عنــــــــــــايتي الاسبــوعيه ببشــرتي وســــر نضــــارتها ....

[MiSs*StYle]

السلام عليكم ورحمة الله وبركاته


شلونكم يا احلى كويتيات وخليجيات وعربيات ان شاءالله تكونين بخير ..

راح اقولكم اليوم طريقتي في تنظيف بشرتي واللي تغنيني عن المعاهد والصالونات والكل عبالهم انا اقط فلوسي عند المعاهد الغاليه والصالونات ..

ماعندهم ايمان انه احنا نقدر نغير نفسنا من غير لانروح لاحد ليش احنا مو بنات ولا شنو فرقنا عن الريال خلاص لا نحف شواربنا ونروح نقعد بدواوين معاهم :krkrkr:

الوحده اذا قالت خلاص بستمر اسبوع ان كثرت وطخت ليييييييييش شنو شاغلج ليش ما تهتمين والمشكله كل يوم اتطلطل بجسمها وركبها وويها وتتحلطم مأذيه امها معاها ترا امج مو مسؤوله عن اهمالج ..

اولا...

اغسل ويهي اول شي بصابونة فيراند وايت بفيتامين سي اتعب واقول تينن اخليها ترغي واغسل ويهي فيها عدل واخليها دقيقتين ثلاث واغسله..بعدين اجففه

ثانيا...
احط سنفرة ستيفز الخاصه بالويه مكتوب عليها لجميع انواع البشره
وادلك ويهي فيها على الخفيف واركز على الخشم وسط الحنج الاماكن اللي تحسين فيها دهون وايد واهم شي ورا المنخر هالمكان منسي ووايد اشوف بنات عندهم هالمكان لونه اسود ولوعه ديربالكم لا وبعد فيه قشور اشكره ما تنظف ويها ارف الصراحه جنهم مو بنات ..بعد دقيقتين ثلاث اغسل ويهي وانشفه وبنات ملاحظه بعد كل خطوه جففي ويهج...

ثالثا...
احط ماسك تنظيف البشره من ستيفز وااايد حلووو يهبل اكو نوعين فيه عالتفاح وهالنوع خفيف وايد وما يأذي

وفيه النوع الثاني صاير جنه طين همن يهبل بس اللي بشرتها حساسه تستخدم الاول ...تحطين الماسك بعدين تنسدحين تقرين كتاب عشان يصير تجميل وتثقيف لووووووووووول ليمن ينشف وتقومين راح يشد ويهج وينظفه بضمير

رابعا...

اخذي تونك كلين اند كلير الاحمر ...ونظفي ويهج كله بقطنه وركزي على الاماكن الدهنيه وبعدين اخذي عودين اذون وركزي بويهج عدل اي عدو متسلسل اللي ينقاله حبه اقتليه بسرعه بس بهدوء وحذر لا تجرحين ويهج وتخلينه يتبقع وتالي تدعين علي ترا كلش مو ناقصه ههههههههههه ابيكم تدعولي

خامسا...

اخذي اي قناع انتي مرتاحه عليه وحلو حق بشرتج ويعالج عيوبها يعني على حسب اول شي نوعها بعدين مشكلتها ..انا الحمدلله ماشي معاي قناع الخميره مع الزبادي ملعقه من الخميره وملعقه من الزبادي ونخلطهم ونحطهم مو اكثر من نصف ساعه ونغسله جنه صابون مو تشيلينه شي من بشرتج تجرحينها اهم شي عاملي بشرتج بحنان تراها وايد نعومه :krkrkr:حطي باييدج ماي وفركي القناع على الخفيف لين يذوب كله بعدين غسليه عادي وطولي بالج غسليه بماي بس
سادسا...
حطي من التونك الاحمر مره ثانيه وبعدين تكونين مجهزه قطع ثلج ماي ورد تمشينها على ويهج كله (حتى لو ثلج عادي مو مشكله)

سابعا...
حطي طبقه من الكريم المرطب اللي انتي مرتاحه عليه ويفضل يكون كريم كولاجين للي ويها ضعيف وتدلك ويها فيه لمدة عشر دقايق

ثامنا...

