(((( مكتبات اطفالنا00 بالصور )))

[جوري الزبير]

السلام عليكم
شلونكم حبيباتي 00بما اني من الناس الي تحب القراءه يعني قبل ولادتي لعيالي كنت مدمنة قراءه او بالاحرى كان الهي يسموني دودة الكتب الي تاكل الاوراق اكل وقريت باكثر من ادب وحتى العلوم ولله الحمد والمنه 00 والحين حدي مقصره لكثرة الانشغال 00 بس تحول ميولي لكتب التربيه والتعامل واسرار الاطفال واشياء تخص البيت والطفل 00 بس لي رجعه باذن الله على النوع الي احبه من الكتب 00
مابي اقرق وايد 00 موضوعي اهو ان نعرض مكتبات اطفالنه ونعرض كتبهم بالصور ونتبادل الخبراة00
يعني الي تحط صور قصص اطفالها هذا الشهر تقول لنه شنو القصه الي تاثرو فيها او حبوها اكثر وشنو الكتاب الي تنصحنه ان يكون في مكتبة اطفالنه 00
ونحاول نجمل الموضوع بالصور وحتى تعليقات اولادنه على القصه وردود فعلهم 00
وان شاء الله هالشي يلاقي قبولكم وان لقيت تشجيع انا اولكم بنزل صور القصص الي شريتهم حق هذا الشهر لعيالي :klhfl:00
والي عندها تعديل على الموضوع او اقتراح يزيد من قيمه وفائده الموضوع انا اررررررررررحب واكون شاكره لها لو ساعدتني
:ggdw:

 

[Little_Queen]

موضوع حلو ..

و اتمنى فعلا ان هالموضوع يساهم في توعيه الامهات بخصوص القراءه

حتى لو اهما ما يحبون القراءه لكن لازم يعودون عيالهم عليها من الصغر لان القراءه فعلا مفتاح الانسان للتفكير و الابداع و ان يكون شخص مثقف و متزن في كلامه و تفكيره

ميخالف الامهات رح يحسون بثقل بالبدايه لو اهما ما يحبونا القراءه بس فعلا لما يستمرون فيها اهما رح يحبونها و رح يحببون عيالهم فيها



لو متزوجه و عندي عيال جان اكيد بعلمهم عالقراءه و أقرالهم قبل النوم

 

[نوته رومنسيه]

موضوووع واااايد حلو
الله يعطيييييج العاااافيه

 

[جوري الزبير]

موضوع حلو ..

و اتمنى فعلا ان هالموضوع يساهم في توعيه الامهات بخصوص القراءه

حتى لو اهما ما يحبون القراءه لكن لازم يعودون عيالهم عليها من الصغر لان القراءه فعلا مفتاح الانسان للتفكير و الابداع و ان يكون شخص مثقف و متزن في كلامه و تفكيره

ميخالف الامهات رح يحسون بثقل بالبدايه لو اهما ما يحبونا القراءه بس فعلا لما يستمرون فيها اهما رح يحبونها و رح يحببون عيالهم فيها



لو متزوجه و عندي عيال جان اكيد بعلمهم عالقراءه و أقرالهم قبل النوم

حبيبتي كوين نورتي الموضوع 00 وعسى ربي يرزقج الزوج الصالح والذريه الصالحه دين ودنيا وتقرين لهم كل كتب العام وقصصه يارب 00
انا هذه طريقتي مع العيال قبل النوم قصه عاد تشتغل الحنه ماما عيديها عيديها ههههههههه
ادري اني تاخرت عليكم بحط الصور بس والله من يومين ومانا مو قادره ادش الموقع كله يقولي عليه ضغط عيدي المحاوله وعندي صور باكثر من مشاركه للحين مو قادره انزلهم ادعولي حبيباتي

 

[جوري الزبير]

موضوووع واااايد حلو
الله يعطيييييج العاااافيه

يعافيج ياقلبي مشكوره على الرد

 

[SARA_912]

متابعه

 

[LA TROO7]

متابعه
يعطيج الف عافيه موضوع مفيد يالغاليه

ولدي توة سنتين للحين بس يحب يتصفح الكتب خصوصا اللي متروسه صوور

انطر بس يدش الكي جي ون ورح اعلمه حب القراءة لاني انا وابوة مدمنين كتب

 

[عيون منوعه]

ماشاءالله فكره وايد حلووة و مميزه فعلا ..

