انا ولدي كمل 5 سنين لاحظنا عليه شغلات وايد بس كله فكرنا انه صغير وباجر يكبر
ليما حولته مركز سالم العلي ومنه حولني الطب التطوري وشخصوا ولدي تاخر عقلي عدم تركيز نسبة ذكاء 45% طبعا انصدمنا وما اقتعنا والاخص ريلي بالصدفة عرفت دكتورة عبير وشخصت حالة ولدي نفس الشي تاخر عقلي بسيط وصفت حمية مع اسماء مدارس خاصة لكن انا هالمرة مو مقتنعه بحثت اشكثر ولقيت انه ولدي فيه توحد او سمات توحد بس ماعرف المقياس واكدت لي مدرسة احتياجات خاصة واللي دكتورة عبير ماعرفت
والحين محوله اوراقة المجلس الاعلي وعندنا موعد شهر 8 والله كريم
تخيلوا ولدي الوحيد بعايلتي وعايلة ريلي فيه توحد يمكن لو اقولهم ما يعرفونه حتي اهلي يطالعون ولدي يضحكون علي حركاته عبالهم شغلات اهو يبدعها وصغير ويقولون حمدلله والشكر مو صاحي الله يعينج
الكل ما اروح الله يعينج طبعا انا لا تشوفوني اشلون اشد علي نفسي علشان ما ابجي:eh_s(11):
والحين خايفة علي اخوه الاصغر بكمل سنه وخايفة من الابرة اللي يقولون عنها ومادري شسوي؟؟؟؟؟؟
الحلو في ولدي واحمد ربي واشكره عليها انه يتكلم ويعرف ويفهم الصح من الغلط لكن البجي والصراخ والنشاط الزايد وفيه شغلات ثانية مثل يسوي حركات بويهه ويمثل ويكلم روحه اذا سرح ممكن انه يلفت النظر والحمدلله واتمني اني ما طولت عليكم وحابه افيد واستفيد منكم اكثر
