تجمع مسافرات سويسرا وفرنسا للصيف....حياكم

[باونتى]

أنا باقى على سفرتى شهر واسبوع و5 أيام .. بناااات سويسرا ما قلتوا لى شلون سوق انترلاكن ؟؟؟؟؟؟

 

[أم@الحلوين]

قوه بنوتاااااااات ..~

شلونكم؟؟ حبيت أنظم حق تجمعكم :sfg:

واخيرا حطيت النقاط على الحروف وقررنا أنا وسي السيـــــــــد نروح وين
انشاءالله قررنا نسافر (ميلانو - جنيف - باريس) لمدة 15 يوم

وتخطيطنا للرحله ( ميلانو وراح نزور فينيسا - لوغانو )

جنيف (راح نزور انسي- انترلاكن - لوزان- مونترو )

باريس عاد هذي همتهم عطوني جدول حقها راح اقعد فيها 5 ايام؟؟

وعطوني رايكم بتقسيم رحلتي؟؟:eh_s(17):

 

[باونتى]

أم الحلوييين على البركه انا ما عندى فكره لان انا اول مره بروح سويسرا لان العاده كل سنه مطييحه فى فيينا وزل ام سى وميونيخ .. بالنسبة لباريس لازم تزوريين ديزنى لاند وطبعا فى باريس عندج قصر فرساى والمتاحف وبرج ايفل .. وان شاء الله البنات يفيدونج بس متى تاريخ سفرتج ؟؟؟

 

[أم@الحلوين]

حبيبتييييي مشكوره عالمعلومات
حتى انا العام كنت رايحه فينا وزلمسي وميونخ
انشاءالله تاريخ السفره 7/7 وانتي؟؟
وبنات بغيت أسألكم عن قمة الثلج وين صايره بالضبط وشكثر تبعد عن جنيف؟؟ ابي نفس اللي بكابرون اللي بزلمسي^_*

 

[باونتى]

انا سفرتى ان شاء الله بتاريخ 9- 7

 

[أم@الحلوين]

شنو تجهيزاتج للسفر؟؟
وبتروحين بروحج ولا مع عيالج؟؟
وعلى اي طيران؟؟

 

[maryam_q8]

بنات انا محتارة وين اروح باوروبا اول مره اروح هناك ضبطوني
ابي اماكن حلوة ورحلات ترفيهيه للاطفال وتسوق حقي وين اروح يالله الهمه

 

[الحلا^^مبتليني]

انا مابقى شي على سفرررررررررررتي تاريخ 14-6 يعني باجي اقل من 20 يووووم ياااااااااارب تسهل علينا


مريم حبيبتي دشي العرب المسافرون وحوسي ببوابة سويسرا وشوفي متى مارسيتي على المدن والرحلات تعالي انعدلج في الجدول
لا هالمنتدى هو اللي خلاني ارسي على سويسرا ولا قبل ميته على زلمسي بس صراحه غير راايي لان سويسرا واااو

 

[عيش و مرق]

قوه

بنات شنو الاشياء المميزه بفرنسا الى لازم اشتريها ماتطوفنى سواء لبس اكل ادويه من الصيدليات شي زين \\ حق اليهال بدلات العيد من وين يعنى الى يطرى عليكم ؟؟؟؟

 

[هيونا2010]

مشكوره ياقلبي على الرد
يعني اذا بسكن بجنيف واروح رحله حق انترلاكن عادي من الصبح ليليل؟؟
وشنو الاماكن السياحيه اللي بجنيف وانترلاكن ؟؟

شوفي حبيبتي انا مثلك بسكن بجنيف وابطلع للقرى اللي جنبها من الصباح لليل وحاطه انترلكن ببالي من كثر المدح اللي سمعته عنها انا ماقد رحتلها من قبل بس بما انو المسافه 210 كم يعني اكيد ان شاءالله نقدر نروحلها من الصباح بدري ونرجع فاليل بس انا ماراح يكون معاي سياره طبعا اذا رحت هناك بروح للمكتب حق الرحلات واستفسر منهم واخذ الخبر الاكيد

وحاطه فبالي ان شاءالله يوم انسي الفرنسيه مره حلوه فيها نهر وهاديه وطبيعه
وبروح يوم ان شاءالله لشمونيه عشان طبعا الزحليقه الصيفيه
وفي جنيف يعني عند البحيره والاسواق
بس انا ابغى اروح للاوت لت بس ماادري فيه شي قريب لجنيف والا لا.

