ديوانية بيت العمر

[سنعه ومنعه]

صباح الخير

من فترة أدش وبقرأ اللى فاتنى

ممتاز سافانا يعنى رحتى مدينة الأضاءة

أنا لما سكنت شندة مدينة الأثاث كنت أنزل من الصبح للأضاءة وأرجع

خذيت نظام الشموع لجزء من الأستقبال

والجزء الثانى من الأشتقبال خذيت نظام الكبوس يعنى مثل الطربووش الأباليك مع الألاجورات نفس الديزاين

يعنى روااد ديوانيتنا الموقرة لاأخفيكم ماكو شى يخفى عليكم

كانت رحلة وفيها مجازفة بس راااحة بالنهاية

عساها راحة جنة الدنيا والآخرة

حاضرين لكم حبايب قلبى

 

[أم~بيبي]

السلام عليكم

كيفكم بنات

حبيت اسئلكم عن المغاسل الخارجيه للضيوف

وش اخر شي بالموضوه لاني من جد محتاره

انا حطيت جرنيت بالحمام وبيت المغاسل وهو معتق فرنسي بايحاء قديم تعتقدون وش الي يناسبه من المغاسل

وشاكر لكم وياليت الي عندها صورها تحطها

 

[ريناد9]

[/url][/img]

ماشاء الله الثريات جدا روعة والاضاءة حلوة ..

تسلمين حبيبتي ...في السوق التنين اللي بدبي نفس الثريات ..وكل محل احلى اللي عنده من ثاني

 

[اخت فروحه]

يعطيج العافية سافانا

بصراحة اعجبتني الاضاءة

وفي انتظار التقرير

 

[ســتارز]

ماشاء الله رووعة يعطيج العافية سافانا وبالانتظار للبقية

 

[جويـريه]

ماشاء الله الدوانيه عامره

سافانا


عليج بالعافيه تهنين فيهم خوش شي

انا عجبني الصحي كله

والبانيو الاحمر يهبل حسافه ماخذيتوه

 

[اااه يا دنيا]

سافانا خوش تقرير وحسافة يا ريت فى صور ولا تذكرتى شى جديد سدحيه بالديوانيه البنات

يستاهلون :klhfl:

والله ما اكدر احط صور ياريت زيارة لحد المسيلة تشوفي عالطبيعة

 

[اااه يا دنيا]

السلام عليكم
هل من احد

صور جلسات من هياتي بالنت

لاحظوا الباب

الدار المغربية بتسوي مثل عالشغل و احسن بعد

 

[ســتارز]

سارة والبنات واللي يعافيكم الصباغ ينطر

شنو اخر ستايل صالات الاستقبال ا..الصبغ .. هل موضة التعتيق والترخيم انتهت طيب شالبديل ؟

انا مختارة الالوان بس طريقة التوزيع متعبتني ابي شي حلو وراقي

فكرت احط ورق جدران بس حسيته يصلح للاثاث المودرن اكثر وانا اثاثي كلاسيك

 

[ســتارز]

مرحبــــــــــــــــــــــــــــــــا

 

[thenutybee]

مساء الخير بنات شلونكم
بنات كان في موضوع عن وحدة مسوية تجويف ارضي ومسوية وحاطة في اضاءة ياريت اللي عندها الرابط تحطه لي

 

[مشغوله و محتاسه]

مساكم ورد


الديوانيه ماشاء الله وايد مفيده




سافانا حمدلله عالسلامة و بالعافية المشتروات


الصور روعه

و تعطي افكار

احنا مخططين نروح الصين ... و ما يندرى وقت التطبيق و الجد شنو يصير


الله يوفقكم جميعاااا

 

[أم طيووف]

مساء الخير..
يعطيكم الف الف عافيه
بصراحه اقرا افكاركم وادعيلكم..
مشاء الله احس الحرمة كل شيء على راسها صارت تعرف كل شيء حتى ادق الامور ..
المفروض الرجال يحط الحرمه على راسه مكفيه وموفيه من كل النواحي..
طيب بنات باخذ رأيكم ودي احط جزيرة لمطبخي هو اربعه بخمسه.. شرايكم يصير ولا يضيق المطبخ علي؟؟؟

 

[مشغوله و محتاسه]

ام طيووف


مطبخج صغير .. ما تعتقدين راح يضيق المكان ؟؟


بس اذا كانت مستطيله و ملمومه مو وايد كبيره .. تطلع حلوه ليش لا ..