آنا توني صغيره و مو متزوجه ولا عندي عيال <~ لووول

بس جد القراءه فعلا ممتازه تنمي مهارات الطفل و يساعده على التفكير بشكل جيد :-*

 

[جوري الزبير]

متابعه
يعطيج الف عافيه موضوع مفيد يالغاليه

ولدي توة سنتين للحين بس يحب يتصفح الكتب خصوصا اللي متروسه صوور

انطر بس يدش الكي جي ون ورح اعلمه حب القراءة لاني انا وابوة مدمنين كتب

الله يعافيج يا قلبي 00 بس يقولج شي دام اانه سنتين لازم تقرين له القصه وبصوت عالي مع انه يشوف الصور 00
انا سمعتها من بروفسور بريطاني واااااااااااااااايد احس اني شاكره له 00مره كنت في مركز الراشد ولقيته هناك وكنت حامل 00قالي اذا كنت اقرا للبيبي الي بطني 00 ضحكت قلت له لا انا اقرا حقي لين يجي جان يقولي نووووووو ههههههه
لازم تقرين له وهو بطنج 00 وصدقيني والله شاهد على الي اقوله رحت شريت كتب باكثر من اختصاص ادبي وكمبيوتر وسير القاده والخلفاء 00 والله ثم والله ان هالشي انعكس على ابني الي عمره اربع ونص الحين وكل ميوله اهو هالاشياء ويدور الاشياء الي فيها لغة عربيه بحته هههههههه فاتمنى حتى الحامل تقرا 00
واااااااانا صج اسفه ني تاخرة بتنزيل الصور بس والله الموقع مو رااااضي يتبطل معاي صار لي خمس ايام وكله يقولي اعد المحاوله

 

[جوري الزبير]

متابعه
يعطيج الف عافيه موضوع مفيد يالغاليه

ولدي توة سنتين للحين بس يحب يتصفح الكتب خصوصا اللي متروسه صوور

انطر بس يدش الكي جي ون ورح اعلمه حب القراءة لاني انا وابوة مدمنين كتب

الله يعافيج يا قلبي 00 بس يقولج شي دام اانه سنتين لازم تقرين له القصه وبصوت عالي مع انه يشوف الصور 00
انا سمعتها من بروفسور بريطاني واااااااااااااااايد احس اني شاكره له 00مره كنت في مركز الراشد ولقيته هناك وكنت حامل 00قالي اذا كنت اقرا للبيبي الي بطني 00 ضحكت قلت له لا انا اقرا حقي لين يجي جان يقولي نووووووو ههههههه
لازم تقرين له وهو بطنج 00 وصدقيني والله شاهد على الي اقوله رحت شريت كتب باكثر من اختصاص ادبي وكمبيوتر وسير القاده والخلفاء 00 والله ثم والله ان هالشي انعكس على ابني الي عمره اربع ونص الحين وكل ميوله اهو هالاشياء ويدور الاشياء الي فيها لغة عربيه بحته هههههههه فاتمنى حتى الحامل تقرا 00
واااااااانا صج اسفه ني تاخرة بتنزيل الصور بس والله الموقع مو رااااضي يتبطل معاي صار لي خمس ايام وكله يقولي اعد المحاوله

 

[جوري الزبير]

ماشاءالله فكره وايد حلووة و مميزه فعلا ..

آنا توني صغيره و مو متزوجه ولا عندي عيال <~ لووول

بس جد القراءه فعلا ممتازه تنمي مهارات الطفل و يساعده على التفكير بشكل جيد :-*[/quo
ربي يرزقج الزوج الصالح والذريه الصالحه ان شاء الله وتحطين لنا صور مكتبت عيالج يا قلبي

 

[جوري الزبير]

وااااااااااااااااي مابغى الموقع يبطل معاي صج نفسيتي تعبت
المهم هذه القصه الاولى وهم حق ولدي بو اربع سنين 00 قصتها حلوه عن التعامل وحسن الخلق مع الكبير ومردوده على الانسان

القصه الثانيه سندباد طبعا الي دوم الاطفال الصبيان يحبونها

الكتبا الثالث مو قصه انما يتكلم عن الدينصورات واسماها 00 استانس على العيال لما اقرا الاسم وغصب يقولون نص وله ربع الاسم ونقعد نضحك

