شركات التغذيه منو احسن فيهم وجم نزلتى

[حياة زوجي]

السلام عليكم

مشكوره حياة زوجي على الرد

وبصراحة انا قتلكم من البداية كلش موعاجبتني هالشركة وردوا على الشركات الي تثقون فيها

وعلى طاري العلج شريته والحين قاعده أعلج فيه بس صج حسيت بشوى فرق من ناحية الشهية واني احس اني شبعانة

عليج بالعافيه
دايت غروب احس نفس لينا ودينا وفلكس
وزيدج من الشعر بيت كانو مسويين خصم والحين 225 تكفين على شنو
والعلج عليج بميه عافيه بصراحه وايد زين للمناسبات وجمعه الاهل​

 

[حياة زوجي]

حياة زوجي تتوقعين لو ماخففت بالسفر راح ازيد ولا وزني يثبت المشكلة امس كان اخر يوم الإشتراك وشهيتي وايد مفتوحة ماخليت بطاط ولا بريد ولا كاكاو تحسين حرمان مو طبيعي وسألت رفيجتي قالتلي اذا تميتي على هالحال بتمتنين 5 كيلو وانا اللي ضعفته بـثلاث أشهر 7 كيلو يعني ال600 دينار بيروحون بسبب السفرة وخوفتني بصراحة ، هل صحيح مع العلم انا بسافر شهر
ياحلو شركات التغذية بصراحة اهي اللي تخلي الواحد يضعف ويصبر وهم حماس وننطر أسبوع ورا الثاني وشهر ورا شهر عشان نوصل للي نبيه ، أنا اخذت موعد بدايت سنتر ودايت كير لحد ماارجع انشالله واقرر كارهة دايت سنتر عشان البعد ياريت يفتحون فرع قريب والمشكلة ماعندهم اشتراك اسبوعين ، نصيحة للي موقادرة تضعف وماعندها إرادة وجربت نفس حالتي كل شي من أدوية ورجيم وغيره تشترك بشركات التغذية عن تجربة لأني بس اليوم بدون أكل الرجيم حاسة نفسي ضايعة وحاسة اني رجعت السبعة كيلو والله بيوم واحد بس ، قرقت وايد بس حبيت تستفيدون وأنصح اللي مهتم بالضعف وموعارف شيسوي .

اليوم تروحين الشاميه مول وتاخذين وجبه غدا وعشا وحلو
او عندج الجمعيات ومركز سلطان صوب اكلات الدايت كلش كلش مالج خلق طلبى مشاوى
دام خربتيها امس اليوم الاتزام وكافى وطلعى روحى الممشا لا تفكرين بالاكل
انا امس من العصر لى نمت مخربطه عدل والسبه اكل دايت غروب ملوع جبدى وكنت معزومه بعيد ميلاد
وتخيلى فطاير وحلويات هذا غير البوفيه وحياة زوجي تلعب بالاكل خخخخخخخخخخخ:ggdw:
بس والله اليوم الاتزام كامل ماكو خرابيط لانى حسيت بالندم :0bee2e8d89:​

 

[حياة زوجي]

المهم حبيبتي لينا ودينا الى ذميتي فيه حرام عليج احلا شي اكلهم ومرتب وكفايه شيف لبناني صج بنات حرام مايصير تذمون شي بالناس ححتا لو جربتوهم بالعكس لينا ودينا اكلهم حلو وايد وماكو شي ماعجبني[/quote]

5 مشاراكات توج مشتركه بالمنتدى وجذى اسلوبج حدج داشه قوى
محد ذم لينا ودينا احنا نقول آرائنا والناس اذواق
وعليج بميه عافيه بأكل دينا ولينا
بس حبيت اقولج معلومه انا لما اشتركت عندهم شهر شفت السلطات الله بالخير
مره وصلنى الحمص مالهم حموووووووووووضه خايس ودقيت عليهم وقلت لهم
تدرين شنو قالولى صحيح الشكوه متكرره لااعتذرو ولا بدلوه واسكتو
وعلى فكره الناس اذواق وحياج الله
وعلى فكره احنا ما نذم احد احنا نقول آرائنا
واذا اختلفنا بالاراء نتناقش نسأل ليش هالشركه مو زينه شنو عيوبها
لكن ما نفرض على الناس تعالو حبو لينا ودينا غصب​

 

[فنار الكويت]

