تجمع مسافرات لندن في صيف 2010

[بسمه الم]

السلااام اشلونكم ..ولا أحد يسأل عني ..زين .. بسمه حبيبتي مبروك البريزينتيشن اللي خلصتيه والفال حق باقي امتحاناتج..وموفقه حبيبتي..والله يهنيج بزواجج مقدما..بسمه هذا مال الآيسكريم (سنوق) ..بس موجود في ويستفيلد مول؟؟

وعليكم السلااام ياالغاااليه ,, ربي يباااارك بعمرج يااقلبي مشكووووره ,, شوفي حبيبتي سنوق له 4 فروع بمجمع الويستفيلد الطاابق الارضي عند ال Escalator ,, الفرع ال2 ب south kensington دقيقتين من الستيشن ( وبنفس المنطقه راح تشوفين hummingbird bakery ) ,, الفرع 3 ب covent garden ,, والرابع قريب بيكدلي ستيشن ,,

 

[حضاره]

صباح الخيرات 00اشلونكم

شسالفة المنتدى من الساعه 4الفجر وانا احاول ادش موراضي يدششني؟؟ توه الحين بطل 00هذا صار دكان مومنتدى00ابييييييييييييييييييييييييه

شخباركم بنات00من امس يعلق معاي اقرا السوالف ولاقادره ارد عليكم00برجع على الردود 00

 

[حضاره]

حضارة شلونج والله انا اليوم مو صج اطق اطوف مو يايني نوم كلش مواصلة من امس وييت انام الظهر بس ما قدرت والحين عيوني مبققة حدها النوم جافيني
اقولج حاولي تضبطين اغراضج من الحين علشان ما تنسين شي
شفتي الاغراض اللي قلت لج عنهم امس
بسالج من وين تاخذين التريننقات الصيفيةة حق البنات اسم الله عليهم؟؟؟؟؟؟؟؟؟؟

هلا ام العيال حياتي والله00مجربه هالحاله بس والله تتعب النفسيه ويبيلج جم يوم على ماتتعدل النومه وتستقرين

ياعسى يجفاج كل شر قولي آميييييييييييين00

انا مضبطه اغراضي بس موحاطتهم بالجنطه00اخاف تطير البركه استغفرالله وشفت الاغراض اللي قلتي لي عنهم اليوم

بسجلهم بالنوته باذن الله 00

ام العيال انا اخذ تريننجات بناتي من زهره فوق محل اطفال 00حلوين وناعمين بس شوي غاليين يالغاليه00

 

[حضاره]

هاااي بنااات شلونكم شمسوين...
بنات على طاري اسعار تذاكر الـ british شوفو احنا دايما نروح عالـ british بس عقب اخر سفره (الصبف اللي طاف) قلت ماطب هالطيران بعد أبد..
أول شي يعلوووووون عالوزن ونهيييييبه..
وثاني شي الخدمه زفت الصراحه,
تخيلو انا واختي بالرده كنا ماخذين handbags معانا الطياره ومثقلينهم شوي, المهم واحنا بالطياره طلبنا من المظيف يساعدنا عشان نرفعهم جان يطالعنا بنظره ويقولنا "انتوا اللي سويتوهم وثقلتوهم اذن انتو اللي تشيلونهم وتتحملون!!"... انا واختي طقتنا البوهه من اسلوبه وطريقته, لان جد تكلم بطريقه حييييل بايخه, اوكي قول مابي اشيل قول خايف على ظهري بس مو بهالاسلوب الخايس... اساسا شايفنا بنات بروحنا يعني المفروض انت بما انك ريال حتى لو انك مو مضيف المفروض تساعد...
المهم شاب كويتي من اللي قاعدين ماقصر بس شافه رد علينا جذي على طووول قام من مكانه ورفع لنا الجنطتين..
اذكر قعدت طول الرحلة مطنقره اييبونلي الفوطه الحاره اللي اول شي واكل وشرب ماخذ شي وحتى ما ارد عليهم..
ووانا بالطياره قلت بعد مااااطبها.. وهذا انا عند وعدي هالسنه حجزنا عالكويتيه..

شوفي دلول00كل واحد وتجربته00بس عامة البرتش افضل00انا بالنسبه لي افضلهم رغم ان ماشفت عندهم زود

غير الالتزام والدقه وبصراحه هذا شي موسهل وفاقدينه بالكويتيه خلف الله عليييييييييييييييييييهم والطيران الثاني ايا كان

ماراح يكون دايركت على لندن!!ان شاءالله مايصير لنا مع البرتش موقف سلبي ونتعقد منها00الله يستر يارب

 

[حضاره]

السلااام اشلونكم ..ولا أحد يسأل عني ..زين .. بسمه حبيبتي مبروك البريزينتيشن اللي خلصتيه والفال حق باقي امتحاناتج..وموفقه حبيبتي..والله يهنيج بزواجج مقدما..بسمه هذا مال الآيسكريم (سنوق) ..بس موجود في ويستفيلد مول؟؟

مرووو انا اسأل عنج والله 00بس المنتدى مايعين كللللللللللش لوعة جبد00

00ولا انتي فقيده ياقمر وكلللللللللللللنا نحبج:fun:

