شوروا علي يتعلق الامر بكتابي :(

[:: Diva ::]

السلام عليكم























خواتي
الناشر يقول ان كتابي الي جاهز للنشر و الي اشتغلت عليه من 6 سنوات
في اثنين من مصر يكتبون مثله و بينشرون عنده
والحل اني اشاركهم بكتاب واحد





ضاق خلقي والله
شرايكم ؟



شنو مميزات الكتاب الثلاثه ؟
و شنو مميزات ان الكاتبه كويتيه و اثنين من مصر ؟


لو بدالي شنو تسوون
اكنسل ولا اشاركهم ؟


طبعا هالدار افضلها على كل دور النشر
و ما تقصر بالدعايه



فشلون الحين
ماودي اشاركهم و بنفس الوقت ما ودي انشر عند غيرهم !!!

 

[Little_Queen]

طبعا ما توافقين !!

رح تهمشين تماما يا ديفا !!

كل واحد أكيد ديرته بترزه !

تخيلي الوضع لو كان العكس

هني بالكويت

و 2 كويتيين .. و واحد مصري او من أي جنسيه ثانية ...

! الاعلام و الصحافه و حتى اهتمام دار النشر نفسها كونها دار نشر كويتيه لا إراديا بينصب على بني جنسهم !

خصوصا انج مو قاعده في مصر !!!!

انا مو ضد اي جنسيه بنات لا تفهمون من كلامي اني عنصريه انا اخر وحده عندي هالشغله

بس ديفا غلطانه جدا اذا استمريتي بالموضوع هذا !!!!!!!!!!!!!!!!!!!!!!!!!!! هذا كتابج و جهدج شلون ينحط معاج جهود 2 ؟

و انتي واثقه ان هالاثنين هذوله فعلا مسوين كتب ؟؟؟؟؟؟؟؟؟؟؟؟؟؟؟؟؟

خو عادي يكون الكتاب كله مالج و انحطت اساميهم معاج !

فكري عدل ديفاااااااااااا

و دور النشر ما خلصت بالدنيا

في دور نشر وايد بمصر و غير مصر

عندج بلبنان
و بالاردن

و كلها عريقه و تشارك في معارض كتب حول العالم .. لا تضيعين جهودج هباء منثورا

 

[بمبة المفترسة]

الناشر شعليه مو انتي اللي بتدفعين اظن ماله شغل
وبسيطة سحبي كتابج من عنده واكوو 100 الف دار نشر
بس خاف بايقين كتابج تعرفين المصريين ذمتهم وسيعة

 

[Little_Queen]

بمبه عزيزتي ما يصير تعممين ان كل المصريين ذمتهم وسيعه

ثانيا طالما اهي مسجلته بالمكتبه الوطنيه و لها رقم تصنيف حقوقها محفوظة ما يقدرون يبوقون شي منها

 

[زينة الشرق]

يعني شنو يكتبون مثله ؟؟؟

أنا بدالج مستحيل أرضى بواحد يشاركني بصفحة أنا كاتبته مو كتاب ؟؟؟

لا طبعا لا توافقين....الا اذ كنتي تفكرين كمسأله ((تجارة)) شئ ثاااااااااااااااني !!!

 

[:: Diva ::]

لا انتوا مو فاهمين
اهي اقوى و اشهر دار نشر بالديره
بالكويت


و تشارك بدور نشر بره
و الاولى بالاعلانات و الدعايه



يقول لي الناشر
بان المدير السابق اتفق مع 2 مصريين على نفس الفكره
و هالاثنين يشتغلون مع بعض
كاتبين الكتاب بس ما انشر
و انا كاتبه الكتاب و هم ما نشرته

فلما بينشر الكتابين مايصير بمعرض واحد نفس الفكره
يقول ندمج الكتابين بواحد بما ان الفكره تتطابق
و يصير المجهود عربي
و يشتهر بالعالم العربي و يسوق له بمصر كثر الكويت


و انتي كتبي كتاب ثاني
و يصير عندج واحد خاص فيج و الثاني مشترك
على قولته اذا توحدت الجهود بيتكملون بعضكم ما تغفلون شي
و تصير موسوعه حقيقيه !


عرفتوا شنو قصدي ؟

 

[بمبة المفترسة]

ايه فاهمين حبوبة بس ما ادري احس انه مو شي جذيه
بعدين هالكتاب شنوو مستواهم يمكن يطلع مستواج احسن
قرأتي كتبهم اقرئي كتبهم بعدين حكمي يمكن ماتعجبج كتبهم
وتعرفي عليهم وقعدوا تناقشوا افضل اما جذيه من الباب للطااق مدري صعبة
شلون تحطين كتابج مع ناس ماتعرفينهم

 

[!الجادل الصعب!]