مشكورة حبيبتي حياة زوجي اليوم بقزرها الغدا تونة والريوق اكلت بسكوت 2 والحين ساكتة ومحترمة نفسي لأني حدي متحسفة ، دينا ولينا رفيجتي مشتركة ماتمدح بأكلهم وماضعفت عليهم وانا مدحتلها دايت كير والحين بتشترك بدايت كير اخذت موعد
واحنا بالمنتدي نستفيد من تجارب بعض محد بيذم بأي شركة وحياة زوجي ماذمت بشركة وحده ولا مدحت شركة وحده وقاعدة تقول تجاربها عشان الكل يستفيد وماعليج حياة زوجي من أحد الكل يقول رايه بأمانة وصدق وربنا شاهد علينا .

 

[فنار الكويت]

وعلى فكرة مايصير الوحده تشوف شي شين بشركة وماتقول وتسكت لأن الناس تبي تستفيد والناس قاعدة تدفع فلوس وايد عشان يضعفون وأتوقع 200 دينار مو شوية ولازم الكل يستفيد من تجارب البنات

 

[reemw]

الحمص الى قلتى عنه موجود في منيو واحد ماعجبج طلبي غيره مافيه شي وانتى قلت على كلامج مرة
السلطات مافيها شي بل العكس فرش انا الى ماعجبتنى وحده بس arabic قلت لها تشيلها والباقي عادى كورنر حلوة والثانيه شسمها جريك زوينة
\دايت غروب الى سلطاتهم ذبلانه

ريم

 

[reemw]

اسلوبي مافيه شي بس وايد ناس ذموة فيه
وانا كنت ادش قبل المنتدى وقاعده اشوف اراء الناس

لينا ودينا اعطيه 8 من 10
فلكس ودايت غروب مب حلو وحده من الخوات نزلت عن فلكس الله يزيد النعمه

وانا ماشتركت الا قبل شفت اغلب الشركات

 

[حياة زوجي]

الحمص الى قلتى عنه موجود في منيو واحد ماعجبج طلبي غيره مافيه شي وانتى قلت على كلامج مرة
السلطات مافيها شي بل العكس فرش انا الى ماعجبتنى وحده بس arabic قلت لها تشيلها والباقي عادى كورنر حلوة والثانيه شسمها جريك زوينة
\دايت غروب الى سلطاتهم ذبلانه

ريم

حبيبتى الناس اذواق وعليج بميه عافيه بلينا ودينا
اما من ناحيتى انا اقول اللى صار معاى مع لينا ودينا وكل الشركات
واحنا حاطين فلوس علشان اكل صحي وطازج مو بايت وخايس وفيه حموضه
واذا حصلت مره وتقولين مو مشكله ما يصير مو مشكله انا دافعه فلوس
واذا سلطاتهم عاجبتج خليج معاهم وانشاء الله تضعفين بصحه وعافيه
اما من ناحيه دايت غروب انا مشتركه معاهم مجرد تجربه جديده كونها توها فاتحه
وفعلا اكلهم وسلطاتهم ما اعجبتنى والناس اذواق
وعلى العموم حياج الله بين خواتج ومشاركاتج​

 

[Q8tya_GirL]

حياة زوجي زين قلتي لنا عن دايت قروب حتي انا كنت بشترك بس اللي ردني يوم دقيت عليهم قالي احنا ناخذ وزنج باول زياره ولما يصير لج شهر نييي انقيسج ونشوف جم نازله قتله انا ابي على الاقل كل عشر ايام عشان اعرف جم نزلت ما احب انطر شهر قالي لا الشركات اللي اتقولج كل اسبوع او كل عشر ايام هذولي جذابين وقام يمدح بشركتهم

بنات انا باقي لي ثلاثه كيلو اشترك والا اسوي بروحي مع انه صار لي فوق الاسبوعين احسب السعرات واخذ بس 1100 بس ما نزل وزني مع انه امشي بالاسبوع ثلاث مرات

 

[وردة النرجس]

نصيحة نويرا

بس 3 كيلو خلاص ماحفظتي الدرس ؟

طبقي نظام الأكل والكميات المحددة وإلتزمي بالمشي وزيدي حصيته إذا تبين

والله يوفقج يارب علشان توصلين للهدف الي تبينه

بس إنتي إنتظمي وحاولي تقللين السعرات بعد إذا تبين

وبالنسبه حق رايي البنات بالشركات ناس تمدح وناس تذم ترى صج مثل ماقالت حياة زوجي الناس أذواق مثل مطعم او صمونه تعجبج وماتعجب فلانة

