الفزعة يا خبيرات استراليا

[Loora]

فات سوي سيرج على معدل درجات الحراره بأستراليا


انا اذكر مره شفت صوره بموقع ,,,,, اتوضح درجه الحراره الكبري والصغري بكل شهر بأستراليا

بس والله ناسيه من اي موقع ,,,,, جنه المسافرون العرب

بحاول ادورها لج واحطلج الرابط ,,,,, لاني والله ما اعرف انزل صور بالمنتدى

 

[^^ام ميمي^^]

مشكورة ام ميمي متحملتني وتردين عليي ميخالف لازم انا احاتي شنوتنصحيني بمجمعات جولد كوست لان سألت المرشد قال يوم رحلة يوم راحة وبالراحة انا يا اروح مجمع او رحلة بس ما ادري شنو احسن المجمعات

افا عليج حبيبتي اشلوون ما اتحملج بالعكس انا وايد مستانسه من اسألتج

صحيح انا جذيه كانت طريقتي يوم راحة ويوم رحلة طبعا الرحلة اللي تكون مو اقل من 5 ساعات و اليوم الراحة يا يتضمن سهره ليلية او عرض مسائي او بالنهار اتمشى بالسنتر و اشووف شنو اللي ابيه او اتسووق

طريقتج حلوه

 

[^^ام ميمي^^]

رحلتي 23 يوم بغيت اعرف ميزانية الشخص جم من غير السوق وشلون اسعار البضاعة عندهم سمعت غالية واذا عندج رقم سايق ويكون زين تنصحيني فيه يزاج الله خير

حبيبتي الميزانيه للاسف ما اقدر احددها لج واسعار بضاعتهم متوسطه يعني مو الغالي ولا الوايد رخيص انا بالنسبه لي ومن وجهة نظري مقاربة لاسعارنا بالكويت و في عندهم البضاعة الصينيه وايد رخيصه


بالنسبة للتاكسي اي تلفون من اي فندق او شقق محطوط صورة تاكسي صغير تضغطين عليها يردون عليج وتقوليلهم تبينه الساعه جم وبالضبط اهوا عندج بالفندق

اما تكاسي بالشوارع ما اتحصلين كلش

 

[^^ام ميمي^^]

والله احترت المرشد الي في المكتب سألتة عن الجو في استراليا قالي زين بس بالليل شوي بارد يعني خلي عندج جاكيت خفيف وعرف ناس سافرو كانو لابسين شتوي وجاكيتات ثقيلة مادري شودي معاي


واخاف اتوهق تدرين بعد استراليا غالية يمكن ما احصل كبري لازم آخذ شغلى كله من بيتي وانمنى القروب يكون ونيس

شوفي حبيبتي انا كنت البس جينز طبعا الجينز صيفي و شتوي ومن فوق قميص صيفي وجاكسيت معاي بعض المرات افصخة وبعض المرات البسه يعني تقدرين تقولين جو على حسب المكان مثلا : بالاماكن المكشوفة من بعد الساعه 4 عصرا برااااااد والجو حلو مو اللي يدش بالعظام من شتا الكويت الحمدلله يارب تبين نصيحتي اخذي معاج كل شيء علشان ما تتحسفين ولا تنسين استراليا مو مثل اوروبا قطارات وهالسوالف يعني عادي تاخذين جناط وايد

وان شاء الله ربي يرزقج بقروب ونيس

 

[Loora]

ام ميمي

والله من اقرا ردودج استااانس

احس صج اني استفيد منج

ماتقصريييين

 

[fat]

عاشت ام ميمي ونشفت ريجها ومسكينة الله كاسرة خاطري لان اسإلتي ميخالف ودي اصرف دولارات اشرايج اذا ارخيص احسن قبل لا يرتفع

 

[Loora]

اي والله فااااات نسيت سالفه الصرف ,,,,,,, شلون طريقتهم

آخذ معاي كاش ولا اسحب من اهناك ؟؟؟؟؟؟

 

[fat]

ياله يا ام ميمي وينج وييييييييييييييييييييييييييييينج ناطرينج

 

