ديوانية شموسه ورينبو...الي ولادتها بالصيف تتفضل تقرق معانا

[rainbow_brite]

صباحج احلى
مادري متى بيطلعوني بس ما اظن قبل الاحد
الله كريم
لا وصاير فيه حركه جديده وحده تفر على الجناح وتبيع شباصات بو 100 بس هذي اكسرت خاطري لانها مره كبيره
وشريت منها

خخخخخ صج حركه يديد والله الحكومه تطورات عجيبه هالايام الله يستر من اللي ياي :eh_s(3):



ملوك انتي في الجناح القديم والا اليديد يعني بس اللي معاج بالغرفه ثلاث وحمامكم تكرمين واحد

 

[rainbow_brite]

كيوت كيتي كيوت كيتي كيوت كيتي

بقوله جم مره على ما اتعود عليه خخخخخخخ



بنات انا الحين صارلي 12 يوم داشه شهري بس مراجعاتي كل اسبوع بس ما فحصوني داخلي طبيعي حتى عيالي بشهري ما يفحصون جتى لم اراجع طواري الصباح يسوولي تخطيط اذا فيني عوار ويحطولي جهاز الطلق ولاحظت ان اغلبكم سوولكم فحص شرايكم عادي


بنات الاوادم بلشو يسالوني السؤال اللي اتوقع كلكم جربتوه


ما ولدتي يالله بسج ما تبين تولدين مع ان انا تو الناس على موعدي ما طفته

وحده من رفيجاتي يايها طلق بالثامن داقه علي تقولي ما ولدتي قتلها تو الناس تقولي انا فيني طلق وانتي ما ولدتي مع انها تدري اني ما اييني طلق بولاداتي كله ينزل الماي بعدين يحطولي طلق صناعي تقولي ما فيج اعراض ولاده قتلها فيني عوار ويشد معاي وتجاديم تقولي اقولج انا فيني طلق وانتي تقوليلي تجاديم ما ادري اهي فيها طلق وانا اللي لازم اولد والله شي غريب

المشكله ان الناس اللي يسالوني ما ولدتي ما شا الله عندهم عيال ومجربين ويدرون ان مو طبيعي تولدين قبل موعدج ووايد شي طبيعي تولدين بالموعد اللي معطيج الطبيب عيل الدكتور ليش معطيني الموعد استعباط


واي ادري تحملوني بس لان هالاشكال يبطون الجبد ويضحكون الحمد الله والشكر عليهم

 

[ذكريات]

هاااااااااااااااااااااااااااااااااااي بنوتات شخباركم

انا ولدي صار ريال و انتوا للحين ما ولدتوا << تبي تغثكم هههههههههه

الله يهون عليكم و يعينكم على ملاقة الاربعين

 

[rainbow_brite]

هلا والله ذكريات :eh_s(8):



ولهنا عليج :eh_s(22):



ما شا الله طلعتي من الاربعين :eh_s(15):



الله يخليلج ولدج :eh_s(21):




ولا تنسينا مري علينا اذا فضيتي وقوليلنا شسويتي بالاربعين :eh_s(7):



ترا على فكره ما قلتيلنا قصه ولادتج


ناطرينها :eh_s(1):

 

[nonia]

ملاك هديهالله يعينج على المستشفى , ميخالف حبيبتي تحملي أهم شي انج شريتي شباصات بو 100 والله ضحكتيني يحليلج على هالسوالف.


بنت النوخذه تبين تضحكين من كثر ما حن علي ريلي على اللاب توب احترق الشاحن ماله واليوم الشركة مسكره ما راح تبطل الا السبت وحياتج خليته يشتريلي الصيني بو طقه من حولي
بيني وبينج يشتري راحته ولا حنتي
وبعدين يارا حلو بنت رفيجتي ندلعها يويو واتينن هاليويو اسم الله عليها.


كيوت كيتي تدرين الله لا يغير عليج خليه على النت اريح لج قلب.


رينبو لا تحاتين انا لو ما ياني عوار ذاك اليوم والا جان ما فحصوني .


أم حموودي شلونج وشلون حمودي ياحلاة اسمه بس
وانشاءالله تتسهل أمورج وتبشرينا بولادتج يارب , عسى الله يسهلها عليج.


كاشونه قوليلنا آخر أخبارج احنا نقرق بكل شي وما نسمع شي منج


أوشال شلونج اتصدقين قاعده اسولف حق ريلي انج تسهرين بنتج معاج واقوله عادي انا بعدين اسهر ولدي لأن منو بيقعد معاه قالي زين تسوي مره اهم شي ما تقط بنتها عند الخدامه , هذا اللي كله يحاتيه ريلي اني اقط الياهل عند الخدامه

 

[nonia]

سكتي رينبو انا كل شوي احد يدق علي والله أول سؤال ها ولدتي , وااااااااااااي حدها تحرني الكلمه بس أضحك يعني عادي بس والله ودي أذبحهم .

