ابي رايكم.......... ممكن؟

[ana_tolip]

انا سيارتي مرسيدس ابي ابيعها وابي افتح جيب طوارق
شرايكم ابيعها واشتري طوارق ولا جيب نوع ثاني يعني لكزس ولا شنو
عفية الي عندها طوارق ولا لكزس ياريت تفيدني وتقولي شلون سيارتها معاها ؟:eh_s(8):
ابي نصيحتكم بليز لاني حدي محتارة:eh_s(16):

 

[Yasmin]

حبيبتي انا جربت ال2, انا ما ادري اي فئه انتي تبين تاخذين انا جربت ال فول ابشن:

الطوارق: عجييييييييييييييييييييييييييب عجييييييييييييييييييييييييب عجيييييييييييييييييييييب, وشكله من بره احلى من جيب الكزس, بس فيه مشكله واهيا اللي خلتني ابيعه, التكييف ماله مو ذاك الزود والله لوما هالمشكله جان ما فكرت ابيعه, بس يقولون انه طوارق 2007 عدلو هالعيب, يعمي تأكدي منهالشغله اذا تبين تاخذينه اذا عجلوها توكلي على الله لانه جد حلو

وجيب الكزس: حلوووو والاحلى منه تكيفه, يعني تكييف الياباني حق جو الكويت :eh_s(15):

بس الطوارق افخم واحلى من بره ومن داخل, وحطي في بالج انه الاماني قطع غياره اغلى والسيرفس هم اغلى

انا وااااااااايد احب الطوارق واذا عدلو مشكلت المكيف لا تترددين فيه صدقيني ما راح تتحسفين "بس ترا انا اتكلم عن ال فل اوبشن الثانين ما ادري عنهم"

وانتي روحي تتطمشي عليهم عدل واذا في تست درايف جربي وبعدين قرري, وبغلغينا شنو صار معاج

وعليج بالعافيه مقدما

 

[ana_tolip]

مشكورة حبيبتي على الرد صراحة ريحتيني
بس انا ماراح آخذ الفول اوبشن راح آخذ البيسك 2008 على قد فلوسي
انا ادري انه قطع الغيار غالي حتى المرسيدس بس انا سيارتي المرسيدس ماحبيت تعامل الوكالة يعني حتى لما اوديها سيرفس ادفع مبلغ وقدره وهمن مايسونها عدل لازم من ثاني يوم اردها لهم مرة ثانية
انا اقصد الاستعمال يعني شلون حلوة سياقته وتعامل الوكالة شلون جذي يعني

 

[( روعه )]

السلام عليكم و رحمة الله و بركاته .....
حطيتي ايدج على الجرح,,, ظليت فترة طويلة و أنا محتارة بين الأثنين ,, طوارق و الا جيب لكزس ,, و بالأخير شريت لكزس ,,,,,بس خل أقولج من خبرتي البسيطة الفرق اللي أنا اعرفه بينهم..

بالنسبه للشكل الطوارق بالنسبة لي وااااايد أحلى ,, اللكزس ماشي حاله
بالنسبة لقطع الغيار الطوارق نااار ,,,, اللكزس رخيصه
بالنسبة للسعر الطوارق يبدأ من 11 ألف و مافي مواصفات عادي جدا و أعلى مواصفات سعره 16 على ما أظن اهو اللي فيه المواصفات كامله,,

اللكزس اللي أنا ماخذته الوسط سعره 12 و مواصفاته حللوة من داخل
بالنسبة للمواصفات من الداخل الطوارق أول درجتين ما أذكر فيهم وايد مواصفات بس بالنسبة لجيبي اللكزس الفئة الوسط
( كاميرة لتصوير اللي خلف السيارة لمن ترجعين+ برنامج النوخذة Navigator اللي يدليج الطريق صج برنامج رووووعه و يعطيج أقصر الطرق بعد+ شاشه تعمل باللمس لعرض القوائم مثل التكييف و الراديو ......الخ+ الشاشه نفسها تعرض أفلام و عيالي المستفيدين توم و جيري و بارني بالسيارة بس ما يشتغل الفلم الا اذا كنت واقفة يعني أمن و سلامة+ التلفون يتوصل على السيارة و يصير على السبيكر و تنعرضلج قائمة خاصة بالشاشة للتلفون يعني ما تحتاجين سماعه الأذن للتلفون )

و لاحظت أن خصوصا الكاميرة اللي تصورلج اللي وراء السيارة لمن ترجعين عجيبه و ما أذكر شفتها بسيارة ثانية .. خواني عندهم بي أم و رينج روفر ما شفت هالكاميرة عندهم
و حتى تعامل الوكاله زين و لمن يصير سيرفس للسيارة يخلونها عندهم و يعطونج سيارة بديله

بصراحه أنا أنصح باللكزس لأن قطع الغيار متوفرة و مو غالية , مواصفاته من الداخل حلوة , صج شكل الطوارق عجيب بس مواصفات اللكزس أحلى ...و الاختيار راجع لج
موفقه حبيبتي و مبروك السيارة مقدما ...

