تجميع للاستفسارات حول تجميل الانف @@

[ام حمدون]

طبعا هذي نسختها لش وفيه اكثر بعد انتي اقري وبشوفي من الافضل لك

 

[رمال من ذهب]

سويت تجميل حق خشمي سنه 2006 وكان عمري 18 سويتها عند الدكتور روجيه الخوري صار خشمي احسن من قبل بس في عيب ان طرف الانف بارز
وودي اسوي عمليه ثانيه عند البرفسور حسام فوده ابمستشفى المواساة دكتور متخصص بالحالات الناكسه والمعقده ومتخصص ابطرف الانف بس مستغربه ان محد يكتب عنه بالمنتدى وودي اعرف احد مسوي عنده واشوف​

 

[رمز123]

بنات انا لي 3 اسابيع سويت العمليه " انحراف + لم الجوانب "

للان التنفس مو اوكي .. وصوتي كأني مزكومه

ومااعطوني الا قطره للانف بس

وش الحل

 

[منار123]

سويت تجميل حق خشمي سنه 2006 وكان عمري 18 سويتها عند الدكتور روجيه الخوري صار خشمي احسن من قبل بس في عيب ان طرف الانف بارز
وودي اسوي عمليه ثانيه عند البرفسور حسام فوده ابمستشفى المواساة دكتور متخصص بالحالات الناكسه والمعقده ومتخصص ابطرف الانف بس مستغربه ان محد يكتب عنه بالمنتدى وودي اعرف احد مسوي عنده واشوف​

إختي رمال ذهبية ماأقدر أفيدج معندي معلومه عنه
بس باستفيد منج بسالج
يعني العملية والسن 19 سنه أو18 عادي ماياثر
والحين عمرج جم ؟؟
وهل رد نفش مره ثانيه ولا عادي ؟؟
والدكتور هذا زين ولالا ؟ يرفع الخشم وللا؟

وبكون شاكرتلج وتمنى يارب تلقين المعلومه الي تبينها وتسوين عمليتج وتعدلين خشمج وتضبط وياج يارب

 

[منار123]

قوه بنات

صارلي فتره طويله ما دخلت عليكم

بس انا الحين قاعده اكتب لكم وانا ميته من البجي والله العظيم

بنات انا حدي مقهوووره

ومتحسفه قد شعر راااااااسي والله والله

انا قلتها لكم من قبل وللحين اقولكم ان النتيجه مو عاجبتني كلللللللللللش و (اي شي )

باجي لي 4 ايام واكمل 3 شهور من العمليه وللحين خشمي التغيير فيه 20 % بسسسسسسسسس !!!!!!!!!!!!!!!!!!

العظم للحين عريض
عظم اليمين غير عن اليسار

والارنبه ما تغيرت وايد شويه بس .. وللحين مدوره شوي

والعظم اللي بالنص مو سيده نفس قبل بالضبببببببببببط

وكله على بعضه ما تغير وايد بس انلم شويه

وحتى اهلي والكل يقولي ما تغير وايد يادوووووووووووووووب ..واصلا ناس وايد ما لاحظوا اني مسويه عمليه للحين ويسألوني ليش من قبل ماكان خشمج جذي اصلا !!!!
تخيلوا الاحباط!!!!!!!!!!

انا ندمانه قد شعر راسي ومتحسفه اني سويتها عند د.منذر ورب الكعبه

ياريتني رايحه ايران ومسويتها

بتقولولي توج وما كملتي 6 شهور!! ادري
بس عالاقل اشوف نتيجه ترضيني شوي
وبنات وايد صارلهم 3 شهور واقل بس خشومهم اتينن ماشالله

مو جذي!!! والله حرام والللله

جني قاطه فلوسي بالشارع
والتعب اللي تعبته بالعمليه وبعدها راح عالفاااااااااااااااااااااااااضي!!!!!!!!!!

وكل ما نسأل عنه قالوا حبوب وباله طويل وخلاقه ممتازه و.. انا شكو!! انا بناسبه يعني!! انا علي بشغله مو باخلاقه

انا وحده من الناس سويتها عنده بس والله لو اوريكم صورة خشمي بتقولون جذابه انتي مو مسويه تجميل اصلا

وانا مفكره اسويها مره ثانيه بس هالمره بروح ايران.. كنت مفكره من قبل اروح بس انا الغبيه ما رحت من الاول وغرني كلام البنات وصدقتهم للاسف!!