والله انا اقترح عليج دآم انتي مصره على دار النشر هذي انج تدرسين الموضوع عدل ..

وتحطين شروط للدمج ..

وانج ما تهمشين بينهم وتقرين شنو كتبو قبل لا تشاركينهم .. يمكن طريقتهم بطرح الموضوع ماتناسب الرؤيه الي آنتي شايفتها ..!

 

[M!sS MOnatOO]

؛
اذا تبين رأي صج
لاتشاركين احد مجهودج
راح ينتسب هالكتاب في النهايه لكاتب واحد
وبما انج بنت وكويتيه الناس علي طول راح يكون في بالها انج ظيفة شرف
بهالكتاب ~
حرام مجهود ست سنين وتشاركين احد فيه
نصيحة ارفضي هالعرض ولومهما يصير لاتنازلين وينكتب اسمج بعد
اسم احد يمكن مابذل مجهود كثر مجهودج

.

 

[Un-6be3iya]

اذا كتابج محتوآه حلوو صدقيني بيشهر نفسه بنفسه منتي محتاجة لـ دعآيتهم و دام مثل ماتقولين اهم اول دار نشر دوري الثانية بعدهم منوو ورووحيلها جذي بتكسرين عينهم و هم بتحفظين حقج و تعبج حرااام اذا شاركتيهم ترا راح تضيعين تعب كل هالسنييين

 

[miss_math]

الله يوفقج ..

أول شيء استخيري ..

وسألي أهل خبرة بهالمجال لأنهم عارفين هالوضع أكثر منا

 

[غيدآء]

السلام عليكم ورحمة الله وبركاته

الله يوفقج يا ديفا

بس انا من راي اغلب البنات..حرام مجهود ست سنوات يروح من خلال دمجه بكتاب واحد مع كتًاب ثانيين

اعيدي النظر وعلى راحتج ,,وشوفي الي يناسبج وبالاول والاخير الزين يفرض نفسه على ما يقولون


كل تمنياتي لج بالتوفيق عزيزتي

 

[شـ ShOoNa ـونـا]

لا يـاقـلبي لا تــوافــقيــن على الدمــج .. مــاراح يـكون لمصــلحتــج .
راح يـضيـع مجهودج كـله و مـا تضمنين حق .

الزيـن يـفرض نفســه لو شــنو . الله يـوفقج يـاقلبي
بس الصـراحـه ما انصح بالدمـج .

 

[Little_Queen]

ديفا ...


قصدج بلاتينيوم ؟؟؟؟؟؟؟؟؟؟؟؟؟؟؟

يبيلي اتكلم معاج بالموضوع والله اذا هالدار خصوصا !

 

[:: Diva ::]

كوين اي نفسها


بنات انا رفضت الدمج
فقال الناشر

خلاص


ممكن ان احنا نصير بس مسؤولين عن النشر و الطباعه بس


مافهمت شنو قصده و للحين ما رد علي ما فهمت شقصده

 

[vogue grl]

طبعا ما توافقين !!

رح تهمشين تماما يا ديفا !!

كل واحد أكيد ديرته بترزه !

تخيلي الوضع لو كان العكس

هني بالكويت

و 2 كويتيين .. و واحد مصري او من أي جنسيه ثانية ...

! الاعلام و الصحافه و حتى اهتمام دار النشر نفسها كونها دار نشر كويتيه لا إراديا بينصب على بني جنسهم !

خصوصا انج مو قاعده في مصر !!!!

انا مو ضد اي جنسيه بنات لا تفهمون من كلامي اني عنصريه انا اخر وحده عندي هالشغله

بس ديفا غلطانه جدا اذا استمريتي بالموضوع هذا !!!!!!!!!!!!!!!!!!!!!!!!!!! هذا كتابج و جهدج شلون ينحط معاج جهود 2 ؟

و انتي واثقه ان هالاثنين هذوله فعلا مسوين كتب ؟؟؟؟؟؟؟؟؟؟؟؟؟؟؟؟؟

خو عادي يكون الكتاب كله مالج و انحطت اساميهم معاج !

