رحلتي إلي لندن مايو 2010(جديد)

[ايميي]

متابعه

 

[كويتية أصيله]

اليوم الثاني


نفس لشي نزلنا الساعه 8 ورحنا تريقنا في pret

قررنا نروح سياحه وتسوق للمنطقه إللي فيها هارودز ... باص رقم 10 محطه مقابل سلفردجز جدام ستاربكس أو باص رقم 414 ماربل آرج أو 74 بيكر ستريت ...... صورة شارع بيكر ستريت

وكملنا تسوق في knightbridge و sloane street و brompton road

وهارفينكلز...

طبعا ع الساعه 11 لظهر دخلنا هارودز وكلينا برد مشترك....

وكملنا حوستنا بهالمنطقه وتواعدنا نجتمع الساعه 4 عند مطعم المسكوف بنفس شارع هارودز...

طلبنا شوربات و كبه موصليه وسمج مسكوف...

وهذا الحلو....

الصراحه رايي الشخصي بالمطعم كلش ما يسوى عااااادي جدا .....

في رحلتي السابقه سبتمبر 2009 قعدنا بقهوه في برومتون رود وااايد حلوه شوفو الصوره...

 

[كويتية أصيله]

رجعنا الفندق ع الساعه 6 ونص صلينا وغسلنا ورحنا الهايد باااارك كاااااان الجو خطييييييييييييييير حده وروعه...


وهذي صور الهايد بارك...

بيت الحارس على ما أضن ههههه لأن داخل الهايد بارك

طبعا من البرد والله متنا من اليوع بالرجعه م بعد مرينا قهوة pret وشرينا سندويتش فلافل وسندويتش بيتزا بناااات لااااا يطوفكم عجيب تلقونهم برف السندويتشات الحاره....

وبعدها رجعنا الفندق خلاااااااااص ما فينا شده....

 

[..البندري..]

روعة

 

[Om_Ksha]

يعطيييييييييييييج العااااااافيه مشاء الله عجييبه لندن وديي ارووحلهاااا :\ و الحمدلله على سلامتكم

 

[مطيريه ماركه]

،

آلحمممممممدلله على سلآمتج

سردج لِـ آلرحلة روعـة
متآبعة



،

 

[الدانه_83]

ماشاء تقريريج وايد حلو عليج بالعافيه

 

[مليت الغربة]

عليكم بالعافيه

 

[عذب القوافي$]

شكراااااا

 

[كويتية أصيله]

اليوم الثالث

نفس الشي قمنا من الصبح وقررنا نتريق في ويست فيلد رحنا ماربل أرج ستيشن......

طبعا لا تنسون عندنا تذاكر oyster

صور المحطه...

تروحون لسنتر لاينcentral line

راح تمشمون على الخط لين توصلون محطة شبرد بوش.......

يالله بسرعه نزلو وصلنا ........ لوووووووووووووول

صور المحطه......

تطلعون من المحطه تلقونه على إيدكم اليسار ماااااااااااايبيله دلاله....

 

[" بنت العز "]

عليكم بالعافيه حبيبتى
تقرير عجيب كملى يا قلبى

 

[رنه خلخال]

متااااااااااااااااااااابعه

 

[(البسمه)]

ما شاء الله عليج تقرير ممتاز



بس اهم شي المادية كم كلفت رحلتكم؟ حق 6 اشخاص ؟؟


وهل لازم اعرف انجليزي علشان اروح لندن؟

 

[أيفونية]

عاشت اناملج يا اصيله متابعينج حبوبتي

 

[كويتية أصيله]

صور الماركات العالميه والمدخل لها......

وهني تريقنا.........

ريوقنا.....

صور من المجمع...

على فكره محل دازيقوال لقيت عنده اشياء مو موجوده في ريجنت ستريت..

وتواعدنا ع الثلاث عند مطعم ناندوز مطعم روووعه طلبنا الدجاج بالحامض والمانجا كاااان وااايد حلو..

هذا محل عصيرات عجبني شكله صورته...

[/B]

 

[jory1-2]

:ggdw::ggdw:واااااااااااااااااااااااااااااااااااااااااااااااااااااااااااااااو


تقريرج روعه كويتيه اصيله كملي لا يوقف لايوقف

ولج مني التشجييييييييييييع:ggdw::ggdw::ggdw::ggdw:

 

[كويتية أصيله]

تغدينا خلصنا ورجعنا .........بس بالرجعه كان طلعت دوامات زحممممممممممممممه مو طبيعيه بالأندر قراوند نحشرنا حشره والله بغيت اموت من الزحمه فنصيحتي لكم بنات طلعو أبكر بشوي من المجمع علشان ما تحوشكم الزحمه...


ونسيت أقولكم ترى مطعم ناندوز موجود بعد في سوهو يم البيكاديلي وخلف مجمع أسمه الوايت ليس شوفو صورته لاااااا تضيعونه لأنه أهو مشهور بالديك الأحمر بس المطعم خلف الوايت ليس حاطين ديك رمادي ما أدري ليش؟؟

وفي مقابله مطعم أسمه ألونك واااايد حلو أكله أنا جربته في رحلتي سبتمبر 2009

طبعا وصلنا الفندق ع ال5 ونص .... وين تتوقعووووووون بنروح بعد؟؟؟

 

[غديران]

عليج بالعافية حبيبتي


ناطرين تكملة التقرير

والحمدلله على السلامة

 

[أيفونية]

ممممممممممممممممممممممم بالعافيه
قولي وين بعد بترحون؟؟

 

[كويتية أصيله]

رحنا مسرحية ........

المسرحيه قمه في الروعه ...........ومو ضوروي تعرفين أنجليزي تري فيه معاي ناس كلش ما يعرفون الa من b ووااايد أعجبتهم...........ولما طلعنا من المسرحيه لقينا التك تك على باب المسرحيه بدل التكاسي بس إللي معاي ما رضو يركبون يقولون نبي نتمشي لي الفندق ونشبع من هالجو الحلو...

في رحلتي لندن سبتمبر 2009 رحت مسرحية the lion king

كانت خيال علشان جذيه أصريت السنه آخذ القروب معاي حق مسرحيه ثانيه...

صورة المسرح من الخارج..

المسرح من الداخل...