رحلتي إلي لندن مايو 2010(جديد)

[..البندري..]

التقرير بدايته روعة ...كملي ياعمري

 

[مدام سارا]

تقرير روعه

حمد لله على السلامه

 

[كوكي العسل]

ماشاء الله تقرير حلو

متابعينج

 

[قوطي نيدو]

الحمدلله على السلامه

 

[أسيرة_أحزاني]

واااااااااو كمليييييييي روعه ماشالله الحمدالله على سلامتج

 

[السفيرة]

يعطيج العافية

متابعينج

 

[كويتية أصيله]

قوه بنات ساااامحوني موقع التحميل صاير واااايد بطيئ والمنتدي يكتبلي عذرا الموقع جاري تطويره .... انا الحين شابكه من الآي فون

 

[تيوليب]

الحمدلله عالسلاامه حبيبتي... اهم شي الاسوااق قوليلنا عنهم لوووووووووول

 

[مزون22]

الله يهنيج يارب

 

[ذكرى الفراق]

على راحتج حبيبتي اهم شي انج تستانسين ولاحقين ع التقرير ان شالله ...

 

[عذب القوافي$]

خوش تقرير كملي

 

[المزيوونه]

روووعة متابعين معاكي وبحماس لاني مسافرة ان شاء الله بتاريخ 10 جولاي وراح تكون رحلتك مميزة بالنسبة لي

 

[ودآعتك قلبي]

الحمد لله على سلااامتج ..


وناطرينج

 

[عهـود]

متابعه

 

[ام مهاوش]

خوش تقرير ناطرين الباجي
التذاكر مالت الاندرقراوند والباص من وين خذيتيهم من الفندق ولا من محطة القطار ؟

 

[ريحة الكويت]

عجيبة ..... ناطرينج

 

[راعية الطويلة]

الله يوفقج و يسعدج

الفندق من وين حجزتيه؟؟؟

و بجم ليلته؟؟؟!

 

[um fawaz]

متابعه

 

[كويتية أصيله]

نرجع لكم من جديد.......... مشكورين ع التشجيع ... وبالنسبه للأسأله إلي سألتوها راح أجاوب عليها بعد ما أخلص من التقرير


اليوم الأول


قمنا كلنا الحريم بس الساعه 7 الصبح وغسلنا وبدلنا وطلعنا من الفندق الساعه 8 بالنسبه لرياييل إللي معانا عطونا الحريه قالولنا كيفكم إحنا ما فينا شدة اللويه في لندن...... ما يقدرون على لويتنا في لندن لووووووووووووول....

طلعنا سيده على مقهى pretهذي القهوه عجيبه بكل شي راح تشوفونها بكل مكان شعارها نجمه عنابيه مكتوب وسطهاpret وهذي الصور من داخل القهوه...


وهذي صورة كراواسان بالجبن الموزاريلا والطماطم بس عجييييييييييييييييييييبه




وبعدين طلعنا ورحنا كشك BIG BUS TOURSعند زاويه ماربل آرج marbel arch هذا الكشك يبيع تذاكر حق كل شي حجزنا تذاكر رحله حق كل معالم لندن وتذاكر حق متحف الشمع و عيون لندن LONDON EYE ويعطونج تزكره مجانا حق رحله في نهر التايمز..... بالنسبه حق متحف الشمع لاااااااااا تاخذون تذاكر الفاست باس يعني الخط السريع إحنا شريناهم وما أستفدنا الصراحه كنا رايحين مبجر وصرنا أول ناس لووووووووووووول يعني ما أحتجنا تذاكر الخط السريع

وهذي صورة الكشك ... أما المحطه للباص تصير بالشارع إللي مقابل الكشك..





cumberland gate بوابة كمبرلاند






مقابل البوابه




الشاطره إللي تشوف الفيله بالحديقه



ركبنا الباص بسم الله تبتدي الرحله





هذا فندقنا وإحنا بالباص. صورته

​

[/

 

[كويتية أصيله]

وصلنا بالسلامه متحف الشمع




طبعا إحنا أول الناس صافين دور ننطر يفتحون المتحف لوووووووووول طالعين من الصبح ...


شوفو الصوره ماكو أحد قبلنا.....ههههههه




صور متحف الشمع وراح تلاحظون إنه فاضي الصالات إحنا أول ناس ندخلها ......

طلعنا من المتحف ورجعنا ركبنا الباص ومرينا على أكبر كنيسه عندهم بس طبعا ما دخلنا

وهذا على ما اظن مكاتب أعضاء مجلس الشعب وكان عندهم مشاكل متجمعين صحفيين وفوقنا هيلوكبتر وصيحه جان أصور..

وطبعا مرينا على ساحه trafalgar square