ادعولي اذا عجبكم موضوعي ان الله يوفقني ويخليلي حبايبي وينصرني على اعدائي
تاسعا...

احبـــــــــــكم في الله اختكم MiSs*STYle


عاشرا...
ابي ردود لو سمحتووووو استاهل صح فديييييييييييييييتكم

 

[*قطر بنت حمد*]

ماشااااااااء الله عليج الله يحفظج لوووووووول استانست على موضوعج p:
مشكوره يابعد جبدي انتي p:

 

[ايام العمر]

ماشاء الله تبارك الله ستيفز منتجاتها روعة بس ماشتريها مادري أخاف تقبب وجهي

كلين أند كلير في منه ازرق شنو الفرق ؟

الله يوفقني ويخليلك حبايبك وينصرنك عاجلاً غير أجلاً على اعدائك

 

[MiSs*StYle]

فديتكم حبايبي ماقصرتوووو {.{.

حبيبتي الفرق بين الاحمر والبنفسجي انه البنفسجي ما فادني ومفعوله خفيف اما الاحمر احسه انتعاش وينظف عدل

 

[ايام العمر]

فديتكم حبايبي ماقصرتوووو {.{.

حبيبتي الفرق بين الاحمر والبنفسجي انه البنفسجي ما فادني ومفعوله خفيف اما الاحمر احسه انتعاش وينظف عدل

مشكورة حبيبتي على التفاعل :eh_s(6):

 

[حرم_طيار]

ما شألله

شي شي

 

[dandon87]

ماشاء الله عناايتج روووووعة
مشكووووووورة حبيبتي ولله يوفقج ويخليلج احبابج يارب
يعطيج العافية ما قصرتي

 

[MiSs*StYle]

منورين حبايبي مشكوين على هالكلام الحلوووووو

 

[cat_women]

ما شاء الله خوووش عنايه

و الله يوفقج و يخلي لج احبابج و ينصرج على اعدائج ان شاااء الله

 

[بنت عريب الجدود]

مشكورة حبيبتي

 

[احساس مرمر]

روووووووعه .. كل اللي قلتي عليهم ... ومجربتهم الا التونك ماعمري شريته بس طريقتك سهله وحلوووه مشكوووووره ياقمر

 

[الغــلآ]

روووووووووووووووووووووعه انا مجربتهم

خصوصآآ مآسك الخميره ^-^

قوآآآج ربي والله يوووووووووووووفقج ويخلي لج احبابج

 

[« لُوشَـــا ~]

,


انا من كم يوم بديت استعمل الكولآجين :ggdw:

ونآويه على التونيك لآن يمدحونه كثيرر ​

 

[فراولــة قطــر]

ما قصرتي حبيبتي

الله يوفقج وينولج اللي في بالج وينصرج على اعدائج

 

[" غـادهـ "]

ما شاءالله خووووش عنايه الله يتمم عليج .,

والله يوفقج و يخلي لج احبابج و ينصرج على اعدائج ان شاءالله .!

 

[روزماري]

مشكـــوؤوؤووؤرة

 

[MiSs*StYle]

العفوووو منورين حبايبي

 

[جولينار]

تستاهلين ليه ماتستاهلين

بغيت اسألك فيد اند وايت موجوده بالمملكة ؟؟

لاني طلبت اللوشن ولا لقيته

 

[MiSs*StYle]

تستاهلين ليه ماتستاهلين

بغيت اسألك فيد اند وايت موجوده بالمملكة ؟؟

لاني طلبت اللوشن ولا لقيته

مشكووووووره حبيبتي

واكيد موجوده في السعوديه تلاقينها في الصيدليات

 

[بنت الاحلام]

الله يوفقج وينصرج علي اعداء ويارب
وتعالي عاد قوليلي

< سوالف فوزيه الي مع كلام نواعم


الحين الصابونه هذي بجم ومن وين .؟

عجبتني
والباجي عندي تقريبا مع اختلاف الماركات السنفرات والمرطبات

وقناع الخميره مع الزبايدي ما يسوي ترهل بالوجهه سمعت ناس يقولون يتفخ بعدين يسوي ترهل

وجم مره احطه واسويه


وانصحيني حياتي منج نستفيد << ركضت سويت خميره مع زبايدي وحطته :$