دعوة للمشاركة

[qaz123]

السلام عليكم بنات
عندي حلم وابيكم تساعدوني على تحقيق وتدخلون السعادة على قلبي وقلبكم
ببساطة عندي حلم مشروع وان شاء الله يتحقق وهو
عمل مكان للقراءة يناسب البنات والامهات والمتقاعدات والمسنات وكل وحدة تنتمي الى عالمنا الجميل واللي تحب القراءة ويكون متاح من الصبح الباكر ..... يعني من الساعة 6 الصبح حتى الساعة 11 بالليل
محتاجة مساندة من الجميع
ممكن تساعدوني على ايجاد المكان وبعدها أأجره ويكون متاح للجميع

اللهم وفقنا لعمل الخير

 

[عهود الحب]

خوش مشروووع الله يوفقج
و يرزقج على قد ماتبين

 

[ريم وبس]

صج روعه فكرتج والله يوفقج يارب... وحلو يكون للنساء فقط

 

[qaz123]

خوش مشروووع الله يوفقج
و يرزقج على قد ماتبين

ما قصرتي حبيبتي
الله يوفقنا معاج

 

[The Life - M]

مشروع رائع جدا بس الازم يكون المكان هادئ او مكانة مناسب لجميع القراءة او اطلالة المكان تكون حلو

 

[عسجـoroــد]

فكرة جنااااااااااااااان
أنا سمعت في وحدة مسوية كافي خاص للقراءة للبنات فقط في مجمع امنية تحت
و هو يم مركز سلطان السالمية و غالريا 2000
و في بالمنطقة الحرة كافي يا كافي فرندز أو أحد الكافيهات مخصص للقراءة

و الله اعلم

 

[qaz123]

مشروع رائع جدا بس الازم يكون المكان هادئ او مكانة مناسب لجميع القراءة او اطلالة المكان تكون حلو

جزاج الله خير

على ايدج ياليت تشورين علي بمكان زين علشان آخذه باذن الله

دعواتك ثم تعاونكم ان شاء الله نحصل المكان المطلوب الهادئ المريح

 

[qaz123]

فكرة جنااااااااااااااان
أنا سمعت في وحدة مسوية كافي خاص للقراءة للبنات فقط في مجمع امنية تحت
و هو يم مركز سلطان السالمية و غالريا 2000
و في بالمنطقة الحرة كافي يا كافي فرندز أو أحد الكافيهات مخصص للقراءة

و الله اعلم

ما قصرتي على المعلومة
انا ان شاء الله راح امره واشوفه واقعد فيه واكتب لكم عنه

جزاج الله خير على المشاركة وبمساندتكم ان شاء الله نفتح مكان ثاني للقراءة

 

[qaz123]

صج روعه فكرتج والله يوفقج يارب... وحلو يكون للنساء فقط

الحمدلله الفكرة معجبة لجميع
الله يوفق الجميع ماقصرتي على المشاركة

والفكرة اساسا تكون لــ نون النسوة فقط :eh_s(6): ولكل الاعمار

جزاج الله خير

 

[راعية الطويلة]

فكرة حلوة


بس الله يعينج على قرقة الحريم

يبي لج إدارة حازمة منعا للهذرة و الإزعاج


هالوردة لج على هالرأي الزين

​

 

[جوري الزبير]

حبيبتي فركه رائعه وانا معاج فيها 00 وسالت زوجي في ارض على البحر بس بعيده شوي صوب فحيحيل تمتلكها شركه بس اهي ارض واسعه وخضار يعني ممكن نصمم فيها بحيث ال حابه تقرا في الهواء الطلق او داخل المركز يكون لها حرية الاختيار 00باذن الله اسعى معاج بهذا الموضوع00 وان شاء الله بعد يومين بيرجع زوجي من السفر وباخذ منه التفاصيل عشان لما اتصلت فيه الحين قالي مشغول ارجع واعطيج التفاصيل 00

 

[qaz123]

فكرة حلوة


بس الله يعينج على قرقة الحريم

يبي لج إدارة حازمة منعا للهذرة و الإزعاج


هالوردة لج على هالرأي الزين

​

هلا براعية الطويلة

الحمدلله المشروع لقى قبول عند الجميع وان شاء الله يتمم علينا بالتنفيذ

وقرقة الحريم والهذرة والازعاج هذا شي لا بد منه وراح يكون لهم مكان مخصص مثل الكافيه

