ديوانية شموسه ورينبو...الي ولادتها بالصيف تتفضل تقرق معانا

[شمس و قمر]

ام حمودي

اااااااااسفه بعد قلبي ان شالله اسوي تعديل للجدول بعد شوي

بس متى تاريخ ولادتج؟!؟!

رينبو

اااااااااااخ الله يعينا على هالسؤال اتوقع هو الي يجيب اكتئاب الشهر التاسع

ماولدتي؟؟ متى بتولدين؟؟ ماصارت؟؟ فلانه ولدت؟؟

الله يعين الحين عاد صج وصلني الدور

لان كل الي كانوا حوامل قبلي ماشالله ولدوا

واخرهم اختي حامل قبلي بشهر امس امها بشرتنا انها ولدت بالسلامه وجابت بنوته ماشالله

مابقا بالعايله الحين وحده بالتاسع الا اناااااااااااااااااااا

 

[شمس و قمر]

هاااااااااااااااااااااااااااااااااااي بنوتات شخباركم

انا ولدي صار ريال و انتوا للحين ما ولدتوا << تبي تغثكم هههههههههه

الله يهون عليكم و يعينكم على ملاقة الاربعين

اهليييييييييييييييين:eh_s(8):

ننطر ولدج يتزوج عشان نولد خخخخخخخخخخ

هاي بطات
مراسلتكم من مستشفى العدان تعود من جدين
سوري ما اقدر ارد على وحده وحده
بس تسلمون وما قصرتو
اتوفع يطلعوني على الاحد او الاثنين
رينبو حدج راهيه 3 مريضات لهم حمام واحد صج كشخه عندكم
احنا عندا احم احم حمامين كرمكم الله للجناح كله
والله يابنات تلوع جب\ي من الحمامات لدرجه انه اموت من الحسره وااجلها لما خلاص بعدين اروح بعد شسوي يمكن هي الحمامات من عهد الفراعنه لام ماشفت مثل سيفونهم بحياتي عجيب غريب
ادري لوعت جبدكم بس شسوي اشكي الحل
الخبريه الثانيه
مامي
كلمتني اليوم من المانيا تخيلو احساس الام تقول لي وينج اقولها في البيت تقول لي لا انتي في الطبيب قالولي اخوانج مع ان محد قالها شوفو شلون صادتني
قلت لها ايه انا بالطبيب قامت تبجي وحالتها حاله وتحلف انها اذا لقت حجز راح تجي اهي تحلف وانا احلف اقولها والله انا بخير مو راضيه تصدقني
صكت التلفون واهي تبجي
عاد انا هني شصار بالسكر وصل مليون
بنات للقصه تكمله
فاصل اعلاني ونعود من جديد

:eh_s(11)::eh_s(11)::eh_s(16):

والله تاثرت حيييييييييييييل<<<<< عاد انا ابيها من الله:eh_s(11):

 

[ملاك هدية]

هلا وغلا بشموسه
وشك والا وش الشمس
شخبارج
انا نسيت نفسي واني تعبانه قاعده بس احاتي بنتي وامي
خليها على الله
سلامتج من الكحه واخذيلج قفشة عسل مع ماي دافي

 

[شمس و قمر]

:

eh_s(8):قوه بنات اشلونكم

انا ولدت بالسلامه بالموعد 7-7-2007 بمستشفى المواساة
ويبت بنوته اسم الله عليها أخت لنور و حور وان شاء الله بس ارتفع اشوي راح أقولكم قصتي لأني والده قيصريه وللحين تعبانه شوي

بس قلت امر عليكم لاني مشتاقتلكم وايد

والله يسهل عليكم اجمعين

:eh_s(8)::eh_s(8)::eh_s(8):​

:eh_s(8)::eh_s(8):

حمدلله على السلامه ومبروك البنوته

دونات ماقصرت بشرتنا

والله فقدناج يالبطه

 

[شمس و قمر]

ملوكه حبيبتي

خليها على الله وتوكلي عليه

بنتج مع ابوها الحمدلله يعني موبروحها

وأمج الله يعينها عاد قلب الام

وخصوصا انج اكبر وحده يعني اقرب عيالها لها وتحاتيج

الله يردها بالسلامه وتفرحون برجعة ابوج وهو بخير وعافيه يارب

 

[rainbow_brite]

