حتى انا ماراح يقصرون معاي خبيرات ماليزيا000000صح؟

[mad about m]

خبيرات ماليزيا بغيت أسالكم كم سؤال وانشالله مايكونون ثقيلين عليكم
1/ انا حاجزة بكوالا يصير اروح الصن وي بالقطار وشنو اسم المحطة
2/ مدة السفرة 7 ايام يعني البرنامج راح يكون مضغوط يصير بيوم واحد اروح الصن وي والماينز والفراشات المضيئة عشان ما ارجع لسيلانجورمرة ثانية
3/ حديقة الفراشات والطيور الزهور متى تفتح ومتى تسكر ؟
ومشكورين مقدما

 

[فرحه عمر]

اختي انا من زمان خبري بماليزيا
بس صن واي لاغون فيها مدينه مقسومه العاب ترفيهيه والعاب مائيه اذا معاج يهال اكيييييييييييييييد يبون يبربسون بالماي انتي اصلا اذا شفتي البنات بحجاباتهم طابين ودج تطبين معاهم فماظن تنفع تروحين لها مع الماينز الا اذا رحتي حق مجمع الماينز الصبح وفريتيه ترى مو كبير وايد وعقبها روحي االصن واي لاغون وقرري اذا تبون الالعاب اول وعقبها حمامات السباحه ولا حمامات السباحه قبل الليل وعقبها الالعاب
وان شالله البنات يفيدونج
بس معلومه ترى الصن واي لاقون تسكر يوم الثلاثاء والماينز يسكر يوم الاربعاء فاختاري غير هاليومين
وترى اول يوم احسبيه ضايع عليج لانج راح تتعبين وعلى حسب ساعه وصول الطياره اذا متاخر اكيييييييييد بتنامون واذا مبجر بتحطون الجناط ويدوب تاخذون فره وفكره عن شارع العرب
واخر يوم بعد على حسب اذا طيارتج الصبح مبجر لا تحسبينه واذا متاخر زين على زين ممكن تخلون الجناط بالفندق وتاخذون جوله
اول يوم لا تحسبينه وثاني يوم روحي تمشي حق ال بتروناس وثالث يوم يكون خف عليكم تعب الرحله روحو حق سلانجور ورابع يوم بعد روحي حق التايم سكوير والخامس روحي حق جنتنق وسادس يوم روحي حق السوق الصيني او شارع العرب والسابع خلاص طايرين

 

[um 3li]

خبيرات ماليزيا بغيت أسالكم كم سؤال وانشالله مايكونون ثقيلين عليكم
1/ انا حاجزة بكوالا يصير اروح الصن وي بالقطار وشنو اسم المحطة
2/ مدة السفرة 7 ايام يعني البرنامج راح يكون مضغوط يصير بيوم واحد اروح الصن وي والماينز والفراشات المضيئة عشان ما ارجع لسيلانجورمرة ثانية
3/ حديقة الفراشات والطيور الزهور متى تفتح ومتى تسكر ؟
ومشكورين مقدما

1) ما اعرف بالنسبة حق القطار بس صن واي لاجون مو بعيدة وعادي تروحينلها بالتاكسي .
2) الصن واي لاجون بروحه يبيله يوم أو أكثر لأن عبارة عن مدينة ملاهي ومدينة مائية مقسمه هذا غير السوق الي فيها
يعني انصحج نامي فيها يوم
والمايلز بروحه يبيله يوم .. الصبح بالسوق ومن المغرب تدخلين الملاهي الي فيها وهم فيها عرض النافورة الراقصة .
وما انصحج بالفراشات المضيئة لأنها بعيده وااايد والمكان يخرررررررررررع وما يسوى
ما يصير تروحينله الا بليل عقب ال 8
وتركبين مركب صغير يمشي بمستنقع ويخرررررررررع
الصراحه خفت يطلعلنا تمساح ولا شي

والفراشات كلللش ما تبين

3) حديقة الفراشات والزهور و الطيور روحيلها بيوم واحد وباجي اليوم تسوقي فيه .

 

[mad about m]

أم علي وفرحة عمر مشكووووووووووورين وماقصرتوا كفيتوا ووفيتوا بسسب توجيهاتكم قررت الاتي اكنسل الفراشات المضيئة واخصص ثالث يوم في الرحلة لصن وي لاقون والمايلز الصبح طبعا وبعد الظهر ارجع لشارع العرب ومشكورين مرة ثانية لاني بس ابي المجمعات انا ما معاي جهال بخليهم عند خالتهم وبصراحة انا مومال لعب بالمرة .

 

["*آآآنؤؤؤقهـ*"]

البنات
ماقصروا
وموفقه