 

[nonia]

TooToo و شمس

وينكم مو مبينين فقدتكم .

 

[nonia]

هاااااااااااااااااااااااااااااااااااي بنوتات شخباركم

انا ولدي صار ريال و انتوا للحين ما ولدتوا << تبي تغثكم هههههههههه

الله يهون عليكم و يعينكم على ملاقة الاربعين

هلا حبيبتي صاجه والله اسم الله ولدج عليه صار ريال , بس يالله ادعيلنا عسى الله يسهل علينا انشاءالله وميخالف احس جنه الاربعين وناسه بالصيف كل يوم يتيمعون خواتي ماكو مدرس ولا شي بس الله يستر لا يحوشني اكتئاب الااربعين :eh_s(11): عاد انا بروحي عوبه كله مكتأبه وبس

 

[nonia]

ما شاءالله TooToo الطيب عند ذكره توني أسأل عنج :eh_s(8):

 

[كاشونه الاصليه]

تعبانه والله خشمي امضايقني امسكر واذا فتح لما اتنفس الهوى يحرقنني من داخل خشمي لما اانام اغطي ويهي ما اقدر اتنفس الا هوى حار واذا تسكر بس عاد اتنرفز واموت ابي انام ماني قادره

 

[TooToo]

NONIA حبيبتي مشكورة عالسؤاال بس انا اييني عوار ويروح فلازم انسدح ما اعبر عالقعده الطويلة جدام الكمبيوتر والله شكلي بولد اليوم نراكم على خير مع خبرية ولادتي ياحبايبي ( من أول حمالي لي آخره ) --راح افقدكم كلكم :*

 

[nonia]

NONIA حبيبتي مشكورة عالسؤاال بس انا اييني عوار ويروح فلازم انسدح ما اعبر عالقعده الطويلة جدام الكمبيوتر والله شكلي بولد اليوم نراكم على خير مع خبرية ولادتي ياحبايبي ( من أول حمالي لي آخره ) --راح افقدكم كلكم :*

حبيبتي TooToo الله يسهل عليج يارب وتبشرينا والله راح نفقدج من غير شر .

 

[ملاك هدية]

هاي بطات
مراسلتكم من مستشفى العدان تعود من جدين
سوري ما اقدر ارد على وحده وحده
بس تسلمون وما قصرتو
اتوفع يطلعوني على الاحد او الاثنين
رينبو حدج راهيه 3 مريضات لهم حمام واحد صج كشخه عندكم
احنا عندا احم احم حمامين كرمكم الله للجناح كله
والله يابنات تلوع جب\ي من الحمامات لدرجه انه اموت من الحسره وااجلها لما خلاص بعدين اروح بعد شسوي يمكن هي الحمامات من عهد الفراعنه لام ماشفت مثل سيفونهم بحياتي عجيب غريب
ادري لوعت جبدكم بس شسوي اشكي الحل
الخبريه الثانيه
مامي
كلمتني اليوم من المانيا تخيلو احساس الام تقول لي وينج اقولها في البيت تقول لي لا انتي في الطبيب قالولي اخوانج مع ان محد قالها شوفو شلون صادتني
قلت لها ايه انا بالطبيب قامت تبجي وحالتها حاله وتحلف انها اذا لقت حجز راح تجي اهي تحلف وانا احلف اقولها والله انا بخير مو راضيه تصدقني
صكت التلفون واهي تبجي
عاد انا هني شصار بالسكر وصل مليون
بنات للقصه تكمله
فاصل اعلاني ونعود من جديد

 

[جاكليت]

:

eh_s(8):قوه بنات اشلونكم

انا ولدت بالسلامه بالموعد 7-7-2007 بمستشفى المواساة
ويبت بنوته اسم الله عليها أخت لنور و حور وان شاء الله بس ارتفع اشوي راح أقولكم قصتي لأني والده قيصريه وللحين تعبانه شوي

بس قلت امر عليكم لاني مشتاقتلكم وايد

والله يسهل عليكم اجمعين

:eh_s(8)::eh_s(8)::eh_s(8):​

 

[Cute Kitty]

نونيا
والله عادي مو متضايقه على قولتج اريحلي

ملاك هديه
الله يعينج على الحمامات عاد كل شي ولا هالسالفه الحمام صعبه وانتي حامل يبيلج كل شوي تدشين
وامج مسكينه اكيد قلب الام يحس الحين تلاقينها بتستخف علشانج مهما طمنتيها ترا ماراح تطمن لما تشوف بعيونها
الا صج شلون بنتج الحين والله حدي احاتيها مسكينه

جاكليت
الحمد الله على السلامه حبيبتي وتتربى بعزكم ان شاء الله

 

[ام حمووودي]

مسااااء الخير مدامات شلونكم كلكم شخباركم ؟؟؟؟


نونيا ميرسي يا البي ... هيدا من زوئك <====== اعرف لغات مو هينه انا :eh_s(9):