 

[Yasmin]

مشكورة حبيبتي على الرد صراحة ريحتيني
بس انا ماراح آخذ الفول اوبشن راح آخذ البيسك 2008 على قد فلوسي
انا ادري انه قطع الغيار غالي حتى المرسيدس بس انا سيارتي المرسيدس ماحبيت تعامل الوكالة يعني حتى لما اوديها سيرفس ادفع مبلغ وقدره وهمن مايسونها عدل لازم من ثاني يوم اردها لهم مرة ثانية
انا اقصد الاستعمال يعني شلون حلوة سياقته وتعامل الوكالة شلون جذي يعني

والله سياقته حلوووووووووه , انتي سايقه الاماني تحسين السياره ثبات وراكده وسيرفس الوكاله هم حلو

والكزس سياقتها ناااعمه وانسيابيه, وللامانه السيرفس غير انه ارخص احلى, يعني لما تروحين تودين سيارتج السيرفس اذا بتنطرين عندهم لوبي حلو, ومثل كافيه صغير حق المشروبات طبعا كله فري, وحاطينلج لاب توبات موصله بالانترنت عشان ما تزهقين وانتي تنطرين, عندهم خدمه انهم ايون ياخذون السياره من عند بيتج ويبونلج السياره البديله, ويردون بعدين بيونلج سيارتج لي عند الباب "بس هذي مو حق اي سيرفس" وترى الطوارق ما عندهم سياره بديله وقت السيرفس, خذا خبري فيهم لي قبل سنه اذا غيرو الحين ما ادري

بس اتم عندي الطوارق الاحلى , وانتي اذا عندج مرسيدس يمكن تصيرين مثلي تحبين الاماني, انا كان عندي بي ام يعني متعوده على الاماني فما احب الا الاماني مع انه والله الكزس حلوه بس الطوارق غييييييييييييييييير

احس حيرتج سئلي اللي تبين بعد وانا موجوده

 

[ana_tolip]

مشكورة شجرة الورد على النصيحة صح كلامج اللكزس ارخص وحلوة وفيها وايد مواصفات بس انا ماابي مواصفات وايدة لان سيارتي الحين فيها وايد مواصفات يعني انا طالبتها خصوصي والله اني توهقت لين اخترب شي دفعت عليه شكثر عشان يصلحونه وتبين الصراحة مليت وانا ادفع ابي بس ادفع قسطي وبس وانشاءاله راح اروح الوكالة واشوف

ومشكورة حبيبتي ياسمين والله انج شجعتيني وانا راح ازورهم اليوم واقيم لان ماابي اغلط نفس غلطتي لما شريت المرسيدس والله اني لما خذيتها الله يسامحهم الناس جنه محد عند مرسيدس الا انا والله اني ماتهنيت فيها بعد ست شهور طلع فيها خرابات بس الحمدلله في السيارة ولا فيني.
عشان جذي ابي اخذ السيارة بسكات وابي اتوكل على الله فيها
وانشاءالله خير
يعطيكم العافية بنات والي عندها هم راي بعد وتقدر تساعدني خل تقول وتساعدني يزاكم الله الخير

 

[bnt_kwt]

انا انصح باللكزس و بشده وترا اللكزس ما عليه قاصر انا سيارتي جيب لكزس اندعمت الشهر اللي طاف من جهه اليسار من ورا يعني الدعاميه بس من الطرف يعني بعد مو كل الدعاميه بس من الطرف وسنسر واحد بس اللي تعور فيها طلع علي تصليحها 340 دينار صح ارخص من الالماني بس هم مو شويه
وبصراحه فخامه وركاده بالسياره وانا من قبل سيارتي كانت بي ام وبصراحه نفس الفخامه ومن داخل اكشخ اللكزس شوفي الديكورات وشوفي الشاشه والكاميره والبلوتوث كل هذي مميزات انا ناطره الشكل يتغير واخذ اللكزس اليديد بصراحه سياره مريحه جدا جدا

 

[¤§ زيتونة §¤]

ودي افيدج والله
انا سيارتي لكزس صالون مو جيب بس تهبل شحلوها وراكدة ووايد كووووول


وانسب شي للبنات ولا تكلف بتصليحها ولا شي


موفقة حبيبتي