هلا رينبو حبيبتي انشاءالله كثر ما أقدر بحاول اعتمد على نفسي ومن صج ما أحب الخدامه تجيس الياهل مو قصدي شي بس والله صرت أخاف من الخدم احس كلش ما أقدر أثق بأحد منهم .
وعلى سالفة الأربعين والله أنا ما أدري شفيني والله والله والله أمس قريت قصة د.شريفة والله بجيت انزين ليش ما أدري وأنا أسولف حق أمي عنها اليوم رديت بجيت انزين ليش ما أدري والله ان نفسيتي تعبانه وأحاتي هالياهل اللي ببطني وايد ما أدري ليش يمكن تجربتي الأولى مأثره علي والله ما أدري كل شي يصير مع اني والله أقرى على بطني كل يوم وما أخلي فرض وأقرى قرآن بس سبحان الله الخوف ماكل قلبي الله يعيني انشاءالله ونقوم كلنا بالسلامة ويروح هالخوف كله .
تدرين رينبو من صج يوم كانت جاكليت اتحاتي والله احاتي معاها جني انا اللي بولد مو اهي وفعلا كنت ابي أحد يطمني عنها مع اني ما اعرفها بس بالدوانيه وألحين أحاتي TooToo وايد احس اخترع لما ادري ان في احد قربت ولادته والله ما ادري ليش بس والله دايما أدعي الله يمسح على قلبي ويرزقني الولاده السهله وياكم انشاءالله .

وي نونيا مو زين جذي توكلي على الله ولا تسوين بعمرج جذي امبييييه حدنا مسويلج رعب بالديوانيه وصج سالفة شروف اتعور القلب خاصه ان ولادتها الاولى كانت طبيعيه بس عشان خاطر نور تهون العمليه الظاهر انتي متاثره بتجربتج الاولى بس خليها على الله وان شا الله تقومين بالسلامه وانا بصراحه اذا بجر مو والده افضل انها ما تقرا ولادات غيرها عشان ما تخافين الحامل بالشهر التاسع وايد اتصير حساسه كل شي يخوفها وان شا الله ما كو الا الخير

 

[rainbow_brite]

اوشال
ترا كل الرياييل باول ياهل جذيه يتفلسفون لاتخلين الياهل عند الخدامة وجابلي عيالج بس من يصيرون ثلاثة و اربعه خلاص انسي بدل الخدامة ثنتين و ثلاث.

:eh_s(15)::eh_s(15)::eh_s(15):



كلامج مضبوط اميه بالاميه بعدين بنفسه ياخذ الياهل وينادي سوباااانياااااا




على فكره سوبانيا خدامتي هاهاهاها

 

[rainbow_brite]

رينبو
صاجة والله
احسن شي اللي يعطي العالم طاف
بس هم تحتارين في ناس يقولون ييبي عيالج ورا بعض عشان يكبرون مع بعض و ترتاحين و ناس يقولون توه الياهل صغير ليش تحملين والله حيرة عشان جذي الوحدة تشوف ريلها و نفسها و شنو اللي يناسبها لان اهيا اللي بتحمل و اهيا اللي بتربى ....

اي والله الوحده اتشوف نفسها وظروفها وكيفها اتنسق مع ريلها ما ادري العالم ليش يشيلون همج وسبحان الله ما اتييبين الا اللي الله كاتبلج وحتى لو خططتي على فرق معين ساعات ما يضبط وكل شي بيد الله

 

[rainbow_brite]

الله يسلمج من الشر
اتصدقين فيه جم دكتور و جم سستر عجيبين ويريحون الاعصاب
بس المبنى اكل عليه الزمن وشرب
انا عندي ياطويلت العمر اختين وحده اصغر مني ب 3 سنين ومسافر مع زوجها والثانيه عمرها 11 سنه ومسافره مع امي وابوي المانيا بس الشباب الموجودين بالبيت وللعلم ترى انا الجر اكبر وحده بالبيت بس على قولت امي اكثر وحده متدلعه


امي بعدعمري متنتفه بيني وبين ابوي تصدقين اليوم اللي سافرو فيه كانت بتلغي السفره والسبه اني كنت تعبانه

ابوي سوى عمليه اولى ناجحه بس عنده الحين منظار والله كريم انشالله

وبالنسبه للفاصل الاعلاني ترا mbc2مو احسن مني هم انا اطول بالدعايات

واي الحاله كسيفه




الله يعين امج ويرد الوالد بالسلامه



وان شا الله يطلعونج وانتي اذا طلعتي التزمي ببرنامج الاكل عشان ما يرتفع السكر وما تضطرين ترجعين

 

[rainbow_brite]

تدرون شنو الغريب
شوفو برتني حامل ولابسه كعب ولابعد شايله الجاهل
ماكو مشاكل
لو احنا جان قامت قيامتج ليش لابسه الكعب ماتخافين من النزيف طيب ظهرج مايعورج من شيلت الجاهل؟؟؟؟؟
لو اهي عندنا جان طقوها عين من زمان

لووووووووووووووووووووووووووووووووووووووول




عاد ودج انصكها عين بالديوانيه

 

[rainbow_brite]

الديوانيه منوره اليوم بردودج يا شموس :eh_s(9):



وسلامات ما تشوفين شر بس ديري بالج من الكحه القويه بالتاسع لانج مع الكح يتشقق البطن وتزيد الخطوط لازم ادهنين بطنج :eh_s(15):