في بعد ثلاث كتب مابطلناهم للحين وهم حق هذا الشهر بس ابي اتاكد اذا كانت الصور بتطلع وله لا ياررررررررررب تطلع
يالله بنات شجعونه ونبي نشوف قصصكم الحلوه

 

[q8 sun]

عجيب الموضوع و انشاء الله لي رجعه للقصص

في موقع وايد حلو فيه قصص حق الصغار يعني الكل يستفيد منه

http://kids.islamweb.net/default.htm

 

[LA TROO7]

معلوومه حلووووووة راح ابدأ اقرأ له وسم الله عليه يحب يسمع اذا سولفت عليه

خوووش صووور

 

[عهود الحب]

من صغرهم اعلمهم القراءة وكل طلعة ووناسة نمر عالمكتبة
و اذا شفت شي يعجبني اشتريه لهم
و كذلك لما اقعد اقرا يقعدون يقلدوني
باختصار الأم قدوة والأطفال يقلدون احد الأبوين يا الأب يا الأم فما بالك لو اثنينهم يحبون القراءة
انا زوجي ما يقرأ نهائيا ً الا اللهم الجريدة وانا بنظري هذي كلش مو قراءة

القراءة الي تعلمني و تنفعني وتوسع مداركي وخيالي هي القراءة
القراءة هي الي تغير بشخصية الانسان


انا حاطة لهم ركن بمكتبتي وحاطة لهم بعد مكتبة صغيرونه بغرفتهم يم التلفزيون
ودايمن لما اشوف احد يقرا منهم اشجعه حيييييييل الين يفرح و يحس نفسه مسوي انجاز قوي
فيرتبط الشعور الحلو بعد التشجيع بالقراءة



انصح بالكتب المصورة للأطفال و تكون كلماتها قليلة [ خاصة سن الروضة
و الكتب الي خطها كبير وواضحه لسن الابتدائي



قبل فترة شريت لهم قصص الغابة الخضراء

و أحب الكتب الانجليزية الي بمكتبة جرير
لأنه فيها انشطة وممارسات مثل قص و لصق و تحويط واكمال الشكل والاختلافات السبعة
هذي كلها مهارات ذهنية للطفل
و يقترن فيها اللعب بالقراءة


واللحين جرير مسوي تنزيلات على مجموعة كبيرة من قصص الأطفال

للي حاب يستزيد منها لأطفاله

 

[!الجادل الصعب!]

خوووش موضوع .. انا اجهز غرفة ولدي فديته الجديده ومن الحين مزهبة له ركن للمكتبه .. مع ان عمره 9 شهور بس حآبه انه يكون محب للقراءه .. آقل مافيها تتوسع مدآركه لما يكبر حتى لو مايتخذها كهواية .. بس تجهز الغرفه وعد انزلها لكم ..

 

[جوري الزبير]

عجيب الموضوع و انشاء الله لي رجعه للقصص

في موقع وايد حلو فيه قصص حق الصغار يعني الكل يستفيد منه

http://kids.islamweb.net/default.htm

حبيبتي حيااج الله ومشكوره على الموقع :hjy5jewf:

 

[جوري الزبير]

من صغرهم اعلمهم القراءة وكل طلعة ووناسة نمر عالمكتبة
و اذا شفت شي يعجبني اشتريه لهم
و كذلك لما اقعد اقرا يقعدون يقلدوني
باختصار الأم قدوة والأطفال يقلدون احد الأبوين يا الأب يا الأم فما بالك لو اثنينهم يحبون القراءة
انا زوجي ما يقرأ نهائيا ً الا اللهم الجريدة وانا بنظري هذي كلش مو قراءة

القراءة الي تعلمني و تنفعني وتوسع مداركي وخيالي هي القراءة
القراءة هي الي تغير بشخصية الانسان


انا حاطة لهم ركن بمكتبتي وحاطة لهم بعد مكتبة صغيرونه بغرفتهم يم التلفزيون
ودايمن لما اشوف احد يقرا منهم اشجعه حيييييييل الين يفرح و يحس نفسه مسوي انجاز قوي
فيرتبط الشعور الحلو بعد التشجيع بالقراءة



