضه

النفنوف عجبني

رحله المتحف كلها علشان هاللوحه الزحمه كلها لها

وهذي انا شوفو اشلون امحاوطين الصور زجاج و خشب واخر شيء انها مو اصلية

وحست جم مكان بس ما قدرت اصور لاني تعبت وايد مشيت وحاطين كراسي كل ما اشوف كرسي اقعد وايد ادريات و في اصنصيرات الا للمعاقين واطفال صاحبين العربانات و حم مره قلقصت روحي و جفنا سوفونير خذيت اكواب و جم صور عن الموناليزا وقعدنا بالكافية كنت ماخذه معاي كاكاو و بطاط بالجنطه ...

هذا الكوب الي خذيته

 

[3rosa]

يوم القبل اخير في روم ..


كنا امقريرين انروح برج بيزا فخلينا استقبال يعطينا جدول المواعيد القطار حق بيزا وعطانا

فرحنا الصبح عند محطه القطارات تقريبا يمنا مشينا شارع السالمية كلنه ولفينا الدوار وترا طلعن محطه الباصات والمحطه القطار يم بعض

فرحنا قصدينا تذاكر الروحه

بروحه كانوا كراسي عاديه جنها طيارة

طبعا كانت الرحلة 4 ساعات لانه كا يوقف على كل محطه تمر علينا كنت ماخذه اكل معاي قلت يمكن نيوع ولا شيء والعاب واونو وناسه مناظر مريناها تزوغ القلب

فوصلنا المحطه المطلوبه نزلنا خذينا تكسي قلناه له بني نروح البرج

وصلنه خلال 10دقايق واهو يراوينا معالم الي عندهم راوانا كنيسه عمرها 500 سنه بس ما صورتها وايد تعبت من القطار

وصلنا وانا عيوني تروح يمين و يسار ابي اصيد البرج من القطار قلت اكيد يبين

نزلنا ولا تجمهر و فرقه موسيقية افريقية وموسيقى روعه و محلات سوفونير على اليمين ولا اقوله وين البرج ما له اثر و يقول كاهو جدامج ولا يطلع صغي قزم فيه 200 دريه بس

هذي معلومات عنه برسوم

وهني كانوا معلقين لافته كبيرة مكتوب فيها معلومات عن البرج باكثر من لغه العربي وايراني والياباني وايطالي طبعا وفرنسي والخ

هذا حجمه وناس اتسوي حركات يعني تسند البرج علشان لا يطيح طبعا يوقفون على عامود صغير و فنتكون

شريت البرج جنطه حطينا اغراضنا فيها وايد حلو وارخص من الديرة روما نفسها

ردينا المحطه بنفس التاكسي قلنا له ما نبي انطول علشان لا يفوتنا القطار

تغدينا و تكرمون دخلنا الحمام
اهني صارت سالفه

قطار الي بياخذنا ياي من محطه كان يايا من محطه ثانية قبل وبودينا محطه ويمشي يعني محطتنا ترانزيت من ظمن سير من محطات واخاف نركب قطار بالغلط عل دقيقه اسال وانروح بين قطارين وصاعدين ونازلين وما اشوف اسم روما بالشاشه ونرد عن راعي التذاكر اقول له اي قطار اي سكه شنو رقمها ونزصعد و ننزل المهم سالت وقالول هذا الي بروح روما وقعدنا بالكبينه ولا انشوف واحد قاعد وهمن سالته قالي اي اهو ما ارتحت الا لمن نزلنا محطتنا ووواااااااي فلم ماساوي


وردتنا صارت ب 3 ساعات لانه ما وقف مثل الي بروحه

وواي على

تابعوني ...

باخر جزء

هذا الي سوفونير الي شريته من روم

وهذا شعار روما مشهور

شريت من باريس برج بس نقص بالصوايغ وعطيته اياه و احنا في البرج صورنا و طبعو الصور على كرستاله وايد حلوة

 

[مروووم]

الله يهنيكم يا بعد عمري
ويبعد عنكم الحسااااااااااااااااااااااد والعذال اميييييييييييييييييين يارب العالمين
ويخليلكم مهوووودي
وادعيلي الله يرزقني سفرة مثلج اميين

 

[3rosa]

الله يسلمج يا غالية ... تسلمين بعد عمري

مرووم اخجلتم تواضعيني

ان شاء الله تكون احلى من سفرتي واتحطين تقريرج