وصحيح لو إتفقت الأذواق لا بارت السلع

 

[Q8tya_GirL]

وردة النرجس ايي تقريبا انا قاعده اسوى نفس نظام دايت كير واحسب السعرات عدل
وبعض المرات اشتهي اكلهم ادق على فرع الخالديه ونص ساعه والا اهوه عندى
وقاعده احاول انى التزم وحتى اذا خربطت يوم لازم اليوم اللى وراه رجيم عدل

 

[حياة زوجي]

بنات حولت اشتراكى حق وحده من صديقاتى حيل بطه ويوم سمعت قالت بجربه
وانا الحين دوري محتاره بين هيلث كومبنى ودايت سنتر
ادرى بتقولون مينونه تقط فلوس وبس بس والله اذبحونى بأكلهم مو شى ومعاملتهم بعد ماكو اهتمام
وقمت اخربط حرام اهدم اللى سويته

 

[وردة النرجس]

زين سويتي يا حياة زوجي

انا جذي عمتي تذم فيهم بعد ماصارلها شهر وياهم

حيل متعبينها وكل يومين دق عليهم وإهم كلش ولا بالبال

فخلاص عليج بدايت كير او دايت سنتر وبس

وإنتي براحتج

 

[حياة زوجي]

اشتركت بهلث كومبنى رحت الجابريه اليوم
ويوم الاثنين يوصلنى الاكل يعنى عقب باجر واخيرا برتاح
بصراحه اخترت هيلث كومبنى لانه بنفس منطقتى ومابى اطق مشوار بعيد
ومشوار الرشاقه ماشى ويارب اضعف وتضعفون معاى بصحه وعافيه
:33_1185028183::33_1185028183::33_1185028183:​

 

[Pretty Amoola]

مساء الخير ،

حياة زوجي ، ان شاء الله موفقة ، بس ديري بالج في هالكم يوم لا يزيد

وزنج !

وباقي البنات، شخباركم مع الدايت؟​

 

[فنار الكويت]

مرحبا بنات انا مبدعة بره الكويت لا رجيم ولا شي الله يستر ، اشتقت لشركات التغذية والمشي على البحر ، بس يارب يثبت وزني مايزيد ومن باجر بمشي ساعة كل يوم علشان لا ازيد

 

[مشاعر أمرأه]

بنات شرايكم اب لوفات

اشترك عندهم ولا اكلهم عادي

لاني مجربه راب الدجاج وايد حلو

 

[حياة زوجي]

مساء الخير ،​

حياة زوجي ، ان شاء الله موفقة ، بس ديري بالج في هالكم يوم لا يزيد​

وزنج !​

وباقي البنات، شخباركم مع الدايت؟​

انا بصراحه اول مره ابدع بالاكل جذى تحسين محرومه من الاكل وانطلقت وخربطت عدل مدل :tomato2:
والسبب اكل دايت غروب والله والله لاطعم ولا شى واكلهم يضيق الخلق :krkrkr:
بس انشاء الله اصلح اللى خربته مع هيلث كومبنى :ggdw:​

 

[حياة زوجي]

مرحبا بنات انا مبدعة بره الكويت لا رجيم ولا شي الله يستر ، اشتقت لشركات التغذية والمشي على البحر ، بس يارب يثبت وزني مايزيد ومن باجر بمشي ساعة كل يوم علشان لا ازيد

شكلنا خربناها عدل انا وياج صار تحدى خخخخخخخخخخخخخخخ
ديرى بالج انا بصراحه وااااااااااااااااااااااايد ندمت
وعطينا اخبارج وهاالله هالله بالمشاوى
تروحين وتردين بالسلامه :q8:

 

[حياة زوجي]

بنات شرايكم اب لوفات

اشترك عندهم ولا اكلهم عادي

لاني مجربه راب الدجاج وايد حلو

شوفى انا عندى مستوى واحد
دايت سنتر - هيلث كومبنى-لو فات بصراحه ينزل وزنج معاهم واكلهم ممتاز
ويكفى انهم شركات معروفه ولها سمعتها والنزول الوزن وايد حلو
وبالتوفيق حبوبه