شنو صقة الفازلين مع الميك اب؟

[hellokitty3307]

هاي كيفكون يا احلى صبايا

قبل فترة كنت اقرى موضوع عن ميك اب وحدة من العضوات وكانت تتحجى عن الآيشدو بس قالت انها بتجرب الفازلين ..

مادري ليش ما سئلتها حزتها والحين مادري وين راح موضوعها ..

شقصة الفازلين يعني مع شنو استخدمه في الميك اب؟؟ أحسه يلصق في الويه والعين!

ياريت اللي مجربة تقول لنا وتفيدنا​

 

[Simply Simple]

انا احبه قبل الحمره احط فازلين عشان ماتتشقق شفايفي وامسح فيه اعدل مكياجي اذا في غلطات وبس

 

[زبــــــــدة]

اممممممممم

يمكن قصدج لمعة الفازلين ...

او تدهنين ويهج قبل الفاونديشن بشويية فازلين انا كنت اسوي جي قبل لما كان ويهي نااااشف ويتقشر...

جذي بس يحطونه مع المكياج مادري ويع شلون..؟؟؟

 

[Un-6be3iya]

اذا حطيتي طبقة خفيفة فازلين قبل لا ترسمين عينج يثبت الشادوو ،،
بس ما انصح فيه الا مع الشادو المائي لان مع البودرة العادي يصير شكله كلش مو حلو

 

[نـ(المطيري)ـازكـ]

يالغالية اتوقع لمعه الفازلين تشترينها من اي ماركة ..

او تقصد تحطين فازلين قبل المكياج << هالشي انا ما احبة لان يخلي الوية وااااايد يدبق

 

[عبق الزهره]

السلام عليكم بنات عفيه واللي ترد علي عسى ربي ينور طريجها بالنوير وعسى ربي ما تشوف غير الخير وين ممكن الاقي كريم مرطب ماركه st.ives واهو لجميع انواع البشره (all skin types) واكو فيه كولاجين ويين ممكن الاقيه

 

[Q8stylle]

up up

 

[نــوي]

حبيبتي الفازلين لما تدمجينه مع الاي شادو يطلع لونه قوي مثل الحمره

 

[عبق الزهره]

السلام بنات وابي اعرف جم حقه

 

[قدساويه!!]

الفازلين العادي يعطي لمعه خفيفه
واذا تقصدين لمعه الفازلين للوجنتين ما عجبنتي وايد

 

[@سيدة نفسي@]

السلام عليكم بنات عفيه واللي ترد علي عسى ربي ينور طريجها بالنوير وعسى ربي ما تشوف غير الخير وين ممكن الاقي كريم مرطب ماركه st.ives واهو لجميع انواع البشره (all skin types) واكو فيه كولاجين ويين ممكن الاقيه

حبيبتي تحصلينه بأغلب الجمعيات التعاونية وهم الحين منزلين منه body wash

 

[رويال ديزاين]

يمكن قصدها لمة الفازلين الدبقه ما حبيتها

 

[hellokitty3307]

إيييييييييييييييييييييي عليكم نوووووووووووور

لمعة الفازلين

هالشي مافهمته الصراحة .. كنت بستفسر عنه .. شسالفته ؟؟ ما يدش العقل ان استخدم شدو مع فازلين .. او في شي يسمونه لمعة الفازلين ؟ شسالفة هههههههههههه

 

[OM-A6YAB]

up

up

up

 

[زبــــــــدة]

انا ماجربت الفازلين مع الشدوو انا احط ماي مع الشدو عشان يصير واضح...

ولمعة الفازلين تنحط عالخدود تعطي لمعه جنها ماااي

 

[bestchoise]

انا احط ايسونا قبل الميك اب

خفيف وتمتصه البشرة بسرعة

 

[ام مذكر]

الفازلين العادي اللي الكل يعرفه في ناس تخلطه مع الشدو بس ليش هالعفسه الله لايهينكم روحو عروس البحر ولا شارمل واخذو شدو بي ناي مافي اوضح منه أما لمعة الفازلين فهي شي يديد ينحط على الوجنات بعد ماتحطين الكريم والبودره عشان يعطي ويهج نضاره وانتي حاطه ميك اب