والظاهر التعب يوم راحت خدامتج بدا يطلع عليج الحين وانا حاسه فيج لان يهال صغار وحمال الله يعينج :eh_s(16):



وشموس ترا الروحه حق بيت الوالده راح اتشوفينها تقل :eh_s(11):انا قبل كل يوم عندهم بس لم خلودي دش الروضه صرت شوي التزم بنومته لان ابو الشباب عنده شوي قوانين صارمه اذا نامو عيالي بالليل مال يرضى اطلع :eh_s(13): عكس الاوادم ينومون عيالهم عشان يطلعون فتلقيني اقزرها تلفون ونت وتلفزيون



وين ايام اول كل يوم عند امي وخواتي راحت علينا انا حتى اقترحت على ريلي ان انييب خدامه ثانيه ما رضى وبقوه :eh_s(14): الله كريم




وحمد الله على سلامة اختج مبروك ما ياكم والفال لج ولنا بالسلامه يا رب :eh_s(9):




شموس ودج عاد بعدين الاوادم يهونون عني ومحد يسالني متى بتولدين عاد تلقيني بنفسي احن على عمري متى اوووووووولد :eh_s(3):

 

[كاشونه الاصليه]

بنات اشلونكم اشرابكم منو احسن المواساه والاالسلام اليديد

 

[Cute Kitty]

هلا بنات شلونكم ؟

اعذروني اليوم يمكن ما افضى ارد عليكم اخوي عندي وماخذ اللاب توب مني
توه تركه شوي جان ايي ركض اسلم عليكم واقرا ردودكم على السريع

يلا اشوفكم بعدين ان شاء الله سلام

 

[makeup story]

قوة بناااات جميعاااا شلونكم شخباركم

شلوون الثق معاكم يالله منو عليهاا الدوور لا تعطلوون المرور لوووول انا خلااااص استغفر الله عظامي تبطلت واييني ساعات عوار خفيف ويرووح مايندرى ليكوون طلق المهم والبيبي تعدلت وضعيته الحمدالله والله يسهل علينااا اجمعيين يارب

 

[rainbow_brite]

هلا والله ازقرتيه الحمد الله طمنتينا على وضع البيبي الله يطمن قلبج والدور الحين على توتو باجر عمليتها الله يهون عليها ويقومها بالسلامه


وبعدين دورنا عاد شوفي منو تولد قبل الثانيه اغلبنا تواسع الله يسهل علينا انا الحين كملت نص شهري تقريبا




الله يهون عالجميع

 

[rainbow_brite]

بنات انا اليوم ولدي يكمل سنتين بس باجر بسويله حفله صغيرونه :eh_s(9):بس خواتي واليهال ومرة اخوي عاد اليوم رحت سيتي سنتر شريت العاب وزينه واغراض الحفله :eh_s(15):وامس رحت سويت الكيكه تخيلو موديه عيالي وقلت حق خلودي العود باجر عيد ميلاد حمودي وبنسويله كيكه على صورته قلت خل اجس النبض :eh_s(20):وي شسوا عصب :eh_s(14): وقالي لازم احط صورته لان اهو عيد ميلاده بعد علي كيفه المهم انا شفت ان احط صورتهم مع بعض مو حلوه جان اسويها على تلي تبيز :eh_s(9):عشان ارضي الطرفين شفتو الغيره شتسوي هذا بعد ما وصل البيبي :eh_s(3):

 

[nonia]

هلا رينبو حبيبتي اتصدقين صج الوحده لازم ما تقرى قصص بس من الفراغ أدور قصص الولاده دواره , والله كريم يهون علي وعليكم .

 

[nonia]

شمس حبيبتي ما تشوفين شر انشاءالله .


ازقرتيه الحمدالله ان البيبي تعدل .


الله يعينا والله صاجه أنا أحس ان مافيني حيل والمفروض أمشي بس حدي تعبانه وموعدي انشاءالله الاثنين , الله يحنن قلبها وتولدني لأني والله تعبانه وأبي أولد ونفسيتي زفت :eh_s(16):

 

[rainbow_brite]

نونيا شفتي الموضوع اللي حطته الفنانه عن فصلات الولاده والله استانست لم قريت ردود البنات احس شوي ترد الروح يبيلنا جذي مواضيع

 

[nonia]

كـــــــــــــــل عــــــــــــــام وحمـــــــــــــــــــودي بخيــــــــــــــــــر

الغاليه رينبو

كـــــــــــــــل عــــــــــــــام وحمـــــــــــــــــــودي بخيــــــــــــــــــر

وانشاءالله تفرحين فيه واهو معرس والسنه اليايه تسوين عيد ميلاده مع البيبي اليديد باذن الله , الله يخليلج عيالج ويبارك فيهم يا رب .