فكري عدل ديفاااااااااااا

و دور النشر ما خلصت بالدنيا

في دور نشر وايد بمصر و غير مصر

عندج بلبنان
و بالاردن

و كلها عريقه و تشارك في معارض كتب حول العالم .. لا تضيعين جهودج هباء منثورا

معاها100%
وبلتوووفيج حبيبتي

 

[وهج الحب]

السلام:
انا عرفت الدار قبل تقولينها لانها هي الدار اللي تدمج المؤلفين مع بعضهم ..
وهي الدار اللي تدمج المصرين مع الكويتين ..
انا بعد مع البنات اللي قالوا لا تدمجين لان في الكويت بيشترون عشان الكويتين وبالخليج كذلك ..وفي مصر بيهتمون بالكتاب المصرين ..
وانا اظن من وجه نظري وهو ظن انهم هم من اعطى الكتاب الاخرين الفكرة ..
شوفي انشري بنفسك ولا تطالعين هم افضل والا انا افضل انت توكلي على الله وهناك من بيشتري لهم ويمكن طريقتهم احسن وانت انشري ويمكن هناك من بيحب فكرتك وطرحك اكثر ..هذه انطباعات واختلاف افكار..والسوق مفتوح لا تقولين باندم والا غيرة لان المثل يقول لولا اختلاف الانظار لبارت السلع ..
توكلي على الله وانشري كتابك بنفسك والله بيوفقك ..

 

[Little_Queen]

ديفااااااااااا

مو قصدي أخرعج يا وخيتي

بس الدار بصراحة من خلال ملاحظات بعض زملائي اللي تعاملوا معاها .. ما تونس !

تشتري شغلج و تهملج انتي ككاتب !

و الشغله هذه تكررت مع وايد ناس .. خصوصا اذا كتاب شباب و صغار و اول شغل لهم .. ما يعطون ويه !

صح يهتمون بالاخراج
و التوزيع
و الدعايه
و كل شي

لكن يلغونج انتي ككاتب تمامااااااااااااااااااااااااااااااااااااااااااااااااااااااااااااااااااا

زميلتي القاصه ساره العتيقي ، عندها مجموعه قصصيه اسمها بقايا لي باقيه ..

تعبت عليها سنين و اهي تكتب و تعدل و تكتب و تعدل

و عطتها حق هالدار ... هالحجي قبل سنتين اعتقد .. ايام ما كانت الادارة القديمه

و لا تشوفين شسوو فيها لعوزوها

يكلمونها بنفسيه

ماكو معامله سنعه لها ! مع ان البنت ترى لها أهل لهم ثقلهم بالمجتمع و خالها كاتب معروف . و عمتها هم بعد كاتبه و ناشطه معروفه ..

تخيلي يعدلون و يحذفون جمل و كلمات من قصصها .. على كيفهم !

و مو حاطين ايميلها إلا بجم نسخه ... و باجي النسخ ما حطو فيها لا ايميل ولا رقم ولا اي طريقه تواصل معاها ..

و ما شمت ريحه فلس من ارباح كتابها

و بهذلوها والله و أذوووووووووووووها اذيه الدنيا و الدين ..


ادري الحين الاداره تغيرت و وايد اشياء عندهم تغيرت .. بس ديفا فكري عدل ... في دار نشر """محترمة"""" و تسعى للـ"""ثقافة و الفكر """" تدمج شغل 3 كتاب مع بعض ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليش ما يسون حق كل واحد كتاب و خلاص ؟؟ مو بفلوسكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

باباتي .. حبيبتي ... سحبي كتابج و روحي سجليه بالمكتبه الوطنيه اذا ما كنتي مسجلته و شوفيلج دار نشر بمصر و لا بلبنان .. وايد أحسنلج

عالاقل ذيلاك دور نشر محترمة .. و لها تاريخها و عراقتها و أصلها . دار تخاف على اسمها و سمعتها

مو دار تجاريه كل اللي فالحه فيه اغلفه حلوة و بوث حلو بالمعارض ... و اللي عقب جذي كله زفت مع الكاتب و القارىء !

 

[L A T T E]

لاتسمحين ولا ترضخين

اهما من البداية اشتغلوا مع بعض.. انتي بروحج اشتغلتي 6 سنين.. دار النشر تبي الربح علشان جذي اقترحت عليج

فاوضيهم

 

[مطيريه ماركه]

كآتبين عن نفس آلشغلة بس آلطرح يختلف يآديفآ وآن شآلله طرحج غيييييييييير

طيب آلنشر قآلولج يآ تشآركين هَـ آلـ 2 وآلآ مآننشر لج كتبج ؟؟

آذآ مآعندهم هَـ آلشرط توكلي على آلله وآنشري بِ مفردج بدون أي مؤلف ثآني لو كويتي حتى !