شنو مفكره تسوينها ؟؟

 

[sara3]

اولا سكنا في البارك فيو (3نجوم ) والكل يمدحه رغم اني ماشفت فيه شي زود

بعدين سكنا في الهوتيان (3نجوم ) فيه شطاف اسلامي وفيه جهة القبله ويكون بنفس الفندق مطعم الباشا والي تاخذ الطلبات تتكلم عربي

ومقابل الفندق مطعم الخليل وبجنبا حي سكني كامل الغالبيه عرب الي هو مجمع الشخويان ,,

وبعد بقاله السلام عليكم بقاله عربيه فيها كل شي جميع الاجبان والبهارات وحتا الزعتر ,

سوينا مساج ريلاكس وممممممممممممم شنو بعد ,,,,

كل الصور الي عندي ان شاء الله بنزلها واشرح عليها ,,,,

ونسيت رحنا لمجمع البلدنق لذر لمدة 5 ايام مداومين فيه حق الجنط وجواتي ,

ما قصرتى سافانا واحلى شى الريلاكس متى يا قلبى نصير ريلاكس واتخلص بيوتنا ونرتاح من هم التفكير

فى انتظار الجزء الثانى:eh_s(6):

 

[sara3]

سارة والبنات واللي يعافيكم الصباغ ينطر

شنو اخر ستايل صالات الاستقبال ا..الصبغ .. هل موضة التعتيق والترخيم انتهت طيب شالبديل ؟

انا مختارة الالوان بس طريقة التوزيع متعبتني ابي شي حلو وراقي

فكرت احط ورق جدران بس حسيته يصلح للاثاث المودرن اكثر وانا اثاثي كلاسيك

بالنسبة لى اشوف كل شى حلو بس فى مكانة الصح ومع الاضاءة يطلع شى والناس اذواق


احنا مدخل عمارتنا كان مرخم وعقب قعدوا يسنعون فى العمارة والشقق اللى تفضى يقسمونها ثنتين صارت قراقير قواطى سردين مالهم شغل بالعالم اللى بتسكن واحنا نقول الشقق عندنا صغار
تخيلى تدشين من الباب على يمينك اهى صالة اهى غرفة نوم اهى مطبخ وممر صغير حمامين واحد بانيو وواحد شور
نرجع للصبغ ديكورات المدخل كلاسيك من قلب متعوب عليها اصبغوها لون موديرن رمادى وكل سكان العمارة يتحلطمون

مثل ما قلت فوق الناس اذواق

 

[sara3]

مساء الخير بنات شلونكم
بنات كان في موضوع عن وحدة مسوية تجويف ارضي ومسوية وحاطة في اضاءة ياريت اللي عندها الرابط تحطه لي

هلا وغلا تقصدين هذا

http://q8yat.net/showthread.php?t=255902

 

[sara3]

مساء الخير..
يعطيكم الف الف عافيه
بصراحه اقرا افكاركم وادعيلكم..
مشاء الله احس الحرمة كل شيء على راسها صارت تعرف كل شيء حتى ادق الامور ..
المفروض الرجال يحط الحرمه على راسه مكفيه وموفيه من كل النواحي..
طيب بنات باخذ رأيكم ودي احط جزيرة لمطبخي هو اربعه بخمسه.. شرايكم يصير ولا يضيق المطبخ علي؟؟؟

يعافيك يا قلبى وفعلا كلامك كل شى على راسنا


شوفى الجزيرة يبيلة اقل شى مسافة 1.20 متر وعشرين من الخزانة عشان سهولة الحركة وفتح الخزاين

فانتى شوفى اللى يناسبك صممى مطبخك على الورق وشوفى احتمال انك تبين خزاينك جهة وحدة وما اعتتقد فى مشكلة

وراح احط لك نبذة عن المطبخ اللى على جدار واحد

(مطبخ خط مفرد مع جزيرة)

توفر جزيرة المطبخ سطح عمل ومساحة تخزين إضافيه. وهي تسهّل أيضاً لعدة أشخاص العمل في وقت واحد داخل المطبخ.
إذا أردت يمكنك تزويد الجزيرة بحوض أو بفرن/موقد إضافي. ولكن قبل أن تقرري ذلك، تأكدي أولاً من إمكانية توصيل مواسير الماء والصرف الصحي، الكهرباء وشفاط الموقد إلى الجزيرة. وتأكدي كذلك من وجود سطح عمل بين الموقد والحوض حتى لا تضطري إلى المشي عدة خطوات أثناء حملك أشياء ساخنة.
ستحتاجين إلى غرفة مطبخ كبيرة لتنفيذ هذا التصميم.
يجب أن تكون هناك مسافة 120 سم على الأقل بين الخزانات والجزيرة للتأكد من أن لديك مساحة كافية للحركة وفتح الأبواب والأدراج.
جزيرة المطبخ يمكن أن يكون لها وظيفة إضافية كمنطقة خدمة، سطح كاونتر أو مقسم غرفة.

 

[ســتارز]

بالنسبة لى اشوف كل شى حلو بس فى مكانة الصح ومع الاضاءة يطلع شى والناس اذواق

مشكورة سارة صح الناس اذواق ومادامه ذوقي وصالتي توكلنا على الله :friends:

ربي يبارك لنا في بيوتنا ونسكن ونرتاح من هم العمارات واالشقق الايجار

تسلم الايادي وشكرا عالرابط رووووعة

 

[sara3]

مشكورة سارة صح الناس اذواق ومادامه ذوقي وصالتي توكلنا على الله :friends:

ربي يبارك لنا في بيوتنا ونسكن ونرتاح من هم العمارات واالشقق الايجار

تسلم الايادي وشكرا عالرابط رووووعة

العفو عزيزتى وسامحينى على التاخير وصج الرابط خووووووووووووووووش