 

[حضاره]

:ch12: بضبط مادل بس تقدرين تاخذين العنوان من الموقع وتعطينه راعي التكسي

وهو كذلك ياحلوه برد آخذه من الموقع 00ماقصرتي

 

[حضاره]

ربوعه وبسمه00حبايب قلبي قلبي اشلونكم00شخباركم

ربوع00متى سفرتج الجايه حق لندن ان شاءالله 00انا باذن الله رايحه مانشستر وبقعد فيها اسبوعين مضبطتني بسووووووم ببرنامج

يهبل00لما ارجع بحط لج كل شي بالتفصيل واحتمال انزل تقرير عنها عشان البنات يستفيدون 00بس بتعلم اشلون انزل صور!!

مع اني مالي خلق كلللللللش اتعلم بس عشان خاطر الكل يستفيد

 

[حضاره]

سارونه وينها 00غطت صار لها جم يوم مومبينه00

عز 00اشلونج بشرينا اشصار على موعد طبيبكم 00عسى احوالكم زينه يارب

ترى ام العيال صححت لج معلومة السوق اللي تبينه00والحين بشيك على الخاص واطرش لج العنوان 00مادام المنتدى مايعلق!!

 

[om l3yal]

هلا ام العيال حياتي والله00مجربه هالحاله بس والله تتعب النفسيه ويبيلج جم يوم على ماتتعدل النومه وتستقرين

ياعسى يجفاج كل شر قولي آميييييييييييين00

انا مضبطه اغراضي بس موحاطتهم بالجنطه00اخاف تطير البركه استغفرالله وشفت الاغراض اللي قلتي لي عنهم اليوم

بسجلهم بالنوته باذن الله 00

ام العيال انا اخذ تريننجات بناتي من زهره فوق محل اطفال 00حلوين وناعمين بس شوي غاليين يالغاليه00

حبيبتي حضارة علا الدعوة الحلوة ويجفاج الشر انتي بعد تدرين امس نمت نومة اهل الكهف على قولتهم نمت الساعة 9.30 وقعدت على صوت بوالعيال الساعة 11 راد البيت مبجر والحالة ماصارت من قبل 5 سنين ان يرجع هالحزة يعني حظ:nocommint: شافني نايمة ورد بدل ملابسة وطلع تالي قعدت الساعة 6 قعدت اليهال ونطرتهم يطلعون لاني حالفة اليوم ما اوديهم تالي رديت نمت وتوني من ثلث ساعة قاعدة نمت مال سنة لاني مو متعودة على كثرة النوم


على قولتج تطير البركة بس انا عندي درج صغير حاطة في الاشياء اللي ما استخدمها بالكويت واحتاجها بالسفر واذا صار عندي البديل او زي زايد ماراح استخدمه بالكويت قطيته بهالدرج امس والله حذفت فيه جم شغلة

ومشكورة على المعلومة مالت زهرة واحنا من لنا بهالدنيا غير هااليهال على قولت امي اللي يحفظها الناس تشتري عمارات وبيوت وانتو ماعندكم غير هالخلاجين تكودون فيها وانا بعد بزود عن خواتي

 

[فتفوتة سكر]

صباح الخير بنوتااات
بسالكم
Snog وين مكانه ؟؟؟

وبسالكم شنو اللي يصكر سبت واحد ؟؟ وشنو النشاطات اللي ممكن اسويها سبت واحد.. علشان ماضيع يومي

 

[om l3yal]

صباح الخير بنوتااات
بسالكم
snog وين مكانه ؟؟؟

وبسالكم شنو اللي يصكر سبت واحد ؟؟ وشنو النشاطات اللي ممكن اسويها سبت واحد.. علشان ماضيع يومي

هلا فتفوتة سكر
اطمني مافي شي يسكر سبت ولا احد اللهم الا السوق يوم الاحد يفتح الساعة 12 ويسكر على 5 او 6 بس
ونصيحة لا تروحين اماكين ترفيه في هاليومين لان ويك اند ويصير زحمة حيل

 

[~ عز ~]

السلام عليييييييييييييييييكم

شلونكم بنات ان شاء الله بخير

حضاره مشكوره حبيبتي .. ايميلج وصلني

ام العيال شلونج .. زين قلتي اني اروح البرتوبولو السبت والا جان خفقت لوووولز

ربوع .. بسمه .. الدلال .. مرووو

شلونكمممممممممممممممممممم تسلمون حبيباتي عالسؤال

امس قرروا لبنتي عمليه .. !!

اليوم بنشوف راي مستشفى ثاني ع اساس نتخذ قرار .. والله يسوي اللي فيه الخير

 

[om l3yal]

السلام عليييييييييييييييييكم

شلونكم بنات ان شاء الله بخير

حضاره مشكوره حبيبتي .. ايميلج وصلني

ام العيال شلونج .. زين قلتي اني اروح البرتوبولو السبت والا جان خفقت لوووولز

ربوع .. بسمه .. الدلال .. مرووو

شلونكمممممممممممممممممممم تسلمون حبيباتي عالسؤال

امس قرروا لبنتي عمليه .. !!