ومشكلتي ان فلوس العمليه اللي طافت يمعتها بالغصب واللللللله
لاني ادرس ما اشتغل وجامعتي بفلوس وتخيلوا المعانااااااة على ما يمعت فتره طويييييييييييييييييييله. وقصرت على عمري باشيا وايد عشان ايمع حق العمليه لان اهلي ما عطوني ماكانوا راضين..
بالاخير قطيتهم بالهوى ااااااااااااااه يالقهر
والحين مادري اشلون برد ايمع مره ثانيه عشان اسويها بايران
لا حول ولا قوة الا بالله اشلون انطر 3 شهور على ما اسوي العمليه مره ثانيه

البنات اللي سووها معاي وينكم اشصار عليكم؟؟؟؟ صارلكم مثلي؟؟؟؟

انا ما اقولكم ان خرب خشمي
بس بنفس الوقت ما غيره
يادوب شي بسيط
يعني اهوا نفسه خشمي ما تغير بس صار ملموم .... لا اكثر ولا اقل !!! مع اني وايد قلتله انا بغيره وايد ومو عاجبني كله وابي نتيجه تسوى اني سويت عمليه

وادري بتييني رسايل عالخاص بيسألوني
بس اي وحده تفكر تسوي تجميل بنات انا اقوكم لا تفكروووووون .. روحوا ايران سووها ابرك لكم واشرف لكم
واللي ما تقدر لا تلعب بنفسها خل تقعد احسن بدال لا تتعب وتقط فلوسها..

اذا تبون التغيير صج روحوا ايران

انا هذا رايي مالي شغل بأحد يمكن غيري مستانس من النتيجه كيفه.. بس انا لا كلش كلش لا ..ما تسوى علي اطالع نفسي بالمنظره وابجي

ومو قادره اكتب اكثر لان بموت من البجي

اوف معقوله بس 20%!!!

زين بس انا اقولج شي
يمكن انتي خشمج كان زين ويعني مقبول فاهو قال ليش يخربه لج يسنعه شوي بس
ويمكن انتي كنتي تبين تجميل باعادة رسمه من جديد ؟؟يعني مو بس تعديل وتصغير ؟؟

والله مادري شقولج انا ناويه ع العملية عنده وباروح استشاره بس انتي خوفتيني شوي

وانا أقول ان يمكن كل وحده وطريقة أنفها غييير عن الثانية
والله كريم
يارب تنجح عمليتي

 

[رمال من ذهب]

إختي رمال ذهبية ماأقدر أفيدج معندي معلومه عنه

بس باستفيد منج بسالج
يعني العملية والسن 19 سنه أو18 عادي ماياثر
والحين عمرج جم ؟؟
وهل رد نفش مره ثانيه ولا عادي ؟؟
والدكتور هذا زين ولالا ؟ يرفع الخشم وللا؟

وبكون شاكرتلج وتمنى يارب تلقين المعلومه الي تبينها وتسوين عمليتج وتعدلين خشمج وتضبط وياج يارب

تحت سن 18 سنه مو زين اتسوين العمليه العمر المناسب يكون من 18 وفوق
الحين عمري 22
اول ماسويت العمليه كان وايد حلو بس مع مرور الوقت وبعد 6 شهور تقريبا غضروف الانف الي تحت بدا يبرز صار في نطه يعني ودي انحته شوي ويصير اوكي
الدكتور الله يسلمج والي اهوا روجيه الخوري لا اهو زين ولا اهوا موزين لان خشمي احسن من قبل بس في عيب ماضبطه ولما رحتله قالي تبين ارد خشمج نفس قبل بستهزاء
وبالنسبه لرفع الخشم رفع خشمي لان خشمي كان نازل وايد كان يغطي على شفتي وماتبين بس رفعه رقع مناسب

واي استفسار انا حاظره

 

[hope q8]

قووه بنااات

الحين شلون بالنسبه للوضوء والصلاة

اخاف الماي يحوش خشمي
علموونا طريقتكم بالوضوء والصلاة.

صج ان الضحك يخرب الخشم يعني كل ماتضحكون ينفرش الخشم الزياده

 

[hope q8]

up
up

 

[منار123]

مشكووره أم حمدون على ردج على استفساراتي وماقصرتي

وياليت بعد تردون على hope لأن عندي نفس استفساراتها بالضبط بالنسبة للصلاة


أما عن الضحك
فانا بجاوبج
إن إي الضحك ممكن انه يساعد بتشكيييل أنفج في أول الاسابيع
فحاولي اذا ماقدرتي كلش ولازم تضحكين انج تضغطين صوب خدودج على صوب خشمج عشان مايتوسع
وهذا الي أعرفه


وياليت البااجين بعد يفيدونا

 

[ام حمدون]