ووردتج مقبولة ونردها لج بوكيه ورد بالافراح

جزاج الله خير على التشجيع والمساندة

 

[qaz123]

حبيبتي فركه رائعه وانا معاج فيها 00 وسالت زوجي في ارض على البحر بس بعيده شوي صوب فحيحيل تمتلكها شركه بس اهي ارض واسعه وخضار يعني ممكن نصمم فيها بحيث ال حابه تقرا في الهواء الطلق او داخل المركز يكون لها حرية الاختيار 00باذن الله اسعى معاج بهذا الموضوع00 وان شاء الله بعد يومين بيرجع زوجي من السفر وباخذ منه التفاصيل عشان لما اتصلت فيه الحين قالي مشغول ارجع واعطيج التفاصيل 00

هلا بجوري الزبير وريحة الزبير
حياج الله معاي بالمشروع
وهو يحتاج مجهود وراس مال وان شاء الله يكون باب خير و أجر كبير من الله

واقتراحج عن الارض اللي على البحر ... هذا اللي ادور عليه ... والسيارة ما يبعد عنها شي اذا كان المكان مريح

انا بانتظار تواصلج معاي

واسال الله العظيم ان يوفقنا لما يحب ويرضى ويكتب لنا الخير والصالح

اللهم آمين

جزاج الله خير

 

[نــوي]

حلوه فكره المشرووع !! وتقدرين تحطين اعلان جمع الكتب المستعمله من البنات كتبرع للمكتبه لان الكتاب ماعتقد ينقرى اكثر من مره خاصه الروايات

 

[~انحناءات أنثى~]

الله حلو مشروعج...
اذا لقيتي المكان خبرينا عنه..

 

[جوري الزبير]

حبيبتي qaz هلا فيج اكثر يالغلااا00
انا كلمت زوجي كلم صاحب الارض وهو كان يبي يسويه اول ملعب جولف بس مانجح الامر عشان هاللعبه مو وايد لها رواد عندنه بالكويت 00 بس زوجي يقول انه الريال ما عطاه كلمه نهائيه وبتم وراه ان شاء الله لين نخليه يوافق هههههههههه 00زوجي قالي ان شفت منهم قبول بيعطينا رقم مدير اعمال صاحب الارض وشوفي حبيبتي شنو تتفقين معاهم 00 وعسى ربي يوفقج 00 عاد نبي فيه قسم حق الاطفال نحبب القراءه لهم 00 الله يوفقج حبيبتي

 

[qaz123]

السلام عليك
شنو سالفة الموقع
كله تطلعلي هالصفحة

((

الموقع تحت عدد كبير من الزوار حاليا - يرجى معاودة الزيارة بعد قليل
نتشرف بخدمتكم - شكرا لكمقليل
إعادة المحاولة

))

لا هذا شي يونس ان الموقع مرغوب
بس
يضيق الخلق انه مو قادر يستوعبنا وقت حاجتنا له

 

[الاحاسيس المبهمه]

الفكـــره حدهاااا خيااليييه ...

ربي ييسر ...

إذا تبيين مسااعده بلغيني ... احب هل السواالف ^_*

 

[جوري الزبير]

qaz 123 حبيبتي ادري اني تاخرة عليج 00 بس للاسف والله ماحبيت ارجع خاليية الوفاض مثل ما يقولون 00 صاحب الارض مو مقتنع لا بيع ولا اجار 00 ولما شرحة حق زوجي المشروع اتشجع له بس صاحب الارض مو متشجع 00شكله يكره القراءه 00 بس ان شاء الله زوجي مشجع الفكره 00 وان شاء الله له لقى مكان مناسب بيبلغني وانا سيده ايي هني ابشركم 00من كثر ما عاجبني المشروع احس اتخيلت نفسي قاعده واقرا هههههههههه
الله يوفقج حبيبتي وان شاء الله يتحق حلمج

 

[LA TROO7]

اول مسانده مني لج راح اتبرع بجميييييييييييييع كتبي لج خصوصا الروايات فووق ال200

شووفي عمارة الحمرااا تقدرين تستفسرين