[Loora]

فااات جربي دشي مواقع البنوك

الوطني ولا بيت التمويل

وشوفي سعر الصرف و قارني

 

[^^ام ميمي^^]

اي والله فااااات نسيت سالفه الصرف ,,,,,,, شلون طريقتهم

آخذ معاي كاش ولا اسحب من اهناك ؟؟؟؟؟؟

شوفي حبيبتي

احنا كنا ماخذين معانا كاش دولار استرالي بس مجرد المصروف ومآخذه البطاقه احتياط بس الحمدلله ما احتجتها لان ما انقصتني فلوس وزوجي دايم بالسفر لازم يصرف دولارات امريكيه وياخذهم معاه السبب : عددهم قليل و مبلغهم كبير

 

[fat]

ماقصرتي

 

[Loora]

مشكووووره ام ميمي على الرد

 

[الزين كويتي والدلع جهراوي]

مرحبا

بنات وين حجزتو ؟؟؟؟؟؟؟

المستقبل والسيد كله قروبات

كل مانروح سفريات يقول ماعندي الا قروب ؟ شالسالفه

بنات وين احسن سفريات دلوني؟

ابي استراليا مع زوجي بدون قروب بروحنا

وكل السفريات عالسنغافوريه شرايكم فيها ؟ طبعا انا ابي سنغافوره مابي تايلند يقولون الاوضاع مو زينه فيها ؟

بلييز ردوا علي

 

[الزين كويتي والدلع جهراوي]

قصدي الترانزيت روحه ورده ستغافوره عالخطوط السنغافوريه شرايكم فيها ؟ مريحه ؟ انا سمعت ان طيارتهم ريحتها خايسه صج

 

[^^ام ميمي^^]

الزين كويتي

بالعكس يمدحون السنغافوريه و الللحين كل الناس تقريبا وجدهتهم صارت الماليزيه او السنغافوريه ولج حرية الاختيار

اشلون يعني السفريات ماعندهم الا قروبات يعني اذا تبين سفره فرديه وبروحج ما يضبطونها لجد :::""" اتوقع مستحيل

 

[fat]

انا سامعة ان الطيارة السنغافورية روعة والكل يمدحها بصراحه ما جربتها السنة ان شاء الله بجربها

 

[fat]

حبيبتي أم ميمي انا بروح سدني بس 4 ايام ومحتارة وين اروح مايمديني حسافة المدة كلش

وما ادري شبدي fox studio اشرايج فية او اروح blue mountain اكواريوم او كروز حسافة سدني حلوة وفيها اماكن وايد حلوة بس ماني عارفة ليش القروبات ما يطولون فيها


شنو تنصحيني فيه

 

[fat]

وعندج حديقة الحيوان الي تروحين لها بالعبارة ومادري رحتي حديقة بونيت حديقة اليزابيث وعندج بعد bicenlennil اشرايج فيها ocean world

 

[الزين كويتي والدلع جهراوي]

ابشركم زوجي حجز واخيرااااا سنغافوره 2 جولد كوست 13 سيدني 3 سنغافوره 2 تقريبا عشرين يوم عالسنغافوريه

مادري ليش نروح جولد كوست قبل سيدني !!!!

بنات انا سجلت كل شي عن استراليا من موقع المسافرون والرحلات وكل شي عرفتها

بس سنغافوره ماعرف شي عنها ؟ شنو الاشياء الحلوه

 

[3so0ola_94]

ابشركم زوجي حجز واخيرااااا سنغافوره 2 جولد كوست 13 سيدني 3 سنغافوره 2 تقريبا عشرين يوم عالسنغافوريه

مادري ليش نروح جولد كوست قبل سيدني !!!!

بنات انا سجلت كل شي عن استراليا من موقع المسافرون والرحلات وكل شي عرفتها

بس سنغافوره ماعرف شي عنها ؟ شنو الاشياء الحلوه

عندج سنتوزا ومدينة الثلج والقرية الهولنديا وسنغافورة eye و باص البطة السياحي