منو جرب دورات التصوير في بيت لوذان

[اصدق معاذيري]

مررحبا


بغيت اسألكم

استاذ بهاء هذا وين ببيت اللوذان ؟؟؟

 

[ناديه]

نصيحة يابنات لاحد يسجل مع بهاء الدين تره مايلتزم بالمواعيد ويتاخر و كل يوم والثاني غايب حتى اخر محاظره قص علينا ماعطانا ياها واذا حظر ويبي يشرح نص الحصه مضيعها بالقرقه عن روحه وربع الحصه يشرح

 

[فديت قلبه]

نصيحة يابنات لاحد يسجل مع بهاء الدين تره مايلتزم بالمواعيد ويتاخر و كل يوم والثاني غايب حتى اخر محاظره قص علينا ماعطانا ياها واذا حظر ويبي يشرح نص الحصه مضيعها بالقرقه عن روحه وربع الحصه يشرح

:eh_s(12):

 

[East^Rose]

ناديه.. ومع انه على قولتج يقرق عن روحه وربعه إلأا انه بالنهايه يوصل المعلومه الصح بشكل سهل و صح
وهو الاحسن والاقدم على مستوى الكويت بالتصوير الفوتوغرافي وماخذ دورات ببريطانيا قد شعر راسج و فايز بمسابقات بالمراكز الاولى وايييد. وفوق هذا.. هذا يزات المسكين اللي يحاول يوصل لكم المعلومه بطريقه ممتعة. وعلى فكره كل قرقه يقرقها على قولتج في وراها عبره و معلومه توصل لج بمجال التصوير بس لازم تركزين شوي وتخلين الموبايل يولي..

وبالختام انصح الكل يتاسس على ايده و يدش دوراته ببيت لوذان او جامعة الكويت اذا كان يعطي دورات للحين هناك لأنه حتى بالطلعات العملي يخر معلومات

اسمه الكامل أ. بهاءالدين القزويني

واعرف ناس كبااار كبار حيل يعني مشيبين وما يتعدونه من دوره لي معرض لي تصوير عملي والله يوفق الجميع و اولهم انتي يا ناديه

 

[lakatat nour]

ودي اشكرك بيت لوذان وبالاخص الاستاذ الكبير بهاء الدين القزويني
لا استطيع ان افي حقه
استاذ بهاء مرح ويوصل المعلومة بطريقة سلسة
تانيا انا درست عندهم 3 مستويات التصوير ومستوى الاستديو
كنت من الاوائل ذلك بفضل الله ويعود الى الاستاذ القدير
حمدالله

 

[ms_5ajoola]

مشكووورين عالافادة بس بغيت اسأل الدورات بس تكون بعطلة الصيف ولا في دورات بعطلة نص السنة ؟؟

 

[East^Rose]

شوفي عمري طريقتهم عالدورات مو جدول معين لا انتي تبين دورة مبادئ مثلا تسجلين اسمج ورقمج و اسم الدوره اللي تبينها لما يوصل عدد الراغبين بالدوره مثلا 5 يدقون عليج ويقولون لج يلا بنبلش الدوره بالتاريخ الفلاني. والله يوفقج

 

[ناديه]

انا استغرب من بعض الحريم بالرد تتكلمين معاها بأدب ترد عليج بطريقة بايخه

 

[حقووقيــــــه]

بناااات
بدت الدووره ؟؟
ودي اسجل ...

 

[Mig.MiG]

بنات شنو في دورات الحين ؟؟ وددي اسجل

 

[أغاريد]

بنات عفيه تعرفون طريقه التسجيل ، والي عندها رقمهم تعطيني إياه بليييييز ، ضرووري

 

[أغاريد]

بنااات عفيه محد يدري متى موعد التسجيل ، أو شلونن الطريقه ، أبي رقمهم عفيه إلي عندها تفيدني !! ضرووووري بليييييز

 

[ريومة الحلوة]

صباح الورد ..

انا حاليا مسجله بالمركز الكويتي للتصوير الفوتوغرافي ..
الدورة بـ 70 و لمدة 3 اسابيع ..
يعطونا اساسيات التصوير
و اساسيات التصوير بالاستيديو
و اساسيات الفوتوشوب ..

و الدورة من 4 لي 6 يوم و ترك ..

و اذا صرتي بروفيشونال .. ( طبعا مو من الدوره هذي مالت الاساسيات لا في دورات عقبها )
يعطون شهاده معترف فيها من جمعية التصوير الامريكيه .. شهادة دبلوم

و الدورة تبلش 18-6-2011​