ذكريات الله يخليلج ايااااه وانشالله لاحقينج :eh_s(7):... وملاقة الاربعين عندي اهووووووون من ملاقة الشهر التاسع


جاااكليييييته ياقلبي مبروك ماياكم ويتربى بعزكم انشالله عسى الله يجعله من الذريه الصالحه:eh_s(17)::eh_s(17):

 

[ام حمووودي]

ملوكه الله يعينج ويصبرج صج صج معاناة ... انا جربت نومة المستشفى بالعمومي ليله وحده وكرهت عمرييييييييييي ... قلبي معاج :eh_s(21)::eh_s(21):

 

[rainbow_brite]

اشوه نونيا طمنتيني والا انا قاعده اقول اشمعنا انا ما يفحصوني اخترعت عبالي الفحص ظروري وانا اراجع مستوصفنا قسم الحوامل فتخيلت ان شغلهم خواره وتوقعت منهم

وي نونيا اتصدقين على سالفة الخدامه انا ريلي ما يرضى اخلي العيال مع الخدامه :eh_s(4): طبعا بجري ما جاسته خدامه بس اسم الله عليه لم صار عندي اثنين والحين حامل صار غصبن علي واتكلت عليها بوايد اشياء بس الود ودي ما اقطهم عليها بس شسوي غصبن علي ان شا ء الله بالسلامه اذا ولدت وصرت زينه وشد ظهري بحاول شوي افجهم عنها :eh_s(2):

ونصيحه نونيا بالاربعين دايما اقري ادعيه في قلبج وردديها دايما اذا حسيتي باكتئاب واذا تازمتى حطي شريط قرآن ترا اكتئاب الاربعين مووشي الواحد يستهين فيه الله يبعد ه عنكم كلكم انا في بجري كان بارمضان ونفس ما قلتي داش طالع مسلسلات وسهر مع خواتي وبجر الكل مستانس فيه ووده يشيله عني فما حسيت بالاربعيين بس الله لايوريج في نفاسي الثاني حاشني اكتئاب النفاس :eh_s(16): كنت اقرا عنه بس ما اصدق تخيلو وسواس وبجي من غير سبب :eh_s(11): وشعور بالذنب وخوف :eh_s(2): والله بس انوم الياهل حدي فيني نومه احط راسي انام تاكلني الافكار وما ارد انام اقعد من الفير افتر بالصاله وامي تستغرب :eh_s(10):تقولي نامي مو زين وانا ما اقدر انام والمشكله يقعد الياهل من النوم واكون حدي تعبانه وتخيلي من الصبح اقعد والله من ضيقة الخلق ادقدق على رفيجاتي بالدوام يقولولي انتي شمقعدج واي لأ صج ايام كئيبه فتشوفيني خايفه من الاربعين والنفاس من الحين حتى امي تقولي لا تسوين بعمرج جذي من الحين وكله تقولي حمدي ربج كلنا معاج ويمج خواتج داشين طالعين عليج والله نونيا يوم كنت بطلع من الاربعين من كثر ما افكاري متظاربه :eh_s(4): مو عارفه اودي اغراضي الشقه بس اقعد اطالعهم واقعد ابجي واقول لأ ما راح اقدر ارد البيت وحاشني خوف والله قعدت بدال الاربعين يوم خمسين بس الحمد الله لم طلعت شوي اتحسنت نفسيتي وبعد كنت ارضع طبيعي فالهرمونات تلعب دور ما بي اخرعج بس ابيج اديرين بالج انتي والبنات ترا حاولو كله تكونون مع احد ولا تقعدون بروحكم اللي بالنفاس لازم ما تنام بروحها بالليل لازم معاها احد والله كريم ان شا الله :eh_s(1):

 

[nonia]

:

eh_s(8):قوه بنات اشلونكم

انا ولدت بالسلامه بالموعد 7-7-2007 بمستشفى المواساة
ويبت بنوته اسم الله عليها أخت لنور و حور وان شاء الله بس ارتفع اشوي راح أقولكم قصتي لأني والده قيصريه وللحين تعبانه شوي

بس قلت امر عليكم لاني مشتاقتلكم وايد

والله يسهل عليكم اجمعين

:eh_s(8)::eh_s(8)::eh_s(8):​

هلا حبيبتي الحمدالله على السلامة ومبروك عليكم الصغيره الحلوه وبانتظار القصة كاملة

 

[rainbow_brite]

جاكليت الله يقومج بالسلامه كلنا ولهنا عليج وناطرين قصة ولادتج ولا تقاطعينا بالاربعين ودنا نعرف اخبارج اول باول مري علينا بين فتره وفتره

كاشونه سلامات ما تشوفين شر والله انا حايشتني انفلوانزا اليوم الظاهر تسبحت وحاشني هوا اتصدقين بس اركب سيارة ريليواكون متسبحه ايصير فيني انفلوانزا وقاعده اطقطق وخلصت نص قوطي الكلنكس

توتو الله يهون عليج زدعواتنا لج وقلوبنا معاج لا تنسين تبشرينا