اليوم بنشوف راي مستشفى ثاني ع اساس نتخذ قرار .. والله يسوي اللي فيه الخير

اللهم اشفها شفاء ليس بعده سقما ابدا..اللهم خذ بيدها اللهم احرسها بعينيك التى لا تنام .

و اكفها بركنك الذى لا يرام و احفظها بعزك الذى لا يُضام .و اكلأها فى الليل و فى النهار .

و ارحمها بقدرتك عليه ّ.أنت ثقتها و رجائها يا كاشف الهم . يا مُفرج الكرب يا مُجيب دعوة

المُضطرين .اللهم البسها ثوب الصحة والعافية عاجلا غير اجلا ياأرحم الراحمين..

اللهم اشفها اللهم اشفها اللهم اشفها..اللهم امين

عز الله يقر عينج فيها قولي امين

 

[~ عز ~]

اللهم اشفها شفاء ليس بعده سقما ابدا..اللهم خذ بيدها اللهم احرسها بعينيك التى لا تنام .

و اكفها بركنك الذى لا يرام و احفظها بعزك الذى لا يُضام .و اكلأها فى الليل و فى النهار .

و ارحمها بقدرتك عليه ّ.أنت ثقتها و رجائها يا كاشف الهم . يا مُفرج الكرب يا مُجيب دعوة

المُضطرين .اللهم البسها ثوب الصحة والعافية عاجلا غير اجلا ياأرحم الراحمين..

اللهم اشفها اللهم اشفها اللهم اشفها..اللهم امين

عز الله يقر عينج فيها قولي امين

بعد عمري بجيتيني يزاج الله خير

 

[ربوع الحلوة]

الله يشافي مريضكم يارب بنيتج ويردها بعافيتها الديره يارب وعاد نذوق حلاوة سلامتها هههههها عز

والله يسهل أموركم وتخلصون علاج وتبتدون الوناسه والنقاهه وتردون الديره سالمين ييييييييييييييارب

 

[mr000]

عز الله يشافي بنيتج..وان شاءالله ماعليها إلا العافيه..والله يطمنكم عليها..وين أنتوا بأي مستشفى؟؟

 

[ربوع الحلوة]

ربوعه وبسمه00حبايب قلبي قلبي اشلونكم00شخباركم

ربوع00متى سفرتج الجايه حق لندن ان شاءالله 00انا باذن الله رايحه مانشستر وبقعد فيها اسبوعين مضبطتني بسووووووم ببرنامج

يهبل00لما ارجع بحط لج كل شي بالتفصيل واحتمال انزل تقرير عنها عشان البنات يستفيدون 00بس بتعلم اشلون انزل صور!!

مع اني مالي خلق كلللللللش اتعلم بس عشان خاطر الكل يستفيد

إحنا بنروح مع الوالد والوالده وإختي شهر 6 حق إخوي بجلاسكو وبنقعد إسبوعين بعدين نروح أمريكا 3 أسابيع حق

إخوي الثاني وأييب بضاعه بعد لأن بضاعتي من زمان خاااااااالصه والبنات ذبحوني مسجات ماعندي شيييييييء

وبلندن راح نتجول شوي مع أمي طبعا أبوي ببسط عند إخوي وودي نروح مانشستر ومنطقة البحيرات وتقفين حضوره

حياتي إذا رحتي ورجعت قبلي عطيني معلومات عن مانشستر أنا بعد ماعرف أنزل صور وإختي نحييييسه تعاند ماتساعدني

وبحاول أتعلم من رفيجتي بالصيف

 

[ربوع الحلوة]

صباح الخير بنوتااات
بسالكم
Snog وين مكانه ؟؟؟

وبسالكم شنو اللي يصكر سبت واحد ؟؟ وشنو النشاطات اللي ممكن اسويها سبت واحد.. علشان ماضيع يومي

فتفوتة سكر ياشيره ياحلوه Snog في 4 فروع بمجمع الويستفيلد الطاابق الارضي عند ال Escalator ,, الفرع ال2 ب south kensington دقيقتين من الستيشن الفرع 3 ب covent garden ,, والرابع قريب بيكدلي ستيشن

 

[حضاره]

ربوعه ياقلبي ابشري من عيوني بس ترى الظاهر انا وانتي سفرتنا بنفس الوقت00!!!


مرووو 00وينج زين طليتي

عز 00الله يطمنكم عليها ان شاءالله وبعد دعوة ام العيال يتراوالي 00نامن وراها احسن

ام العيال 00الحمدلله اللي قدرتي تنامين وصدقت امج الله يخليها لكم00الناس تبني عمارات وحنا نبني كبتات حق الهدوم لووووووووووووول

 

[ombadra80]

قوة بنات شلونكم شخباركم

ولهت عليكم

سارونة حبيبتي اشلونج ابي منج خدمة ماعليج كلافة ابي اعرف في حليب بروجرس المرحله الثالثة في صيدلياتهم لان مالي خلق اخذ معاي حليب وانارايحه ان شاء الله على البريطانية واهم حزره بعد على الوزن