انصح بالكتب المصورة للأطفال و تكون كلماتها قليلة [ خاصة سن الروضة
و الكتب الي خطها كبير وواضحه لسن الابتدائي



قبل فترة شريت لهم قصص الغابة الخضراء

و أحب الكتب الانجليزية الي بمكتبة جرير
لأنه فيها انشطة وممارسات مثل قص و لصق و تحويط واكمال الشكل والاختلافات السبعة
هذي كلها مهارات ذهنية للطفل
و يقترن فيها اللعب بالقراءة


واللحين جرير مسوي تنزيلات على مجموعة كبيرة من قصص الأطفال

للي حاب يستزيد منها لأطفاله

حبيبتي زززززززززززين تسوين وعسى ربي يوفقج ويباركلج بعيالج ان شاء الله
اي شفت الخصومات الي بجرير وايد حلوه وكل اسبوع اخذهم يلعبون شوي وبعدين ندش المكتبه يختارون قصص لهم بس عاد كل اسبوع قصه على اساس بالشهر يكون عندهم اربع قصص00
وفي بعد كتاب الحين بنزل صورهم الي اهو عن النشاطات اليوميه من رسم وارقام وقص ولسق واااااااااايد نفعني ايام زوارة الاهل وله اكون مشغوله اختار لهم منه واسويه على ورقه كبيره واقول لهم يالله طبقو ولونو والي يسويه حلو بحط له نجمه ومن هالسولف00

 

[جوري الزبير]

خوووش موضوع .. انا اجهز غرفة ولدي فديته الجديده ومن الحين مزهبة له ركن للمكتبه .. مع ان عمره 9 شهور بس حآبه انه يكون محب للقراءه .. آقل مافيها تتوسع مدآركه لما يكبر حتى لو مايتخذها كهواية .. بس تجهز الغرفه وعد انزلها لكم ..

حبيبتي الجادل عسى ربي يبارك لكم بغرفة البيبي فدييييييته اموت فيهم بهالعمر 000
شوفي حبيبتي انا بديت مع ولدي من عمر ست شهور بنوع معين من القصص الي اهو يكون مجسم يعني يقدر لمس شكل الحيوان الي بالقصه وله مسكه يطلع صوت 00
مثلا كانت القصه بطوط فيها مجسم بطه وانتي تقرين الصفحات اهو يضغط على البطه بيطلع صوت وق وق ههههههههه
وااااااااااايد كانت حلوه وتعلم الطفل على اصوات الحيوانات موجوده بكل المكتبات 00ودي احط لج صوره هالنوع من القصص بس 00
للاسف انا اعطي القصص حق رفيجاتي وخواتي على اساس يستفادون منها وولدي بعد دوم لي زاره ولد خالته يعطيه قصه بس لما اروح الاقي القصص متبهذله ومهمله من جذي حرمت خلاص قلت بحفظ كل القصص لعيالي وعيال عيالي ان شاء الله

 

[جوري الزبير]

بنات بقول لكم شي بعد 00 لما يكونون عيالكم معاكم بالمكتبه ويختارون قصه لهم وتسالونهم شنو اخترتو بيقولون لكم 00اهم بعد دوم يسالون شنو شريتي او شنو هذا الكتاب 00 مهما كان اسم الكتاب ومهما كان موضوعه صعب على عقل الطفل قولو لهم اسمه ونبذه مختصره عنه 00
هذا بيخلي عندهم نوع من التحمس انه بيقرا في يوم من الايام لو صار بعمر معين 00 وهالشي انا جربته وصرت لما ابي اختار كتاب مع ان ولدي مايستوعب شنو مضمون الكتب 00 من باب الحوار بينه دوم اقوله مااما قصتك وايد حلوه شكلها واكيد فيها شي مانعرفه انزين انت شرايك بكتابي عطني رايك عشان اذا بغيره اختار من الحين واحنه بالمكتبه 00 ههههههههههههههه تصدقون احسه صج يصدق عمره ويقولي لالالا حلو حلو هههههه شنو في قصه 00 عاد انا هني اعكيه كم كلمه عن كتابي 00حبيت اقولكم هالمعلومه وان شاء الله تستفادون منها 00
انطروني بالليل بحط صور كتب ولدي الصغير بوثلاث ونص