سلام عليكم
وحمدلله على سلامتكم الي سويتون العمليه وعقبال الي ماسوا والله يوفقهم
كنت اتيمم لانى مايصير يصيد الانف ماي والصلاة من جلوس ما الضحك امسك انفي مدة اسبوعين وتالي احاول ماتضحك كثير
اما عن التنفس بعد 3 اسابيع يعني موتمام تمام بس يعني افضل من الاسبوعين الاولين بكثير

 

[عواطف ت]

بليييييز ابي مساعدتكم

بسوي عمليه حق خشمي لانه حددددااا مسسببب لي مشكله

ومدحولي الدكتور جمال الحربي
وعادل قطنيه
واحمد الصبيح
واحمد دنف


فمادري ياريت لو تقولولي الاحسن
وعن المواعيد اذا تطول ؟؟
عشان يمديني اسوي العمليه باول الصيف



وبليييييييييييز سااعدوني

 

[منار123]

معقوله مامدحولج دكتور .منذر العجمي؟؟

 

[MoDaRRiSaH]

وانا بعد ابي منو تعرف الدكتور حسن زاده مو لطفي زاده لا حسن حسن زاده بايران-مشهد شلونه؟

 

[عواطف ت]

منار
مايابولي طاري
منذر العجمي

بليييز ساعدوووني

 

[منار123]

منار
مايابولي طاري
منذر العجمي

بليييز ساعدوووني

شوفي انا عن نفسي باتوكل على الله واسوي عنده لأن يقولون يخلي الخشم طبيعي يعني مومبين حييل انه تجميل وكونه ختصاءي انف واذن وحنجره عشان جذي تطمنت
وان شاءلله تضبط

وان شاءالله انتي ترسين على دكتور شاطر
وعلى فكرة منذر أحس انه وايد شاطر
مع ان في ناس تشتكي منه وانه مايغير الخشم تغيير ملحوظ وهذا حجيهم

 

[زبدة_كويتية]

هااااااااااااي

بنات

انا سويت عملية عند منذر العجمي

خشمي عريض وخاصة بعد ما ضعفت

ورحت له على اسااس يصغره شوية ويغير من شكله

وانا قتله انا احبه خشمي مابي تحكه حك ابيه صغير ولايق علي ويهي

لا بسويه مناسب على ويهج

واللي صار

سواه حقي وصج تعب العملية وتعب الخوف من الحوادث .والنفسية .... ..الخ

المهم

اللي صار


فتح الجبس وشفته فعلا كان ينن ينن

واستانست وطرت من الوناسة

وبعدها رد انتفخ وخذه وضعه لانه وارم طبعا

وبدا يخف الورم

ويخف

ويخف

تصدقون

وايد اصور نفسي

متعقدة منه واحسه يكبرني ويجكرني مع انه الكل يقول حلو عليج بس انا مو قنوعة

المهم

كملت 4 شهور

الورم خف وايد عن قبل
والتغيير

شي بـــــــــــــــــــــــــســــــــــــــــــــــيـــــــــــــــــــــــــــــــــــــــــــــــــــــــــــــــــــــط

مو وايد وللحين اغمج الجوانب بالمكياج عشان اعطيه شكل طويل مو عريض

وعطاني حبوب عساس ينشف

بس لا ما حسه صار اللي ابيه بالضبط

وقاعده افكر دايما اقول لنفسي يمكن انا لو قايلته صغره حيل وضعفة

يمكن لو قتله ارفعه اكثر


ولو .. ولو ... ولو ...

بس بالنهاية كنت ابيه شي صغير وملموم وواضح انه صغر عن اول

بس محد لاحظ بقوة

والتغير خفيف

وعندي نية صج اني اشوف دكتور اخليه يغير من قصته ..

اتمنى اوقف على المنظره ويكون شكله نفس لمن اصورة بالكاميرا

 

[ريونه المزيونه]

حبيبتي زبده ,,, الصوره الحقيقه حق خشمج لما تشوفين نفسج بالمنظره,, الكامرا اذا ماكانت بروفشنال مثل مالت المصورين ماطلع شكلج عدل,, وخصوصا كامرت التلفون لانها ثنائية الابعاد ,, فلاتحطين بالج وبال صورج اللي بالتلفون,,, وشكل خشمج هو نفس اللي تشوفينه بالمنظره

 

[دلع_البحرين]

ريوونه صج انا احس صوري بالتلفون نايس بس بالمنظره مضغوط

 

[منار123]

up up بنات بعد عطوونا تجاربتكم ....؟؟؟ولييييش الكل يقوول ان دكتور منذر يغير تغير بسييط بس
؟؟؟

 

[منار123]

وردوا على استفساري بخصوص الصلاااة بليييييييييييز

؟؟