 

[هيونا2010]

هيونا بعد قلبي انا لبسي بالمطار راح يكون عباية كتف وملفع ماراح اقدر البس بدل الا اذا وصلت اوروبا طبعا هذا امر من سي السيد خخخخخ
ويقولي الله يعيني مادري شلون بتحمل اشوفج لابسه بدل ههههههههههههههاي الله يعينه

حبيبتي معذور سي السيد اذا ماراح يتحمل يشوفك لابسه بدل مدام الحلا مبتليك هههههههههههههههه:dddds:
انا زيك يكون علي عبايتي باطياره بس اول مانوصل اوربا ان شاءالله افصخ عبايتي بالطياره قبل انزل يقولي سي السيد تبعي
عشان ماتكونين ملفته للانظار وكلن يطالع فيك (هذا اهم شي عندهم مااحد يطالع فيك):eh_s(1):

 

[ظلال القرآن]

أنا باقى على سفرتى شهر واسبوع و5 أيام .. بناااات سويسرا ما قلتوا لى شلون سوق انترلاكن ؟؟؟؟؟؟

ماكو ذاك الزود شارع الرئيسي الي فيه المطاعم والسوق صغير وعادي جدا خلي مشتراج من فرنسا اذا انتي حاطتها بالخطه

 

[alreemmohamad]

مساء الخير
مرحبا بنات بليز من الشطوره اللي بتسوي لي جدول
انا الله يسلمكم ابي اسوي مفاجأه لريلي وعيالي والله يعيني...........
ابي اطلع ميونخ واتنقل بالسياره لفرنسا لين اوصل جنيف بليز ساعدوني الايام اسبوعين والميزانيه تقريبا 4000دينارمن غير الشوبنغ

 

[عيش و مرق]

بنات شنو المميز الى اشتريه من فرنسا؟؟؟؟

 

[الحلا^^مبتليني]

حبيبتي معذور سي السيد اذا ماراح يتحمل يشوفك لابسه بدل مدام الحلا مبتليك هههههههههههههههه:dddds:
انا زيك يكون علي عبايتي باطياره بس اول مانوصل اوربا ان شاءالله افصخ عبايتي بالطياره قبل انزل يقولي سي السيد تبعي
عشان ماتكونين ملفته للانظار وكلن يطالع فيك (هذا اهم شي عندهم مااحد يطالع فيك):eh_s(1):

يامرون امر ريايلنا اهما بس خل يسفرووونا وراح نطيعهم عمياني بعد لووووووووووووووووووول

 

[الحلا^^مبتليني]

مساء الخير
مرحبا بنات بليز من الشطوره اللي بتسوي لي جدول
انا الله يسلمكم ابي اسوي مفاجأه لريلي وعيالي والله يعيني...........
ابي اطلع ميونخ واتنقل بالسياره لفرنسا لين اوصل جنيف بليز ساعدوني الايام اسبوعين والميزانيه تقريبا 4000دينارمن غير الشوبنغ

ليش ليش العنا هذا ليش من ميونيخ لي فرنسا بسياره :eh_s(1):
شوفي حبيبتي بسويلج جدولين وانتي اختاري اللي تبين راح يكون سهل ومناطق قريبه من بعض
ميونيخ زلمسي سالزبورغ فينا وتردين الكويت من مطار فينا
او اذا تبين فرنسا وسويسرا لازم تكنسلين ميونيخ والنمسا لان تعب بيكون عليج
باريس بعدين بالقطار او السياره لي جنيف بعدين انترلاكن بعدين زوريخ وتردين من مطار زوريخ في سويسرا للكويت وانتي حرررررررره ترى هذا جدول ممتع ومومتعب نهااائياااا

 

[أم@الحلوين]

عسولالالالات شلونكم ^_*
بغيت أسألكم اي عن قمم الثلج اللي بسويسرا اي قمه أقرب لجنيف؟؟ وشرايكم فيها؟؟
وشنو الاماكن السياحيه والمناطق اللي أقدر اروح لها اذا سكنت بجنيف؟؟

 

[الحلا^^مبتليني]

اقرب قمة لجنيف قمة مونت بلانك بشامونيه

 

[باونتى]

شنو تجهيزاتج للسفر؟؟
وبتروحين بروحج ولا مع عيالج؟؟
وعلى اي طيران؟؟

هلا أم الحلويين .. أنا ان شاء الله بسافر مع زوجى وعيالى الاثنين .. على طيران القطريه .. والتجهيزات بعدى ما بلشت يمكن أجهز من الاسبوع الجاى

 

[White Musk]

بسافر انا وزوجي وعيالنا 4 لفرنسا و بلجيكا
تقريبا 3 أسابيع بشهر 7
وباخذهم رحلة لديزني
منو ترتب لي رحلة حلوة وجان زين تعطوني اسماء فنادق قريبة من التشانز ومن ديزني وأسعار معقولة حتى لو في شقق جربتوها
اهم شي استمتع بالطبيعة واريح اعصابي وأونس اليهال
السوق مومهم ممكن بس اروح الأوتلت
وشنو وسايل التنقل هناك
والأكل والمطاعم؟
لو في مناطق حلوة لليهال من 4 سنوات لي 14 سنه في فرنسا قولولي عنها
انا ماودي اطلع من فرنسا يمكن اخلي الرحلة كلها مناطق فرنسية بس رتبولي الرحلة الله يعافيكم
ومشكورين