صور مكتبتكـ ،،

[~q8ia~]

السلام

هالموضوع عبارة عن خلط بين قسم التصوير و قسم الكتب

ابي كل وحدة تصور لنا مكتبتها عشان نفيد و نستفيد

من الكتب المتوفرة

او طريقة الترتيب

او او او

انا بحط مكتبتي

و بانتظار مكتباتكم الكشخة،،

و صح راح اسوي مسابقة لاحلى مكتبة

​

 

[:: Diva ::]

الى اي يوم اقر اشارك ؟



* خطج صغييييييييييييييييييييييييييييييير يعور العين

 

[~q8ia~]

عادي مفتوحة،،

 

[بمبة المفترسة]

موضوووع مكرر
فيه موضوع للعضوة ام عبدالمحسن

 

[سويت غيرل]

:stars:​

حبيبتي .. السلام و الرحمة SORRY ما أعرف أصور و أحط الصور بس أنا هوايتي الوحيدة القراءة و مكتبتي متروووسة كتب و أهم و أحلى الكتب اللي فيها و اللي استفدت منها وااايد

- روايات أغاثا كريستي : قصص و روايات بوليسية حلوووة
- قصص الكاتب عبد الوهاب السيد : كتبه تهبببل و قصصه عن عالم ما وراء الطبيعة و انتي تقرين تروحين عالم ثاني شي عجيييب
- قصص و روايات الكاتبة المبدعة علياء الكاظمي : قصصها واقعية و تمس كل شخص و كل بنت روووووعة شويه عليها و أنا بصراحة أنطر كتبها على نااااار فعلا مبدعة هالبنت :eh_s(15): اسلوبها سلس و بسيط

و في بعد كتب منوعة و مشكلة جبران خليل جبران + روايات رومانسية + كتب عن تعلم كيفية الثقة بالنفس و السعادة في الحياة هذا غير كتب الأكل الصحي و التجميل و العناية الشخصية و كتب دينية يعني مكتبة شاااملة

 

[~q8ia~]

شكرا عالاضافة سويت فيرل ..

 

[baby soul]

تعبت مع هالمكتبة كل يوم مغبرة هههه

نطريني شوي اصور وارد

 

[baby soul]

 

[~q8ia~]

ما شاء الله عليج

الله يزيدهم

ما شاء الله عليج اغلب كتبج دينية

الله يتمم عليج

 

[baby soul]

ما شاء الله عليج

الله يزيدهم

ما شاء الله عليج اغلب كتبج دينية

الله يتمم عليج

ويبارك فيج حبيبتي
أنا عندي مكتبتين وحدة بغرفتي ووحدة بالنت بمستنداتي طبعاً الكتب اكثر قديمة ونادرة :eh_s(3):

كتب صبري الدمرداش اللي عندج عجبوني من وين اشتريتيهم ؟
انا حبيت الفلسفة من العوضي وقريت كتاب فلسطين التاريخ المصور للسويدان عرضاه بحلقته وعجبني :eh_s(22):

 

[~q8ia~]

انا شريتهم من مكتبة جيان بمجمع 360

 

[زبدة ككاو]

مكتبتــج تشــوووووق

جريمــة في القــرية روعــآ .. ،

 

[~q8ia~]

تسلمين

و اي حلوة تطلع المتهمة اخر شخص تتوقعينه

 

[خليج***]

ما شاء الله مكتباتكم حلوة..

ممكن تعطوني نبذة عن كتاب البخلاء؟وشلون لغته سهلة للقراءة يعني مثل كتب ابن قيم الجوزية؟

وحبيت اسال شنو افضل كتاب حول الفلسفة؟

 

[شمع تحترق]

انا الحين مطشره المكتبه

اللي ما قريته مكود على بعض و اللي اقراه ألمه بكرتون و اوديه بيت اهلي على ما اسوي لي مكتبه

 

[~q8ia~]

ما شاء الله مكتباتكم حلوة..

ممكن تعطوني نبذة عن كتاب البخلاء؟وشلون لغته سهلة للقراءة يعني مثل كتب ابن قيم الجوزية؟

وحبيت اسال شنو افضل كتاب حول الفلسفة؟

http://vb.3un.com/t1544.html

و كتاب حول الفلسفة

الخيميائي

 

[~q8ia~]

انا الحين مطشره المكتبه

اللي ما قريته مكود على بعض و اللي اقراه ألمه بكرتون و اوديه بيت اهلي على ما اسوي لي مكتبه

اول ما توصل مكتبتج صوريها اوكي..

 

[miss.aroy]

انا حاطه كل صنف بروحه

يعني الروايات بروح و الكتب العلميه بروح و شعر و كتب الي امممم يعني سوالف بنات او مقالات بس محطوطه بكتب او يوالف برووووح
هاذي مكتبتي اللي عندي بغرفتي

اما مكتبنا اللي بالبيت ماااشاااااء الله وااااااااااااااااااااااايده الكتب و كلها كتب مووايد نقراها يعني مرجع حق اللي يصيرون لنا و جذي لوووول
اذا قدرت صورتها

 

[~q8ia~]

ما شاء الله .. الله يزيد ويبارك يارب

 

[miss_math]

موضوع جميل لي رجعه إن شاء الله ..